ကယားပြည်နယ်၊ လွိုင်ကော်မြို့ သီရိမင်္ဂလာဈေးသည် ဈေးရောင်းသူ ဝယ်သူများနှင့် စည်းကားသိုက်မြိုက်လျက်ရှိပါသည်။ ပြည်နယ်အတွင်း စားသုံးကုန်/ လူသုံးကုန်များပစ္စည်း၊ စားဖိုဆောင်သီးနှံများကို အများအားဖြင့်အခြားမြို့ကြီးများမှတဆင့် ဝယ်ယူရောင်းချကြပါသည်။ စားဖိုဆောင်သီးနှံတစ်ခုဖြစ်သော ကြက်သွန်နီကိုဒေသတွင်း ၂၀၂၅ - ၂၀၂၆ ခုနှစ် ဘဏ္ဍာရေးနှစ် တွင်(ဆောင်း) ရာသီစိုက်ပျိုးဧက(၁၀၇၃)ဧကစိုက်ပျိုးထားပြီးဖြစ်၍ (ဆောင်း)ရာသီကြက်သွန်နီ ကို နေရာဒေသပေါ်မူတည်ပြီး အောက်တိုဘာ၊ နိုဝင်ဘာ၊ ဒီဇင်ဘာလများတွင် စိုက်ပျိုးထားပြီး ရိတ်သိမ်းဧကမရှိသေးကြောင်း စိုက်ပျိုးရေးဦးစီးဌာနထံမှမေးမြန်းသိရှိရပါသည်။ ဇန်နဝါရီလ ၂၉ ဈေးကွက်တွင် ဖြစ်ပေါ်နေသော ဈေးနှုန်းမှာ ကြက်သွန်နီ(မြစ်သား)ဥကြီး တစ်ပိဿာလျှင်ကျပ် ၅၀၀၀၊ (လတ်၊သေး) တစ်ပိဿာကျပ်(၄၅၀၀၊၄၅၀၀)ဖြင့် ရောင်းချနေကြောင်းတွေ့ရှိရသည်။ ဒေသ အတွင်းမှာစိုက်ပျိုးသော်လည်း ပြည်နယ်အတွင်းထွက်ရှိမှုသည် စားသုံးမှုဖူလုံမှု လိုအပ် သည်များရှိနေ၍ အခြားမြို့ကြီးများဖြစ်သော မန္တလေး၊ မိတ္ထီလာ၊ ဝမ်းတွင်းမြို့တို့မှ သယ်ယူ ရောင်းချလျက်ရှိပါသည်။ အရွယ်အစားအလိုက် အကြီး၊ အလတ်၊ အသေးပေါ်မူတည်၍ ဈေးနှုန်း ကွာခြားမှုများရှိပါသည်။ ဇန်နဝါရီလ စတုတ္ထပတ်တွင် ကြက်သွန်မြစ်သားဥ(ကြီး)တစ်ပိဿာ လျှင်ကျပ် (၄၀၀၀)ဖြစ်ပြီး ယခင်ပတ်ဈေးနှုန်းနှင့် ယခုဈေးနှုန်းနှိုင်းယှဉ်ကြည့်လျှင် ဈေးနှုန်းမှာ လည်းအနည်းတက်လျက်ရှိကြောင်း သိရှိရသည်။ ဈေးနှုန်းပြောင်းလဲသော်လည်း ဈေးရောင်းပါး ခြင်းမရှိဘဲ ရောင်းသူ ၊ ဝယ်များပုံမှန်လည်ပတ်လျက်ရှိကြောင်း စားဖိုဆောင်သီးနှံရောင်းချသူ တစ်ဦးထံမှ သိရှိရပါသည်။
DOCA(ကယား)