သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်တာဝန်ခံနှင့် ဝန်ထမ်းသည် ( ၃.၉. ၂၀၂၅)ရက်နေ့၊ နံနက်(၀၇:၃၀)အချိန်တွင် မကွေးမြို့၊ ကန်သာဈေး၌ ရောင်းချလျက်ရှိသော ကုန်စည် များအား နမူနာဝယ်ယူ၍ Mobile Lab Van ဖြင့် ရှောင်တခင်စစ်ဆေးခြင်းကို အစားအသောက်နှင့် ဆေးဝါးကွပ်ကဲ ရေးဦးစီးဌာန၊ စည်ပင်သာယာရေးအဖွဲ့နှင့် ကျန်းမာရေးဦးစီးဌာနတို့ဖြင့် ပူးပေါင်းဆောင် ရွက်ခဲ့ကြောင်း သိရသည်။

ထိုသို့ နမူနာဝယ်ယူစစ်ဆေးခဲ့သော ပိတ်ဆွယ်၊ ပဲသွေး၊ ငပိ၊ မျှစ်(အနီရောင်၊ အဖြူရောင်၊ အဝါရောင်)၊ ပဲပြား (S/ K)၊ ငါးဘတ်ခြောက်၊ အသားတု၊ ခေါက်ဆွဲ၊ ကြက်အူချောင်း၊ ချင်းပေါက်၊ လက်ဖက်၊ အမဲသွေးခဲတို့၌ အစားအစာများတွင်သုံးစွဲရန်မသင့်သော ချွတ်ဆေးများ၊ တာရှည်ခံဆေးများ သုံးစွဲထားခြင်း ရှိ/ မရှိ  Mobile Lab Van     ဖြင့် ချက်ချင်းစစ်ဆေးခဲ့ရာ ပဲသွေး၌ ခွင့်မပြုတာရှည်ခံဆေး သုံးစွဲထားကြောင်း စစ်ဆေးတွေ့ရှိရသဖြင့်  ပဲသွေးရောင်းချသည့်စျေးသည်အား စျေးတာဝန်ခံရုံးသို့ ‌ခေါ်ယူ၍ ဆက်လက်ရောင်းချခြင်းမပြုရန် အဖွဲ့စုံရှေ့တွင် ဝန်ခံကတိလက်မှတ် ရေးထိုးစေခြင်းနှင့် သုံးစွဲရန်ခွင့်မပြုတာရှည်ခံဆေးသုံးစွဲထားသော ပဲသွေးအား ဖျက်ဆီး၍ စျေးတာဝန်ခံရုံးရှိ အမှိုက်ပုံးထဲသို့ စွန့်ပစ်ခြင်းများ ဆောင်ရွက်ခဲ့ကြောင်း သိရသည်။

DOCA(မကွေး)

   ပဲခူးတိုင်းဒေသကြီး၊ ပြည်ခရိုင်တွင် အရည်အသွေးပြည့်မီသော အင်တာနက် ဝန်ဆောင်မှုများ ရရှိစေရန် စားသုံးသူများ၏ လူနေမှုဘဝများ အဆင်ပြေချောမွေ့စေရန် ရည်ရွယ်၍ ပြည်ခရိုင်အတွင်းရှိ မြို့နယ်တာဝန်ခံများမှ ပြည်မြို့နယ်တွင် “MYTEL ၊ ခေတ္တရာဘရော့ဘမ်” လုပ်ငန်းများ သို့လည်းကောင်း၊ ရွှေတောင်မြို့တွင် “မိုဘိုင်းနန်းတော်”ဖုန်းဆိုင်သို့လည်းကောင်း ဆက်သွယ်ရေး အင်တာနက် ဝန်ဆောင်မှုများ ဆောင်ရွက်နေသည့် ကွင်းဆင်းစစ်ဆေး၍ ဆက်သွယ်ရေး (ဝန်ဆောင်မှု)(Package/Plan)များနှင့် ဝန်ဆောင်ခနှုန်းထားများအား  အများပြည်သူ များလွယ်ကူစွာ သိရှိနိုင်စေရေး ဖော်ပြထားမှုရှိ/မရှိ စစ်ဆေးခဲ့ပြီး ဝန်ဆောင်ခနှုန်းထားများ ပြောင်းလဲမှုရှိပါက ကြိုတင်အသိပေးရန်နှင့် ဝန်ဆောင်ခနှုန်းထားများ မှားယွင်းစွာ ငွေကြေးဖြတ်တောက်မှုများ ဖြစ်ပေါ်ခဲ့ပါက သုံးစွဲသူများအား သက်ဆိုင်ရာအော်ပရေတာများမှ ငွေပြန်အမ်းသည့် Refound Policy များထားရှိဆောင်ရွက်နိုင်ရေး အင်တာနက်လိုင်းများ ပြတ်တောက်ပါက သက်ဆိုင်ရာကုမ္ပဏီများ အနေဖြင့် ပြည်သူများ စိတ်ကျေနပ်မှုရရှိအောင် ဆောင်ရွက်ပေးနိုင်ရေး ဆွေးနွေးပြောကြားခဲ့ကြောင်း သတင်းရရှိပါသည်။

DOCA(ပဲခူး)

          စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံးအနေဖြင့် ပြည်ခရိုင် အတွင်းရှိ လုပ်ငန်းရှင်များအား Online Sales ဈေးရောင်းချခြင်းနှင့်ပတ်သက်၍ အသိပညာပေး ဟောပြောဆွေးနွေးခြင်းများဆောင်ရွက်လျက်ရှိရာ ပြည်ခရိုင်၊ ပြည်မြို့နယ်တွင် (၁၈.၈.၂၀၂၅)နေ့ ဝက်ထီးကန်တိုက်နယ်၊ ဝါးရုံဆိပ်အုပ်စု၊ လျှော်ထုံးရွာရှိ ပြည်သူများအားလည်းကောင်း၊ ပေါက်ခေါင်းမြို့နယ်၌ (၁၈.၈.၂၀၂၅)ရက်နေ့တွင် မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် ပူးပေါင်း၍ စာဖတ်ဝိုင်းရှိ ရပ်ကွက်နေပြည်သူများအားလည်းကောင်း၊ ရွှေတောင် မြို့နယ်တွင် တာဝန်ခံရုံး၌ (၂၅.၈.၂၀၂၅) ရက်နေ့တွင် မြို့ပေါ်ရှိကုန်စုံဆိုင်ပိုင်ရှင်များ အားလည်းကောင်း ၊ ပန်းတောင်းမြို့နယ်၌ (၂၅.၈.၂၀၂၅)ရက်နေ့တွင် နတ်မောက်အုပ်စု၊ ရွှေတောင်ကုန်းကျေးရွာရှိ ပြည်သူများအား လည်းကောင်း သက်ဆိုင်ရာ မြို့နယ်တာဝန်ခံနှင့် ဝန်ထမ်းများသည် တွေ့ဆုံ၍ Online Sales ဈေးရောင်းချခြင်းနှင့်ပတ်သက်၍ အသိပညာပေး ဟောပြော ဆွေးနွေးခြင်းများ ဆောင်ရွက်ခဲ့ ပါသည်။

          အဆိုပါ ဆွေးနွေးဟောပြောပွဲတွင် လုပ်ငန်းရှင်များအနေဖြင့် Online Sales ဈေးရောင်း ချခြင်းနှင့်ပတ်သက်၍ သိရှိလိုက်နာရမည့်အချက်များ၊ Online Sales မှတ်ပုံတင်ခြင်း ဆိုင်ရာ အချက်များအား ရှင်းလင်းဆွေးနွေးခြင်းဆောင်ရွက်ခဲ့ရာ တက်ရောက်လာသော လုပ်ငန်းရှင် များမှ သိရှိလိုသည်များ ပြန်လည်မေးမြန်းခြင်းနှင့် သက်ဆိုင်ရာ မြို့နယ်တာဝန်ခံများမှ ပြန်လည် ရှင်းလင်းခြင်းဆောင်ရွက်ခဲ့ပြီး ဆွေးနွေးပွဲသို့ ပြည်ခရိုင်အတွင်း မြို့နယ်အားလုံးမှ စီးပွားရေး လုပ်ငန်းရှင် (၅၈)ဦး တက်ရောက်ခဲ့ကြောင်း သတင်းရရှိပါသည်။

DOCA(ပဲခူး)

  စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံးအနေဖြင့် ရပ်ကွက်/ ကျေးရွာနေ စားသုံးသူပြည်သူများနှင့် တိုင်းပြည်၏ အနာဂတ် မျိုးဆက်သစ်များဖြစ်သော ကျောင်းသား/ကျောင်းသူများအား စားသုံးသူကာကွယ်ရေးဆိုင်ရာ အသိပညာများ ကျယ်ကျယ် ပြန့်ပြန့်သိရှိနိုင်စေရေး ရည်ရွယ်၍ ခရိုင်အတွင်း မြို့နယ်များရှိ ရပ်ကွက်/ ကျေးရွာများနှင့် အခြေခံ ပညာကျောင်းများတွင် အသိပညာပေးဟောပြောဆွေးနွေးခြင်းများကို အင်တိုက်အားတိုက် လုပ်ဆောင် လျက်ရှိရာ ပြည်ခရိုင်အတွင်း ၂၀၂၅ ခုနှစ်၊ ဩဂုတ်လ(၁၆)ရက်မှ(၃၁)ရက်အတွင်း ပြည်ခရိုင်၊ ပြည်မြို့တွင် ပြည်တက္ကသိုလ်၊ အ.ထ.က(မူယာပင်)ကျောင်းနှင့် မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနတို့ ပူးပေါင်း၍ စားသုံးသူအသိပညာပေး (Talk Show) ပွဲပြုလုပ်ဆောင်ရွက်ခြင်းကို လည်းကောင်း၊ ရွှေတောင်မြို့နယ်တွင် မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနတို့ ပူးပေါင်း၍ စားသုံးသူအသိပညာပေး (Talk Show) ပွဲပြုလုပ်ဆောင်ရွက်ခြင်းကိုလည်းကောင်း၊ ပန်းတောင်းမြို့နယ်တွင် ညောင်ပင်သာအုပ်စု၊ သစ်စိမ်ပင်ကျေးရွာရှိပြည်သူများ၊ မူလွန်(နတ်မောက်) ကျောင်းသို့လည်းကောင်း၊ ပေါက်ခေါင်း မြို့နယ်တွင် မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနတို့ ပူးပေါင်း၍ စားသုံးသူ အသိပညာပေး (Talk Show) ပွဲပြုလုပ်ဆောင်ရွက်ခြင်းကို လည်းကောင်း၊ သက်ဆိုင်ရာ မြို့နယ်တာဝန်ခံများနှင့် ဝန်ထမ်းများ သည်စားသုံးသူကာကွယ်ရေး ဆိုင်ရာ အသိပညာပေး ဟောပြောခြင်းများ ဆောင်ရွက်ခဲ့ပါသည်။

   အဆိုပါ အသိပညာပေး ဟောပြောခြင်းများ ဆောင်ရွက်ရာတွင် သက်ဆိုင်ရာ မြို့နယ် တာဝန်ခံများမှ စားသုံးသူ အခွင့်အရေးများနေ့ဖြစ်ပေါ်လာပုံ၊ စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသားဖေါ်ပြခြင်းဆိုင်ရာအချက်များ၊ နစ်နာဆုံးရှုံးမှုရှိပါက တိုင်ကြားနိုင်သည့် ပုဂ္ဂိုလ်များနှင့် နည်းလမ်းများ တိုင်ကြားနိုင်မည့် ဖုန်းနံပါတ်နှင့်လိပ်စာ၊ စားသုံးသူကာကွယ်ရေး ဥပဒေပါ ပြစ်မှုပြစ်ဒဏ်များအကြောင်း၊ သက်ဆိုင်ရာဌာနများက စားသုံးရန်မသင့်ဟု တားမြစ် ထုတ်ပြန်ထားသော ကုန်စည်များအား ရွေးချယ်ဝယ်ယူခြင်းမပြုရန် ကုန်အညွှန်းအမှတ်အသား ပြည့်စုံစွာ ပါဝင်သော ကုန်စည်များကိုသာ ရွေးချယ်ဝယ်ယူကြရန် အသိပညာပေးဟောပြောခြင်းများ ဆောင်ရွက်ခဲ့ကြောင်း သိရပါသည်။

DOCA(ပဲခူး)

ပဲခူးတိုင်းဒေသကြီး၊ သာယာဝတီခရိုင်၊ကြို့ပင်ကောက်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံး၌ (၁.၉.၂၀၂၅) ရက်နေ့ နေလည်(၁၃း ၃၀) နာရီအချိန်တွင်ဆီလက်လီ၊လက်ကား ရောင်းချသည့်ကိုယ်စားလှယ် (၁၈)ဦးအား မြို့နယ်တာဝန်ခံ ဒေါ်ရီရီရှိန်မှ ဆွေ့ဆုံဆွေးနွေးခဲ့ပါသည်။

          လုပ်ငန်းများနှင့်တွေ့ဆုံခဲ့ရာတွင် ဌာန၏လမ်းညွှန်ချက်အရ စားအုန်းဆီကြီးကြပ်ရေးစနစ် (Software) စနစ်အသုံးပြုနိုင်ရန် ကြို့ပင်ကောက်မြို့နယ် ဆီထုတ်ကိုယ်စားလှယ်မှ လက်ကား ကိုယ်စားလှယ်ဖြန့်ဖြူးသည့် စာရင်း၊လက်ကားကိုယ်စားလှယ်မှ လက်လီကိုယ်စားလှယ်သို့  ဖြန့်ဖြူး သည့်အရင်း၊လက်ကားကိုယ်စားလှယ်မှ လက်လီကိုယ်စားလှယ်သို့ ဖြန့်ဖြူးသည့်စာရင်း၊လက်လီ ကိုယ်စားလှယ်မှ ရပ်ကွက်ကျေးရွာရှိ စားသုံးသူပြည်သူများသို့ ဖြန့်ဝေရောင်းချမှု့ ဆောင်ရွက်ခြင်း စနစ်ကို မိမိလက်ကိုင်ဖုန်းထဲတွင် (Software) အသုံးပြုဆောင်ရွက်နိုင်ရေးအား မြို့နယ်တာဝန်ခံနှင့် လက်ကားကိုယ်စားလှယ်တို့မှ ရှင်းပြခဲ့ပြီးစားအုန်းဆီဖြန့်ဖြူးရာတွင် မှန်(၆)မှန်ဖြင့်ဆောင်ရွက်ရန် (၁) လက်လီလက်ကားစာရင်းမှန်၊ (၂) နေရာမှန်၊ (၃) အချိန်မှန်၊ (၄) ဈေးနှုန်းမှန်၊ (၅) အရေ အတွက်မှန်၊ (၆) အချိန်အတွယ်နှင့်အရည်အသွေးမှန်ရမည်ဖြစ်ကြောင်း၊ လုပ်ငန်းရှင်များအား ချပြ ဆွေးနွေးဆောင်ရွက်ခဲ့ပြီး၊ တက်ရောက်လာသူများက သိလိုသည်များကို မေးမြန်း၍ အပြန်အလှန် ပြောကြားခဲ့ပြီး (၄:၃၀)အချိန်တွင်တွေ့ဆုံဆွေးနွေးပွဲ ရုပ်သိမ်းခဲ့ပါသည်။

DOCA(ပဲခူး)