ဆော်ဒီအာရေဗီယားနိုင်ငံသည် အလုပ်အကိုင် အခွင့်အလမ်းများဖန်တီးပေးပြီး ရေရှည်စီးပွားရေး တည်တံ့ခိုင်မြဲမှုရရှိရန် ဆော်ဒီအာရေဗီယားနိုင်ငံသည် ၎င်း၏ ဒုတိယအကြီးဆုံး စီးပွားရေးကဏ္ဍအဖြစ် ခရီးသွားလုပ်ငန်း ဖွံ့ဖြိုးတိုးတက်ရန် ရည်မှန်းထားကြောင်း နိုဝင်ဘာလ ၁၁ ရက်နေ့တွင် ပြောကြားခဲ့သည်။ ၂၆ ကြိမ်မြောက် ကုလသမဂ္ဂ ခရီးသွားလာရေး အထွေထွေညီလာခံအပြီး ဆင်ဟွာသို့ ပြောကြားရာတွင် Abdulhadi က ဆော်ဒီအစိုးရ၏ ခရီးသွားလုပ်ငန်းဆိုင်ရာ အခြေခံအဆောက်အအုံများတွင် အရေးပါသောရင်းနှီးမြှုပ်နှံမှုများကို အလေးပေးပြော ကြားခဲ့သည်။ ဆော်ဒီအာရေးဗီးယား နိုင်ငံတစ်ခုလုံးတွင် လေဆိပ် ၂၉ ခု၊ လမ်း ကီလိုမီတာ ၇၀,၀၀၀ ကျော်နဲ့ရထားလမ်းကွန်ရက်များ ဖွံ့ဖြိုးတိုးတက်လျက်ရှိကြောင်း ၎င်းက မှတ်ချက်ပြုခဲ့သည်။ ၎င်းက ဆော်ဒီအာရေးဗီးယားနှင့် တရုတ်နိုင်ငံတို့အကြား "ခိုင်မာပြီး နက်ရှိုင်းသော စီးပွားရေးဆက်ဆံမှု" ကို မှတ်ချက်ပြုခဲ့ပြီး ဆော်ဒီအာရေးဗီးယား၏ ခရီးသွားလုပ်ငန်း ဖွံ့ဖြိုးတိုးတက်မှုတွင် တရုတ်နိုင်ငံကို "အရေးကြီးသော မိတ်ဖက်" အဖြစ် မီးမောင်းထိုးပြခဲ့သည်။ "တရုတ်ကုမ္ပဏီ များသည် ၎င်းတို့၏ ကျွမ်းကျင်မှုနှင့် နည်းပညာများဖြင့် ဆော်ဒီအာရေဗီယားတွင် ဖွံ့ဖြိုးတိုးတက် မှုကို မောင်းနှင်ရာတွင် အရေးပါသော အခန်းကဏ္ဍမှပါဝင်ခဲ့ပြီး ဤပူးပေါင်းဆောင်ရွက်မှုသည် နောင်နှစ်ပေါင်းများစွာ ဆက်လက် တည်ရှိနေလိမ့်မည်" ဟု ၎င်းက ပြောကြားခဲ့သည်။ တရုတ်နိုင်ငံသို့ မကြာသေးမီက သွားရောက်လည်ပတ်ခဲ့သည့် Abdulhadi သည် တရုတ်ယဉ်ကျေးမှု၏ နက်ရှိုင်းမှုနှင့် တက်ကြွမှုကို ချီးကျူးကြောင်း ပြောကြားခဲ့သည်။ ဆော်ဒီအာရေးဗီးယားနိုင်ငံအား လာရောက်လည်ပတ်သော တရုတ်ဧည့်သည်များအား အထူးတလည် ကြိုဆိုမည်ဖြစ်ပြီး ၎င်းတို့၏ ယဉ်ကျေးမှုကြွယ်ဝမှုနှင့် ထူးခြားမှုများကြောင့် အလွန်နှစ်သက်ကြမည်ဟု ၎င်းက ပြောကြားခဲ့ကြောင်း သိရှိရပါသည်။
Source: Xinhua
DOCA (ရန်ကုန်)