သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ် တာဝန်ခံဒေါ်ဇင်မာသန်း နှင့်ဝန်ထမ်းများသည်(၂၅.၈.၂၀၂၅)ရက်နေ့၊နေ့လယ် (၁၃:၀၀) အချိန်တွင် မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍အိမ်မဲမြို့နယ်၊မြို့မဈေးရှိ ကုန်စုံဆိုင်များတွင်ရောင်းချနေသော အသင့်စားခေါက်ဆွဲထုပ်များတွင် ကုန်ညွှန်းအမှတ်အသားပြည့်စုံမှုရှိ/မရှိ ကွင်းဆင်းစစ်ဆေးခဲ့ပါသည်။

       ထိုသို့ကွင်းဆင်းစစ်ဆေးဆောင်ရွက်ရာတွင် အိမ်မဲမြို့နယ်တာဝန်ခံမှအိမ်မဲမြို့နယ် မြို့မဈေးရှိ ကုန်မျိုးစုံဆိုင် များတွင်ရောင်းချနေသော အသင့်စားခေါက်ဆွဲထုပ်များတွင် ကုန်ညွှန်းအမှတ်အသားဖော်ပြခြင်း ပြည့်စုံမှုရှိ/ မရှိစစ်ဆေးခဲ့ပြီး၊ ကုန်မျိးစုံဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန် ထားသော စားသုံးသူကာကွယ်ရေးဥပဒေ ၂၀၁၉ပါပြဌာန်းချက်များမှ အခန်း(၁၈)ပါ  ကုန်ညွှန်းအမှတ်အသား ဖော်ပြခြင်း နှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ၄၁ ပုဒ်မခွဲ(ခ)နှင့် (ဆ)တို့ပါ ကုန်ညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့)တစ်ခုထက်ပို၍ တွဲလျက်ဖြစ်စေ ရေးသား ဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် သတ်မှတ်ထားသည့် ဥပဒေ ညွှန်ကြားချက်များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်အညွှန်း အမှတ်အသား ဖော်ပြချက်၊ ပြည့်စုံမှုရှိ/မရှိအားဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ် ဆောင်ရွက်သွားမည် ။

DOCAဧရာဝတီ)

     ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ မြောင်းမြခရိုင်အိမ်မဲမြို့နယ်တာဝန်ခံဒေါ်ဇင်မာသန်း နှင့်      ဝန်ထမ်းများသည်(၂၅.၈.၂၀၂၅)ရက်နေ့၊ နံနက်(၈:၀၀)အချိန်တွင် မြို့နယ်ကုန်ဈေးနှုန်း တည်ငြိမ်ကျဆင်း ရေးကော်မတီဥက္ကဌနှင့်အဖွဲ့ဝင်များ၏ ဦးဆောင်ကြီးကြပ်မှုဖြင့် သာသနာဗိမာန်ကျောင်းရှေ့ တွင် ဆန်၊ စားအုန်း ဆီ၊ ကြက်ဥ တို့ကိုသက်သာသောဈေးနှုန်းများဖြင့် ပြည်သူများအား ရောင်းချပေးခဲ့ပါသည်။

            ထိုသို့ရောင်းချပေးရာတွင် စားသုံးသူပြည်သူများအား ကြက်ဥတစ်လုံး (၃၅၀)၊  ဆန်တစ်ပြည်(၂၀၀၀)၊ စားအုန်းဆီ ၁ပိဿာ(၇၀၀၀)အစရှိသည့်သက်သာသော ဈေးနှုန်းများဖြင့် စားသုံးသူ ပြည်သူများအား မည်သူမဆို လွတ်လပ်စွာဝယ် ယူနိုင်ရန် ရောင်းချပေးခဲ့ကြောင်း သိရှိရပါသည်။

DOCAဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ဝါးခယ်မမြို့နယ် တာဝန်ခံ ဦးအောင်မိုးနှင့် ဝန်ထမ်းများသည် (၂၅.၈.၂၀၂၅)ရက်နေ့၊ နံနက်(၇:၃၀)အချိန်တွင် မြို့နယ်ကုန်ဈေနှုန်းတည်ငြိမ်ကျဆင်းရေး ကော်မတီဥက္ကဌနှင့် အဖွဲ့ဝင်များ၏ ဦးဆောင်ကြည့်ကြပ်မှုဖြင့် မြို့နယ်ဆန်စက်လုပ်ငန်းရှင်များ အသင်းရုံးရှေ့တွင် ဆန်၊ စားအုန်းဆီ၊ ကြက်ဥတို့ကို သက်သာဈေးနှုန်းများဖြင့် ပြည်သူများအား ရောင်းချပေးခဲ့ပါသည်။

    ထိုသို့ရောင်းချရာတွင် စားသုံးသူပြည်သူများအား ကြက်ဥတစ်လုံးကို(၃၅၀)ကျပ်၊ ဆန် တစ်ပြည်ကို(၂၀၀၀)ကျပ်၊ ဆီ တစ်ပိဿာကို(၇၀၀၀)ကျပ် အစရှိသည့် ဈေးနှုန်းများဖြင့် စားသုံးသူပြည်သူများအား သက်သာသောဈေးနှုန်းများဖြင့်  မည်သူမဆိုလွတ်လပ်စွာ ဝယ်နိူင်ရန်ရောင်းချပေးခဲ့ကြောင်း သတင်းရရှိပါသည်။

( DOCAဧရာဝတီ)

       ဧရာဝတီတိုင်းဒေသကြီး၊ ဓနုမြို့နယ်၌ စျေးကွက်အတွင်း ရောင်းချလျက်ရှိသော ဒေသတွင်းထုတ် အခြားပြုပြင်ထုတ်ပိုး/ထုတ်လုပ်ထားသောစားသောက် ကုန်ပစ္စည်းများကို (၂၅-၈-၂၀၂၅) နေ့လယ် (၁၃:၀၀)အချိန်က ၁ရပ်ကွက် ၂ရပ်ကွက်။ ၃ရပ်ကွက်။ ၄ရပ်ကွက်အတွင်း ရှိ စားသောက်ကုန်မျိုးစုံ ဆိုင်(၁၂)ဆိုင် အား  ကွင်း ဆင်းကြည့်ရှုစစ်ဆေးခဲ့ကြကြောင်း သိရသည်။

     အဆိုပါ ကွင်းဆင်းစစ်ဆေးရာတွင် မြို့နယ်ဦးစီးမှူး ဦးခိုင်လွမ်းမိုးက လုပ်ငန်းရှင်များကို အသိပေးပြောကြားရာ စျေးကွက်အတွင်းတွင် စားသုံးသူပြည်သူများသို့ ရောင်းချလျက်ရှိသော စားသောက်ကုန်ပစ္စည်း အမျိုးမျိုးတွင် ကုန်ညွှန်းအမှတ် ပြည့်စုံမှန် ကန်စေ ရေးနှင့် ကုန်ထုတ်လုပ်ခွင့်ဆိုင်ရာထောက်ခံချက်များရှိ မရှိကို ကွင်းဆင်းကြည့်ရှုစစ် ဆေးခြင်း၊ လုပ်ငန်းရှင်များအနေဖြင့် ပြုပြင်ထုတ်ပိုးကုန်စည်များတွင် ကုန်အညွှန်းအမှတ် အသား သတင်းအချက်အလက်ပြည့်စုံစွာ ဖော်ပြထားသော ကုန်စည်များကို ဦးစားပေးရောင်းချရန်၊ ကုန်အညွန်းမပါပဲ ထုတ်လုပ်ခြင်းများရှိပါကမရောင်းချရန်နှင့်  စားသုံးသူရေးရာဦးစီးဌာနမှ သတ်မှတ် ထုတ်ပြန်ထားသော ကုန်စည်အုပ်စု ၈မျိုး မြန်မာလို ကုန်အညွှန်းဖော်ပြရာတွင် လွယ်ကူစွာ ဖော်ပြရန် ညွှန်ကြားချက် (၂/၂၀၁၉) ကို ရှင်းလင်းခြင်း၊ ကုန်စည်အုပ်စု(က) တွင် ဖော်ပြရမည့် အချက်အလက်များအတိုင်း ပါဝင်သောကုန်စည်များကို စားသုံးသူများအတွက် ဘေးအန္တရာယ် ကင်းရှင်းစေရေး ဈေးကွက်အတွင်း စောင့်ကြည့် စစ်ဆေးခြင်းဖြစ်ကြောင်း သိရသည်။

  ယင်းကွင်းဆင်းစစ်ဆေးမှုကို မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ပြည်သူ့ ကျန်းမာရေးနှင့် ကုသရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် မြို့နယ်စားသုံးသူရေးရာဦးစီးဌာနမှ ဝန်ထမ်းများပူးပေါင်း ဆောင်ရွက်ခဲ့ခြင်းဖြစ်ကြောင်း သိရသည်။

DOCA(ဧရာဝတီ)

       မအူပင်ခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူးရုံးခန်းမတွင် ၂၅-၈-၂၀၂၅ ရက်နေ့ နေ့လယ် ၂နာရီအချိန်က မအူပင်မြို့နယ်အတွင်း အွန်လိုင်းမှတ်ပုံတင်ပြီးစီးပြီး ဖြစ်သော ရွေဆိုင်လုပ်ငန်းရှင်၊ အဝတ်အထည်ရောင်းချသူလုပ်ငန်းရှင်၊ အလှကုန်ပစ္စည်း ရောင်းချသူလုပ်ငန်းရှင်၊ အိမ်ခြံမြေအကျိုးတော်ဆောင် လုပ်ငန်းရှင်၊ လျှပ်စစ်ပစ္စည်းရောင်းချသူလုပ်ငန်းရှင် (၈)ဦးအား တွေ့ဆုံ၍ အွန်လိုင်းလုပ်ငန်းအသိပညာပေး ဟောပြောခဲ့ကြောင်း သိရသည်။

     အသိပညာပေးဆောင်ရွက်ရာတွင် ဒုခရိုင်ဦးစီးမှူး ဦးအောင်ဇော်ဦးက လုပ်ငန်းရှင်များကို မှတ်ပုံတင်လက်မှတ်ရရှိပြီးသူများ နှစ်နှစ်ပြည့်မီပါက ထပ်မံသက်တမ်းတိုးဆောင်ရွက်ခြင်းလုပ်ငန်းကို လုပ်ငန်းရှင်ဘက်မှကိုယ်တိုင် သက်တမ်းတိုးခြင်း လုပ်ငန်းကို မဖြစ်မနေဆက်လက်ဆောင်ရွက်သွားရန်၊  အွန်လိုင်းရောင်းချခြင်းနှင့် စပ်လျဉ်း၍ အမိန့်ကြေငြချက်ဖြစ်သည့် အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးဝန်ဆောင်မှုလုပ်ငန်းအဖြစ် သတ်မှတ်မိန့် (၅၀/၂၀၂၃) ၊ အွန်လိုင်းစနစ်ဖြင့် ရောင်းချခြင်းလုပ်ငန်း မှတ်ပုံတင်ခြင်ဆိုင်ရာအမိန့်(၅၁/၂၀၂၃)၊ အခွင့်အာဏာအပ်နှင်းခြင်းအမိန့် (၄၉/၂၀၂၃) ကိုလည်းကောင်း၊ စားသုံးသူရေးရာဦးစီးဌာန၏ ဆောင်ရွက်ရမည့် လုပ်ငန်းစဉ်များကိုလည်းကောင်း၊ ယခုနောက်ပိုင်းတွင် မှတ်ပုံတင်လျောက်ထားခြင်းကို လုပ်ငန်းရှင်ကိုယ်တိုင်က ၎င်း၏ ဖုန်းဖြင့်သာ မှတ်ပုံတင်ရမည်ဖြစ်ဖြစ်ကြောင်း၊ လုပ်ငန်းရှင်ဖြစ်၍ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်တာဝန်များကိုလည်းကောင်း ရှင်းလင်းခြင်း၊ အွန်လိုင်းတွင် ငွေကြေးလိမ်လည်ဆောင်ရွက်မှု လုပ်ငန်းဖြစ်စဉ်များအကြောင်း ကို အသိပညာပေးရှင်လင်းခြင်း၊ မိမိတို့ခရိုင်အတွင်း အွန်လိုင်းလိမ်လည်မှု များ မရှိစေရေး မှန်ကန်စွာ ရောင်းချပေးနိုင်ရန်နှင့် အွန်လိုင်းလုပ်ငန်းများဆောင်ရွက်ရာတွင် လုပ်ငန်းဖွဲ့ဖြိုးတိုးတက်စေရေး အသင်းအဖွဲ့၊ အစူအဖွဲ ဖွဲ့စည်းနိုင်ရေးကိုပါ အသိပညာပေး ဟောပြောခဲ့ကြောင်း လုပ်ငန်းရှင်များက သိရှိလိုသည်များ မေးမြန်းဆွေးနွေးခဲ့ကြပြီး ဟောပြောပွဲကို ၃နာရီအချိန်တွင် ပြီးဆုံးကြောင်း သိရပါသည်။

DOCA(ဧရာဝတီ)