မြန်မာလူမျိုးတို့သည် ဗုဒ္ဓဘာသာဝင်များ ဖြစ်ကြသည့်အတွက် ဘုရားပန်းများညှိုးနွမ်းပါက မသပ္ပာယ်၊ စိတ်တွင်မရွှင်လန်းဟု ထင်မှတ်၍ လဲလှယ်ကြပါသည်။ ယခုကဲ့သို့ ပူပြင်းသောရာသီတွင် ဒေသထွက် ဘုရားပန်းများမှာ ညှိုးနွမ်းလွယ်သည့်အတွက် တရုတ်နိုင်ငံနှင့် ထိုင်းနိုင်ငံတို့မှ ဝင်ရောက်လာသော ဘုရားပန်းများမှာ ရောင်းအားကောင်းလျက်ရှိပါသည်။
တရုတ်နိုင်ငံနှင့် ထိုင်းနိုင်ငံတို့မှ ဝင်ရောက်လာသော နှင်းချယ်ရီ၊ စိန်မှုန်နှင့် တရုတ်နှင်းဆီ ပန်းများမှာ သာမန်အပူချိန်တွင် တစ်နှစ်နီးပါးတာရှည်ခံကြောင်းသိရသည့်အတွက် ယခုကဲ့သို့ ပူပြင်းသောနွေရာသီတွင် ဘုရားပန်းလှူရန် အထူးသင့်တော်သည့် ပန်းများဖြစ်ပါသည်။
နှင်းချယ်ရီပန်း၊ စိန်မှုန်ပန်းနှင့် တရုတ်နှင်းဆီပန်း သုံးမျိုးလုံးမှာ ဘုရားပန်းအိုးတစ်အိုးစာလျှင် ၅၀၀၀ ကျပ်မှ ၆၀၀၀ ကျပ်ခန့်သာ ကုန်ကျပါသဖြင့် ရောင်းအားကောင်းလျက်ရှိကြောင်း သိရပါသည်။
DOCA(ပဲခူး)