တောင်ငူမြို့ရှိ ဈေးများတွင် ရောင်းချလျက်ရှိသော ဟင်းသီးဟင်းရွက်များနှင့်အသီးအနှံများ အနက် ဆေးဖက်ဝင်၍ လူကြိုက်များသော ကျောက်ဖရုံသီးများကို ရာသီမရွေးရောင်းချလျက်ရှိနေသည် ကို တွေ့မြင်ရသည်။
ကျောက်ဖရုံသီးကို ဟင်းချိုချက်စားခြင်း၊ အသားတစ်မျိုးမျိုးတို့ဖြင့်ရော၍ ချက်စားခြင်း၊ ယိုထိုး စားခြင်း၊ ကျောက်ဖရုံသီးကိုခြစ်၍ ဂျုံမှုန့်၊ သကြား၊ ဆန်မုန့်၊ အုန်းနို့ နှင့် နို့စိမ်းများဖြင့်ရော၍ မုန့်ပြုလုပ်ခြင်း ၊ပြုတ်၍ ငါးပိချက် / ငါးပိရည်များနှင့် တို့စရာအဖြင့် နှစ်သက်ရာ စားသုံးကြသည်။
ထို့ပြင် လူတို့၏ ကျန်းမာရေးဆိုင်ရာ ဆီးရောဂါနှင့်ပတ်သတ်လျှင် လူတိုင်းပြေးမြင်မိသည့် အသီးမှာ ကျောက်ဖရုံသီးပင်ဖြစ်ပေသည်။ ကျောက်ဖရုံသီးကို အလုံး အသေး ၊ အလတ် ၊ အကြီး အရွယ်အစားအလိုက် အသေး ၁ လုံးလျှင် ၁၂၀၀ ကျပ် မှ ၁၅၀၀ ကျပ်၊ အလတ် ၁ လုံးလျှင်၂၀၀၀ ကျပ် မှ ၂၅၀၀ ကျပ်၊ အကြီး ၁ လုံးလျှင် ၃၀၀၀ ကျပ်ထိပေးရပြီး ကျောက်ဖရုံးသီး ၁၀ လုံးနှင့်အထက် ဝယ်ယူပါက ဈေးနှုန်းအပြောင်းအလဲရှိပြီး အရောင်းအဝယ်မှာ ပုံမှန်ရောင်းရကြောင်း ရောင်းချသည့် ဈေးသည်များထံမှ သတင်းရရှိပါသည်။
DOCA(ပဲခူး)