သတင်းနှင့် လှုပ်ရှားမှုများ

       မွန်ပြည်နယ်စားသုံးသူရေးရာဦးစီးဌာနမှ ကြီးမှူးကျင်းပသော “ကမ္ဘာ့စားသုံးသူအခွင့်အရေးများနေ့” အခမ်းအနားကို ၁၅.၃.၂၀၂၃ ရက်နေ့တွင် မော်လမြိုင်မြို့၊ ပြည်နယ်ခန်းမ၌ စည်ကားသိုက်မြိုက်စွာကျင်းပပြုလုပ်ခဲ့ရာ မွန်ပြည်နယ်ဝန်ကြီးချုပ်၊ မွန်ပြည်နယ်အစိုးရအဖွဲ့ဝင်ဝန်ကြီးများ၊ ဌာနဆိုင်ရာတာဝန်ရှိပုဂ္ဂိုလ်များ၊ စီးပွားရေးလုပ်ငန်းရှင်များ၊ အသင်းအဖွဲ့များ၊ စားသုံးသူပြည်သူများ၊ ဖိတ်ကြားထားသည့် ဧည့်သည်တော်များ၊ စားသုံးသူရေးရာဦးစီးဌာနမှ ဝန်ထမ်းများ ၊ စုစုပေါင်း (၂၀၀) ဦးခန့် တက်ရောက်ခဲ့ကြောင်း သိရှိရပါသည်။

          ရှေးဦးစွာ ပြည်နယ်ဝန်ကြီးချုပ်က အဖွင့်အမှာစကားပြောကြားခဲ့ရာတွင် ကမ္ဘာ့စားသုံးသူအခွင့်အရေးများနေ့ဖြစ်ပေါ်လာပုံ၊ ကမ္ဘာ့စားသုံးသူအခွင့်အရေးများနေ့ကျင်းပရခြင်း ရည်ရွယ်ချက်များအား ရှင်းလင်းပြောကြားခဲ့ပါသည်။ ထို့နောက် စားသုံးသူကာကွယ်ရေးဆိုင်ရာပညာပေး Video Clip ပြသခဲ့ပြီး မှတ်တမ်းတင်ဓာတ်ပုံ ရိုက်ကူးခဲ့ကြပါသည်။ ဆက်လက်၍ မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူး က “ကမ္ဘာ့စားသုံးသူ အခွင့်အရေးများနေ့” အထိမ်းအမှတ် ကျင်းပရခြင်းနှင့်ပတ်သက်၍ ရှင်းလင်းဆွေးနွေးခဲ့ပါသည်။ ထို့နောက် စားသုံးသူကာကွယ်ရေးဆိုင်ရာအသိပညာပေး ဉာဏ်စမ်းပဟေဠိ မေးခွန်းများဖြေဆိုခဲ့ကြကာ မေးခွန်း (၃) ခုဖြေဆိုနိုင်သူများအား ဆုလက်ဆောင်များ ချီးမြှင့်ခဲ့ပြီး အခမ်းအနားအား ရုပ်သိမ်းခဲ့ကြောင်း သိရှိရပါသည်။

DOCA(မွန်)

        မွန်ပြည်နယ်၊ သထုံခရိုင်ပြန်ကြားရေးနှင့် ပြည်သူဆက်ဆံရေးဦးစီးဌာနရှိ လူထုအခြေပြု ဗဟိုဌာနခန်းမတွင် ကမ္ဘာ့စားသုံးသူအခွင့်အရေးများနေ့အကြောင်းသိကောင်းစရာ TalkShow  အား (၁၇.၃.၂၀၂၃)ရက်နေ့ နေ့လည် (၁၀း၀၀)နာရီတွင် ကျင်းပပြုလုပ်ခဲ့ ပါသည်။

         အဆိုပါ Talk Show  တွင် သထုံခရိုင်စားသုံးသူရေးရာဦးစီးဌာန၊ ခရိုင်ဦးစီးမှူး ဦးထွန်းအောင်ဖြူ က ကမ္ဘာ့စားသုံးသူအခွင့်အရေးများနေ့ပေါ်ပေါက်လာပုံ၊ ကျင်းပရခြင်း၏ ရည်ရွယ်ချက်၊ မြန်မာနိုင်ငံ တစ်ဝန်းလုံးရှိတိုင်းနှင့် ပြည်နယ်အသီးသီးတွင် ကမ္ဘာ့စားသုံးသူအခွင့်အရေးများနေ့ အထိမ်းအမှတ် အခန်းအနားများ ကျင်းပနေမှုအခြေအနေ၊ ကမ္ဘာ့စားသုံးသူ အခွင့်အရေးနေ့ဆောင်ပုဒ် နှင့် ဆောင်ပုဒ်၏ အဓိပ္ပါယ်အာဆီယံနိုင်ငံများနှင့် ပူးပေါင်းဆောင်ရွက် မှုအခြေအနေနှင့်အာဆီယံနိုင်ငံများ၏ စားသုံးသူကာကွယ်ရေး ဥပဒေပြဌာန်းထားမှု အခြေ အနေများအားရှင်းလင်း ဆွေးနွေးခဲ့ကြောင်းသိရှိရပါသည်။

DOCA(မွန်)

     ကုန်အမှတ်တံဆိပ်မူပိုင်ခွင့်ဥပဒေအာဏာသက်ဝင်ခြင်းနှင့် စပ်လျဉ်းသည့် ဆွေးနွေးပွဲကို ၁၇.၃.၂၀၂၃ ရက်နေ့တွင် မော်လမြိုင်ကုန်စည်ဒိုင်ခန်းမ၌ ကျင်းပပြုလုပ်ခဲ့ရာ ဆွေးနွေးပွဲသို့ မွန်ပြည်နယ်စီးပွားရေးရာဝန်ကြီး၊ မူပိုင်ခွင့်ဦးစီးဌာနမှ ညွှန်ချုပ်နှင့် ညွှန်ကြားရေးမှူးများ၊ မွန်ပြည်နယ်စားသုံးသူရေးရာဦးစီးဌာန ပြည်နယ်ဦးစီးမှူးနှင့် ဝန်ထမ်းများ၊ မြန်မာကုန်သွယ်မှု မြှင့်တင်ရေးအဖွဲ့မှ ပြည်နယ်တာဝန်ခံနှင့် ဝန်ထမ်းများ၊ ဌာနဆိုင်ရာတာဝန်ရှိပုဂ္ဂိုလ်များ၊ စီးပွားရေးလုပ်ငန်းရှင်များ၊ ဘဏ်လုပ်ငန်းရှင်များ၊ ဖိတ်ကြားထားသော ဧည့်သည်တော်များ တက်ရောက် ခဲ့ကြကြောင်း သိရှိရပါသည်။

       အဆိုပါဆွေးနွေးပွဲတွင် မွန်ပြည်နယ်စီးပွားရေးရာဝန်ကြီးက အဖွင့်အမှာစကား ပြောကြားခဲ့ပြီး မူပိုင်ခွင့်ဦးစီးဌာနမှ ညွှန်ကြားရေးမှူးချုပ်က ကုန်အမှတ်တံဆိပ်မူပိုင်ခွင့်ဥပဒေ အာဏာသက်ဝင်ခြင်းနှင့်စပ်လျဉ်း၍ ရှင်းလင်းဆွေးနွေးခဲ့ပါသည်။ ထို့နောက် မွန်ပြည်နယ် ပြည်တွင်းအခွန်များ ဦးစီးဌာန၊ ပြည်နယ်ဦးစီးမှူးက အခွန်ကိစ္စနှင့်စပ်လျဉ်းသည့် ကိစ္စများလည်းကောင်း၊ မူပိုင်ခွင့်ဦးစီးဌာန၊ ညွှန်ကြားရေးမှူး ဒေါက်တာစိမ့်သန္တာထွန်းက အမှတ်တံဆိပ် မှတ်ပုံတင်ခြင်းဆိုင်ရာများနှင့် စပ်လျဉ်း၍လည်းကောင်း၊ မူပိုင်ခွင့်ဦးစီးဌာန၊ ညွှန်ကြားရေးမှူး ဒေါက်တာ အေးသီရိဝေ က အမှတ်တံဆိပ်မှတ်ပုံတင်ခြင်းဆိုင်ရာ လျှောက်လွှာ ပုံစံများနှင့်စပ်လျဉ်း၍လည်းကောင်း ရှင်းလင်းဆွေးနွေးခဲ့ပါသည်။ ထို့နောက် AYA Bankနှင့် CB Bank တို့မှ တာဝန်ရှိသူများက အမှတ်တံဆိပ်မှတ်ပုံတင်ခြင်းနှင့်စပ်လျဉ်း၍ အခကြေးငွေပေးသွင်းခြင်းဆိုင်ရာ ဘဏ်လုပ်ငန်းဝန်ဆောင်မှုနှင့် လုပ်ထုံးလုပ်နည်းများအကြောင်း ရှင်းလင်းဆွေးနွေးခဲ့ပြီး မူပိုင်ခွင့်ဦးစီးဌာနမှ ညွှန်ကြားရေးမှူးချုပ်က နိဂုံးချုပ် အမှာစကားပြောကြားခဲ့၍ ဆွေးနွေးပွဲအား ရုပ်သိမ်းခဲ့ကြောင်း သိရှိရပါသည်။

DOCA(မွန်)

     ပန်းဂေါ်ဖီသည် ဟင်းသီးဟင်းရွက်တစ်မျိုးဖြစ်ပြီး သဲဆန်သောနှုန်းမြေအမျိုးအစားတွင် အောင်မြင်ဖြစ်ထွန်းပါသည်။ ပန်းဂေါ်ဖီကို ပြည်ခရိုင်၊ ရွှေတောင်မြို့နယ်ရှိ ဝါးတောအုပ်စု၊ ဝါးတောကျေးရွာတွင် စိုက်ပျိုးထားရှိပါသည်။ ပန်းဂေါ်ဖီကို စက်တင်ဘာလ နှင့်အောက်တိုဘာလတို့တွင် စတင်စိုက်ပျိုးကြပြီး စိုက်ပျိုးသည့်မျိုးမှာ ဘူးမန်း(၁၅၃)မျိုးကို စိုက်ပျိုးကြောင်းသိရှိရပါသည်။ ဝါးတောကျေးရွာအနေဖြင့် ပန်းဂေါ်ဖီကို (၄)ဧကခန့်စိုက်ပျိုးထားကြောင်း သိရှိရပါသည်။

     ရွှေတောင်မြို့နယ်၊ ဝါးတောအုပ်စု၊ ဝါးတောကျေးရွာရှိ ပန်းဂေါ်ဖီ စိုက်ပျိုးသော တောင်သူ ဦးမောင်မြင့်နှင့်တွေ့ဆုံရန် စားသုံးသူရေးရာဦးစီးဌာန၊ ပြည်ခရိုင်ရှိ ရွှေတောင်မြို့နယ်တာဝန်ခံ ဦးအောင်နိုင်ဦးနှင့်ဝန်ထမ်းများသည် (၇-၃-၂၀၂၃) ရက်နေ့၊ နေ့လယ်ပိုင်းတွင်ကွင်းဆင်း၍ ပန်းဂေါ်ဖီဈေးနှုန်း၊ ဈေးကွက်အခြေအနေ၊ တစ်ဧကကုန်ကျစရိတ်နှင့် အကျိုးအမြတ်များကို ‌မေးမြန်းခဲ့ပါသည်။ အဆိုပါတောင်သူက ပန်းဂေါ်ဖီ (၀.၂၅)ဧကစိုက်ပျိုးထားရှိပြီး၊ စိုက်ပျိုးထုတ်လုပ် ကုန်ကျစရိတ်အနေဖြင့် ကျပ်(၂)သိန်းခန့်ကုန်ကျသည်ဟု သိရှိရပါသည်။ ပန်းဂေါ်ဖီစိုက်ပျိုးဧက (၀.၂၅) ဧကတွင် ရောင်းတန်းဝင်ပန်းဂေါ်ဖီအပွင့် (၃၀၀၀)ပွင့်ခန့်ထွက်ရှိပါသည်။ ရောင်းချသည့်ဈေးနှုန်း များမှာ တစ်ပွင့်လျှင် ခြံဈေး(၃၀၀)ကျပ်ခန့်ရရှိသဖြင့် တောင်သူအကျိုးအမြတ်အနေဖြင့် (၇)သိန်း ကျပ်ခန့် ရရှိသည်ဟု သိရှိရပါသည်။ ထို့ကြောင့် ပန်းဂေါ်ဖီတစ်ဧကစိုက်ပျိုးလျှင် ပျမ်းမျှအသားတင်အမြတ်မှာ (၂၈)သိန်းခန့်ရရှိနိုင်သည်ဟု ခန့်မှန်းသိရှိရပါသည်။ ရွှေတောင်ဒေသမှ ထွက်ရှိသော ပန်းဂေါ်ဖီများကို ခြံထဲအထိဆင်း၍ ဝယ်ယူမှုရှိသည့်အပြင် ရွှေတောင်မြို့ရှိဈေးများနှင့် ပြည်ဈေးကွက်သို့လည်း တင်ပို့ရောင်းချမှုရှိပြီး ရန်ကုန်မြို့ရှိ ကုန်စိမ်းဈေးများသို့လည်း တင်ပို့ရောင်းချကြောင်း သိရှိရပါသည်။

     ဝါးတောကျေးရွာတွင် ပန်းဂေါ်ဖီစိုက်ပျိုးသူတောင်သူ(၁၀)ဦးခန့်ရှိပြီး စိုက်ပျိုးသည့်မျိုးနှင့် အပင်ပြုစုစောင့်ရှောက်မှုကောင်းလျှင်ကောင်းသလို အထွက်နှုန်းကောင်းပြီး အကျိုးအမြတ်လည်းရရှိနိုင်သဖြင့် ရာသီချိန်သီးနှံအဖြစ် စိုက်ပျိုးလျှင်တွက်ခြေလည်းကိုက်သည့်သီးနှံဖြစ်ပါသည်။

DOCA(ပဲခူး)

     ကမ္ဘာ့စားသုံးသူအခွင့်အရေးများနေ့၊ အထိမ်းအမှတ် အခမ်းအနားကို ၂၀၂၃ခုနှစ်၊ မတ် လ(၁၅)ရက်နေ့၊ နံနက်(၀၉;၃၀)နာရီအချိန်တွင် စားသုံးသူရေးရာဦးစီးဌာန ၊ ပြည်နယ်ဦးစီးမှူးရုံး အစည်းအဝေးခန်းမ၌အစီအစဉ်(၆)ရပ်ဖြင့် ကျင်းပပြုလုပ်ခဲ့ပြီး အခမ်းအနားသို့ ဌာနဆိုင်ရာများ၊ KCCI အသင်းဥက္ကဌနှင့်အဖွဲ့ဝင်များ၊ ပြည်နယ်သောက်ရေသန့်အသင်းဥက္ကဌ၊ ပြည်နယ်ပြောင်း အသင်းဥက္ကဌ၊ ပြည်နယ်စက်သုံးဆီအသင်းဥက္ကဌနှင့်အဖွဲ့ဝင်များ၊ ဖိတ်ကြားထားသူများနှင့်ဉာဏ်စမ်းပဟေဠိမေးမြန်းခြင်းအစီအစဉ်တွင် ဆုရရှိသူများ စုစုပေါင်း(၅၀)ဦး တက်ရောက်ခဲ့ကြပါသည်။

  ရှေးဦးစွာ ကမ္ဘာ့စားသုံးသူအခွင့်အရေးများနေ့သို့ တက်ရောက်လာကြသော ဧည့်သည်တော်များအား ကိုဗစ်-၁၉ကာကွယ်ရေး စည်းကမ်းသတ်မှတ်ချက်များနှင့်အတူ Masks များ ဖြန့်ဝေခြင်း၊ အသိပညာပေး လက်ကမ်းစာစောင်များဖြန့်ဝေခြင်း၊ ကမ်ပိန်းစတစ်ကာများ ကပ်နှံခြင်း၊ မော်တော်ယာဉ်များအား ကားကမ်ပိန်းစတစ်ကာများ ကပ်နှံခြင်းတို့ဆောင်ရွက်ပြီး ပြည်နယ်စားသုံးသူရေးရာကော်မတီ ဥက္ကဌကိုယ်စား မီးသတ်ဦးစီးဌာနမှ ဒုတိယပြည်နယ်ဦးစီးမှူး ဦးခင်မောင်သန်းက အဖွင့်အမှာစကားပြောကြားခဲ့ကာ ပြည်နယ်စားသုံးသူရေးရာကော်မတီအတွင်းရေးမှူးကိုယ်စား ခရိုင်ဦးစီးမှူးဦးမိုးညွန့်ဦးက ကမ္ဘာ့စားသုံးသူအခွင့်အရေးများနေ့ ဖြစ်ပေါ်လာပုံကို ရှင်းလင်းဆွေးနွေးတင်ပြပြီးနောက် ကမ္ဘာ့စားသုံးသူအခွင့်အရေးများနေ့ အထိမ်းအမှတ် Viedo clip များ ဖွင့်လှစ်ပြသခဲ့ပါသည်။      

   ဆက်လက်၍ စားသုံးသူကာကွယ်ရေးဆိုင်ရာ ဉာဏ်စမ်းပဟေဠိပြိုင်ပွဲတွင် ပထမ၊ ဒုတိယ၊ တတိယဆုရရှိသူများအား ဆုများပေးအပ်ချီးမြှင့်ခဲ့ပြီး အခမ်းအနားကို (၁၀;၃၀)အချိန်တွင် ရုပ်သိမ်းခဲ့ကြောင်း သတင်းရရှိပါသည်။

DOCA(ကယား)