သတင်းနှင့် လှုပ်ရှားမှုများ

        ဝဥစိုက်ပျိုးမှုအကြောင်း သိကောင်းစရာအသိပညာပေးဆွေးနွေးပွဲကို ဘီးလင်းမြို့နယ်၊ “မြင့်” စိုက်ပျိုးရေးဥယျာဉ်ခြံ၌ ၂၀.၈.၂၀၂၀ ရက်နေ့တွင် ကျင်းပပြုလုပ်ခဲ့ရာ စားသုံးသူရေးရာဦးစီးဌာန၊ မွန်ပြည်နယ်ဦးစီးမှူး ဦးခင်အောင်သွင်က တက်ရောက်ခဲ့ပြီး ဝဥစိုက်ပျိုးထုတ်လုပ်မှုပညာရှင် ဦးလှသိန်း (ဘုရားကြီး) က ကောင်းမွန်သော ဝဥစိုက်ပျိုးမှုနည်းလမ်း၊ မျိုးဥရွေးချယ်မှုနည်းလမ်း၊ စိုက်ပျိုးမှုနည်းစနစ်၊ သွင်းအားစုများအကြောင်း၊ ဝဥကုန်ချောထုတ်လုပ်မှုအကြောင်းများကို ရှင်းလင်းဆွေးနွေးခဲ့ပါသည်။ အဆိုပါဆွေးနွေးပွဲသို့ ဘီးလင်းမြို့နယ်မှ ဝဥစိုက်တောင်သူ (၂၉) ဦးတက်ရောက် ခဲ့ကြကြောင်း သတင်းရရှိပါသည်။

မွန်ပြည်နယ်
စားသုံးသူရေးရာဦးစီးဌာန

        ဧရာတီတိုင်းဒေသကြီး၊ ပုသိမ်မြို့၊ စားသုံးသူရေးရာဦးစီးဌာန၊ တိုင်းဦးစီးမှူးရုံးတွင် ဧရာတီတိုင်းဒေသကြီး၊ စားသုံးသူရေးရာကော်မတီ၏ တတိယအကြိမ် ၃/၂၀၂၀ အစည်းအဝေးကို ၁၉.၈.၂၀၂၀ ရက်နေ့တွင် ကျင်းပပြုလုပ်ရာ ဧရာဝတီတိုင်းဒေသကြီး အစိုးရအဖွဲ့ စီမံကိန်းနှင့်ဘဏ္ဍာရေးဝန်ကြီးဌာနဝန်ကြီး တိုင်းဒေသကြီးစားသုံးသူရေးရာကော်မတီဥက္ကဌ ဦးဌေးဝင်း၊ ဒုဥက္ကဌ ဦးဝင်းမြင့်၊ တိုင်းဦးစီးမှူး အတွင်းရေးမှူး ဦးစိုးအောင်၊ စားသုံးသူရေးရာကော်မတီဝင်များ၊ ဒုတိယညွှန်ကြားရေးမှူးနှင့် ဌာနခွဲမှူးများ စုစုပေါင်း (  ၂၃ ) ဦး တက်ရောက်ခဲ့ပါသည်။

          အဆိုပါအစည်းအဝေးတွင် ဧရာဝတီတိုင်းဒေသကြီး၊ စားသုံးသူရေးရာကော်မတီ ဥက္ကဌ ဦးဌေးဝင်းက  စားသုံးသူရေးရာကော်မတီအနေဖြင့် စားသုံးသူကာကွယ်ရေးလုပ်ငန်းများဆောင်ရွက်ရာတွင် သက်ဆိုင်ရာအစိုးရဌာန၊ ပုဂ္ဂလိကအဖွဲ့အစည်းများနှင့် ပူးပေါင်းကာ ကုန်ပစ္စည်းအမျိုးအစားအလိုက် ကုန်အညွှန်းအမှတ်အသားနှင့်ပတ်သက်၍ လိုက်နာဆောင်ရွက်ခြင်းရှိ/မရှိ၊ ဈေးကွက်စောင့်ကြည့်စစ်ဆေးရာတွင် ဥပဒေပြဌာန်းချက်များကို ဖောက်ဖျက်ကျူးလွန်ခြင်းများ စိစစ် တွေ့ရှိပါက စားသုံးသူကာကွယ်ရေးဥပဒေ ပုဒ်မ(၇၃) အရ အရေးယူဆောင်ရွက်မည့်အပြင် ထပ်မံစိစစ်တွေ့ရှိပါက စားသုံးသူကာကွယ်ရေးဥပဒေအရ အရေးယူဆောင်ရွက်သွားမည်ဖြစ်ကြောင်း၊ ထို့အပြင် စားသုံးသူအငြင်းပွားမှုများဖြေရှင်းရာတွင် သက်ဆိုင်ရာအစိုးရဌာန၊ အဖွဲ့အစည်းများ၏ အကြံဉာဏ်များ ရယူ၍ တိုင်းဦးစီးမှူးက အရေးယူဆောင်ရွက်လျှက်ရှိရာ စားသုံးသူတိုင်ကြားမှု စုစုပေါင်း (၅၂) မှုအနက် (၄၉) မှုကို ဖြေရှင်းနိုင်ခဲ့ပြီး ကျန်(၃)မှုမှာ ဖြေရှင်းဆောင်ရွက်ဆဲဖြစ်ကြောင်း၊ ၂၀၁၉ ခုနှစ်တွင် ပြဌာန်းခဲ့သော စားသုံးသူကာကွယ်ရေးဥပဒေသစ်အရ ဧရာဝတီတိုင်းဒေသကြီးအတွင်း  (၁၈.၈.၂၀၂၀) ရက်နေ့ထိ ခရိုင်/မြို့နယ်များမှ ဒေသထွက်ကုန်များအပေါ် ကုန်ပစ္စည်းအမျိုးအစားအလိုက်  ကုန်အညွှန်းအမှတ်အသား ဖော်ပြမှုများနှင့်ပတ်သက်၍ ကုန်အမှတ်တံဆိပ် (၁၂၂၅) ခု ကို ရုံးချုပ်သို့ တင်ပြခဲ့ရာ (၁၁၆၂) ခု ခွင့်ပြုချက်ကျပြီး (၆၃)ခုမှာ စိစစ်ဆောင်ရွက်ဆဲဖြစ်သည်ကို သိရှိခဲ့ရကြောင်း၊ ကုန်အညွှန်းအမှတ်အသားဖော်ပြချက် နှင့်စပ်လျဉ်း၍ ၂၀၂၀ ပြည့်နှစ် ဇွန်လ မှ (၁၈.၈.၂၀၂၀) ရက်နေ့ အထိ ကုန်စည်အမျိုးအစား(၄၀) ခု ကို “သတိပေး” အရေးယူဆောင်ရွက်နိုင်ခဲ့ပါကြောင်း၊ စားသုံးသူကာကွယ်ရေးလုပ်ငန်းသည် နိုင်ငံသားအားလုံးနှင့် သက်ဆိုင်ခြင်းဖြစ်သောကြောင့် အမျိုးသားရေး တာဝန်တစ်ရပ်အနေဖြင့် သက်ဆိုင်ရာအစိုးရဌာန၊ ပုဂ္ဂလိကအဖွဲ့အစည်းများနှင့် ဆက်လက်ပူးပေါင်းဆောင်ရွက်သွားမည်ဆိုပါက စားသုံးသူကာကွယ်ရေးလုပ်ငန်းများသည် အောင်မြင်သော လုပ်ငန်းစဉ်ကြီးတစ်ရပ် ဖြစ်လာမည်ဖြစ်ကြောင်း ဆွေးနွေးပြောကြားခဲ့ပါသည်။

ဧရာဝတီတိုင်းဒေသကြီး

စားသုံးသူရေးရာဦးစီးဌာန

       ကချင်ပြည်နယ် စားသုံးသူရေးရာကော်မတီ၏အတည်ပြုချက်အရ တစ်နှစ်တာကာလအတွင်း ဦးစားပေးဆောင်ရွက်သွားမည့်ကုန်စည်အမျိုးအစား(၁၀)မျိုးအနက်မှ ပထမဦးစားပေး ကုန်စည်အနေဖြင့် စားသုံးဆီများအားစစ်ဆေးရန် ကချင်ပြည်နယ် စားသုံးသူရေးရာဦးစီးဌာနမှ  တာဝန်ရှိသူများသည် ၄.၈.၂၀၂၀ ရက်နေ့မှ ၁၁.၈.၂၀၂၀ ရက်နေ့ထိ မြစ်ကြီးနားမြို့၊ ဗန်းမော်မြို့၊ မိုးညှင်းမြို့နှင့် ဝိုင်းမော်မြို့ရှိ စားသုံးဆီလက်လီ/လက္ကားအရောင်းဆိုင်များ၌ စားသုံးသူကာကွယ်ရေးဉပဒေအရ ကုန်အညွှန်း အမှတ် အသားဖော်ပြခြင်းနှင့်စပ်လျဉ်း၍ ဉပဒေနှင့်အညီ ကုန်အညွှန်းအမှတ်အသားများ ပြည့်စုံစွာဖော်ပြထားခြင်း ရှိ/မရှိ ကွင်းဆင်းစစ်ဆေးဆောင်ရွက်ခဲ့ပါသည်။

စားသုံးသူရေးရာဦးစီးဌာန

ကချင်ပြည်နယ်

       တနင်္သာရီတိုင်းဒေသကြီး၊ စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးမှ ဝန်ထမ်းများသည် ဇူလိုင်လ ၂၂ ရက်နေ့တွင် မြိတ်ခရိုင်အစားအသောက်နှင့် ဆေးဝါးကြီးကြပ်ကွပ်ကဲရေးကော်မတီဝင်များဖြစ်သော ခရိုင်ပြည်သူ့ကျန်းမာရေးဦးစီးဌာန၊ ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ခရိုင်ရဲတပ်ဖွဲ့၊ ခရိုင် မွေးမြူရေးနှင့်ကုသရေးဦးစီးဌာနတို့နှင့်ပူးပေါင်း၍ မြိတ်မြို့၊ သီဟဇေယျာ(မြို့သစ်)စျေးကြီးရှိ စားသောက်ကုန်ဆိုင်များ၊ ဆေးဆိုင်များနှင့် အလှကုန်ဆိုင်များအား စျေးကွက်စောင့်ကြည့်စစ်ဆေးခဲ့ပါသည်။ ကွင်းဆင်းရာတွင် ထုတ်ကုန်လုံခြုံစိတ်ချရမှုရှိစေရန်နှင့် စားသုံးသူပြည်သူများအတွက် ဘေးဥပဒ်အန္တရာယ်ကင်းရှင်းမှုရှိ/မရှိ၊ ရောင်းချသောကုန်စည်များတွင် ကုန်အညွှန်းအမှတ်အသားဖော်ပြရာ၌ မြန်မာဘာသာဖြင့် ပြည့်စုံမှန်ကန်စွာဖော်ပြခြင်းရှိ/မရှိနှင့် သက်ဆိုင်ရာဌာနများမှ တားမြစ်ထားသော ကုန်ပစ္စည်းများ ရောင်းချနေခြင်းရှိ/မရှိ စျေးကွက်စောင့်ကြည့်စစ်ဆေးခဲ့ပြီး လက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

တနင်္သာရီတိုင်းဒေသကြီး

စားသုံးသူရေးရာဦးစီးဌာန

         မြန်မာနိုင်ငံ ရင်းနှီးမြှုပ်နှံမှုစီမံကိန်း (MTIP) အား အကောင်အထည်ဖော်ဆောင်ရွက်ရန်အတွက် မွန်ပြည်နယ် ရင်းနှီးမြှုပ်နှံမှုမြှင့်တင်ရေးဆိုင်ရာ မဟာဗျူဟာရေးဆွဲရေးလုပ်ငန်းအဖွဲ့၏ ဒုတိယအကြိမ်မြောက် လုပ်ငန်းညှိနှိုင်းအစည်းအဝေးကို ၂၀၂၀ ပြည့်နှစ်၊ ဇူလိုင်လ ၁၇ ရက်နေ့တွင် ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန၊ မွန်ပြည်နယ် ပြည်နယ်ဦးစီးမှူးရုံး၌ Video Conferencing ဖြင့် ကျင်းပပြုလုပ်ခဲ့ရာ မွန်ပြည်နယ် ရင်းနှီးမြှုပ်နှံမှုမြှင့်တင်ရေးဆိုင်ရာမဟာဗျူဟာရေးဆွဲရေးလုပ်ငန်းအဖွဲ့ဥက္ကဌ မွန်ပြည်နယ် စီမံကိန်းနှင့်ဘဏ္ဍာရေးဝန်ကြီး ဦးဝဏ္ဏကျော်၊ လုပ်ငန်းအဖွဲ့ဝင်များဖြစ်ကြသော သက်ဆိုင်ရာအစိုးရဌာနများမှ တာဝန်ရှိသူများ၊ ပုဂ္ဂလိကအသင်းအဖွဲ့များမှ တာဝန်ရှိသူများ၊ စားသုံးသူရေးရာဦးစီးဌာန မွန်ပြည်နယ်ဦးစီးမှူး ဦးခင်အောင်သွင်နှင့် ဦးစီးမှူး ဦးစိုင်းဆိုင်လှိုင်းတို့ တက်ရောက်ခဲ့ကြပါသည်။ အဆိုပါအစည်းအဝေးတွင် မွန်ပြည်နယ် ရင်းနှီးမြှုပ်နှံမှုမြှင့်တင်ရေးဆိုင်ရာမဟာဗျူဟာလုပ်ငန်းစီမံချက် ၂၀၂၀-၂၀၂၅ ပါ ကိစ္စရပ်များ၊ လက်ရှိ ဖြစ်ပေါ်လျက်ရှိသည့် Covid-19 အသက်ရှူလမ်းကြောင်းဆိုင်ရာ ကူးစက်ရောဂါကြောင့် လုပ်ငန်းစီမံချက်ပါအချက်အလက်များအား ပြန်လည်ဆန်းစစ်ခြင်းဆိုင်ရာကိစ္စရပ်များ အစရှိသည်တို့ကို ဆွေးနွေးညှိနှိုင်းခဲ့ကြသည်။

မွန်ပြည်နယ်

စားသုံးသူရေးရာဦး