သတင်းနှင့် လှုပ်ရှားမှုများ

        ၂၀၂၀ ခုနှစ်၊ ဖေဖော်ဝါရီလ (၂၅) ရက်နေ့တွင် ကယားပြည်နယ်၊ လွိုင်ကော်ခရိုင် စားသုံးသူရေးရာဦးစီးဌာနမှ လွိုင်ကော်မြို့၊ သီရိမင်္ဂလာဈေး၌ စားသောက်ကုန်များ၊ လက်လီ/လက္ကား ထုတ်လုပ်ဖြန့်ဖြူး ရောင်းချနေသောလုပ်ငန်းများ၊ ဆေးဆိုင်များအား  သက်ဆိုင်ရာ မိတ်ဖက်ဌာနအဖွဲ့အစည်းတို့နှင့် ပူးပေါင်း၍ စျေးကွက်စောင့်ကြည့်ကွင်းဆင်းစစ်ဆေး ဆောင်ရွက်ခဲ့ ပါသည်။

          ထိုသို့ စျေးကွက်စောင့်ကြည့်စစ်ဆေးဆောင်ရွက်ရာတွင် စားသောက်ကုန်များ၊ လက်လီ/လက္ကား ထုတ်လုပ်ဖြန့်ဖြူးရောင်းချနေသော လုပ်ငန်းရှင်များ၊ ဆေးဆိုင်များအနေဖြင့် ဘေးအန္တရာယ်ကင်းရှင်းပြီး လုံခြုံစိတ်ချရသည့် ကုန်ပစ္စည်းများကိုသာ ထုတ်လုပ်ဖြန့်ဖြူးရောင်းချ ကြရန်နှင့် ၂၀၁၉ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများတွင် မြန်မာဘာသာဖြင့် ဖော်ပြြခင်းနှင့် မြန်မာနိုင်ငံစားသုံးသူကာကွယ်ရေးကော်မရှင်၏ ၂/၂၀၁၉ ညွှန်ကြားချက်အား သိရှိလိုက်နာနိုင်ရေးအတွက် အသိပညာပေးခြင်းများ၊ လက်ကမ်းစာစောင်များ ဖြန့်ဝေခြင်းများနှင့်  သိလိုသည်များ မေးမြန်းလာသည့်အပေါ် ဖြေကြားဆောင်ရွက်ခဲ့ကြောင်း သတင်းရရှိပါသည်။

ကယားပြည်နယ်

စားသုံးသူရေးရာဦးစီးဌာန

     ၂၄.၂.၂၀၂၀ ရက်နေ့တွင် ကရင်ပြည်နယ်၊ စားသုံးသူရေးရာဉီးစီးဌာန၊ မြဝတီခရိုင် ဉီးစီးမှူးရုံးမှ တာဝန်ရှိသူများသည် ၂၅.၂.၂၀၂၀ ရက်နေ့တွင် မြဝတီမြို့သို့ နိုင်ငံတော်၏အတိုင်ပင်ခံပုဂ္ဂိုလ်နှင့်ပြည်ထောင်စုဝန်ကြီးများ လာရောက်၍ ဒေသခံပြည်သူများနှင့်တွေ့ဆုံပွဲမည့် ခရီးစဉ်အတွင်း စားသောက်မည့် စားသောက်ဖွယ်ရာများ ဘေးကင်းလုံခြုံစိတ်ချရမှုရှိစေရေးအတွက် မိတ်ဖက်ဌာနဖြစ်သော အစားအသောက် နှင့်ဆေးဝါးကွပ်ကဲရေးဦးစီးဌာနတို့နှင့်ပူးပေါင်း၍ City Home သို့သွားရောက်ပြီး ချက်ပြုတ်မည့် စားဖိုဆောင်ဝန်ထမ်းများအား ကျန်းမာရေးစစ်ဆေးခြင်း ၊ အခြေခံအသုံး ပြုမည့် စားဖိုဆောင်သန့်ရှင်းရေးနှင့်လိုက်နာကျင့်သုံးရမည့် အချက်များပြည့်စုံခြင်းရှိ/မရှိ စစ်ဆေးခြင်း ၊ ချက်ပြုတ်မည့် ဟင်းသီးဟင်းရွက်၊ သားငါးများထားသိုသိမ်းဆည်းပုံ ပြည့်စုံမှန်ကန်မှု ရှိ/မရှိ စစ်ဆေးခြင်း  ၊ စားသောက်ကုန်၊ မုန့်မျိုးစုံတွင် ထုတ်လုပ်သည့် ရက်စွဲ၊ ကုန်ဆုံးသည့် ရက်စွဲပါဝင်မှု ရှိ/မရှိ စစ်ဆေးခြင်း၊ ကုန်ပစ္စည်းများ သက်တမ်း လွန်ခြင်း ရှိ/မရှိ စစ်ဆေးခြင်း၊ စားသုံးရန်မသင့်သော ကုန်ပစ္စည်းများ ရောင်းချြခင်းရှိ/မရှိ စစ်ဆေးခြင်း၊တို့အားအဖွဲ့ဖြင့် စစ်ဆေးခဲ့ပြီး လိုအပ်သည်များကိုဖြည့်စွတ်၍ အသိပညာပေး ဆွေးနွေးခဲ့ခြင်းနှင့်  မိတ်ဖတ်ဌာနမှ ဧည့်ခံကျွေးမွေးမည့် အစားအသောက်များအား ဓာတ်ခွဲစမ်းသပ်ရန်အတွက် နမူနာကောက်ယူခဲ့ပါသည်။

ကရင်ပြည်နယ်

စားသုံးသူရေးရာဦးစီးဌာန

       ၂၄.၂.၂ဝ၂ဝ ရက်နေ့တွင် ရှမ်းပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ တာဝန်ရှိသူများသည် တောင်ကြီး မြို့မစျေးမှ တာဝန်ရှိသူတို့နှင့်ပူပေါင်း၍ မြို့မစျေးအတွင်း ရောင်းချလျက်ရှိသော ဟင်းခတ်အချိုမှုန့်များအား အလေးချိန်ဖော်ပြချက်နှင့်စပ်လျဉ်း၍ ကွင်းဆင်းစစ်ဆေးခဲ့ပါသည်။

        ကွင်းဆင်းစစ်ဆေးရာ၌ စျေးအတွင်းရှိကုန်စုံဆိုင်တို့တွင် ကုန်အမှတ်တံဆိပ်မပါ ဟင်းခတ်အချိုမှုန့်များ၊ Ajinomoto? Crown? Golden? Penda နှင့် ထိုင်းဇွန်း အမှတ်တံဆိပ်များရောင်းချနေသည်ကို စစ်ဆေးတွေ့ရှိရပါသည်။ ကုန်အမှတ်တံဆိပ်မပါသော ဟင်းခတ်အချိုမှုန့်များ ရောင်းချခြင်းနှင့်ပတ်သက်၍ လက်လီ၊ လက္ကားရောင်းချနေသော ဆိုင်ရှင်များအား စားသုံးသူကာကွယ်ပေးရေးဥပဒေ(၂ဝ၁၉)ပါ အခန်း (၁၈) ကုန်အညွှန်းအမှတ်အသားဖော်ပြခြင်းနှင့်ပတ်သက်၍ အသိပညာပေးဟောပြောခြင်း၊ ဆိုင်များတွင် ရောင်းချလျက်ရှိသော ကုန်စည်များတွင် ကုန်အညွန်းအမှတ်အသားဖော်ပြရမည့် အချက်များပါဝင်မှု ရှိ/မရှိ စစ်ဆေးခြင်း၊ Crown, Golden, Penda  ကုန်အမှတ်တံဆိပ်ဟင်းခတ် အချိုမှုန့်တို့တွင် ဖော်ပြထားသော အလေးချိန်တို့နှင့် ပတ်သက်၍ကိုက်ညီမှု ရှိ/မရှိ စစ်ဆေး၍ရောင်းချရန် အသိပညာပေး ဟောကြားပြီး လက်ကမ်းစာစောင်များဖြန့်ဝေခဲ့ကြောင်းသတင်းရရှိပါသည်။

တောင်ကြီးခရိုင်

စားသုံးသူရေးရာဦးစီးဌာန

     ၂၀.၂.၂၀၂၀ ရက်နေ့တွင် ကရင်ပြည်နယ်၊ ကော့ကရိတ်မြို့ စားသုံးသူရေးရာဦးစီးဌာနမှ တာဝန်ရှိသူများသည် ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင် တို့နှင့်ပူးပေါင်း၍ ကော့ကရိတ်မြို့မဈေးရှိ လက်လီ/ ကားရောင်းချနေသော စားသောက်ကုန်၊ မုန့်မျိုးစုံ၊ ကုန်မျိုးစုံဆိုင်နှင့် အလှကုန်ဆိုင်များမှ ကုန်ပစ္စည်းများတွင် စားသုံးသူဘေးအန္တရာယ်ဖြစ်စေနိုင်သည့် သက်တမ်းလွန်ကုန်ပစ္စည်းများ၊ သက်ဆိုင်ရာဌာနများ၏ ထောက်ခံချက်မပါသော ကုန်ပစ္စည်းများ ရောင်းချခြင်းရှိ/မရှိ၊ စားသုံးရန် မသင့်သော ကုန်ပစ္စည်းများရှိ/မရှိ စစ်ဆေးခဲ့ပါသည်။ ထို့နောက် ကုန်အညွှန်းအမှတ်အသားဖော်ပြရာ၌ မြန်မာဘာသာဖြင့် မဖြစ်မနေဖော်ပြရမည့် အချက်များနှင့် ကုန်အညွှန်းအမှတ်အသားဖော်ပြခြင်းဆိုင်ရာဉပဒေပြဌာန်းများသည် ၂၀၂၀ပြည့်နှစ် မတ်လ ၁၅ရက် နောက်ပိုင်းတွင် အာဏာတည်မည်ဖြစ်ကြောင်းကို ဈေးဆိုင်ရောင်းချသူများအား ရှင်းလင်း၍ လက်ကမ်းစာစောင် ဖြန့်ဝေခဲ့ပါသည်။

ကရင်ပြည်နယ်

စားသုံးသူရေးရာဦးစီးဌာန

     (၂၂-၂-၂၀၂၀) ရက်နေ့တွင် ဒုတိယညွှန်ကြားရေးမှူးချုပ် ဦးအောင်မောင်းသည်  မန္တလေး တိုင်းဒေသကြီးဦးစီးမှူးရုံး၊ အစည်းအဝေးခန်းမတွင် မြန်မာနိုင်ငံ ဝါနှင့်ဝါထွက်ပစ္စည်း ကုန်သည်များ နှင့် ကုန်ထုတ်လုပ်ငန်းရှင်များအသင်းမှ အလုပ်အမှုဆောင်များနှင့်တွေ့ဆုံ၍ ဝါနှင့်ဝါထွက်ပစ္စည်း ကဏ္ဍ ဖွံ့ဖြိုးတိုးတက်ရေးအတွက် ဆောင်ရွက်သင့်သည့် အချက်များအား ဆွေးနွေးညှိနှိုင်းခဲ့ပါသည်။ ပထမဦးစွာ ဒုတိယညွှန်ကြားရေးမှူးချုပ်က အဖွင့်အမှာစကားပြောကြားရာတွင် မိမိအနေဖြင့် ဝါနှင့်ဝါ ထွက်ပစ္စည်း  ကဏ္ဍဖွံ့ဖြိုးတိုးတက်ရေးအတွက် မကွေးတိုင်းဒေသကြီး၊ စစ်ကိုင်းတိုင်းဒေသကြီးနှင့် မန္တလေးတိုင်းဒေသကြီး စသည့် တိုင်းဒေသကြီး(၃) တိုင်းအား ပေါင်းစပ်ညှိနှိုင်းဆောင်ရွက်နိုင်ပါက ၇၀% လွှမ်းခြုံနိုင်မည်ဟု မျှော်လင့်ကြောင်း၊ ထို့အပြင် Export နှင့် ကုန်ချောထုတ်လုပ်နေသည့် CMP လုပ်ငန်းများပါ ပြည်တွင်းထုတ်ချည်များအသုံးပြုနိုင်ရေး ပေါင်းစပ်ညှိနှိုင်းပေးရန်အတွက် အထည်အလိပ်လုပ်ငန်းရှင်များ ဥက္ကဌ ၊ Textile ဥက္ကဌတို့နှင့် UMFCCI တွင် သွားရောက်တွေ့ဆုံ၍ ဖြစ်နိုင်ခြေရှိသည်များကို ဆွေးနွေးခဲ့ကြောင်း၊ ဝါအသင်းအနေဖြင့် ဝါနှင့်ဝါထွက်ပစ္စည်းဖွံ့ဖြိုးတိုးတက်ရေးအတွက် အသင်းကဆောင်ရွက်မည့်အခြေအနေများ၊ နိုင်ငံတော်မှ ကူညီဆောင်ရွက်ပေးရမည့်လုပ်ငန်းများ၊ တောင်သူ၊ စက်ရက်ကန်းနှင့် လက်ရက်ကန်း လုပ်ငန်းရှင်များမှ ဆောင်ရွက်ပေးရမည့်လုပ်ငန်းများ၊ ဝါနှင့်ပတ်သက်၍ ရင်းနှီးမြှုပ်နှံလာနိုင်မည့် အခြေအနေများကို မည်သို့ဖိတ်ခေါ်သင့်သည်များ စသည့်လုပ်ငန်းများအားလုံးပေါင်းစပ်၍ ဆောင်ရွက်သင့်ကြောင်း၊ မိမိအနေဖြင့် ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် တူရာအလွှာလိုက်အစုအဖွဲ့များကို ဖွဲ့စည်းခဲ့ပြီး အစုအဖွဲ့မှတစ်ဆင့် အသင်းအဖွဲ့များဖွဲ့စည်းလာရာ အသင်းအဖွဲ့မှ တူညီမှုများ များလာသည့်အခါ ဝါ၊ သရက်၊ ကြံ၊ ထောပတ်ကဲ့သို့သော ဇုံတစ်ခု ဖြစ်လာသည်အထိ ကူးပြောင်းလာခဲ့ကြောင်း၊ အသင်း၏ညီညွတ်မှုသည် လွန်စွာအရေးကြီးကြောင်း၊ Brand တစ်ခု ရလာပါက ယှဉ်ပြိုင်လာမှုများရှိလာနိုင်သဖြင့် ရေရှည်တည်တံ့ခိုင်မြဲနိုင်ရန် GI နှင့် IP ဆိုင်ရာ အသိပညာမူပိုင်ခွင့်များ ဆောင်ရွက်ထားရန်လိုအပ်ကြောင်း၊ ဆိပ်ခွန်ထည်၊ အမရပူရနှင့် ဝမ်းတွင်းထည်များတွင် နာမည်ကြီးသည့် Quality ကို ဆက်လက်အကောင်အထည်ဖော်ရန်နှင့် မူပိုင်ခွင့်ရရှိအောင် ဆောင်ရွက်ရန်လိုအပ်ကြောင်း၊ မူပိုင်ခွင့်ရရှိအောင် ဆောင်ရွက်နိုင်ပါက ဈေးကွက်ကျဆုံသွားခြင်းမရှိဘဲ အမြဲတမ်းခိုင်မာတည်မြဲနေမည်ဖြစ်ကြောင်း၊ ဝါအသင်းအနေဖြင့် စိုက်ပျိုးရေးဦးစီးဌာနနှင့်ပေါင်းစပ်ပြီး Supply Chain ကိုဆွဲတင်ရမည်ဖြစ်၍ ဝါစိုက်တောင်သူများသည် အခြေခံဖြစ်သောအားတစ်ခု ဖြစ်ကြောင်း၊ ဝါအသင်း၊ ဝါစိုက်တောင်သူ၊ ဝါကြိတ်စက်၊ ရက်ကန်း လုပ်ငန်းရှင်၊ တင်ပို့ရောင်းချနေသည့် ချည်ထည်လုပ်ငန်းရှင်များနှင် Supply Chain ထဲ ပါဝင်နေသူ များအားလုံး ပါဝင်ရမည်ဖြစ်ပြီး Action Plan များ ချမှတ်အကောင်အထည်ဖော် ဆောင်ရွက်ရမည် ဖြစ်ကြောင်းပြောကြားခဲ့ပါသည်။

            ဆက်လက်၍ မြန်မာနိုင်ငံဝါနှင့်ဝါထွက်ပစ္စည်းကုန်သည်များနှင့် ကုန်ထုတ်လုပ်ငန်းရှင်များ အသင်း နာယက ဉီးအောင်သန်းက ဝါအသင်း ဖွဲ့စည်းခဲ့သည်မှ ယနေ့အချိန်ထိ အသင်း၏လုပ်ငန်း ဆောင်ရွက်မှုအခြေအနေများကို လည်းကောင်း၊ မြန်မာနိုင်ငံ ဝါနှင့်ဝါထွက်ပစ္စည်းကုန်သည်များနှင့် ကုန်ထုတ်လုပ်ငန်းရှင်များအသင်း ဥက္ကဌ ဉီးဇော်ဉီးက အသင်းအနေဖြင့် ရှေ့ဆက်ဆောင်ရွက်မည့် လုပ်ငန်းစဉ်များကို လည်းကောင်း၊ အမရပူရမြို့နယ် ရက်ကန်းလုပ်ငန်းရှင်များအသင်းမှ ဒေါ်ခင်မမက ဒေသတွင်း အထည်များရက်လုပ်နေမှုနှင့် မြန်မာ့ပိုးထည်များ မူပိုင်ခွင့်ရရှိရေးအတွက် ဆောင်ရွက်လို သည်များကို လည်းကောင်း၊ မန္တလေးတိုင်းဒေသကြီး၊ စိုက်ပျိုးရေးဦးစီးဌာနမှ လက်ထောက်ညွှန်ကြား ရေးမှူး ဒေါ်နီလာသန်းက ဝါမျိုးစေ့ဖြန့်ဝေပေးမှုအခြေအနေများ၊ မန္တလေးတိုင်းဒေသကြီးအတွင်း ဝါမျိုးကောင်းမျိုးသန့်စိုက်ပျိုးသည့် ဝါအထူးဇုံအကောင်အထည်ဖော်မည့် အခြေအနေများကိုလည်း ကောင်း ရှင်းလင်းဆွေးနွေးကြရာ ဒုတိယညွှန်ကြားရေးမှူးချုပ်က လိုအပ်များကို ပေါင်းစပ်ညှိနှိုင်း ဆောင်ရွက်ပေးခဲ့ပါသည်။ တွေ့ဆုံဆွေးနွေးပွဲတွင် ဝါအသင်းမှ မျိုးစေ့နှင့်ပတ်သက်၍ စစ်တမ်းကောက် ယူခြင်းနှင့် မျိုးစေ့ခြံများသို့ ဝါအသင်းမှ လာရောက်လေ့လာရာတွင် စိုက်ပျိုးရေဦးစီးဌာနမှ ကူညီ ဆောင်ရွက်ပေးရေး၊ လွန်းတရာချိတ်အား မူပိုင်ခွင့်ရရှိရေး ဆောင်ရွက်ရာတွင် မူပိုင်ခွင့်ဌာန၊ အသေး စားစက်မှုလက်မှုလုပ်ငန်းဉီးစီးဌာနတို့ ပေါင်းစပ်ညှိနှိုင်းရန်နှင့် ရက်ကန်းအသင်းသားများ မူပိုင်ခွင့်ဆိုင် ရာ အသိပညာများရရှိရေး ဆောင်ရွက်သွားသွားရန် ဆွေးနွေးဆုံးဖြတ်ခဲ့ကြပါသည်။