၂၀၂၅ ခုနှစ်၊ ရာသီစာဖြစ်သည့် ကရင်ပြည်နယ်ဒေသထွက် ဒန့်သလွန်သီးကို ဘားအံမြို့ အနီးတစ်ဝိုက်ရှိကျေးရွာများမှ ဘားအံမြို့ပေါ်ဈေးများ သို့ လာရောက်ရောင်းချကြပါသည်။ ဒေသခံတောင်သူများသည် ဒန့်သလွန်သီးပင်များကို အပိုဝင်ငွေရရှိရန်အတွက် မိမိတို့၏ အိမ်ခြံဝင်းအတွင်း တစ်နိုင်တစ်ပိုင်စိုက်ပျိုးကြပါသည်။
ဒန့်သလွန်းသီးကို ငါးရံ၊ငါးခြောက်၊ဘဲဥတို့နှင့်တွဲဖက်၍ချက်စားစား၊ ပဲကုလားဟင်း၊သီးစုံချဉ် ဟင်းချက်၍စားစား၊ ဒန့်သလွန်သီးတောင့်ကို ပြုတ်ပြီး(သို့မဟုတ်)မီးကင်ပြီး အတွင်းသားကို ဇွန်းဖြင့်ခြစ်ကာ ကြော်စားစား အမျိုးမျိုးချက်ပြုတ်စားသုံးခြင်းဖြင့် ထမင်းမြိန်စေသည်။
ဒန့်သလွန်သီးဈေးနှုန်းမှာဒန့်သလွန်သီးတစ်တောင့်(၁၀၀၀)ကျပ်၊ ဒန့်သလွန်သီးသုံးတောင့် တစ်စည်းလျှင်(၂၅၀၀)ကျပ်နှင့် ဒန့်သလွန်သီး ငါးတောင့်တစ်စည်းလျှင် (၄၅၀၀)ကျပ် တို့ဖြင့် အရောင်အဝယ်ဖြစ်လျက်ရှိကြောင်း သိရသည်။
DOCA(ကရင်)