မွန်ပြည်နယ်အစိုးရအဖွဲ့၊ အရှေ့တောင်တိုင်းစစ်ဌာနချုပ်တို့၏ ကြီးကြပ်မှုဖြင့် မွန်ပြည်နယ် စားသုံးသူရေးရာဦးစီးဌာန၊ မွန်ပြည်နယ် ဆီကုန်သည်နှင့်ဆီလုပ်ငန်းရှင်များအသင်း၊ မွန်ပြည်နယ် ဆန်စက်လုပ်ငန်းရှင်များအသင်းတို့ ပူးပေါင်း၍ အများပြည်သူသို့ ဆန်နှင့် စားဆီများ၊ စားသောက်ကုန်များကို သက်သာသောဈေးနှုန်းဖြင့် ရောင်းချခြင်းကို ၉.၉.၂၀၂၂ ရက်နေ့နှင့် ၁၀.၉.၂၀၂၂ ရက်နေ့တို့တွင် ရောင်းချပေးသွားမည်ဟုသိရှိရပြီး ယနေ့ ၉.၉.၂၀၂၂ ရက်နေ့တွင် မော်လမြိုင်မြို့၊ သူနာပြုသင်တန်းကျောင်းဝင်းရှေ့၌ ရောင်းချခဲ့ကြောင်း သိရှိရသည်။
ထိုသို့ ရောင်းချပေးရာတွင် မွန်ပြည်နယ်ဆန်စက်လုပ်ငန်းရှင်များအသင်းမှ ဆန်များ၊ မွန်ပြည်နယ် ဆီကုန်သည်နှင့်ဆီလုပ်ငန်းရှင်များအသင်းမှ စားဆီများ၊ အရှေ့တောင်တိုင်းစစ်ဌာနချုပ်မှ တပ်မတော်ထုတ် သတ္တုအိုးများ၊ လင်ဗန်းများ၊ ဟင်းသီးဟင်းရွက်များ၊ ဆား ၊ အသား၊ ငါး၊ စည်သွပ်ဗူးများ၊ ကြက်ဥ၊ ခေါက်ဆွဲခြောက် စသည်တို့ကို ရောင်းချပေးခဲ့ကြောင်း သိရှိရပါသည်။
DOCA(မွန်)