သတင်းနှင့် လှုပ်ရှားမှုများ

   စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ လက်အောက်ရှိ လှည်းကူးမြို့နယ် တာဝန်ခံ ဉီးထွန်းထွန်းဉီး၊ ဒုကြီးကြပ်ရေးမှူးသည် (၁၆.၅.၂၀၂၅)ရက်နေ့ နံနက်(၁၀:၂၀)အချိန်တွင် မြို့မဈေးအတွင်းရှိ ကုန်စုံဆိုင်များသို့ သွားတိုက်ဆေးအမျိုးမျိုးတွင် ကုန်အညွှန်းအမှတ်အသားပြည့်စုံ စွာပါဝင်ခြင်းရှိ/မရှိအား ကွင်းဆင်းစစ်ဆေးခဲ့ပါသည်။

   ထိုသို့စစ်ဆေးခဲ့ရာတွင် မြို့မဈေးတာဝန်ခံ ဉီးပြည့်ဖိုးမောင် ပူးပေါင်းပါဝင်လျက် ရောင်းချနေ သော သွားတိုက်ဆေးအမျိုးမျိုးတွင် စားသုံးသူကာကွယ်ရေးဥပဒေပါ အခန်း(၁၈)တွင် ဖော်ပြရမည့် ကုန်အညွှန်းအမှတ်အသားများ ပြည့်စုံစွာဖော်ပြထား၍ အလေးချိန်တွင်လည်း ဂရမ်ကို မြန်မာလို ရေးသားဖော်ပြထားကြောင်း စစ်ဆေးတွေ့ရှိရပြီး မိမိဌာနမှလည်း ကုန်အညွှန်းအမှတ်အသားပြည့်စုံ သော ကုန်ပစ္စည်းများကိုသာ ရောင်းချရန် ပြည့်စုံခြင်းမရှိပါက အရေးယူဆောင်ရွက်သွားမည်ဖြစ် ကြောင်း ဆွေးနွေးအသိပညာပေးပြောကြားခဲ့ကြောင်း သိရှိရပါသည်။

DOCA (ရန်ကုန်)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် ဝါးခယ်မမြို့နယ်တာဝန်ခံဦးအောင်မိုးနှင့် ဝန်ထမ်းများသည် (၂၀.၄.၂၀၂၅)ရက်နေ့၊  ညနေ(၃;၀၀)အချိန်တွင် ဝါးခယ်မမြို့နယ် စားသုံးသူရေးရာဦးစီးဌာနရုံးတွင် ကုန်မျိုးစုံလုပ်ငန်းရှင်များအား စားသုံးသူကာကွယ်ရေးအသိပညာပေးဟောပြောဆောင်ရွက်ခဲ့ပါသည်။

      ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ ဝါးခယ်မမြို့နယ်တာဝန်ခံမှ မိတ်ဆက်စကား ပြောကြားပြီး စားသုံးသူရေးရာဦးစီးဌာန၏မျှော်မှန်းချက်၊ ရည်မှန်းချက်များ၊ ဌာနမှလက်ရှိဆောင်ရွက်နေသော လုပ်ငန်း တာဝန်များအားဦးစွာရှင်းလင်းပြောကြားခဲ့ပါသည်။စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန် ထားသော စားသုံးသူကာကွယ်ရေးဥပဒေ၂၀၁၉ပါပြဌာန်းချက်များမှ စားသုံးသူများ၏အခွင့်အရေးနှင့်တာဝန်များ၊ စီးပွားရေးလုပ်ငန်း ရှင်များ၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ၄၂ပုဒ်မခွဲ (ခ)နှင့်(ဂ)တို့ပါ ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့်ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ထုတ်လုပ်မှု အမှတ်စဉ်တို့အားအသေးစိတ်ရှင်းလင်းဟောပြောခဲ့ပြီး၊ မိမိတို့စားသောက်နေသောအစားအသောက်များတွင် ဓါတုဆိုးဆေးများအလွန်အကျူးပါဝင်နေခြင်း၊ သတ်တမ်းလွန်သော အစားအသောက်များအား မိမိအသိဖြင့် ဆင်ခြင် ဝယ်ယူစားသောက်ကြရန် ဟောပြောဆွေးနွေးခဲ့ပါသည်။ထိုဟောပြောပွဲသို့ ကုန်မျိုးစုံလုပ်ငန်းရှင် စုစုပေါင်း(၈)ဦး တက်ရောက်ခဲ့ကြောင်းသိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်အိမ်မဲမြို့နယ် တာဝန်ခံ ဒေါ်ဇင်မာသန်း နှင့် ဝန်ထမ်းများသည်(၂၂.၄.၂၀၂၅) ရက်နေ့၊နံနက်(၁၀:၀၀) အချိန်တွင် မြို့နယ် တာဝန်ခံရုံး၌ စားသုံးဆီလက်လီ/လက္ကား အရောင်းဆိုင်လုပ်ငန်းရှင်များအား စားသုံးသူကာကွယ်ရေး အသိပညာပေး  ဟောပြောပွဲဆောင်ရွက်ခဲ့ပါ သည်။

     ထို့သို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ စားသုံးဆီရောင်းချသူ စီးပွားရေးလုပ်ငန်းရှင်များအား ခေါ်ယူတွေ့ဆုံ၍ လက်ရှိဖြစ်ပေါ်နေသော စားသုံးဆီဈေးနှုန်းကြီးမြင့်ခြင်းနှင့် ပတ်သက်ပြီး စားသုံးဆီရောင်းချသောလုပ်ငန်းရှင်များအနေဖြင့် သတ်မှတ်ရည်ညွှန်းဈေးထက် ပိုမိုရောင်းချခြင်းမပြု လုပ်ကြရန်၊ ဈေးနှုန်းမြင့်တင်ရောင်းချခြင်းစစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူ ဆောင်ရွက်သွားမည်ဖြစ်ကြောင်း အသေးစိတ်ရှင်းလင်းဆွေးနွေးခဲ့ပြီး၊ မြို့နယ်ဦးစီးမှူးမှ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ၂၀၁၉ ပါပြဌာန်းချက်များမှ အခန်း(၁၈)ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်အညွှန်းပြည့်စုံစွာဖော်ပြထားသော  ကုန်စည်များကိုသာ ရောင်းချကြရန်၊ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအား အသေးစိတ်ရှင်းလင်း ဟောပြောခဲ့ပြီး စားသုံးဆီလုပ်ငန်းရှင်များအား အသိပေးဆွေးနွေးဟောပြောခဲ့ပါသည်။ တက်ရောက်လာ သောဆီလုပ်ငန်းရှင်များမှ သိရှိလိုသည့်မေးမြန်းချက်များအား မြို့နယ်ဦးစီးမှူးမှပြန်လည်ရှင်းလင်းဆွေးနွေး ခဲ့ပါသည်။ ဟောပြောပွဲသို့ စားသုံးဆီ လက်လီ/ လက္ကား အရောင်းဆိုင်ပိုင်ရှင် စီးပွားရေးလုပ်ငန်းရှင် (၃၀)ဦး တက်ရောက်ခဲ့ပါသည်။

DOCA(ဧရာဝတီ)

   ၁၅.၅.၂၀၂၅ ရက်နေ့၊ ၁၅:၀၀ အချိန်၊ ကျောက်တံတားခရိုင်၊ လမ်းမတော်မြို့နယ်၊ မော်တင်ယာယီဈေးရပ်ကွက်၊ ကမ်းနားဥပစာလမ်း၊ ကိုင်းတန်းအမှတ်(၁)၊ ကိုင်းတန်း အမှတ်(၂)ရှိ ဆန်သင်္ဘောများနှင့် ယမုံနာလမ်း၊ လမ်းသစ်လမ်းတိုနှင့် ဝါးတန်းလမ်းတိုတို့ရှိ ဆန်ဂို‌ဒေါင်များအား  လမ်းမတော် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးကောင်းမြတ်ကျော်၊ ရန်ကုန်အရှေ့ပိုင်းခရိုင်စားသုံးသူရေးရာဦးစီးဌာနမှ အငယ်တန်းစာရေး ဦးရန်နိုင်ထွန်း၊ လမ်းမတော်မြို့နယ်စည်ပင်သာယာမှ လက်ထောက်အုပ်ချုပ်ရေးမှုး ဦးအောင်ဆွေ၊ လမ်းမတော်မြို့မရဲစခန်းမှ ဒုရဲအုပ် ကျော်သက်ထွန်း ဦးစီးမှူး၊ မြန်မာ့ ဆိပ်ကမ်းအာဏာပိုင်၊ ကုန်လုပ်ငန်းဌာန၊ မြေနှင့်ဆိပ်ကမ်း(အလယ်ပိုင်း)ဌာနစုမှ မန်နေဂျာ ဦးထွန်း လင်း ဦးစီးမှူး၊ ရပ်ကွက်အုပ်ချုပ်ရေးမှူး ဦးမြင့်စောနှင့် ရပ်ကွက်စာရေး ဦးထွန်းလင်း တို့ပါဝင်သော ပူးပေါင်းအဖွဲ့ဖြင့် ဈေးကွက်အတွင်း ဆန်ပြတ်လပ်ခြင်း၊ ဆန်ဈေးမတည်ငြိမ်မှုမရှိစေရေးအတွက် ကွင်းဆင်းစစ်ဆေးဆောင်ရွက်ခဲ့ပြီး ၁၆:၃၀ အချိန်တွင်ပြီးစီးခဲ့ကြောင်း သိရှိရပါသည်။

DOCA (ရန်ကုန်)

  ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် အထွေထွေအုပ်ချုပ်ရေး ဦးစီး ဌာနရုံးတွင် ရပ်ကွက်အုပ်ချုပ်ရေးမှူးများအား (၂၃.၄.၂၀၂၅) နေ့၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးမိုးမင်းသန်းမှ စားသုံးသူကာကွယ်ရေး အသိပညာပေး ဟောပြောခဲ့ပါသည်။

   ထိုသို့ဟောပြောရာတွင် ကျိုက်လတ်မြို့နယ်တာဝန်ခံက စားသုံးသူအခွင့်အရေးနှင့် တာဝန်များ အကြောင်း၊ စားသုံးသူလုံခြုံစိတ်ချရမှုရှိစေရေး၊ အစားအသောက်များကို ဝယ်ယူသုံးစွဲရာတွင် အန္တရာယ် ရှိသော ကုန်စည်များ ဝယ်ယူသုံးစွဲခြင်းမပြုကြရန်နှင့် ကုန်အညွှန်းအမှတ်အသားပြည့်စုံသော ကုန်စည် များကိုသာ ရွေးချယ်ဝယ်ယူကြရန်နှင့် Myro ဆန်စပါး သိုလှောင်ရုံများ မှတ်ပုံတင်ဆောင်ရွက်ရန်နှင့် online စနစ်ရောင်းချမှုများအား မှတ်ပုံတင်ရေး ပြောကြားခဲ့ပြီး နစ်နာဆုံးရှုံးမှုများ ရှိလျှင် 1535 သို့ ဖုန်းခေါ်ဆို တိုင်ကြားနိုင်ကြောင်း အသိပညာဟောပြောခဲ့သည်ဟု သတင်းရရှိပါသည်။

DOCA(ဧရာဝတီ)