တနင်္သာရီတိုင်းဒေသကြီးမှဒေသခံများသည် ပင်လယ်ပြင်သို့ ရှေးယခင်အခါများမှပင် လှေငယ် များဖြင့်ထွက်ကာ ပင်လယ်ပြင်မှ ငါး၊ ပုစွန်များကို ဖမ်းယူကာ မြို့ကြီးများပေါ်တွင် ပြန်လည်ရောင်း ချခြင်းများ၊ နေလှန်းကာ ငါးခြောက်၊ ပုစွန်ခြောက်များပြုလုပ်ခြင်း၊ မျှင်ကောင် (ဒေသအခေါ်) ဂွေး ကောင်လေးများအား ဖမ်းယူကာ မျှင်ငပိ(ခေါ်)ဂွေးငပိ ပြုလုပ်ကာ မြန်မာနိုင်ငံနေရာအနှံ့အပြားသို့ ဖြန့်ဖြူးရောင်းချလျက်ရှိပါသည်။
တနင်္သာရီတိုင်းဒေသကြီး၏ မြိတ်ငပိ(ခေါ်)ဘိတ်ငပိမှာ ငပိအရသာကောင်းသဖြင့် မြန်မာနိုင်ငံ အနှံ့အပြားတွင် မသိသူမရှိလောက်အောင် နာမည်ကျော်ကြားလျက်ရှိပါသည်။ တနင်္သာရီတိုင်းဒေသ ကြီးတွင် ငပိအား မြိတ်မြို့နှင့် ပင်လယ်ကျေးရွာများတွင် အဓိကထားလုပ်ကိုင်ကြပြီး ထားဝယ်မြို့နှင့် ကျေးရွာများတွင်လည်း လုပ်ကိုင်ကြပါသည်။ ငပိများအားဝယ်ယူ၍ ငရုတ်သီးစိမ်း၊ ကြက်သွန်ဖြူ၊ ပုစွန်ခြောက်များဖြင့်ရောစပ်ကာ စုံထောင်းအတွင်းထောင်းပြီး ငပိထောင်းအဖြစ် ရောင်းချခြင်းဖြင့် တစ်ဖက်တစ်လမ်းမှ ဝင်ငွေများလည်း ရရှိလျက်ရှိပါသည်။
ထားဝယ်မြို့ပေါ်ရှိ ဒီဇင်ဘာလအတွင်း ဖြစ်ပေါ်လျက်ရှိသော မျှင်ငပိ(ခေါ်)ဂွေးငပိစျေးနှုန်းမှာ တစ်ပိဿာလျှင် ရိုးရိုးတစ်ပိဿာလျှင်(၇၀၀၀)ကျပ်၊ ရှယ်တစ်ပိဿာလျှင်(၉၀၀၀)ကျပ်ဖြင့် ရောင်းချလျက်ရှိကြောင်း ထားဝယ်မြို့ပေါ်ရှိ ဒေသထွက် ရေထွက်ကုန်လက်ဆောင်ပစ္စည်းရောင်းချသည့် ဆိုင် များထံမှ သိရှိရပါသည်။
DOCA(တနင်္သာရီ)