အောင်လံကုန်စည်ဒိုင်တွင် နှမ်းဈေးကွက်အနေဖြင့် ယခင်အပတ် (၂၉-၃-၂၀၂၃) ရက်နေ့တွင် နှမ်းနက်(စမုံ) (၄၅)ပိသာဝင်(၁)အိတ်လျှင် ကျပ်(၂၅၀၀၀၀)ဖြစ်ပြီး ယခုအပတ် (၄-၄-၂၀၂၃) ရက်နေ့တွင်လည်း ကျပ်(၂၅၀၀၀၀)၊ ယခင်အပတ်တွင် နှမ်းပြာ(၁)အိတ်လျှင် ကျပ်(၂၃၀၀၀၀)ဖြစ်ပြီး ယခုအပတ်၌လည်း ကျပ်(၂၃၀၀၀၀)၊ ယခင်အပတ်တွင် နှမ်းဖြူ(၁)အိတ်လျှင် ကျပ်(၂၆၀၀၀၀)ဖြစ်ပြီး ယခုအပတ်၌လည်း ကျပ်(၂၆၀၀၀၀)၊ ယခင်အပတ်တွင် နှမ်းနီ(၁)အိတ်လျှင် ကျပ်(၂၆၀၀၀၀)ဖြစ်ပြီး ယခုအပတ်၌လည်း ကျပ်(၂၆၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ (၄၅)ပိဿာဝင်အိတ်ဖြင့် နှမ်းနက်(စမုံ) (၉၀၀)အိတ်၊ နှမ်းပြာ(၁၅၀)အိတ်၊ နှမ်းဖြူ(၇၅)အိတ်နှင့် နှမ်းနီ(၁၀၀)အိတ်တို့ အရောင်းအဝယ်ရှိခဲ့ကြောင်း ကုန်သည်များထံမှ သိရှိရပါသည်။
ပဲမျိုးစုံဈေးကွက်တွင် ပဲစင်းငုံ(နီ)(၂၀)ပိဿာဝင်(၁)တင်းလျှင် ယခင်အပတ်တွင် ကျပ်(၇၅၅၀၀)ဖြစ်ပြီး ယခုအပတ်တွင်လည်း ကျပ်(၇၅၅၀၀)၊ ယခင်အပတ်တွင် မတ်ပဲ(၁)တင်းလျှင် ကျပ်(၆၄၅၀၀)ဖြစ်ပြီး ယခုအပတ်တွင်လည်း ကျပ်(၆၄၅၀၀)၊ ယခင်အပတ်တွင် ဘိုကိတ်ပြာ(၁)တင်းလျှင် ကျပ်(၄၄၀၀၀)ဖြစ်ပြီး ယခုအပတ်တွင်လည်း ကျပ်(၄၄၀၀၀)ဖြစ်၍ ဈေးနှုန်းပြောင်းလဲမှုမရှိကြောင်း၊ ယခင်အပတ်တွင် ကုလားပဲ(HL)(၁)တင်းလျှင် ကျပ်(၇၂၅၀၀)ဖြစ်ပြီး ယခုအပတ်တွင် ကျပ်(၇၁၀၀၀)ဖြစ်၍ ကျပ်(၁၅၀၀)ဈေးလျော့ခဲ့ကြောင်း၊ ယခင်အပတ်တွင် ကုလားပဲ (မြကြေး)(၁)တင်းလျှင် ကျပ်(၇၃၀၀၀)ဖြစ်ပြီး ယခုအပတ်တွင် ကျပ်(၇၁၅၀၀)ဖြစ်၍ ကျပ်(၁၅၀၀) စသည်ဖြင့် အသီးသီးဈေးလျော့ခဲ့ပါသည်။ ယခုအပတ်တွင် ပဲကြီး(၁)တင်းလျှင် ကျပ်(၈၀၀၀၀)ဖြစ်ပြီး ယခုအပတ်တွင် ကျပ်(၈၀၅၀၀)ဖြစ်၍ ကျပ်(၅၀၀)ဈေးမြင့်ခဲ့ပြီး (၃၀) ပိဿာဝင်အိတ်ဖြင့် ပဲစင်းငုံ(နီ) (၁၇၀၀)အိတ်၊ မတ်ပဲ(၁၂၀)အိတ်၊ ကုလားပဲ(HL) (၈၀၀)အိတ်၊ ကုလားပဲ (မြကြေး) (၆၅၀)အိတ်၊ ဘိုကိတ်ပြာ(၁၀၀)အိတ်နှင့် ပဲကြီး (၃၈၀)အိတ်တို့ အရောင်းအဝယ်ရှိခဲ့ကြောင်း သိရှိရပါသည်။
မြေပဲလုံးဆံ(နီ)တစ်ပိဿာလျှင် ယခင်အပတ်တွင် ကျပ်(၇၁၀၀)ဖြစ်ပြီး ယခုအပတ်၌ ကျပ်(၇၁၅၀)ဖြစ်၍ ကျပ်(၅၀)ဈေးမြင့်ခဲ့ကြောင်း၊ ယခင်အပတ်တွင် မြေပဲလုံးဆံ(ဖြူ) တစ်ပိဿာလျှင် ကျပ်(၆၁၀၀)ဖြစ်ပြီး ယခုအပတ်တွင် ကျပ်(၆၁၅၀)ဖြစ်၍ ကျပ်(၅၀)စသည်ဖြင့် အသီးသီးဈေးမြင့်ခဲ့ပါသည်။ မြေပဲတောင့်အစို(၁)တင်းလျှင် ယခင်အပတ်တွင် ကျပ်(၂၄၀၀၀)ဖြစ်ပြီး ယခုအပတ်၌လည်း ကျပ်(၂၄၀၀၀)ဖြစ်၍ ဈေးနှုန်းပြောင်းလဲခြင်းမရှိဘဲ (၃၀)ပိဿာဝင်အိတ်ဖြင့် မြေပဲလုံးဆံ(နီ) (၂၅၀)အိတ်၊ မြေပဲလုံးဆံ(ဖြူ) (၃၆၀)အိတ်နှင့် မြေပဲတောင့်အစို (၄၃၀၀)တင်းအရောင်း အဝယ်ရှိခဲ့ကြောင်း သိရှိခဲ့ရပါသည်။
ယခင်အပတ်တွင် ဝါသီးနှံဈေး(၁)ပိဿာလျှင် ကျပ်(၂၉၀၀)ဖြစ်ပြီး ယခုအပတ်တွင် ကျပ်(၃၀၀၀)ဖြစ်၍ ကျပ်(၁၀၀)ဈေးမြင့်ခဲ့ပြီး ဝါပိဿာချိန်(၁၈၀၀၀)ပိဿာခန့်အရောင်းအဝယ်ရှိခဲ့ပါသည်။ ဘိုကိတ်ပြာ၊ ပဲစင်းငုံ(နီ)၊ ကုလားပဲ(မြကြေး)နှင့် ကုလားပဲ(HL)တို့အား ရန်ကုန်မြို့သို့ တင်ပို့ရောင်းချနေရပြီး ဝါသီးနှံ၊ ပဲကြီး၊ မြေပဲလုံးဆံ(နီ)၊ မြေပဲလုံးဆံ(ဖြူ)၊ မြေပဲတောင့်(အစို)နှင့် မတ်ပဲ စသည့်သီးနှံတို့ကို မန္တလေးမြို့သို့ တင်ပို့ရောင်းချခြင်းနှင့် မြေပဲလုံးဆံ(နီ)၊ မြေပဲလုံးဆံ(ဖြူ)နှင့် ကုလားပဲ စသည့်သီးနှံတချို့ကိုလည်း အောင်လံမြို့အတွင်း ပဲကြော်လုပ်ငန်းရှင်များနှင့် ကုလားပဲခြမ်းစက်ရုံများသို့ တင်ပို့ရောင်းချလျက်ရှိပါကြောင်း အောင်လံကုန်စည်ဒိုင်မှ သိရှိရပါသည်။
DOCA(မကွေး)