မြင်းခြံမြို့နယ်ကုန်စည်ဒိုင်(MDCCI)အတွင်းရှိလယ်ယာထွက်ကုန်ပဲမျိုးစုံအရောင်းအဝယ်ဖြစ်ပေါ်လျက်ရှိရာပဲပုပ်သီးနှံများကိုလည်း အရောင်းအဝယ်ဖြစ်လျက်ရှိကြောင်းသိရှိရသည်။ ယခု၂၀၂၅ ခုနှစ်၊ ဒီဇင်ဘာလ၌ ပဲပုပ်သီးနှံတစ်တင်းလျှင် (၁၀၀၀၀၀)ကျပ်ခန့် ပေါက်ဈေးဖြင့် အရောင်း အဝယ်ဖြစ်လျက်ရှိကြောင်း သိရှိရသည်။ယခင်နိုဝင်ဘာလ၌ ပဲပုပ်သီးနှံတစ်တင်းလျှင် (၁၁၀၀၀၀) ကျပ်ခန့် ပေါက်ဈေးဖြင့် အရောင်းအဝယ်ဖြစ်ခဲ့ကြောင်း၊ ယခင်လနှင့် နှိုင်းယှဉ်ပါက ယခုလတွင် ပဲပုပ်တစ်တင်းလျှင် (၁၀၀၀၀)ကျပ် ခန့်ဈေးနှုန်းများကျဆင်းခဲ့ကြောင်း၊ မြင်းခြံမြို့နယ်၌ ပဲပုပ်စိုက်ပျိုးဧကနည်းကြောင်း၊ ၂၀၂၄-၂၀၂၅ ခုနှစ်တွင် မြင်းခြံမြို့နယ်၏ ပဲပုပ်စိုက်ဧက(၆၂၀၀) ဧကအနက် ဧကအားလုံးရိတ်သိမ်းခဲ့ပြီး၊ အထွက်နှုန်းအနေဖြင့် တစ်ဧကလျှင်(၁၂)တင်း ခန့်ထွက်ရှိခဲ့ကြောင်း၊ ထွက်ရှိသောပဲများကို ဒေသတွင်းစားသုံးကြသလို နွားထိုးကြီးမြို့၊ ညောင်းဦးမြို့နှင့် ကျောက်ပန်းတောင်းမြို့ များသို့အသီးသီး တင်ပို့ရောင်းချကြောင်း (MDCCI) အသင်းဝင်ပွဲရုံ လုပ်ငန်းလုပ်ကိုင်သူ၏ ပြောပြချက်အရ သိရှိရသည်။
DOCA(မန္တလေး)