HighLight News

         ပုသိမ်ခရိုင်၊ ပုသိမ်မြို့နယ်၊ စားသုံးသူရေးရာဦးစီးဌာနမှ ဒု-ခရိုင်ဦးစီးမှူးနှင့် ဝန်ထမ်းများသည် အမှတ်(၁) ရပ်ကွက်အတွင်းရှိ စားအုန်းဆီလက်လီရောင်းချသောဆိုင်များသို့သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။

           ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူပြည်သူများ ထင်သာမြင်သာရှိသောနေရာတွင် စားအုန်းဆီရောင်းဈေးပါရှိသော ဆိုင်းဘုတ်အား ချိတ်ဆွဲထားရန်၊ စားအုန်းဆီများအား သတ်မှတ်ရည်ညွှန်းဈေးဖြင့် သာရောင်းချရန်နှင့် အလေးချိန် အချိန်အတွယ် မှန်ကန်မှုစွာရောင်းချရန် ပြောကြားပြီး ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

           တိုင်းဦးစီးမှူးရုံးတွင်(GoldenUpstartColtd)စားအုန်းဆီရောင်းချသော လုပ်ငန်းရှင်များအား ဆီဈေးနှုန်းများ ဈေးနှုန်းမြှင့်တင်ရောင်းချမှု မရှိစေရန်ဟောပြောခဲ့ပြီး စားသုံးသူအခွင့်အရေးနှင့် စားသုံးသူ၏ အကျိုးစီးပွားကာကွယ်ရေး  ဆောင်ရွက်ချက်များအား တိုင်းဒေသကြီးဦးစီးမှူး ၊ညွှန်ကြားရေးမှူး ဦးဝင်းထွန်းမှ စားအုန်းဆီရောင်းချသော လုပ်ငန်းရှင်များအား စားသုံးသူ၏အခွင့်အရေးနှင့် တာဝန်များအကြောင်း အသိပညာပေး ဆောင်ရွက်လျက်ရှိရာ(၁၆.၇.၂၀၂၅)ရက်နေ့ဆီရောင်းချ သောလုပ်ငန်းရှင် များအားအသိပညာပေးဟောပြောခဲ့ကြောင်း သိရပါသည်။

        အဆိုပါဟောပြောပွဲတွင် စားသုံးသူကာကွယ်ရေး ဥပဒေကိုပြဌာန်းဆောင်ရွက်ခဲ့မှုအကြောင်း၊ စားသုံးသူကာကွယ်ရေး၏ အဓ္ဓီပါယ်၊စားသုံးသူပြည်သူများ ရပိုင်းခွင့်ရှိသောစားသုံးသူအခွင့်အရေး (၈) ချက်နှင့် စားသုံးသူ၏ တာဝန်များအကြောင်း၊ ထုတ်ကုန်လုံခြုံစိတ်ချရမှုဆိုင်ရာ ကိစ္စရပ်များဈေးကွက်စောင့်ကြည့်၊ ကုန်အညွှန်းအမှတ်အသားအကြောင်း၊ စီးပွားရေးလုပ်ငန်းရှင်၏ တာဝန်များအကြောင်းနှင့် ဆီဈေးနှုန်းများကို ဈေးနှုန်းများမြှင့်တင်ရောင်းချမှုမရှိစေရေး အထူးဟောပြောခဲ့ကြောင်း သိရှိရပါသည်။

DOCA(ဧရာဝတီ) 

          တိုင်းဦးစီးမှူးရုံးတွင် ဘိလပ်မြေရောင်းချသော လုပ်ငန်းရှင်များအား ဘိလပ်မြေဈေးနှုန်းများ ဈေးနှုန်းမြှင့်တင်ရောင်းချမှုမရှိစေရန် ဟောပြောခဲ့ပြီး စားသုံးသူအခွင့်အရေးနှင့် စားသုံးသူ၏ အကျိုးစီးပွားကာကွယ်ရေး ဆောင်ရွက်ချက်များအား တိုင်းဒေသကြီးဦးစီးမှူး၊ ညွှန်ကြားရေးမှူးဦးဝင်းထွန်းမှဘိလပ်မြေရောင်းချသောလုပ်ငန်းရှင်များအားစားသုံးသူ၏အခွင့်အရေးနှင့်တာဝန်များအကြောင်းအသိပညာပေးဆောင်ရွက်လျှက်ရှိရာ(၂၁.၇.၂၀၂၅)ရက်နေ့ဘိလပ်မြေရောင်းချသောလုပ်ငန်းရှင်များအားအသိပညာပေးဟောပြောခဲ့ကြောင်း သိရပါသည်။

        အဆိုပါဟောပြောပွဲတွင်စားသုံးသူကာကွယ်ရေးဥပဒေကိုပြဌာန်းဆောင်ရွက်ခဲ့မှုအကြောင်း၊ စားသုံးသူကာကွယ်ရေး၏ အဓိပ္ပာယ် စားသုံးသူပြည်သူများရပိုင်းခွင့်ရှိသောစားသုံးသူအခွင့်အရေး(၈)ချက်နှင့်စားသုံးသူ၏တာဝန်များအကြောင်း၊ ထုတ်ကုန်လုံခြုံစိတ်ချရမှုဆိုင်ရာ ကိစ္စရပ်များဈေးကွက်စောင့်ကြည့်၊ ကုန်အညွှန်းအမှတ်အသား

အကြောင်း၊ စီးပွားရေးလုပ်ငန်းရှင်၏တာဝန်များအကြောင်းနှင့် ဘိလပ်မြေဈေးနှုန်းများကို ဈေးနှုန်းများမြှင့်တင်ရောင်းချမှုမရှိစေရေး အထူးဟောပြောခဲ့ကြောင်း သိရှိရပါသည်။

DOCA(ဧရာဝတီ) 

         တိုင်းဦးစီးမှူးရုံးတွင် MOB ဘဏ်ဝန်ထမ်းများအား စားသုံးသူအခွင့်အရေးနှင့် စားသုံးသူ၏ အကျိုးစီးပွား ကာကွယ်ရေးဆောင်ရွက်ရန် လက်ထောက်ညွှန်ကြားရေးမှူး ဦးကျော်စိုးရီမှ MOB  ဘဏ်ဝန်ထမ်းများအား စားသုံးသူ၏အခွင့်အရေးနှင့် တာဝန်များအကြောင်း အသိပညာပေးဆောင်ရွက်လျက်ရှိရာ(၁၇.၇.၂၀၂၅)MOBဘဏ်ဝန်ထမ်းများအားအသိပညာပေး ဟောပြောဆောင်ရွက်ခဲ့ပါသည်။

        အဆိုပါဟောပြောပွဲတွင် စားသုံးသူကာကွယ်ရေး ဥပဒေကို ပြဌာန်းဆောင်ရွက်ခဲ့မှုအကြောင်း၊ စားသုံးသူကာကွယ်ရေး၏အဓ္ဓီပါယ်၊ စားသုံးသူပြည်သူများရပိုင်းခွင့်ရှိသောစားသုံးသူအခွင့်အရေး(၈)ချက်နှင့်စားသုံးသူ၏တာဝန်များအကြောင်း၊စားသုံးသူနစ်နာပါကတိုင်းကြားနိုင်ရန်(www.doca.gov.mm)တွင်ဖြစ်စေ၊စားသုံးသူရေးရာဦးစီးဌာန(FaceBook)တွင်ဖြစ်စေတိုင်ကြားနိုင်ခြင်း၊ConsumerCallCenter(1535)တွင် ဖြစ်စေ တိုင်ကြားနိုင်ကြောင်းအထူးဟောပြောခဲ့ကြောင်း သိရပါသည်။ 

(DOCA ဧရာဝတီ)

           စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးဥပဒေပါ အကြောင်းအရာများအား  စီးပွားရေးလုပ်ငန်းရှင်များအပါအဝင် အများပြည်သူတစ်ရပ်လုံး သိရှိလိုက်နာစေရေး နည်း လမ်းပေါင်းစုံဖြင့် အသိပညာပေးလျက်ရှိရာ ယခုလိုကျောင်းဖွင့်ရာသီ၌လည်း ကျောင်းသား/ ကျောင်းသူများ ကျောင်းပညာရေးအပြင် အခြားအသိပညာဗဟုသုတများ သိရှိစေရေးအတွက် (၃.၇.၂၀၂၅) ရက်နေ့၊ နံနက် ၀၉:၀၀ နာရီအချိန်တွင် ညောင်ဦးမြို့ရှိ အခြေခံပညာအထက်တန်းကျောင်း၌ ဆရာ/ ဆရာမများ၊ ကျောင်းသား/ ကျောင်းသူများနှင့် ကျောင်းသားမိဘများ၊ ကျောင်းမုန့်ဈေး ရောင်းချသူများအား စားသုံးသူကာကွယ်အကြောင်း အသိပညာပေးဟောပြောပွဲအား ကျင်းပပြုလုပ်ခဲ့ပါသည်။

            အဆိုပါအသိပညာပေး ဟောပြောပွဲတွင် စားသုံးသူရေးရာဦးစီးဌာန၊ ညောင်ဦးခရိုင်တာဝန်ခံ ဦးတင်မျိုးခိုင်(ဦးစီးအရာရှိ)က ကျောင်းသား/ ကျောင်းသူများအနေဖြင့် ကျောင်းစာများအပြင် အခြားပြင်ပ ဗဟုသုတများကိုလည်း သိရှိစေနိုင်ရေးအတွက် သက်ဆိုင်ရာဌာနများမှ ယခုလိုလာရောက် ဟောပြောဆွေးနွေးရခြင်းဖြစ်ပါကြောင်း၊ ဆက်လက်၍ စားသုံးသူကာကွယ်ရေးဥပဒေပါ စားသုံးသူ၏အခွင့်အရေးနှင့် တာဝန်များအကြောင်း၊ ကုန်စည်နှင့်ဝန်ဆောင်မှုများ သုံးစွဲခြင်းကြောင့်နစ်နာဆုံးရှုံးမှုများဖြစ်ပေါ်လာပါက အရေးဆိုတိုင်ကြားနိုင်သည့် အခြေအနေများ၊ ကုန်စည်နှင့်ဝန်ဆောင်မှုများကို ဝယ်ယူသုံးစွဲရာတွင် သေချာစွာစိစစ်ကြည့်ရှု့ဝယ်ယူရမည့် ကုန်အညွှန်းအမှတ်အသားများအကြောင်းနှင့် ကျောင်းသား/ ကျောင်းသူများအနေဖြင့် ငယ်ရွယ်သူများဖြစ်သည့်အတွက် ကျန်းမာရေးကို အထူးဂရုပြုရမည်ဖြစ်ပါကြောင်း၊ ကျန်းမာမှသာ မိမိတို့သည် ကျောင်းပညာများနှင့် အခြားပညာရပ်များကို သင်ယူတတ်မြောက်နိုင်မည်ဖြစ်သည့်အတွက် ကျန်းမာရေးနှင့်ညီညွတ်သော အစားအသောက်များကိုသာ စားသုံးကြရန်၊ အစားအစာများ၊ အသုံးအဆောင် ပစ္စည်းများကို ဝယ်ယူစား သောက်သုံးစွဲရာတွင် သက်ဆိုင်ရာဌာနများ၏ ထောက်ခံချက်ပါသော၊ ကုန်အညွှန်းအမှတ်အသားများပြည့်စုံစွာပါဝင်သော ကုန်စည်များကိုသာ ရွေးချယ်ဝယ်ယူကြရန်လိုအပ်ပါကြောင်း၊ နစ်နာဆုံးရှုံးမှုများဖြစ်ပေါ်လာလျှင် တိုင်ကြားနိုင်သည့် နည်းလမ်းများ၊ နေရာများနှင့် ဌာန၏ Call Center No.1535 သို့လည်း ရုံးချိန်အတွင်း ဆက်သွယ်မေးမြန်းခြင်း၊ နစ်နာဆုံးရှုံးမှုများအား တိုင်ကြားနိုင်ပါကြောင်း စသည်ဖြင့် အသိပညာဟောပြောဆွေးနွေးခဲ့ရာ ဟောပြောပွဲသို့ ကျောင်းသားမိဘ(၇၀)ဦး၊ ဆရာ/ဆရာမ(၇)ဦးနှင့် ကျောင်းသား/ ကျောင်းသူ(၄၅)ဦးတက်ရောက်ခဲ့ကြောင်း သိရှိရပါသည်။

DOCA(မန္တလေး)