သတင်းနှင့် လှုပ်ရှားမှုများ

    လစဉ်ကျင်းပလျက်ရှိသည့် Thursday Talk ဟောပြောဆွေးနွေးပွဲအား  Virtual စနစ်ဖြင့် မန္တလေးတိုင်းဒေသကြီးနှင့် စစ်ကိုင်းတိုင်းဒေသကြီးတို့ပူးပေါင်း၍ ၃၁.၇.၂၀၂၆ ရက် နေ့လည် (၁၃:၀၀) နာရီအချိန်တွင် စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး အစည်း အဝေးခန်းမ၌ ကျင်းပခဲ့ပါသည်။ အဆိုပါဟောပြောဆွေးနွေးပွဲတွင်မန္တလေးတိုင်းဒေသကြီးဦးစီးမှူး ဦးဇေယျာဆွေမှ အဖွင့်အမှာစကားပြောကြားရာတွင် နှုတ်ခွန်းဆက်စကားပြောကြားပြီးနောက်လစဉ် မန္တလေးတိုင်းဒေသကြီးနှင့်စစ်ကိုင်းတိုင်းဒေသကြီးတို့ပူးပေါင်း၍ ဆွေးနွေးရာ အရှိန်တစ်ခုရ လာပြီ ဖြစ်ပါကြောင်း၊မိမိတို့တိုင်းနှင့်အခြားတိုင်းများဆွေးနွေးခြင်းဖြင့် မျှဝေပေးချင်သည့်အချက်အလက် များပေးနိုင်ခြင်းနှင့် ကောင်းမွန်သည့်အချက်များအတုယူနိုင်စေခြင်းစေရန် ပူးတွဲကျင်းပရခြင်းဖြစ် ပါကြောင်း၊ နောင်တွင် စစ်ကိုင်းတိုင်းဒေသကြီးအပြင် အခြားတိုင်းများနှင့်လည်း ပူးတွဲကျင်းပသွား မည်ဖြစ်ပါကြောင်း၊ ဆွေးနွေးရာတွင် အရာထမ်းများသာမက အငယ်တန်းစာရေး၊အကြီးတန်းစာရေး၊ ဒုဦးစီးမှူးနှင့်ဦးစီးမှူးများအဆင့်အထိ အဆင့်တူအချင်းချင်းဆွေးနွေးနိုင်ရန် နှင့် အငယ်တန်းစာရေး အထိ ဟောပြောနိုင်ရန်  ပြုစုပျိုးထောင်လေ့ကျင့်သင်ကြားပေးသွားမှာဖြစ်ပါ ကြောင်း၊ Power Point Selide များပြုလုပ်ရာတွင်  စာသားများအနှစ်ချုပ်ပြီးဖော်ပြ ဆွေးနွေးဖို့လိုပါကြောင်း၊ ဖော်ပြရာတွင် မျက်စိရှုတ်စေရန် ဖော်ပြခြင်းများရှောင်ကျဉ်ရန်နှင့် တတ်နိုင်သလောက် အကျဉ်းချုပ်၍ လိုအပ်သည့် ဓါတ်ပုံ၊ video clip ၊ Chat Exal များဖြင့် တိတိကျကျမြင်နိုင်ရန် ဖော်ပြပေးဖို့လိုပါကြောင်း၊တင်ပြရာ တွင် Power Point Selide အား  (၁၀)ချပ်ခန့်ပြုစုရန်၊ တင်ပြလိုသည်အချက်များအား စိတ်ဝင် စား ဖွယ်အချက်များ ၂၀ မိနစ်ခန့်သာပြောကြားဖို့ လိုအပ်ကြောင်းနှင့် အရေးပါသည်များ ပြောကြားမည့် ပွိုင့် ၃၀ ခန့်ထည့်သွင်း၍ တင်ပြခြင်း၊ Animation များလေျာ့လုပ်ခြင်းဖြင့်နားထောင်သူများစိတ်ဝင် စား မှုမြှင့် တက်အောင် ဟောပြောဆွေးနွေးဖို့လိုပါ ကြောင်း ပြောကြားပါသည်။ ဆက်လက်၍ မန္တလေးတိုင်းဒေသကြီး၊မိတ္ထီလာခရိုင်ဦးစီးမှူးရုံးမှ ဒေါ်မြို့ရီ ၊ ဦးစီးအရာရှိမှ “စပျစ်ချိုချိုဝင်ငွေပို” ခေါင်းစဉ်ဖြင့်လည်းကောင်း၊စစ်ကိုင်းတိုင်းဒေသကြီး၊ မုံရွာခရိုင်ဦးစီးမှူးရုံး၊ ဒေါ်မိုးသီတာလင်း၊ ဦးစီးအရာရှိမှ “မုံရွာမြို့၏ဒေသထုတ်ကုန်မြေပဲစျေးကွက်” ခေါင်းစဉ်ဖြင့် လည်းကောင်း Power Poing များဖြင့် အသီးသီးဟောပြော ဆွေးနွေးခဲ့ကြပါသည်။ ဆွေးနွေးပြောကြားချက်များနှင့် ပတ်သက်၍ မန္တလေးတိုင်းဒေသကြီး ကျောက်ဆည်ခရိုင်၊ မိတ္ထီလာခရိုင်နှင့် မြင်းခြံခရိုင် ဦးစီးမှူး များနှင့်စစ်ကိုင်းတိုင်းဒေသကြီးဦးစီးမှူးရုံးရှိ ဦးစီးအရာရှိတစ်ဦးမှ အသီးသီးဖြည့်စွက်ဆွေးနွေး ခဲ့ကြပါသည်။  နိဂုံးချုပ်အနေဖြင့် မန္တလေးတိုင်းဒေသကြီးဦးစီးမှူး ဦးဇေယျာဆွေမှ နိဂုံးချုပ်စကား ပြောကြားရာတွင်  ဟောပြောသူများအနေဖြင့် ဘာသာရပ်အလိုက် ထုတ်ကုန်နှင့်ပတ်သက်သည်များ အားထုတ်၍ကြိုးစားထားသည်ကိုတွေ့ရှိရပါကြောင်း၊ နောင်တွင်စားသုံးသူကာကွယ်ရေးနှင့်ဆက်စပ် ဥပဒေများ နှင့် ပြည်တွင်းကုန်သွယ်မှုဆိုင်ရာကိစ္စများ တစ်လှည့် စီဆွေးနွေးဖို့လိုပါကြောင်း၊ စပျစ်နှင့် ပတ်သက်၍ ဆွေးနွေးရာတွင်  ဝိုင်စျေးကွက်အခြေအနေ၊အလားအလာများထည့် သွင်းဖော်ပြစေလို ကြောင်း၊ မြေပဲထုတ်ကုန်နှင့်ပတ်သက်၍ ပြည်တွင်း စားသုံးဆီဖူလုံမှုအတွက် မြေပဲသီးနှံ၏အဓိက အရေးပါမှု၊ Value Added လမ်းကြောင်းနှင့်ချိန်ထိုး၍ ပြည်တွင်းပြည်ပစျေးကွက် လိုအပ်ချက်များ၊ အလားအလာများ ထည့်သွင်းပြောကြားစေလိုကြောင်း နောင်ဟောပြောပွဲများ တွင် ယခုထက်ပိုမို ကောင်း မွန်သည်များဆွေးနွေးကြစေလိုကြောင်း တိုက်တွန်းပြောကြားခဲ့ပါသည်။ Thursday Talk ဟောပြောဆွေးနွေးပွဲတွင်  မန္တလေး တိုင်းဒေသကြီးဦးစီးမှူးရုံးရှိ အရာထမ်းနှင့် အမှုထမ်းများ မှ  in Person ဖြင့် တက်ရောက်ခဲ့ပြီး၊ ကျောက်ဆည်ခရိုင်၊ ပြင်ဦးလွင်ခရိုင်၊မိတ္ထီလာခရိုင်၊မြင်းခြံခရိုင်ဦးစီး မှူးများ၊ ပြင်ဦးလွင်ခရိုင်နှင့်ညောင်ဦးခရိုင်တာဝန်ခံများနှင့် စစ်ကိုင်းတိုင်းဒေသကြီးအတွင်းမှှ အရာထမ်းနှင့်အမှုထမ်းများ Virtual စနစ်ဖြင့် တက်ရောက်ခဲ့ကြောင်း  သိရှိရပါသည်။

DOCA(မန္တလေး)

          မအူပင်ခရိုင်အတွင်းရှိ ပန်းတနော်မြို့နယ်၌ (၁၇-၇-၂၀၂၆)ရက်နေ့က  အခြေခံစားသောက်ကုန်များ၏ ဈေးနှုန်းဖြစ်ပေါ်နေမှုအခြေအနေများကို သိရှိနိုင်ရေးအတွက် သက်ဆိုင်ရာ တာဝန်ရှိသူများက ဈေးများနှင့် လက်လီ/ လက်ကားအရောင်းဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။

      ကွင်းဆင်းစစ်ဆေးရာတွင် ဆန်၊ စားအုန်းဆီ၊ ပဲအမျိုးမျိုး၊ ကြက်သွန်နီ၊ ကြက်သွန်ဖြူ၊ ငရုတ်သီးခြောက်၊ ကြက်ဥ၊ ငါး၊ အသားနှင့် အခြားအခြေခံစားသောက်ကုန်များ၏ လက်ရှိဈေးနှုန်းများ၊ ကုန်ပစ္စည်းလက်ကျန်အခြေအနေ၊ ကုန်ပစ္စည်းရရှိနိုင်မှုနှင့် ဈေးကွက်အတွင်း အရောင်းအဝယ်ဖြစ်ပေါ်နေမှုများကို စိစစ်မှတ်တမ်းတင်ခဲ့ကြောင်း သိရသည်။

      ထို့ပြင် ရောင်းချသူများအား ကုန်ပစ္စည်းများကို သင့်တင့်မျှတသောဈေးနှုန်းဖြင့် ရောင်းချပေးရန်၊ ဈေးနှုန်းမြှင့်တင်ရောင်းချခြင်းနှင့် ကုန်ပစ္စည်းများ သိုလှောင်ထားခြင်းတို့ မပြုလုပ်ရန်၊ စားသုံးသူကာကွယ်ရေးဥပဒေနှင့် သက်ဆိုင်ရာစည်းမျဉ်းစည်းကမ်းများကို လိုက်နာဆောင်ရွက်ရန် အသိပညာပေးဆွေးနွေးခဲ့ကြောင်း သိရသည်။

      အဆိုပါ ကွင်းဆင်းစစ်ဆေးမှုသည် အခြေခံစားသောက်ကုန်များ၏ ဈေးနှုန်းတည်ငြိမ်စေရေး၊ ကုန်ပစ္စည်းများ လုံလောက်စွာရရှိနိုင်ရေးနှင့် ပြည်သူများအနေဖြင့် သင့်တင့်မျှတသောဈေးနှုန်းဖြင့် ဝယ်ယူစားသုံးနိုင်စေရေးအတွက် ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

         (၁၈.၇.၂၀၂၆) ရက်နေ့တွင် မအူပင်ခရိုင်အတွင်း ပြောင်းစိုက်ပျိုးထုတ်လုပ်မှု၊ အထွက်နှုန်းနှင့် ထွက်ရှိမှုအခြေအနေများကို ကွင်းဆင်းလေ့လာစိစစ်ခဲ့ကြောင်း သိရသည်။

          ကွင်းဆင်းစစ်ဆေးချက်များအရ မအူပင်မြို့နယ်တွင် ပြောင်းစိုက်ဧက (၄,၂၇၀) ဧကရှိပြီး တစ်ဧကပျမ်းမျှအထွက်နှုန်း (၈၅.၁၇) တင်းဖြင့် စုစုပေါင်းထွက်ရှိမှု (၃၆၃,၆၆၂) တင်းရှိကြောင်း၊ ယင်းအနက် မျိုးအတွက် (၁,၆၀၁) တင်း၊ အလေအလွင့် (၇,၂၇၃) တင်း၊ စားသုံးမှု (၅၆,၃၈၄) တင်းဖြစ်ပြီး ပိုလျှံတင်း (၂၉၈,၄၀၄) တင်းရှိကြောင်း သိရသည်။

      ပန်းတနော်မြို့နယ်တွင် ပြောင်းစိုက်ဧက (၉,၉၇၀) ဧကရှိပြီး တစ်ဧကပျမ်းမျှအထွက်နှုန်း (၈၈.၇၈) တင်းဖြင့် စုစုပေါင်းထွက်ရှိမှု (၈၈၅,၁၃၇) တင်းရှိကြောင်း၊ ယင်းအနက် မျိုးအတွက် (၃,၇၃၉) တင်း၊ အလေအလွင့် (၁၇,၇၀၃) တင်း၊ စားသုံးမှု (၄၅,၄၃၃) တင်းဖြစ်ပြီး ပိုလျှံတင်း (၈၁၈,၂၆၂) တင်းရှိကြောင်း ကွင်းဆင်းလေ့လာချက်များအရ သိရသည်။

          တောင်သူများ၏ စိုက်ပျိုးရေးစီးပွားရေးအခြေအနေကို လေ့လာရာတွင် ပြောင်းတစ်ဧက စိုက်ပျိုးကုန်ကျစရိတ်မှာ ကျပ် (၂၁၃,၂၀၀) ခန့်ရှိပြီး တစ်ဧကလျှင် ပျမ်းမျှအထွက်နှုန်း (၈၈.၂၆) တင်းရရှိကာ ပြောင်းတစ်ပိဿာလျှင် ကျပ် (၁,၆၀၀) ဈေးနှုန်းဖြင့် ရောင်းချပါက တစ်ဧကလျှင် အကျိုးအမြတ် ကျပ် (၆၉၂,၀၀၀) ခန့် ရရှိနိုင်ကြောင်း သိရသည်။

        ထို့ပြင် (၁၈.၇.၂၀၂၆) ရက်နေ့ ကွင်းဆင်းစစ်ဆေးချက်အရ မအူပင်မြို့နယ်တွင် ပြောင်း (၃,၀၁၀) အိတ်နှင့် ပန်းတနော်မြို့နယ်တွင် ပြောင်း (၁၀၀) အိတ် လက်ကျန်ရှိကြောင်း သိရသည်။

        ကွင်းဆင်းလေ့လာချက်များအရ မအူပင်ခရိုင်တွင် ၂၀၂၄-၂၀၂၅ ခုနှစ်အစပိုင်း၌ ပြောင်းဈေးနှုန်းကျဆင်းမှုကြောင့် တောင်သူများသည် ပြောင်းစိုက်ပျိုးခြင်းထက် အကျိုးအမြတ်ပိုမိုသေချာသည့် မတ်ပဲစိုက်ပျိုးခြင်းသို့ ပြောင်းလဲဆောင်ရွက်ခဲ့သဖြင့် ယခင်နှစ်များနှင့် နှိုင်းယှဉ်ပါက ပြောင်းစိုက်ဧကနှင့် ထွက်ရှိမှုပမာဏ လျော့နည်းခဲ့ကြောင်း ကွင်းဆင်းစုံစမ်း သိရှိရပါသည်။

DOCA(ဧရာဝတီ)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် ၂၀၁၉ ခုနှစ်၊ မတ်လ(၁၅)ရက်နေ့တွင် ပြည်ထောင်စုလွှတ်တော်ဥပဒေအမှတ်(၉)ဖြင့် အတည်ပြုပြဌာန်း ခဲ့သည့် စားသုံးသူကာကွယ်ရေးဥပဒေအရ ကုန်စည် သို့မဟုတ်ဝန်ဆောင်မှုနှင့်စပ်လျဉ်း၍စားသုံးသူ နစ်နာဆုံးရှုံးမှုများ ဖြစ်ပေါ်တိုင်ကြားလာပါကဥပဒေနှင့်အညီ ညှိနှိုင်းဖြေရှင်းအရေးယူဆောင်ရွက် လျက်ရှိပါသည်။

      စားသုံးသူရေးရာဦးစီးဌာန၊မန္တလေးတိုင်းဒေသကြီးဦးစီးမှူးရုံးအစည်းအဝေးခန်းမတွင်(၂၇-၇-၂၀၂၆)ရက်နေ့ နံနက်(၀၉:၃၀)နာရီအချိန်၌ မန္တလေးတိုင်းဒေသကြီးစားသုံးသူရေးရာကော်မတီ၊ ဥက္ကဌ၊ အတွင်းရေးမှူးနှင့်အဖွဲ့ဝင်စုစုပေါင်း(၉)ဦး တက်ရောက်ခဲ့ကြပါသည်။

          မန္တလေးတိုင်းဒေသကြီးစားသုံးသူရေးရာကော်မတီ၊ ဥက္ကဌက အဖွင့်အမှာစကား ပြောကြား ခဲ့ပြီး စားသုံးသူရေးရာဦးစီးဌာန မန္တလေးတိုင်းဒေသကြီးဦးစီးမှူးရုံး စားသုံးသူရေးရာဌာနခွဲ တာဝန်ခံ အရာရှိ ဒေါ်မေသက်ထွန်းက စားသုံးသူကာကွယ်ရေးဆိုင်ရာ လုပ်ငန်းဆောင်ရွက်ချက်များကို အမှာစာဖြင့် ရှင်းလင်းတင်ပြခြင်း၊ မန္တလေးတိုင်းဒေသကြီးဦးစီးမှူးရုံး ထုတ်ကုန်လုံခြုံစိတ်ချ ရမှုဌာနခွဲ တာဝန်ခံအရာရှိ ဦးမျိုးထွန်းက ထုတ်ကုန်လုံခြုံစိတ်ချရမှုဆိုင်ရာ လုပ်ငန်းဆောင်ရွက် ချက်များကို အမှာစာဖြင့် ရှင်းလင်းတင်ပြခြင်း၊မန္တလေးတိုင်းဒေသကြီးစားသုံးသူရေးရာကော်မတီ၊ အတွင်းရေးမှူး စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူး ဦးဇေယျာဆွေက စားသုံးသူ တိုင်ကြားမှုအပေါ် ဖြေရှင်းဆောင်ရွက်ပြီးစီးမှုနှင့် ဆောင်ရွက်ဆဲအခြေအနေများကို အမှာစာဖြင့် ရှင်းလင်း တင်ပြခဲ့ပြီး အွန်လိုင်းမှတစ်ဆင့် တက်ရောက်ခဲ့ကြသည့် ကျောက်ဆည်ခရိုင်၊ မိတ္ထီလာခရိုင်၊ မြင်းခြံခရိုင်တို့မှ ခရိုင်ဦးစီးမှူးများမှလည်း လုပ်ငန်းဆောင်ရွက်မှုများကို ရှင်းလင်း ဆွေးနွေးခြင်းများ ဆောင်ရွက်ခဲ့ပါသည်။ ထို့နောက် မန္တလေးတိုင်းဒေသကြီးစားသုံးသူရေးရာ ကော်မတီ၊ အဖွဲ့ဝင်များမှ ဝိုင်းဝန်ဆွေးနွေးခဲ့ကြပြီး ဥက္ကဌက နိဂုံးချုပ်အမှာစကားပြောကြားကာ အစည်းအဝေးအား နံနက်(၁၁:၃၀)နာရီအချိန် ပြီးစီးခဲ့ပါသည်။

DOCA(မန္တလေး)

          စားသုံးသူပြည်သူများကို စားသုံးသူကာကွယ်ရေးအကြောင်း ကျယ်ကျယ်ပြန့်ပြန့် သိရှိနိုင်စေ ရန်မိမိတို့၏ရပိုင်ခွင့်၊ တောင်းဆိုပိုင်ခွင့် အခွင့်အရေးများကို သိရှိနားလည်ပြီး နစ်နာဆုံးရှုံးမှုများ မဖြစ်စေရန်အတွက် စားသုံးသူရေးရာဦးစီးဌာနမှ တာဝန်ရှိသူများက မြေပြင်ကွင်းဆင်း၍ လစဉ်စား သုံးသူကာကွယ်ရေး အသိပညာပေးဟောပြောပွဲများ ဆောင်ရွက်ပေးလျက်ရှိကြောင်း သိရသည်။

          ၂၀၂၆ခုနှစ်၊ ဇူလိုင်လအတွင်း စားသုံးသူအသိပညာပေးဟောပြောပွဲများကို ကန့်ဘလူမြို့နယ် တာဝန်ခံ ဦးမျိုးဝင်းသန်းသည် ကန့်ဘလူမြို့၊ အမှတ်(၅)ရပ်ကွက်ရှိ စားသုံးသူပြည်သူများအား လည်းကောင်း၊ ကျွန်းလှမြို့နယ်တာဝန်ခံ ဒေါ်ဝေဝေအောင်အနေဖြင့် ကျွန်းလှမြို့၊ ပျဉ်းမမြိုင်ရပ် ကွက်ရှိ အခြေခံပညာအထက်တန်းကျောင်းနှင့် ပိတောက်မြိုင်ရပ်ကွက်ရှိ အ.မ.က(၂)စာသင်ကျောင်း ရှိဆရာ/ဆရာမများနှင့် ကျောင်းသူ/ကျောင်းသားများအားလည်းကောင်း၊ အသိပညာပေး ဟောပြော ပွဲများဆောင်ရွက်ခဲ့ရာ စားသုံးသူများအနေဖြင့် စားသုံးသူကာကွယ်ရေးဥပဒေပါ စားသုံးသူအခွင့် အရေးနှင့် တာဝန်များကိုလည်းကောင်း၊ ကုန်စည်များကိုရွေးချယ်ဝယ်ယူရာတွင် ကုန်အညွှန်းအမှတ် အသားများနှင့် သက်ဆိုင်ရာဌာနများ၏ ထောက်ခံချက်များကို သေချာစိစစ်ကြရန် လိုအပ်ကြောင်း၊ စားသုံးသူများအနေဖြင့် စားသုံးသူ နစ်နာဆုံးရှုံးမှုဖြစ်ခဲ့လျှင် စားသုံးသူရေးရာဦးစီးဌာန၏ Facebook Page၊ DOCA Myanmar Mobile Application ၊ ဌာန၏ Website ၊ တိုင်းဒေသကြီး /ပြည်နယ်နှင့် ခရိုင်များတွင် ဖွင့်လှစ်ထားသည့် (CICC)များကို လူကိုယ်တိုင် လာရောက်၍လည်းကောင်း၊ Consumer Call Center 1535ကို ခေါ်ဆို၍ တိုင်ကြားနိုင်ကြောင်း၊ လုပ်ငန်းရှင်များ အနေဖြင့်လည်း Online မှတ်ပုံတင်ခြင်းနှင့်ပတ်သက်၍ သိရှိလိုက်နာဆောင်ရွက်ရမည့်အချက်များ၊ မှတ်ပုံတင်လက် မှတ်ရရှိသူ၏အခွင့်အရေးနှင့် တာဝန်များ၊ Onlineမှတဆင့် ဝယ်ယူရာတွင် လိမ်လည်မှုမခံရအောင် သိရှိရမည့်အချက်များကို ရှင်းလင်းဆွေးနွေး အသိပညာပေးခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရသည်။

DOCA(စစ်ကိုင်း)