HighLight News

        ၁၂-၁၀-၂၀၂၄ ရက်နေ့၊ နံနက်(၁ဝး၀၀)နာရီချိန်တွင် မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးသည် ပေါင်မြို့နယ်၊ အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ စားသုံးသူရေးရာဦးစီးဌာနနှင့် မွန်ပြည်နယ်ဆန်စက်လုပ်ငန်းရှင်များအသင်းတို့ ပူးပေါင်းကျင်းပသော “မွန်ပြည်နယ်အတွင်း ဆန်စပါးဈေးနှုန်းတည်ငြိမ်စေရေးအတွက် စပါးပွဲစားများအား ဒေသတွင်းစပါးဝယ်ယူခွင့်လက်မှတ်များပြုလုပ်ပေးနိုင်ရေးကိစ္စနှင့်စပ်လျဉ်းသော တွေ့ဆုံဆွေးနွေးခြင်းအခမ်းအနား” သို့တက်ရောက်ခဲ့ပါသည်။ အဆိုပါအခမ်းအနားသို့ စားသုံးသူရေးရာဦးစီးဌာန၊ ပြည်နယ်ဦးစီးမှူးနှင့် ဝန်ထမ်းများ၊ အထွေထွေအုပ်ချုပ်ရေးဦးစီးဌာန၊ ပေါင်မြို့နယ်ဦးစီးမှူးနှင့် ဝန်ထမ်းများ၊ ရပ်ကွက်အုပ်ချုပ်ရေးမှူးများ၊ သထုံခရိုင်အတွင်းမှ ဆန်စက်လုပ်ငန်းရှင်၊ ဆန်ကုန်သည်၊ တောင်သူများ၊ ပွဲစားများတက်ရောက်ခဲ့ကြသည်။

        အဆိုပါအခမ်းအနားတွင် မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူး ဦးမြင့်ဝင်းက အဖွင့်အမှာစကားပြောကြားခဲ့ပြီး အထွေထွေအုပ်ချုပ်ရေးဦးစီးဌာန၊ မြို့နယ်ဦးစီးမှူးက အမှာစကားပြောကြားခဲ့ပါသည်။ ထို့နောက် မွန်ပြည်နယ်ဆန်စက်လုပ်ငန်းရှင်အသင်းဥက္ကဋ္ဌ ဦးခိုင်ဦးက တောင်သူလယ်သမားများ စပါးရောင်းဝယ်မှုအဆင်ပြေစေရေးအတွက် စပါးပွဲစားများအား စပါးဝယ်ယူခွင့်လက်မှတ်များပြုလုပ်နိုင်ရေးကိစ္စများအား ဆွေးနွေးခဲ့ပါသည်။ ထို့နောက် ဆွေးနွေးပွဲသို့တက်ရောက်လာသည့် ဆန်စက်လုပ်ငန်းရှင်များ၊ စပါးတောင်သူများနှင့် စပါးပွဲစားများက အသီးသီးဆွေးနွေးခဲ့ကြပြီး အခမ်းအနားကို နေ့လယ် (၁၃း၀၀)နာရီအချိန်တွင် ရုပ်သိမ်းခဲ့ကြောင်းသိရှိရပါသည်။

DOCA(မွန်)

        စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် (၁၁-၁၀-၂၀၂၄)ရက်နေ့၊ နံနက် (၀၉:၀၀) နာရီအချိန်တွင် ဇလွန်မြို့နယ်၊ ဗိုလ်ချုပ်လမ်းရှိ ညောင်ပင်ဈေးရပ်ကွက်နှင့် လမ်းမတော်(မ) ရပ်ကွက်အတွင်း၌ Online စနစ်ဖြင့်ရောင်းချလျက်ရှိသော အထည်အမျိုးမျိုးနှင့် ဆပ်ပြာဆီကုန်ကြမ်းရောင်းချသောဆိုင်များသို့ အွန်လိုင်းမှတ်ပုံတင်ထားမှုရှိ/ မရှိ ကွင်းဆင်းစစ်ဆေးခြင်းများဆောင်ရွက်ခဲ့ပါသည်။

        ထိုသို့ကွင်းဆင်းရာတွင် ဇလွန်မြို့နယ်တာဝန်ခံ ဦးသန့်ဇင်ဦးက Online စနစ်ဖြင့်ရောင်းချနေသော အ‌ရောင်းဆိုင်များသို့ မှတ်ပုံတင်လက်မှတ်လျှောက်ထားမှုနှင့်စပ်လျဉ်း၍ မြေပြင်ကွင်းဆင်းဆောင်ရွက်ရာ၌ လုပ်ငန်းရှင်များ လျှောက်လွှာပုံစံတွင် ဖြည့်သွင်းထားသည့်လိပ်စာအတိုင်း လုပ်ငန်းအမှန်တစ်ကယ်တည်ရှိခြင်းရှိ/ မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန် တင်ပြထားသော ကုန်စည် (သို့) ဝန်ဆောင်မှုအမျိုးအစားစာရင်းအတိုင်း မြေပြင်တွင် အမှန်တကယ်ရောင်းချနေသော စာရင်းကိုက်ညီမှုရှိ/ မရှိတို့ကိုစစ်ဆေးခဲ့ပြီး မှတ်ပုံတင်လက်မှတ်ရရှိသူ၏ တာဝန်ဖောက်ဖျက်မှုရှိ/ မရှိတို့ကို ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ ကြံခင်းမြို့နယ်၊ အုတ်တွင်းအုပ်စု၊ အရှေ့အုတ်တွင်းကျေးရွာ၌ ကောက်စောမိုးစပါးရိတ်သိမ်းမှုအခြေအနေများကို မြို့နယ်တာဝန်ခံ ဦးကျော်နိုင်ဝင်းက ကွင်းဆင်းလေ့လာခဲ့ပါသည်။

        ထိုသို့ဆောင်ရွက်ရာတွင် စားသုံးသူရေးရာဦးစီးဌာန၊ မြို့နယ်တာဝန်ခံက အုတ်တွင်းအုပ်စု၊ အရှေ့အုတ်တွင်းရွာရှိ တောင်သူ ဦးလှထွေး၏ လယ်ယာရိတ်သိမ်းရာသို့သွားရောက်၍ စပါးအထွက်နှုန်း၊ ဈေးနှုန်းနှင့် လက်ရှိဖြစ်ပေါ်နေသော အခြေအနေတို့ကိုလေ့လာခဲ့ပါသည်။ တောင်သူ၏ ပြောကြားချက်အရ ၎င်းတို့၏လယ်တွင် ဆင်းသုခစပါးစိုက်ပျိုးကြောင်း၊ တစ်ဧကကို ၆၂တင်းနှုန်းခန့်ထွက်ရှိကြောင်း၊ ရိတ်ခြွေစက်ငှားရမ်းခမှာ တစ်ဧကလျှင် ၁၅၀၀၀၀ကျပ်ရှိကြောင်း၊ ယခုနှစ် မိုးရာသီတွင် မိုးများ၍ ရေကြီးနစ်မြုပ်မှုနှင့် သီးနှံဖျက်ပိုးများကြရောက်သည့်အတွက် ယခင်နှစ်ထက် စပါးအထွက်နှုန်းလျော့နည်းကြောင်း၊ စပါးတင်း ၁၀၀တင်းလျှင် ငွေကျပ်၁၈၀၀၀၀၀သိန်းခန့်ရရှိကြောင်း၊ စိုက်ပျိုးထုတ်လုပ်မှုကုန်ကျစရိတ်အနေဖြင့် ၆၀၀၀၀၀ကျပ်ခန့်ကုန်ကျကြောင်း၊ မိမိတို့လယ်မှထွက်ရှိသော စပါးများကို ပွဲစားများက ကွင်းတွင် တိုက်ရိုက်ဝယ်ကြောင်းသိရှိရပါသည်။

DOCA(ဧရာဝတီ)

စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည် (၁၄.၁၀.၂၀၂၄)ရက်နေ့၊ နံနက် (၀၉:၀၀) နာရီအချိန်တွင် ရွာသစ်ရပ်ရှိ သိပ္ပံလမ်းနှင့် ဘုရားကြီးလမ်းတွင် Online စနစ်ဖြင့်ရောင်းချ လျက်ရှိသော အဝတ်အထည်( Fashion Store )နှင့် သီးစုံဖျော်ရည်၊ အသင့်စားအစားအစာ ရောင်းချသောလုပ်ငန်းများသို့ အွန်လိုင်းမှတ်ပုံတင်ထားမှု ရှိ/ မရှိ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။
ထိုသို့ကွင်းဆင်းရာတွင် ကြံခင်းမြို့နယ်တာဝန်ခံ ဦးကျော်နိုင်ဝင်းမှ Online စနစ်ဖြင့်ရောင်းချ နေသော အ‌ရောင်းဆိုင်များသို့ မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်းဆောင်ရွက်ရာတွင် လုပ်ငန်းရှင်များ လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တစ်ကယ် တည်ရှိခြင်းရှိ/ မရှိ ၊ မှတ်ပုံတင်လက်မှတ်လျှောက်ထားစဉ်က ရောင်းချရန် တင်ပြထားသော ကုန်စည်(သို့)ဝန်ဆောင်မှု အမျိုးအစားစာရင်းအတိုင်း မြေပြင်တွင် အမှန်တစ်ကယ်ရောင်းချနေသော စာရင်းကိုက်ညီမှုရှိ/ မရှိ တို့ကို စစ်ဆေးခဲ့ပြီး၊ မှတ်ပုံတင်လက်မှတ်ရရှိသူ၏ တာဝန်ဖောက်ဖျက်မှုရှိ/ မရှိ ၊ အစားအသောက်ကုန်စည်ရောင်းချရာတွင် ကုန်အညွှန်းအမှတ်အသား ပြည့်စုံစွာဖော်ပြရန်နှင့် အစားအသောက်နှင့် ဆေးဝါးကွပ်ကဲရေးဦးစီးဌာနမှ သတ်မှတ်ထုတ်ပြန် ထားသော လမ်းညွှန်ချက်များအတိုင်းလိုက်နာဆောင်ရွက်စေရေး အသိပညာပေးခြင်း၊ ဈေးကွက်စောင့်ကြည့်စစ်ဆေးခြင်းတို့ကို ဆောင်ရွက်ခဲ့ကြောင်း သိရှိရပါသည်။
DOCA(ဧရာဝတီ)

           (၁၁-၁၀-၂၀၂၄) ရက်နေ့၊ နေ့လယ် (၁၅း၃၀) နာရီအချိန်တွင် ဧရာဝတီတိုင်းဒေသကြီးဦးစီးမှူးရုံးမှ ဒု-တိုင်းဒေသကြီးဦးစီးမှူး ဦးထွန်ထွန်းနှင့်အဖွဲ့သည် မအူပင်ခရိုင်ဦးစီးမှူးရုံးသို့လာရောက်၍ မအူပင်မြို့နယ်အတွင်း Online Shop ရောင်းချသူလုပ်ငန်းရှင် (၁၈)ဦးနှင့်တွေ့ဆုံ၍ ကုန်စည်နှင့် ဝန်ဆောင်မှုများကို အွန်းလိုင်းရောင်းချမှုနှင့်စပ်လျဉ်း၍ မှတ်ပုံတင်ဆောင်ရွက်ပြီး လုပ်ကိုင်ဆောင်ရွက်နိုင်ရန်ကို အရေးကြီးကုန်စည်နှင့် ဝန်ဆောင်မှုဥပဒေအကြောင်း အသိပညာပေးရှင်းလင်းဟောပြောခဲ့ပါသည်။

            ထိုသို့အသိပညာပေးဆွေးနွေးရာတွင် ခေတ်မီလာသော ယနေ့ခတ်ကာလတွင် စားသုံးသူတို့သည် ကုန်စည်နှင့် ဝန်ဆောင်မှုတွေကို အွန်လိုင်းမှဝယ်ယူပြီး အသုံးပြုလာကြသဖြင့် စားသုံးသူအများပြည်သူများ အွန်လိုင်းမှဝယ်ယူမှုများ၊ နစ်နာမှုလိမ်လည်ခံရမှုများမရှိစေရန် အွန်လိုင်းစနစ်ဖြင့်ရောင်းဝယ်မှုကို ထိန်ကြောင်းဆောင်ရွက်နိုင်ရန် ဥပဒေဖြင့်ကာကွယ်ပေးနိုင်ရန် အစိုးရဌာနအသီးသီးက သက်ဆိုင်ရာဥပဒေစည်မျည်းစည်းကမ်းများထုတ်ပြန်ပြီး ထိန်းကြောင်းဆောင်ရွက်ခြင်းဖြစ်ကြောင်း၊ အရေးကြီးကုန်စည်နှင့် ဝန်ဆောင်မှုဥပဒေအရ ၂၀၂၃ခုနှစ်၊ ဇူလိုင်လ ၂၁ရက်နေ့က အမိန့်ကြော်ငြာစာအမှတ် ၅၀/၂၀၂၃ ကိုထုတ်ပြန်ခဲ့ပြီး အွန်လိုင်းစနစ်ဖြင့်ရောင်းချသော လုပ်ငန်းများကို အရေးကြီးကုန်စည်နှင့် ဝန်ဆောင်မှုဥပဒေအဖြစ်သတ်မှတ်ပြီး မှတ်ပုံတင်လက်မှတ်လျှောက်ထားရရှိပြီးမှသာဆောင်ရွက်ခွင့်ရှိသော လုပ်ငန်းအဖြစ်သတ်မှတ်ပြီး ထုတ်ပြန်ခဲ့ခြင်းဖြစ်ကြောင်း၊ လုပ်ငန်းရှင်များအနေဖြင့် လုပ်ငန်းဆောင်ရွက်နိုင်ရန် ကြိုတင်ပြင်ဆင်နိုင်စေရန် အမိန့်ကြော်ငြာစာထုတ်ပြန်ပြီး ၆လအတွင်း ပြင်ဆင်ချိန်ကာလကို သတ်မှတ်ထားပြီးဖြစ်ပါကြောင်း၊ သတ်မှတ်ချိန်ကာလပြည့်မြောက်သည့်နေ့မှာ အွန်လိုင်းမှတ်ပုံတင်လျှောက်ထားခြင်းမရှိဘဲ ရောင်းချခြင်းမျိုးကိုစစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေ ပုဒ်မ -၅ ဖြင့် အရေးယူဆောင်ရွက်မည်ဖြစ်ကြောင်း လုပ်ငန်းရှင်များသိရှိနိုင်ရန်  အသိပညာပေးခဲ့ပြီး အွန်လိုင်းမှတ်ပုံတင်ပြီးရောင်းချသောလုပ်ငန်း၏ အားသာချက်များနှင့် အောင်မြင်သော စီးပွားရေးတာဝန်ယူမှု ၊ တာဝန်ခံမှုရှိသော လုပ်ငန်းဖြစ်ကြောင်းကိုလည်း ရှင်းလင်းပြောကြားခဲ့သည်။ အွန်လိုင်းစနစ်ဖြင့် မှတ်ပုံတင်လျှောက်ထားရန် လုပ်ငန်းလိုအပ်သောအချက်များနှင့် သတ်မှတ်ချက်များကို သိရှိနိုင်ရန် Shop vedio ဖြင့် ချပြရှင်းလင်းဆွေးနွေးခဲ့ပြီး လုပ်ငန်းရှင်များက သိလိုသည်များမေးမြန်းကြကာ ပြန်လည်ရှင်းလင်းပေးခဲ့ပြီး ဟောပြောပွဲကို နေ့လယ် (၁၄း၃၀) နာရီအချိန်တွင် အောင်မြင်စွာရုပ်သိမ်းခဲ့ကြောင်းသိရပါသည်။

DOCA(ဧရာဝတီ)