သတင်းနှင့် လှုပ်ရှားမှုများ

         ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ ဝန်ထမ်းများသည် စားသုံးသူအသိပညာပေးခြင်းများကို လစဉ်ဆောင်ရွက်လျက်ရှိရာ ရန်ကုန် တောင်ပိုင်ခရိုင် စားသုံးသူရေးရာဦးစီးဌာန၏ ညွှန်ကြားချက်နှင့်အညီ မေလ(၁၉)ရက်နေ့၊ နေ့လည်(၁၅:၁၅)နာရီအချိန်တွင် စားသုံးသူအသိပညာပေး Talk Show ဆောင်ရွက်ခဲ့ကြောင်း သိရှိရပါသည်။

          အဆိုပါ စားသုံးသူအသိပညာပေး Talk Show ကို ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၊ လူထုအခြေပြုဗဟိုဌာန Community Center တွင် ပြုလုပ်ခဲ့ရာ  ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်နန်းဆွေနွယ်ဦးက စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးအား စားသုံးသူကာကွယ်ရေး ဥပဒေမှ ကုန်အညွှန်းအမှတ် အသား ဖော်ပြခြင်းနှင့် ပတ်သတ်၍ သိရှိလိုသည်များ မေးမြန်းခဲ့ပြီး စားသုံးသူရေးရာဦးစီးဌာန မြို့နယ်တာဝန်ခံမှ စီးပွားရေးလုပ်ငန်းရှင်များ အနေဖြင့် ကုန်စည်များတွင် ကုန်အညွှန်းအမှတ် အသားများကို ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာ ဖော် ပြပေးရမည်ဖြစ်ကြောင်း ရှင်းလင်းဖြေကြားခဲ့ကြောင်း သိရှိရပါသည်။

           ထို့နောက် စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးက စားသုံးသူ ကာကွယ်ရေး ဥပဒေပုဒ်မ အခန်း(၁၈) ပုဒ်မ(၄)အရ ကုန်အညွှန်းအမှတ်အသား ဖော်ပြရမည့် ပုဒ်မခွဲ (၈)ခုတွင် ပုဒ်မခွဲ (ခ)နှင့် (ဆ)တို့အား မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့မဟုတ်) တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည် ဖြစ်ကြောင်းနှင့် ကုန်အညွှန်းအမှတ်အသား ဖော်ပြရမည့်အချက်များနှင့် ကိုက်ညီမှုမရှိသော ကုန်စည်များကို ထုတ်လုပ်တင်သွင်း ပြုလုပ်ရောင်းချပါက ပုဒ်(၇၃)အရ ပြစ်မှုများ ချမှတ်နိုင် ကြောင်း ရှင်းလင်းဆွေးနွေးခဲ့ပြီး ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဝန်ထမ်းတက် ရောက်ခဲ့ကြောင်း သိရှိရပါသည်။

DOCA(ရန်ကုန်)

           ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ဈေးကွက်အတွင်း မေလတွင် ဖြစ်ပေါ်နေသော အခြေခံစားကုန်ပစ္စည်းများ၏ ဈေးနှုန်းအခြေအနေအား မေလ(၁၉)ရက်နေ့၊ နံနက် (၀၈:၃၀)နာရီအချိန်တွင် ကော့မှူးမြို့နယ် စည်ပင်သာယာမြို့မဈေး အတွင်း/အပြင်နှင့် ရပ်ကွက်များရှိ အခြေခံစားကုန်ပစ္စည်းများ ဝယ်ယူဖြန့်ဖြူး ရောင်းချလျက်ရှိသော ဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။

         ထိုသို့ ဈေးကွက်အတွင်း ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်နှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်း တို့ သည် အမှတ်(၂၂) စည်ပင်လမ်း၊ ပြည်တော်သာရပ်ကွက်ရှိ ရတနာလွင် ကုန်စုံဆိုင်၊ အမှတ်(၂၂၆) ဗိုလ်ချုပ်လမ်း မြို့မရပ်ကွက်ရှိ ဦးကိုလေး(ခ)ဦးသိန်းထွဋ် ကုန်စုံဆိုင်၊ စည်ပင် သာယာမြို့မ ဈေး အတွင်းရှိ မိဘရိပ် ဦးမြင့်ထူး၊ ဒေါ်မူ ဆန်ဆိုင်၊ ဦးတင်ဆွေဦး၊ ဦးတင်ဝင်း၊ ဒေါ်ချိုချိုမြင့် ကုန် ခြောက်ဆိုင်များနှင့် ဒေါ်ပေါက်၊ ဒေါ်နိုင်နိုင်မော် ကြက်သားဆိုင်များ၊ ဦးကုလား အမဲသားဆိုင်၊ ဦးဇော်ကြီး ဆိတ်သားဆိုင်၊ ဦးခင်မောင်ဝင်း ဝက်သားဆိုင်၊ ဒေါ်ချိုချိုဝင်း၊ ဒေါ်သင်းသင်း ရေချိုရေငံ ငါး၊ ပုစွန် အရောင်းဆိုင်၊ ဒေါ်ချို ကြက်ဥ၊ ဘဲဥ လက်လီ လက်ကား အရောင်းဆိုင်နှင့် ဦးဖိုထောင်း၊ ဦးကျောက်ခဲ မျှင်ငံပိ၊ ငါးခုံးမ ငံပိနှင့် အသီးအရွက် ကုန်စိမ်းဆိုင်တို့တွင် လက်ရှိ အချိန် မေလအတွင်း ဈေးနှုန်းနှင့် ဧပြီလအတွင်း ဖြစ်ပေါ်ခဲ့သော စားသုံးသူပြည်သူများ နေ့စဉ် ဝယ်ယူစားသုံးလျက်ရှိသော အခြေခံစားကုန် ပစ္စည်းဈေးနှုန်းတို့မှာ ကွာခြားချက်မရှိဘဲ တည်ငြိမ် လျက်ရှိကြောင်း သိရှိရပါသည်။

DOCA(ရန်ကုန်)

  ၈.၄.၂၀၂၅ ရက်နေ့ နေ့လည်(၁၂:၂၀)နာရီအချိန်တွင် မြောက်ပိုင်းခရိုင်ဦးစီးမှူးရုံးမှ ဒုခရိုင်ဦးစီးမှူး ဦးမျိုးအေးပါ ဝန်ထမ်း(၃)ဦး၊ အထူးစုံစမ်းစစ်ဆေးရေးဦးစီးဌာနမှ စုံစမ်းရေးမှူး ဦးအောင်စိုးမိုး၊ ဆီလုပ်ငန်းရှင်များအသင်းမှ (၃)ဦးတို့လိုက်ပါလျက် မင်္ဂလာဒုံမြို့နယ်ရှိ မင်္ဂလာဒုံဈေး သို့ ကွင်းဆင်းစစ်ဆေးခဲ့ပါသည်။

   ထိုသို့ ဆောင်ရွက်ခဲ့ရာတွင် ဈေးအတွင်းရောင်းချနေသော လက်လီအရောင်းဆိုင် လုပ်ငန်းရှင်များအနေဖြင့် သက်ဆိုင်ရာဌာနမှ ထုတ်ပြန်ထားသည့်အမိန့်၊ ညွှန်ကြားချက်များနှင့် အညီ ရောင်းချပေးပြီး၊ ရရှိသောစားအုန်းဆီခွဲတမ်းများကို သတ်မှတ်စည်းမျဉ်းစည်းကမ်းများ နှင့်အညီ စနစ်တကျ စာအုပ်စနစ်ဖြင့် အလေးချိန်မှန်ကန်စွာ စားသုံးသူပြည်သူများထံသို့ စနစ်တကျဖြန့်ဖြူးရောင်းချပေး လျက်ရှိကြောင်း  ကွင်းဆင်းစစ်ဆေးချက်အရ သိရှိရပါသည်။

DOCA(ရန်ကုန်)

     ၂၀၂၅ ခုနှစ်၊ ဧပြီလ ၂၃ ရက်နေ့ ၊ ၁၄း၀၀ နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ ထားဝယ်မြို့မှ စစ်ဆေးရေးအရာရှိနှင့်ဝန်ထမ်းများသည် ထားဝယ်မြို့၊ ဆင်ပုနစ်ရပ်၊ မြသန္တာလမ်းရှိ သူသူ အမှတ်တံဆိပ် ယိုမျိုးစုံထုတ်လုပ်ဖြန့်ဖြူး‌ရောင်းချလျက်ရှိသည့် လုပ်ငန်းအား စျေးကွက်မရောက်မီ စောင့်ကြည့်စစ်ဆေးသည့်စနစ် (Pre Market Surveillance) ဖြင့်စစ်‌ဆေး ဆောင်ရွက်ခဲ့ပါသည်။

   အဆိုပါစျေးကွက်စောင့်ကြည့်စစ်ဆေးရာတွင် စားသုံးသူပြည်သူများ‌ ဘေးအန္တရာယ်ကင်းရှင်း စွာဝယ်ယူသုံးစွဲနိုင်စေရေးအတွက် စျေးကွက်အတွင်းဖြန့်ဖြူးမရောင်းချမီ ကုန်စည်များတွင် မြန်မာ ဘာသာနှင့်ဖြစ်စေ၊ အခြားဘာသာတစ်ခုခုနှင့်ဖြစ်စေ တွဲလျက်ဖော်ပြထားသောကုန်အညွှန်း အမှတ် အသားများ ပြည့်စုံမှန်ကန်စွာပါရှိမှုရှိ/မရှိ စစ်ဆေးခြင်း၊ သက်တမ်းလွန် စားသောက်ကုန် ပစ္စည်းများ ရောင်းချနေမှုရှိ/မရှိ စစ်ဆေးခြင်း၊ စားသောက်ကုန်များအားထုတ်လုပ်ရာတွင် သန့်ရှင်းသပ်ရပ်စွာ ထုတ်လုပ်ရောင်းချနေမှုများ ရှိ/မရှိ စစ်ဆေးခြင်းများဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

  ၂၀၂၅ ခုနှစ်၊ ဧပြီလ ၁၄ ရက်နေ့၊ နေ့လည် (၁၂း၀၀) နာရီ အချိန်တွင် မြိတ်မြို့မှ ထားဝယ်ဆိပ်ကမ်းသို့ ရောက်ရှိဆိုက်ကပ်လာသော အမ်ဗွီ တနင်္သာရီ သင်္ဘောဖြင့် တင်ဆောင်လာ သော SCG အမှတ်တံဆိပ် ဘိလပ်မြေအိတ်ရေ (၇၀၀၀)ကို စားသုံးသူရေးရာဦးစီးဌာနမှ ဦးစီးအရာရှိ ဒေါ်အေးအေးလွင်နှင့် အကောက်ခွန်ဦးစီးဌာန၊ ရေကြောင်းရဲတပ်ဖွဲ့၊ မြန့်မာ့ဆိပ်ကမ်း အာဏာပိုင်၊ အထွေထွေအုပ်ချုပ်ရေးဦးစီးဌာနတို့မှ တာဝန်ရှိသူများပါဝင်သော ပူးပေါင်းအဖွဲ့ဖြင့် စစ်ဆေးဆောင် ရွက်ခဲ့ပါသည်။

DOCA(တနင်္သာရီ)