ပြည်ခရိုင်၊ ပြည်မြို့ရှိဈေးကွက်များနှင့် ပွဲရုံများအတွင်းသို့ ကြက်သွန်ဖြူနှင့်အာလူးများကို ရှမ်းပြည်နယ်တောင်ကြီးဘက်မှ အဓိက ဝင်ရောက်မှုရှိသလို အခြားတိုင်းနှင့် ပြည်နယ်များမှ လည်းဝင်ရောက်လျှက်ရှိပါသည်။ တစ်ခါဝင်လျှင် သီးနှံ(၂)မျိုးပေါင်း အိတ် ၃၀၀ခန့်အဝင်ရှိပြီး တစ်အိတ်လျှင် ပိဿာ ၃၀ဝင်ဆံ့ကြောင်း သိရှိရပါသည်။ ဈေးနှုန်းအနေဖြင့် ကြက်သွန်ဖြူ (ရှမ်း)တစ်ပိဿာလျှင် အရွယ်အစားပေါ်မူတည်၍ (၁၅၀၀၀)ကျပ်၊ ကြက်သွန်ဖြူ (ကြူကုတ်) တစ်ပိဿာလျှင် (၁၅၀၀၀)ကျပ်ဖြင့် အရောင်းအဝယ်ဖြစ်လျှက်ရှိပါသည်။ အာလူးသီးနှံ အနေဖြင့် အရွယ်အစားနှင့် အရည်အသွေးပေါ်လိုက်၍ တစ်ပိဿာလျှင် ၄၀၀၀ကျပ်မှ ၆၀၀၀ကျပ်အထိ ဈေးဖြစ်လျှက်ရှိပါသည်။ ကြက်သွန်ဖြူ၊ အာလူးသီးနှံများအနေဖြင့် မိမိတို့ခရိုင် အတွင်း စိုက်ပျိုးထွက်ရှိမှုမရှိသည့်အတွက် အခြားတိုင်းဒေသကြီး/ပြည်နယ်များမှ ထွက်ရှိသော သီးနှံများ ဒေသတွင်း ဝင်ရောက်မှုအား ရောင်းချရခြင်းဖြစ်ပါသည်။ ဒေသတွင်းမှ လက်လီဝယ်ယူသူများ၊ လုပ်ငန်းရှင်များနှင့် အရောင်းအဝယ်ဖြစ်လျှက်ရှိပါသည်။
DOCA(ပဲခူး)