တောင်ငူမြို့နယ်၊ ညောင်ပင်လေးဈေးတွင် ရာသီချိန်အလိုက် နာနတ်သီးများရောင်းချလျက်ရှိရာ ပေါ်ဦးပေါ်ဖျားတွင် တစ်လုံးလျှင် (၁၃၀၀)ကျပ်မှ (၂၀၀၀)ကျပ်နှုန်းထိ အရောင်းအဝယ်ဖြစ်လျက်ရှိပါသည်။ နာနတ်သီးသည် အရည်ရွှမ်းပြီး အရသာရှိသည့်အသီးတစ်မျိုးဖြစ်၍ ကျန်းမာရေးအတွက် ကောင်းမွန်သောအကျိုးအာနိသင်များစွာပါဝင်ပါသည်။
နာနတ်သီးတွင် ဗီတာမင်စီ၊ ဖောလိတ်၊ သံဓာတ်၊ မဂ္ဂနီဆီယမ်၊ ကြေးနီနှင့် ဗီတာမင် B6 စသည့် အာဟာရဓာတ်များလည်း ကြွယ်ဝစွာပါဝင်ပါသည်။ နာနတ်သီးစားခြင်းဖြင့် ဗီတာမင်နှင့် သတ္တုဓာတ်များပြည့်ဝစွာရရှိခြင်း၊ အစာကြေညက်စေခြင်း၊ ရောင်ရမ်းခြင်းကိုသက်သာစေခြင်း၊ ကိုယ်ခံစွမ်းအားကောင်းစေခြင်း၊ အဆစ်ရောင်ခြင်းကိုသက်သာစေခြင်း၊ နလန်ထမြန်စေခြင်းနှင့် နှလုံးကျန်းမာရေးကိုကောင်းစေခြင်း စသည့်အကျိုးကျေးဇူးများရရှိပါသည်။
နာနတ်သီးသည် အရည်ရွှမ်းသောအသီးဖြစ်သောကြောင့် ယခုကဲ့သို့ ပူအိုက်သောရာသီတွင် အသီးအနေဖြင့်လည်းကောင်း၊ ဖျော်ရည်အနေဖြင့်လည်းကောင်း စားသုံးနိုင်ပါသည်။ ယခုရာသီတွင် နာနတ်သီးများအရောင်းသွက်လျက်ရှိကြောင်း သိရှိရပါသည်။
DOCA(ပဲခူး)