ပုသိမ်ခရိုင်၊ ကန်ကြီးထောင့်မြို့နယ်၊ ရာသီစာ အသီးအနှံများကို စိုက်ပျိုးရောင်းချလျက်ရှိရာ မြို့မဈေးတွင် ဩဇာသီးနှင့် မာလကာသီးများ လှိုင်လှိုင်ရောင်းချလျက်ရှိပါသည်။ ဩဇာသီးပင်နှင့် မာလကာပင်တို့သည့် အသီးတင်သာမက အရွက်ရော အခေါက်ပါဆေးဖက်ဝင်သောအပင်ဖြစ်ပါသည်။ ၂၀၂၅ ခုနှစ်၊ စက်တင်ဘာလ ဒုတိယအပတ်တွင် ရောင်းချသော ဩဇာသီးဈေးနှုန်းမှာ အကြီး (၁) လုံးလျှင် (၅၀၀) ကျပ်နှင့် အလတ် (၁) လုံးလျှင် (၃၀၀) ကျပ်၊ အလုံးသေးများအား (၄) လုံး တစ်ထောင်ကျပ်ဖြင့် လည်းကောင်း၊ မာလကာသီး အကြီး (၁) လုံးလျှင် (၈၀၀) ကျပ်၊ (၂) လုံးလျှင် (၁၅၀၀) ကျပ်၊ အသေး (၁) လုံးလျှင် (၅၀၀) ကျပ်ဖြင့် ရောင်းချလျက်ရှိကြောင်း သိရှိရပါသည်။
DOCA (ဧရာဝတီ)