ကြံခင်းမြို့ရောက်လျှင် ထမင်းသုပ်သည် မဖြစ်မနေ စားသုံးကြသည့် ဒေသထွက်စားသောက် ကုန်တခုဖြစ်ပြီး မြို့မ ရပ်ကွက်တိုင်းတွင် ထမင်းသုပ်ဆိုင်များလည်းရှိကြပါသည်။ ဧရာဝတီတိုင်းဒေသ ကြီး၊ မြန်အောင်ခရိုင်၊ ကြံခင်းမြို့နယ်၊ အောင်ချမ်းသာလမ်း၊ ရွာသစ်ရပ်ကွက်တွင် ဒေသထုတ်ကုန် ဖြစ်သော “သန့်ဇင်” ထမင်းသုပ်လုပ်ငန်းအား ကြံခင်းမြို့နယ်တာဝန်ခံမှ (၁၅.၉.၂၀၂၅)ရက်နေ့ နံနက် (၀၉:၀၀)နာရီအချိန် တွင် ကွင်းဆင်းလေ့လာခဲ့ပါသည်။
ထိုသို့ကွင်းဆင်းခဲ့ရာတွင် ထုတ်ပိုးရောင်းချသည့် ကုန်စည်များတွင် ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြခြင်းရှိ/မရှိ စစ်ဆေးခဲ့ပြီး၊ ထုတ်လုပ်မှုအခြအနေ၊ အရောင်းအဝယ်ဖြစ်မှု အခြေ အနေများအား မေးမြန်းဆွေးနွေးခဲ့ပါသည်။ ၅ ရက်လျှင် တစ်ကြိမ် ထမင်းတစ်ပန်းကန်စာနှင့် အသင့်သုပ် စားနိုင်သော အသင့်စား ထမင်းသုပ် အထုပ်ငယ် ၁၀၀၀ ထုပ် ပုံမှန် ထုတ်လုပ်ဖြန့်ဖြူးလျက်ရှိပါသည်။ ထမင်းသုပ်တွင် ပါဝင်ပစ္စည်း (၆) မျိုးရှိပြီး ၎င်းတို့မှာ (၁) ပဲဆီသန့် ဆီချက်(၂) ငံပြာရည်(၃) ကုလားပဲ အကြက်မှုန့် (၄) ငရုတ်အကြမ်းကြော် (၅) ပုဇွန်ခြောက်မှုန့် (၆) ကြက်သွန်ဖြူကြော် တို့ဖြစ်ပါသည်။ တချို့ကလည်း ပုဇွန်ခြောက်မှုန့်အစား ငါးကျည်းခြောက်မှုန့်ကိုသုံးစွဲကြသည်ကို တွေ့ရပါသည်။ အထုပ် ၁၀၀၀ လျှင် လုပ်သားခ အပါအဝင် ကုန်ကျစရိတ် ၁၀ သိန်းဝန်းကျင် ကုန်ကျပြီး အကျိုးအမြတ် အနေဖြင့် ၂ သိန်းကျပ်ခန့် ရရှိပါသည်။ အသင့်စား စားစရာများ ထွန်းကာလာသည့်အခါ ကြံခင်းထမင်း သုပ်လုပ်ငန်းသည်လည်း ခေတ်နှင့် အညီ ပါဝင်ပစ္စည်းများကို အသင့်ထုတ်ပိုး၍ ထမင်းတစ်ခါပြင်စာ အတွက် Ready Made အထုပ်များ အဖြစ် ဈေးကွက်ဝင်ရောက်လာပြီး ယခုအခါ မြို့နယ်အနှံသို့ ဖြန့် ဖြူးရောက်ရှိလာသော နံမည်ကြီး ဒေသထွက်ကုန်တစ်ခုဖြစ်လာခဲ့ကြောင်း သတင်းရရှိပါသည်။
DOCA (ဧရာဝတီ)