စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံး၏ ကြီးကြပ်ကွပ် ကဲမှုအောက်ရှိ ဂန့်ဂေါခရိုင်ဦးစီးမှူးရုံးမှ ဂန့်ဂေါမြို့နယ်တာဝန်ခံ ဒု-ဦးစီးမှူး ဒေါ်ဇာဇာချိုဦးသည် (၃.၂.၂၀၂၆)ရက်နေ့၊ နံနက်(၀၉း၀၀)အချိန်တွင် ဂန့်ဂေါခရိုင် ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၊ လူထုအခြေပြု Commnity Centre ခန်းမ၌ စားသုံးသူပြည်သူများသိရှိစေရန် ကုန် အညွှန်းအမှတ်အသားဖော်ပြခြင်းနှင့်စပ်လျဉ်း၍ အသိပညာပေး Talk Show အစီအစဉ်ကို ပြုလုပ်ခဲ့ပါသည်။
အဆိုပါ Talk Show ဆွေးနွေးပွဲတွင် မြို့နယ်တာဝန်ခံက စားသုံးသူ ကာကွယ်ရေး ဥပဒေ (၂၀၁၉) တွင် ပြဌါန်းထားသော အခန်း(၁၈) ကုန်အညွှန်းအမှတ်အသား ဖော်ပြခြင်း နှင့်စပ်လျဉ်း၍ ပုဒ်မ ၄၁၊ ၄၂၊ ၄၃ အားလည်းကောင်း၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစား အလိုက် သတ်မှတ်ချက်များနှင့်အညီ သိသာထင်ရှားစွာ ဖော်ပြရမည်ဖြစ်ကြောင်း၊ ထုတ်လုပ်သည့် ကုန်စည်ပေါ်တွင် ကုန်စည်၏တံဆိပ်အမှတ်အသား၊ အမျိုး အမည်၊ အရွယ်အစား၊အရေအတွက်နှင့် အသားတင် ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံ နည်းလမ်း၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်၊ တင်သွင်းသူ/ ထုတ်လုပ်သူ၏ အမည်နှင့် လိပ်စာ၊ပြန်လည်ထုပ်ပိုးသည့်နေရာ၊ ပါဝင်ပစ္စည်း၊ ဓါတ်မတည့်ကြောင်း ဖော်ပြချက် နှင့်ကြိုတင် သတိပေးချက်၊ အစိုးရဌာနများက ဖော်ပြရန်သတ်မှတ်ထားသော အချက်အလက်များ စသည့်တို့ ပါဝင်ရမည်ဖြစ်ကြောင်း အသိပညာပေးရှင်းလင်းဆွေးနွေးခဲ့ကြောင်း သိရှိရပါသည်။
DOCA(မကွေး)