သတင်းနှင့် လှုပ်ရှားမှုများ

  မအူပင်ခရိုင်၊ ပန်းတနော်မြို့နယ်အတွင်းရှိ ဒေသခံပြည်သူများ ဆေးဝါးနှင့်စားသောက်ကုန်ပစ္စည်းများ ဝယ်ယူစားသုံးရာ၌ အစားအသောက် ဘေးကင်းလုံခြုံမှုရှိစေရန် မြို့ နယ်စားသုံးသူရေးရာဦးစီးဌာန ၏ ဦးဆောင်မှုဖြင့် စည်ပင်သာယာရေးအဖွဲ့၊ ဌာနဆိုင်ရာများ ပူးပေါင်းကာ ၁၁-၁၁-၂၀၂၅  နံနက် (၈) နာရီအချိန်က မြို့နယ်အတွင်း အိမ်ဆိုင်များ၊ စတိုးဆိုင်များနှင့် စားသောက်ဆိုင်များအား ကွင်းဆင်း စစ်ဆေးအသိပညာပေးခြင်းများ ဆောင်ရွက်ခဲ့ကြောင်း သိရသည်။

   ထိုသို့ ကွင်းဆင်းကြည့်ရှုစစ်ဆေးအသိပညာပေးရာတွင် ပန်းတနော်မြို့နယ်တာဝန်ခံ ဦးအောင်ကျော်သက်သည်  ဈေးဆိုင်ပိုင်ရှင်များအား ဆေးဝါးနှင့် စားသောက်ကုန်ပစ္စည်းများ ရောင်းချရာတွင် အစားအသောက်လုံခြုံရေးအတွက် ဓာတုဆိုးဆေးများပါဝင်သော စားသောက်ကုန်ပစ္စည်းများ ဖြန့်ဖြူးရောင်းချခြင်းမပြုရန်၊ သက်တမ်းလွန်နေသော အစား အသောက်နှင့် ဆေးဝါးများရောင်းချခြင်းမပြုရန်၊ ဆေးဝါးများ တရားဝင်မှတ်ပုံတင်ထားသော ကုန်စည်များ မှန်ကန်မှု ရှိမရှိကိုစစ်ဆေူခြင်း၊ ဆေးဝါးမှာယူရရှိမှု အခြေအနေများ၊ ဈေးနှုန်းအခြေအနေများ မေးမြန်းဆောင်ရွက်ခြင်းနှင့် ကုန်စည်များတွင် ကုန်အညွှန်းအ၎ှတ်အသားဖော်ပြခြင်းနှင့် စပ်လျဉ်း၍  ဆွေးနွေး အသိပညာပေးခဲ့ကြောင်း သိရသည်။

   ဆက်လက်၍ ဌာနဆိုင်ရာများ ပူးပေါင်းအဖွဲ့က ဆေးဝါးနှင့်စားသောက်ကုန်ပစ္စည်းများ ရောင်းချသောဈေးဆိုင်များတွင် ပြည်သူများ အစားအသောက် ဘေးကင်းလုံခြုံမှုရှိစေရန်အတွက် ရောင်းချခြင်းမပြုရန်တားမြစ်ထားသော ဆေးဝါးနှင့်စားသောက်ကုန်ပစ္စည်းများ ရောင်းချခြင်း ရှိ/မရှိ ကြည့်ရှုစစ်ဆေးခဲ့ကြောင်း သိရသည်။

DOCA(ဧရာဝတီ)

 စားသုံးသူရေးရာဦးစီးဌာန၊ မအူပင် ခရိုင်၊ ဓနုဖြူမြို့နယ်ဦးစီးမှူးရုံးမှ  ဦးခိုင်လွမ်းမိုး  နှင့် ဝန်ထမ်း (၂)ဦးသည် မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေး အဖွဲ့တို့နှင့်အတူ ၁၁.၁၁.၂၀၂၅ ရက်နေ့၊ နေ့လယ် (၁၂:၀၀) နာရီအချိန်တွင် မြို့နယ်ဈေးအတွင်းရှိ စားသောက်ကုန်မျိုးစုံနှင့် အချိုရည်အမျိုးမျိုးလက်ကား အရောင်းဆိုင်တို့အား ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

       အဆိုပါ ကွင်းဆင်းစစ်ဆေးခဲ့ရာ ဓနုဖြူမြို့နယ် အောင်ရည်ချမ်းအချိုရည်အရောင်းဆိုင်၊ မြင့်မြတ်၊ ချမ်းသာကြီး၊ ဒေါ်တင်တင်လှ၊ ကိုမျိုးမိသားစု၊ ရွက်လှေ  အသင့်သောက်အချိုရည်အမျိုးမျိုးနှင့် ကော်ဖီဖျော်ရည် အမျိုးမျိုးရောင်းချနေသော ဆိုင်များ အား စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြချက်များ ပါဝင်မှုရှိ/ မရှိနှင့် သက်ဆိုင်ရာခွင့်ပြုချက်များ ပါဝင်မှု ရှိမရှိတို့ကို တို့ကို ဈေးကွက်စောင့်ကြည့် စစ်ဆေးခဲ့ကြောင်း စားသုံးသူရေးရာဦးစီးဌာန၏ ၂၀၂၅-၂၀၂၆ ခုနှစ် ဦးစားပေးကုန်စည် ၁၀မျိုးအား လစဉ် ကွင်းဆင်းစစ်ဆေးခြင်းလုပ်ငန်းများကို ဆောင်ရွက်လျက်ရှိကြောင်း သိရှိရပါသည်။

DOCA(ဧရာဝတီ)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်း ဒေသကြီးဦးစီးမှူး၏ လမ်းညွှန်မှုဖြင့် သတင်းအချက်အလက်နည်းပညာနှင့် အရည်အသွေး စီမံခန့်ခွဲရေးဌာနခွဲတာဝန်ခံ ဒေါ်အေးငြိမ်းစံ(ဦးစီးအရာရှိ)နှင့် ဒေါ်ချိုမွန်(ဒုတိယဦးစီးမှူး)တို့သည် ၃၀-၁၀-၂၀၂၅ ရက်နေ့တွင် ချမ်းမြသာစည်မြို့နယ်ရှိ ဂုဏ်ရည်ကျော် ဆန်ရောင်းဝယ်ရေးဆိုင် သို့ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။ ထိုသို့ ကွင်းဆင်းစစ်ဆေး ရာတွင် ဆန်၊ စပါး သိုလှောင်ရုံများအနေဖြင့် ဆန်တန်ချိန် ၂၅ နှင့်အထက် သိုလှောင်ရုံ သို့မဟုတ် စပါးတင်း ၂၅၀၀ နှင့်အထက် သိုလှောင်ရုံတစ်မျိုးမျိုးကို ပိုင်ဆိုင်သူ စီးပွားရေးလုပ်ငန်းရှင် များအနေဖြင့် www.myro.com.mm တွင် ဆန်စပါးသိုလှောင်ရုံမှတ်ပုံတင်ခြင်းလုပ်ငန်းကို ဆောင်ရွက်ရမည် ဖြစ်ကြောင်းနှင့် ပြည်တွင်းဆန်ဈေးနှုန်း တည်ငြိမ်မှန်ကန်မှုရှိစေရေး ရှင်းလင်းဆွေးနွေး ပြောကြားခဲ့ပြီး My RO နှင့် ပတ်သက်သော My RO အကြောင်းသိကောင်းစရာ လက်ကမ်း စာစောင်များလည်း ဖြန့်ဝေပေးအပ်ခဲ့ကြောင်း သတင်းရရှိပါသည်။

DOCA (မန္တလေး)

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူး၏လမ်းညွှန်မှုဖြင့် သတင်းအချက်အလက်နည်းပညာနှင့် အရည်အသွေး စီမံခန့်ခွဲရေးဌာနခွဲတာဝန်ခံ ဒေါ်အေးငြိမ်းစံ(ဦးစီးအရာရှိ)နှင့် ဒေါ်ချိုမွန်(ဒုတိယဦးစီးမှူး)တို့သည် ၃၀-၁၀-၂၀၂၅ ရက်နေ့တွင် ပြည်ကြီးတံခွန်မြို့နယ်ရှိ ကံဌေးအောင်ဆန် ရောင်းဝယ်ရေးဆိုင်သို့ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။ ထိုသို့ ကွင်းဆင်းစစ်ဆေး ရာတွင် ဆန်၊ စပါး သိုလှောင်ရုံများအနေဖြင့် ဆန်တန်ချိန် ၂၅ နှင့်အထက် သိုလှောင်ရုံ သို့မဟုတ် စပါးတင်း ၂၅၀၀ နှင့်အထက် သိုလှောင်ရုံတစ်မျိုးမျိုးကို ပိုင်ဆိုင်သူ စီးပွားရေးလုပ်ငန်းရှင် များအနေဖြင့် www.myro.com.mm တွင် ဆန်စပါးသိုလှောင်ရုံမှတ်ပုံတင်ခြင်းလုပ်ငန်းကို ဆောင်ရွက်ရမည် ဖြစ်ကြောင်းနှင့် ပြည်တွင်းဆန်ဈေးနှုန်း တည်ငြိမ်မှန်ကန်မှုရှိစေရေး ရှင်းလင်းဆွေးနွေးပြောကြားခဲ့ပြီး My RO နှင့် ပတ်သက်သော My RO အကြောင်းသိကောင်းစရာ လက်ကမ်း စာစောင်များလည်း ဖြန့်ဝေပေးအပ်ခဲ့ကြောင်း သတင်းရရှိပါသည်။

DOCA (မန္တလေး)

               ကျောက်ဆည်ခရိုင် ၊ စားသုံးသူရေးရာဦးစီးဌာနနှင့် မြစ်သားမြို့၊ ပြန်ကြားရေးနှင့် ပြည်သူ့ ဆက်ဆံရေးဦးစီးဌာနတို့ ပူးပေါင်းပြီး အောက်တိုဘာ(၂၇)ရက်နေ့တွင် မြစ်သားမြို့ လူထုအခြေပြု Community Center ခန်းမ၌ ထုတ်ကုန်များလုံခြုံစိတ်ချရမှုရှိစေရေးအသိပညာပေး Talk Show ဆွေးနွေးပွဲဆောင်ရွက်ခဲ့ပါသည်။ အဆိုပါဆွေးနွေးပွဲတွင် မြစ်သားမြို့၊ ပြန်ကြားရေးနှင့် ပြန်သူ့ဆက်ဆံရေး ဦးစီးဌာန၊ ဦးစီးအရာရှိ ဒေါ်သီတာအောင်က အသိပညာပေး Talk Show ကျင်းပရခြင်း၏ ရည်ရွယ်ချက်များအား ရှင်းလင်းပြောကြားခဲ့ပြီး စားသုံးသူရေးရာဦးစီးဌာန၊ ကျောက်ဆည်ခရိုင်ရုံးမှ မြို့နယ်တာဝန်ခံ ဒေါ်မော်မော်အောင်က ထုတ်ကုန်များလုံခြုံစိတ်ချရမှု နှင့်ပတ်သက်၍ စားသုံးသူရေးရာဦးစီးဌာနရှိ ဝန်ထမ်းများမှာ ဘေးအန္တရာယ်ကင်းရှင်းရေးနှင့် ထုတ်ကုန်များလုံခြုံစိတ်ချရမှုရှိစေရေးအတွက် ဈေးများ၊ ကျောင်းများ၊ ကျေးရွာများ၊ အသင်းအဖွဲ့များ၊ ဌာနဆိုင်ရာများနှင့် တက္ကသိုလ်အသီးသီးအား စားသုံးသူကာကွယ်ရေးအတွက် အသိပညာပေး ဟောပြောပွဲများ ကျင်းပပြုလုပ်လျက်ရှိကြောင်း၊ ကုန်အညွှန်းအမှတ်အသား ဖော်ပြချက်များ ပါဝင်မှု ရှိ/မရှိ စောင့်ကြည့်စစ်ဆေးခြင်း၊ လုပ်ငန်းရှင်များအနေဖြင့် ကုန်အညွှန်းအမှတ်အသားများကို မဖြစ်မနေထည့်သွင်း ဖော်ပြရမည့်အချက်များ၊ လိုက်နာရမည့် ဥပဒေများအကြောင်းနှင့် ကုန်စည် ဝန်ဆောင်မှုများနှင့်ပတ်သက်၍ ဈေးကွက်မရောက်မီ Pre Market ဈေးကွက်စောင့်ကြည့်ခြင်းများ ကိုလည်း သက်ဆိုင်ရာ ဌာနများနှင့်ပူးပေါင်းပြီး ဆောင်ရွက်လျက်ရှိကြောင်း၊ စီးပွားရေးလုပ်ငန်းရှင် များအနေဖြင့် စားသုံးသူကာကွယ်ရေးဥပဒေပါ လုပ်ငန်းရှင်၏တာဝန်များနှင် ကုန်အညွှန်းအမှတ် အသားပြဌာန်းချက်များအား အလေးထားလိုက်နာ ဆောင်ရွက်မှုသာ လုံခြုံစိတ်ချရသော ကုန်ပစ္စည်း များအား ထုတ်လုပ်နိုင်မှာဖြစ်ပြီး စားသုံးသူများ အား ဘေးအန္တရာယ်ကင်းရှင်းစေမှာဖြစ်ကြောင်းနှင့် နစ်နာဆုံးရှုံးမှုများဖြစ်ပါ်လာပါက တိုင်ကြားနိုင်မည့်နည်းလမ်းများကို အကျယ်တဝင့် ရှင်းလင်း ပြောကြားခဲ့ပါသည်။

DOCA (မန္တလေး)