(၂၀၂၂-၂၀၂၃)ခု ဘဏ္ဍာနှစ်တွင် ပြည်ခရိုင်အတွင်းရှိ မြို့နယ်များအနေဖြင့် ကုလားပဲသီးနှံ စိုက်ပျိုးထွက်ရှိမှု အခြေအနေမှာ ပြည်မြို့နယ်တွင် (၃၀၆) ဧက စိုက်ပျိုးထားရှိ၍ (၁၃၇)ဧက ရိတ်သိမ်းပြီးဖြစ်ကာ တင်း(၂၀၀၀)ကျော် ထွက်ရှိပြီး အထွက်နှုန်းအနေဖြင့် (၁၄.၆၅)တင်း ထွက်ရှိကြောင်း၊ ပန်းတောင်းမြို့နယ်တွင် (၉၆၀၆)ဧက စိုက်ပျိုးနိုင်ခဲ့ပြီး (၂၃၁၆) ဧက ရိတ်သိမ်းပြီး ဖြစ်ကာ တင်းပေါင်း (၃၃၀၀၀)ကျော်ထွက်ရှိပြီး အထွက်နှုန်းအနေဖြင့် (၁၄.၅၆) တင်း ထွက်ရှိကြောင်း၊ ရွှေတောင်မြို့နယ်တွင် (၂၄၂)ဧက စိုက်ပျိုးထားရှိပြီး (၇၈)ဧက ရိတ်သိမ်း၍ တင်း(၁၀၀၀)ကျော် ထွက်ရှိခဲ့ကာ အထွက်နှုန်းအားဖြင့် (၁၄.၅၆)တင်းရှိကြောင်းနှင့် ပေါက်ခေါင်း မြို့နယ်တွင် (၆၇၃၈) ဧက စိုက်ပျိုးနိုင်ခဲ့ပြီး (၃၇၆၄)ဧက ရိတ်သိမ်း၍ တင်းပေါင်း (၅၀၀၀၀)ကျော် ထွက်ရှိခဲ့ကာ အထွက်နှုန်းအားဖြင့် (၁၄.၃၇)တင်းထွက်ရှိကြောင်း သိရှိရပါသည်။ ကုလားပဲသီးနှံကို ဖေဖော်ဝါရီလကုန်မှစ၍ စတင်ရိတ်သိမ်းထွက်ရှိနေပြီဖြစ်ရာ သီးနှံစတင်ထွက်ရှိချိန်တွင် (၁)တင်း လျှင် (၆၆၀၀၀)ကျပ်ဖြင့် စျေးစဖွင့်ခဲ့ပြီး ယခုနောက်ပိုင်းတွင် ကုလားပဲ အရည်အသွေးကောင်းမွန်မှု သန့်စင်မှုအပေါ် မူတည်၍ ယခုတစ်ပတ်တွင် (၁)တင်းလျှင် (၇၂၀၀၀)ကျပ် စျေးရှိကြောင်း သိရှိရပါသည်။
DOCA(ပဲခူး)