မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသတစ်ခုဖြစ်သော ကြောင့် သီးနှံမျိုးစုံစိုက်ပျိုးဖြစ်ထွန်းလျက်ရှိရာ ၄င်းသီးနှံများအနက် စျေးကွက်ဝယ်လိုအားရှိသော ငရုတ်သီးနှံကိုလည်း စီးပွားဖြစ်တိုးချဲ့စိုက်ပျိုးလာကြပါသည်။ ကျောက်ဆည်ခရိုင်အတွင်းတွင် ငရုတ် စိုက်ပျိုးမှုအနေဖြင့် ၂၀၂၆-၂၀၂၇ ဘဏ္ဍနှစ်၊မြစ်သားမြို့နယ်တွင်(၅၀)ဧကခရိုင်အတွင်း စုစုပေါင် (၅၃၂)ဧက စိုက်ပျိုးထားရှိကြောင်း သက်ဆိုင်ရာဌာန၏စာရင်းများ အရသိရှိရပါသည်။ အများဆုံး စိုက်ပျိုးသောမျိုးများမှာ သာမို၊ဒီမွန်နှင့်၆၉၂မျိုးများ ဖြစ်ပြီး အထွက်နှုန်းကောင်းသော ၆၉၂ မျိုးကို ပိုမိုစိုက်ပျိုးကြကြောင်း၊မိုးငရုတ်ကို မေလနှင့်ဇွန်လများတွင်စတင်စိုက်ပျိုးပြီး စက်တင်ဘာလနှင့် အောက်တိုဘာလများတွင် စတင်ထွက်ရှိမည်ဖြစ်ကြောင်း၊ ငရုတ်(၁)ဧက ကုန်ကျစရိတ်အနေဖြင့် မျိုး၊သွင်းအားစု၊လုပ်သားခအပါအဝင် စုစုပေါင်း (၁၅)သိန်းကျပ်ခန့် ကုန်ကျကြောင်း၊ အထွက်နှုန်း အနေဖြင့် ငရုတ်အခြောက်ပိဿာ(၃၅၀)ခန့်ထွက်ရှိ ကြောင်း၊ယခင်နှစ်စျေးနှုန်းအနေဖြင့် ငရုတ်သီး အညှာပါအခြောက်(၁)ပိဿာလျှင်(၁၃၀၀၀/-)ကျပ်၊ငရုတ်သီးအညှာခြွေ(၁)ပိဿာလျှင်(၂၁၀၀၀/-) ကျပ်စျေးနှုန်းများဖြင့်အရောင်းအဝယ်ဖြစ်ခဲ့ပြီး(၁)ဧက အကျိုးအမြတ်အနေဖြင့် သိန်း(၂၀) ဝန်းကျင်ခန့် မြတ်ကြောင်း၊ ဇွန်လဒုတိယပတ်စျေးနှုန်းအနေဖြင့် ငရုတ်သီးအညှာပါအခြောက် (၁)ပိဿာလျှင် (၁၄၅၀၀/-)ကျပ်၊ ငရုတ်သီးအညှာခြွေ(၁)ပိဿာလျှင်(၁၆၅၀၀/-) ကျပ်စျေးနှုန်းများဖြင့် ရောင်းဝယ် လျှက်ရှိကြောင်း ထွက်ပေါ်ချိန်တွင် ငရုတ်စိုက်တောင်သူများမှ ပွဲရုံများသို့တိုက်ရိုက် တင်ပို့ရောင်းချ ကြကြောင်း၊ ပွဲရုံများမှတဆင့် မန္တလေး၊ရန်ကုန်မြို့များသို့တင်ပို့ ရောင်းချလျှက်ရှိကြောင်း ပွဲရုံများမှ သိရှိရပါသည်။
DOCA(မန္တလေး)