အင်ဒိုနီးရှားနှင့် ခရိုအေးရှားနိုင်ငံတို့သည် ကုန်သွယ်မှုနဲ့ ရင်းနှီးမြှုပ်နှံမှုကဏ္ဍာများတွင် ပိုမို ပူးပေါင်းဆောင်ရွက်သွားရန်ကတိပြုခဲ့ကြ

         အင်ဒိုနီးရှားနိုင်ငံခြားရေးဝန်ကြီး Sugiono သည် ဂျကာတာတွင် ခရိုအေးရှားနိုင်ငံခြားရေးဝန်ကြီး Gordan Grlic Radman နှင့် နိုဝင်ဘာလ ၁၀ ရက်နေ့က တွေ့ဆုံခဲ့ပြီး နှစ်နိုင်ငံကြား ဆက်ဆံရေးခိုင်မာစေရန်အတွက် ဆွေးနွေးခဲ့ကြောင်း သိရသည်။ ဝန်ကြီးနှစ်ဦးစလုံးသည် ၂၀၂၄ ခုနှစ်တွင် အမေရိကန်ဒေါ်လာ ၁၄၄.၈ သန်းအထိ ကုန်သွယ်မှုမြှင့်တင်ရန် ၎င်းတို့၏ ကတိကဝတ် ကို ထပ်မံအတည်ပြုခဲ့သည်။ အဆိုပါကိန်းဂဏန်းသည် ပိုမိုနီးကပ်သော ပူးပေါင်းဆောင်ရွက်မှုနှင့် အင်ဒိုနီးရှား-ဥရောပ ဘက်စုံစီးပွားရေးပူးပေါင်းဆောင်ရွက်မှုသဘောတူညီချက် (I-EU CEPA) ကို လက်မှတ်ရေးထိုးခြင်းဖြင့် နှစ်ဆဖြစ်လာနိုင်သည်ဟု အကောင်းမြင်ကြောင်း ပြောကြားခဲ့သည်။ I-EU CEPA သဘောတူညီချက်သည် စွမ်းအင်၊ ဒစ်ဂျစ်တယ်စီးပွားရေးနှင့် ကုန်ထုတ်လုပ်မှုကဏ္ဍ များတွင် ပူးပေါင်းဆောင်ရွက်မှုအတွက် အခွင့်အလမ်းများဖွင့်ပေးနေစဉ်တွင် အင်ဒိုနီးရှား-ခရို အေးရှားကုန်သွယ်မှုကို ချဲ့ထွင်ခြင်းနှင့် ကွဲပြားမှုတို့ကို အထောက်အကူပြုလိမ့်မည်ဖြစ်ကြောင်း Sugiono က ပြောကြားခဲ့သည်။ စားနပ်ရိက္ခာဖူလုံရေး၊ စိုက်ပျိုးရေးနှင့် စက်မှုလုပ်ငန်း ကျဆင်းရေးတို့တွင် ရင်းနှီးမြှုပ်နှံမှု ပူးပေါင်းဆောင်ရွက်ရေး၊ ပညာရေး၊ လူမှု-ယဉ်ကျေးမှု ဖလှယ်ရေးနှင့် အလုပ်သမား ရွှေ့ပြောင်းရေးတို့တွင် ပူးပေါင်းဆောင်ရွက်ရေးတို့ကိုလည်း ဆွေးနွေးခဲ့ကြသည်။ အင်ဒိုနီးရှားနှင့် ခရိုအေးရှားနိုင်ငံတို့သည် သံတမန်ဆက်ဆံရေးကို ၁၉၉၂ ခုနှစ်တွင် စတင်ထူထောင်ခဲ့ကြောင်း သိရှိရပါသည်။

Source : Xinhua

DOCA(ရန်ကုန်)