ပုသိမ်ခရိုင်၊ ပုသိမ်မြို့နယ်၊ စားသုံးသူရေးရာဦးစီးဌာနမှ ဦးစီးမှူး ဦးကိုကိုအောင်၊ မြို့နယ်အထွေ ထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့နှင့် FDA တို့ပူပေါင်းပြီး (၂၇.၁.၂၀၂၆) ရက်နေ့၊ နံနက် (၁၀:၀၀) နာရီအချိန်တွင် ပုသိမ်မြို့ပေါ်ရှိ အစားအသောက် နှင့် ဆေးဝါး ပစ္စည်းရောင်းချသည့် ဆိုင်များအား ဈေးကွက်စောင့်ကြည့်စစ်ဆေးခဲ့ပါသည်။
ထိုသို့ ကွင်းဆင်းစစ်ဆေးရာတွင် ဆေးဝါးဈေးနှုန်းအတက်အကျနှင့် ဆေးဝါးပြတ်လပ်မှု့ရှိ/မရှိ၊ သက်တမ်းကျော်လွန်သောဆေးများ၊ ဆေးပစ္စည်းအတုများ ရောင်းချခြင်းရှိ/မရှိ တို့အားစစ်ဆေးခြင်း၊ ဆေးများတွင် FDAထောက်ခံချက်ပါရှိခြင်း ရှိ/မရှိတို့အား စစ်ဆေးခြင်း၊ အစားအသောက်ရောင်းချသောမုန့်ဆိုင်များတွင် မုန့်များအားစစ်ဆေးခြင်း၊ ထိုဆိုင်များတွင်စံချိန်စံညွှန်းနှင့် ကိုက်ညီသော အစားအသောက်နှင့် ဆေးဝါးများကိုသာ ရောင်းချရန်ပြောကြားပြီး ဈေးကွက်စောင့်ကြည့်စစ်ဆေးခဲ့ကြောင်းသိ ရှိရပါသည်။
DOCA(ဧရာဝတီ)