ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ကျိုက်လတ်မြို့နယ် တာဝန်ခံနှင့် ဝန်ထမ်းများသည် ၂၀၂၂ခုနှစ်၊ နိုဝင်ဘာလ(၁၂)ရက်နေ့၊ နံနက်(၁၀:၀၀)နာရီအချိန်တွင် ချမ်းသာသုခ ပဲမုန့်လုပ်ငန်းမှ ထုတ်လုပ်သောကုန်ပစ္စည်းများ ဈေးကွက်အတွင်း ထုတ်ကုန်လုံခြုံစိတ်ချရမှုရှိစေရေးအတွက် ကွင်းဆင်းစိစစ်ခဲ့ပါသည်။
အဆိုပါချမ်းသာသုခအမည်ရှိ ပဲမုန့်လုပ်ငန်းမှထုတ်လုပ်သော မုန့်တွင်ပါဝင်ပစ္စည်းဖြစ်သည့် ဂျုံ၊ သကြား၊ ကုလားပဲခြမ်း၊ ရေသန့်၊ ဆား၊ ကြက်ဥ၊ ဟင်းရွက်ဆီများပါဝင်ပြီး တစ်နေ့ထုတ်လုပ်မှုအနေဖြင့် အထုပ်အရေအတွက် (၆၀မှ၁၀၀)အတွင်း ထုတ်လုပ်လျက်ရှိပါသည်။ မုန့်တစ်ထုပ်လျှင် (၅)ခု ပါရှိပြီး မုန့်တစ်ထုပ် (၅၀၀)ကျပ်နှုန်းဖြင့်ရောင်းချပြီး၊ လက္ကားဈေးနှုန်းအနေဖြင့် (၄၂၀)ကျပ်နှုန်း ရောင်းပေးပါသည်။ ထိုလုပ်ငန်းတွင် လုပ်သား(၁)ဦးသာရှိပြီး တစ်ဦးလျှင်တစ်နေ့(၄၀၀၀)ကျပ်နှုန်းပေးရပြီး တစ်နိုင်တစ်ပိုင် လုပ်ကိုင်သောလုပ်ငန်းဖြစ်ပြီး ဈေးကွက်အနေဖြင့် ဒေသတွင်းသာဖြန့်ဖြူးရောင်းချလျက်ရှိ ပါသည်။
ထိုနောက်မြို့နယ်တာဝန်ခံက ထုတ်လုပ်သောကုန်ပစ္စည်းနှင့် ပတ်သက်၍ စားသုံးသူကာကွယ်ရေး ဥပဒေပုဒ်မ (၄၁)၊ (၄၃)အရ ကုန်အညွှန်းဖော်ပြချက်များနှင့် မိမိတို့ထုတ်လုပ်သောကုန်စည်တွင် စားသုံးသူ စိတ်ကျေနပ်မှုရှိစေရေး၊ အလုပ်ရုံအတွင်းသန့်ရှင်းသက်ရပ်မှုရှိစေရေး၊ ဈေးနှုန်းဈေးကွက် အခြေအနေများ မေးမြန်းဆွေးနွေးခဲ့ကြောင်းသတင်းရရှိပါသည်။
DOCA(ဧရာဝတီ)