ပြည်ထောင်စုနယ်မြေ၊ နေပြည်တော်အတွင်း ဆီကြိတ်ခွဲထုတ်လုပ်မှုများတွင် မြေပဲဆံ (ဆီဆံ)ရရှိမှု အားဒေသတွင်းမှပင် ရရှိနေဆဲဖြစ်ပါသည်။ ဒေသတွင်းဆီထွက်သီးနှံ စိုက်ပျိုးထားရှိ မှု များတွင်လည်း ဇူလိုင်လကုန်ခန့်တွင် မြေပဲထွက်ရှိလာမည်ဖြစ်ပြီး၊ ဇေယျာသီရိနှင့် လယ်ဝေး မြို့နယ်တို့တွင် နှမ်းစိုက်ခင်းများ အပွင့်တုန်းအနေအထားကို တွေ့ရှိလာရသဖြင့် ဆီကြိတ်ခွဲရန် ကုန်ကြမ်းခက်ခဲမှု မရှိနိုင်ပါ။ ဒေသတွင်းဈေး ကွက်များသို့ မန္တလေးနှင့် မကွေးတိုင်းတို့မှ မြေပဲဆီ ဝင်ရောက်မှု ရှိနေသည်ကိုတွေ့ရပါသည်။ ဒေသတွင်းဈေးကွက်များသို့ ဖြန့်ဖြူးရန် ပုံမှန်ကြိတ်ခွဲနေ မှုများကို တွေ့ရှိနေရပြီး၊ နဝလီ ကြိတ်ခွဲ ထုတ်လုပ်မှုများနည်းပါးခဲ့သည်ကို သိရှိရပါသည်။ ဆီ ဈေးနှုန်းဖြစ်ပေါ်မှုတွင် သုံးစွဲမှု အများဆုံးရှိနေသော မြေပဲဆီတွင် မြင့်တက်မှုရှိခဲ့ပြီး၊ နှမ်းဆီနှင့် နေကြာဆီတွင် ဈေးနှုန်းတည်ငြိမ်မှု ရှိနေပါသည်။ မြေပဲဆီ ဈေးနှုန်း(၁)ပိဿာ (၁၉၀၀၀)ကျပ်မှ (၂၀၀၀၀)ကျပ်အကြားတွင် ဈေးနှုန်း ဖြစ်ပေါ်နေပါသည်။
DOCA(နေပြည်တော်ကောင်စီ)