သတင်းနှင့် လှုပ်ရှားမှုများ

         စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ မင်းတုန်းမြို့နယ် တာဝန်ခံဦးကျော်ရွှေ ဦးဆောင်သော ဝန်ထမ်းများသည် တိုင်းဒေသကြီးဦးစီးမှူးရုံး၏ လမ်းညွှန်မှုဖြင့် (၅.၄.၂၀၂၃)ရက်နေ့ နံနက် (၁၀:၀၀) နာရီအချိန်တွင် မိတ်ဖက်ဌာနများဖြစ်သည့် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ကျန်းမာရေးဦးစီးဌာန၊  အစားအသောက်နှင့်ဆေးဝါးကွပ်ကဲရေးဦးစီးဌာန(FDA)ပါဝင်သော ဌာနဆိုင်ရာအဖွဲ့စုံဖြင့်ပူးပေါင်း၍  မင်းတုန်းမြို့ပေါ်ရှိ ကုန်မျိုးစုံဆိုင်များတွင် သုံးစွဲရန်မသင့် ထုတ်ပြန်ထားသော စားသောက်ကုန်များ ရောင်းချမှုရှိ/ မရှိနှင့် ဌာန၏ ကုန်အညွှန်းအမှတ်အသား ဖော်ပြချက်ပြည့်စုံမှု ရှိ/မရှိတို့အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

      ထို့သို့ ဈေးကွက်စောင့်ကြည့်စစ်ဆေးရာတွင် ကုန်စုံဆိုင်ပိုင်ရှင်များအား သုံးစွဲရန်မသင့်ဟု ထုတ်ပြန်ထားသည့် စားသောက်ကုန်များအား ဈေးကွက်အတွင်းရောင်းချမှုမရှိစေရေး  စားသုံးသူကာကွယ်ရေး ဥပဒေ(၂၀၁၉) အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်  မြန်မာဘာသာဖြင့်ဖြစ်‌စေ၊ မြန်မာဘာသာနှင့် အခြားဘာသာ တစ်ခု (သို့မဟုတ်) တစ်ခုထက်ပို၍ တွဲလျက်ဖြစ်စေ ဖော်ပြထားသော ကုန်စည်ကိုသာ ရောင်းချဖြန့်ဖြူးရန်အသိ ပညာပေးဆွေးနွေးခဲ့ပါသည်။ ဆက်လက်၍ ပြန်ကြားရေးနှင့်ပြည်သူဆက်ဆံရေး ဦးစီးဌာန၌ နံနက်(၁၁:၃၀)အချိန်တွင် အသိပညာပေး(Talk Show) ဟောပြောပွဲပြုလုပ်ရာတွင် မင်းတုန်းမြို့နယ် တာဝန်ခံဦးကျော်ရွှေက ကုန်စည်/ဝန်ဆောင်မှုနှင့် အာမခံချက်ပေးခြင်း အကြောင်းများကို ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မကွေး)

        စားသုံးသူရေးရာဦးစီးဌာနသည် စားသုံးသူများ လုံခြုံစိတ်ချရမှုရှိစေရန် စျေးကွက်စောင့်ကြည့် စစ်ဆေးခြင်းများကို စဉ်ဆက်မပြတ်ဆောင်ရွက်လျှက်ရှိပါသည်။ (၄.၄.၂၀၂၃) ရက်နေ့ နံနက် (၁၀:၃၀) နာရီတွင် မကွေးမြို့၊ ကောင်းမွန်အရောင်းစင်တာတွင်လည်းကောင်း၊ (၅.၄.၂၀၂၃)ရက်နေ့ နံနက် (၁၀:၃၀) နာရီတွင် Magway Shopping  Mall လည်းကောင်း စျေးကွက်စောင့်ကြည့်စစ်ဆေးခြင်းကို စားသုံးသူရေးရာဦးစီးဌာန၊ မကွေးခရိုင်ဦးစီးမှူး ဒေါ်တင်တင်လှ၊ မကွေးမြို့နယ်တာဝန်ခံနှင့် ဝန်ထမ်းများသည် မိတ်ဖက်ဌာနများဖြစ်သော အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့များနှင့် ပူးပေါင်းပြီး ဆောင်ရွက်ခဲ့ပါသည်။

        ထိုသို့စစ်ဆေးရာ၌ စျေးကွက်အတွင်း အစားအသောက်နှင့် ဆေးဝါးကွပ်ကဲရေးဦးစီးဌာနမှ စားသုံးရန်၊ သုံးစွဲရန်မသင့် တားမြစ်ထားသော စားသောက်ကုန်၊ အလှကုန်နှင့် လူသုံးကုန်ပစ္စည်းများ၊ သက်တမ်းလွန်နှင့် ကုန်အညွှန်းအမှတ်အသား ပြည့်စုံစွာဖော်ပြမထားသော ကုန်စည်များမရှိစေရေး စစ်ဆေးခဲ့ခြင်းဖြစ်ပါသည်။

        မကွေးခရိုင်ဦးစီးမှူးမှ ကောင်းမွန်အရောင်းစင်တာနှင့် Magway Shopping  Mall ရှိ အရောင်းစင်တာတစ်ခုချင်းအလိုက် တာဝန်ယူထားသော ဝန်ထမ်းများအား မိမိတို့တာဝန်ယူထားသည့် ကုန်စည်အလိုက် ကုန်အညွှန်းအမှတ်အသား မပြည့်စုံသော ကုန်စည်များ၊ သက်တမ်းကျော်လွန် မှုမရှိစေရေး အထူးသတိထားဆောင်ရွက်ပေးရန် အသိပညာပေးဆွေးနွေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်(၂/၂၀၁၉) လက်ကမ်းစာစောင်များအား  ဖြန့်ဝေခဲ့ပါသည်။

DOCA(မကွေး)

       စားသုံးသူရေးရာဦးစီးဌာန ၊ နတ်တလင်းခရိုင်၌ ဆန်စပါး ဥပဒေ(မူကြမ်း) ရှင်းလင်းဆွေးနွေးခြင်းဆိုင်ရာ အလုပ်ရုံဆွေးနွေးပွဲကို နတ်တလင်းမြို့နယ် ၊ ရန်ကုန်-ပြည်ကားလမ်းမဘေးရှိ သာစည်ရပ်ကွက် ၊ ရွှေထင်းဘိုးဘွားရိပ်သာခန်းမ၌ (၃.၄.၂၀၂၃) ရက်နေ့ ၊ နံနက် (၇ : ၀၀) နာရီအချိန်တွင် ကျင်းပပြုလုပ်ခဲ့ပါသည်။

   အဆိုပါ ရှင်းလင်းဆွေးနွေးပွဲတွင် နတ်တလင်းခရိုင် စီမံအုပ်ချုပ်ရေးအဖွဲ့ ၊ ဥက္ကဌဦးခင်မောင်ဦးက အဖွင့်အမှာစကားပြောကြားရာတွင် မြန်မာနိုင်ငံသည် စိုက်ပျိုးရေးနဲ့ လယ်ယာစီးပွားရေးကို အခြေခံသည့်နိုင်ငံဖြစ်ပြီး နိုင်ငံတော်စီမံအုပ်ချုပ်ရေးကောင်စီ၏ ရှေ့လုပ်ငန်းစဉ်(၅)ရပ်မှာလည်း “တိုင်းပြည်သာယာဝပြောရေးနှင့် စားရေရိက္ခာဖူလုံရေးအတွက် ပြည်သူလူထုဗဟိုပြု ဖွံ့ဖြိုးရေးလုပ်ငန်းများကို လူမှုစီးပွားဘဝ ဖွံ့ဖြိုးတိုးတက်စေရန် ဆောင်ရွက်သွားမည် ” ဟူ၍ ဦးတည်ချက်ချမှတ်၍ ဆောင်ရွက် လျက်ရှိကြောင်း ၊ ပဲခူးတိုင်းဒေသကြီးအတွင်း ဆန်စပါကဏ္ဍပိုမိုဖွံ့ဖြိုးတိုးတက်ရေးအတွက်  မိမိတို့ လုပ်ငန်းများရဲ့ လက်ရှိ ပကတိအခြေအနေများနှင့် အခက်အခဲများရှိပါက မည်ကဲ့သို့ ကျော်လွှားရမည်ကို ပွင့်ပွင့်လင်းလင်း ချစ်ကြည်ရင်းနှီးစွာ အကြံပြုဆွေးနွေးပေးကြပါရန် ပြောကြားခဲ့ပြီး စားသုံးသူရေးရာဦးစီးဌာန ၊ ပဲခူးတိုင်းဒေသကြီးဦးစီးမှူး ၊ ဦးဇေယျာဆွေက ဥပဒေ(မူကြမ်း)နှင့်စပ်လျဉ်း၍ ရှင်းလင်းဆွေးနွေးကာ တက်‌ရောက်လာသူများက ဥပဒေ(မူကြမ်း)အား အကြံပြုဆွေးနွေးခဲ့ကြောင်း သိရှိရပါ သည်။

DOCA(ပဲခူး)

       စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်နှင့် တောင်ငူမြို့နယ် တာဝန်ခံ ဦးမြင့်သူတို့သည် (၅.၄.၂၀၂၃)ရက်နေ့၊ နံနက်ပိုင်းက တောင်ငူမြို့နယ်၊ ကေတုမတီမြို့၊ နတ်သျှင်နောင်ရပ်ကွက်ရှိ မြတ်မုန့်မျိုးစုံ လုပ်ငန်းသို့ သွားရောက်၍ ထုတ်လုပ်သူ ဦးမြတ်သီဟနှင့် ‌တွေ့ဆုံဆွေးနွေးပြီး ထုတ်လုပ်မှုကို ကြည့်ရှုစစ်ဆေးခဲ့ပါသည်။

      မြတ်မုန့်မျိုးစုံလုပ်ငန်းသည် မြတ်အမှတ်တံဆိပ်ဖြင့် ပဲဖယုံမုန့်၊ ဖယုံမုန့်၊ ဒူးရင်းပဲလမုန့်၊ နာနတ်လမုန့်၊ ပဲမုန့်၊ ပဲအံစာမုန့်နှင့် ပဲလမုန့်စသည့် အသင့်စားမုန့်(၇)မျိုးကို ထုတ်လုပ်ပြီး ဒေသတွင်း အတော်အသင့်အောင်မြင်နေသည့် MSMEs လုပ်ငန်းဖြစ်ပါသည်။ ခရိုင်ဦးစီးမှူးက ဈေးကွက်သို့ ဖြန့်ဖြူးခြင်းမပြုမီ စားသုံးသူများ ထိခိုက်နစ်နာမှုများမရှိအောင် စနစ်တကျဆောင်ရွက်ရန်၊ စားသုံး သူကာကွယ်ရေးဥပဒေပါ ပြဌာန်းချက်များနှင့်အညီ ဆောင်ရွက်ရန် ဆွေးနွေးပြောကြားခဲ့ပါသည်။

    ထို့အတူ ယင်းနေ့ နံနက်ပိုင်းတွင် စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ် တာဝန်ခံ ဒေါ်သန္တစိုးသည် ဖြူးမြို့၊ ဘူတာမြောက်ရပ်ကွက်၊ ထန်းကုန်းလမ်းရှိ ပါရမီ ထင်းအစားထိုး လောင်စာတောင့်ထုတ်လုပ်ရေးလုပ်ငန်းသို့ သွားရောက်လေ့လာပြီး လုပ်ငန်းရှင်ဦးအောင်ဖြိုးနှင့် တွေ့ဆုံဆွေးနွေးခဲ့ရာ လုပ်ငန်းရှင်က လုပ်ငန်းဆောင်ရွက်မှု အခြေအနေများကို ရှင်းလင်းပြသပါ သည်။

   ပါရမီ ထင်းအစားထိုးလောင်စာတောင့် ထုတ်လုပ်ရေးလုပ်ငန်းသည် ၎င်းတို့မိသားစုပိုင် ပါရမီဆန်စက်မှစပါးခွံများဖြင့် လောင်စာတောင့်များကိုထုတ်လုပ်ခြင်းဖြစ်ပြီး တစ်နေ့လျှင် လုပ်သား ၆ ဦးဖြင့် လောင်စာတောင့် ပိဿာ ၆၀၀ ခန့်ထုတ်လုပ်နိုင်ကြောင်း သိရှိရပါသည်။

DOCA(ပဲခူး)

         စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးတွင် တွဲဘက်တာဝန်ထမ်းဆောင်နေသော ဂန့်ဂေါခရိုင်ဦးစီးမှူး ဒေါ်မွန်မွန်စိုး ၊ ပခုက္ကူမြို့နယ်တာဝန်ခံနှင့်ဝန်ထမ်းများအဖွဲ့သည် စားသုံးပြည်သူများ လုံခြုံစိတ်ချရမှုရှိစေရေး အတွက်ရည်ရွယ်၍ (၄.၄.၂၀၂၃)ရက်နေ့၊ နံနက် (၁၀:၀၀) အချိန်တွင် ပခုက္ကူမြို့၊  အမှတ်(၁၅) ရပ် ကွက်အတွင်းရှိ မုန့်မျိုးစုံဆိုင်များနှင့် ကုန်မျိုးစုံဆိုင်များတွင် ရောင်းချလျက်ရှိသော ကုန်စည်များမှာ ထုတ်ကုန်လုံခြုံစိတ်ချရမှုရှိစေရန်အတွက် သက်တမ်းလွန်ကုန်ပစ္စည်းများ ရောင်းချနေမှုရှိ/မရှိ၊ ကုန်အညွှန်းအမှတ်အသားနှင့်စပ်လျဉ်း၍ မြန်မာဘာသာဖြင့် ဖော်ပြထားခြင်း ရှိ/မရှိနှင့် ကုန်အညွှန်းအမှတ်အသားများပြည့်စုံစွာ ဖော်ပြထားမှုရှိ/မရှိကို ဈေးကွက်စောင့်ကြည့်စစ်ဆေးခဲ့ပါသည်။       

         ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူရေးရာဦးစီးဌာနမှ မုန့်မျိုးစုံရောင်းချနေသော ဆိုင်ရှင်များအား စားသုံးသူကာကွယ်ရေးဥပဒေ ၂၀၁၉ အခန်း(၁၈)၊ ပုဒ်မ(၄၁)အရ ကုန်စည်များတွင် ကုန်အညွှန်းအမှတ်အသားပြည့်စုံစွာဖော်ပြထားသည့်ကုန်စည်များကိုသာရောင်းချရန်နှင့်မြန်မာနိုင်ငံစားသုံးသူကာကွယ်ရေးကော်မရှင်မှထုတ်ပြန်ထားသည့် ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာဖော်ပြလာစေရေးနှင့်မြန်မာဘာသာဖြင့်ဖော်ပြရမည့် ကုန်ပစ္စည်းအမျိုးအမည်၊ အရွယ်အစား၊ အရေအတွက်(သို့မဟုတ်) အသားတင်ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်တို့ကို မဖြစ်မနေထည့်သွင်းဖော်ပြရမည်ဖြစ်ပြီး ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများကိုလည်း ထည့်သွင်းဖော်ပြရမည်ဖြစ်ကြောင်း ကုန်အညွှန်းအမှတ်အသားပြည့်စုံစွာဖော်ပြထားခြင်းမရှိသော ကုန်စည်များရောင်းချသည်ကို စစ်ဆေးတွေ့ ရှိရပါက စားသုံးသူကာကွယ်ရေး ဥပဒေအရ အရေးယူဆောင်ရွက်သွား မည်ဖြစ်ကြောင်းနှင့် စားသုံး သူကာကွယ်ရေးဥပဒေအခန်း(၁၀)ပါ စီးပွားရေးလုပ်ငန်း ရှင်၏တာဝန်များ၊ တားမြစ်ချက်များ၊ ပြစ်မှု ပြစ်ဒဏ်များအကြောင်းတို့ကို အသိပေးပြောကြားခဲ့ပြီး စားသုံးသူအသိပညာပေးလက်ကမ်း စာစောင်များ ဖြန့်ဝေခဲ့ပါသည်။

DOCA(မကွေး)