သတင်းနှင့် လှုပ်ရှားမှုများ

    တနင်္သာရီတိုင်းဒေသကြီး၊ မြိတ်မြို့တွင် ခရိုင်စီမံအုပ်ချုပ်ရေးအဖွဲ့၏ ဦးဆောင်မှုဖြင့် စားသုံးသူရေးရာဦးစီးဌာနနှင့်အတူ ဌာနဆိုင်ရာများပူးပေါင်း၍ ၂၀၂၄ခုနှစ်၊ ဇူလိုင်လ(၂၂)ရက်နေ့၊ နံနက်(၀၇း၀၀) နာရီအချိန်တွင် မြိတ်မြို့၊ ကန်ဖျားရပ်၊ မြန်မာ့စီးပွားရေးဘဏ်တွင် နိုင်ငံဝန်ထမ်းအငြိမ်းစားပင်စင်စားများအား စျေးနှုန်းသက်သာစွာဖြင့် ဆန်၊ ဆီ၊ ဆား၊ ငရုတ်၊ ကြက်ဥ၊ ငါး၊ ကြက်သွန်၊ ချဉ်ပေါင်၊ငရုတ်သီးမှုန့်၊ အာလူးများ ပါဝင်သော အခြေခံစားသောက်ကုန်များအား စျေးနှုန်းသက်သာစွာဖြင့် ရောင်းချခဲ့ပြီး ခရိုင်ပြည်သူ့ကျန်းမာရေးဦးစီးဌာနမှ ပင်စင်လာရောက်ထုတ်ယူသောသူများအား ကျန်းမာ‌ရေးစစ်ဆေးပေးခြင်းများ ဆောင်ရွက်ခဲ့ကြောင်း သတင်းရရှိပါသည်။

DOCA(တနင်္သာရီ)

       ပြည်တွင်း၌ စားနပ်ရိက္ခာဖူလုံရေး၊ အခြေခံစားကုန်များဈေးနှုန်းတည်ငြိမ်ရေးနှင့် ကျန်းမာရေးအထောက်အကူပြုဆေးဝါးပစ္စည်းများ ပြတ်လပ်မှုမရှိစေရေးနှင့်ပတ်သက်၍ ၂၂-၇-၂၀၂၄ ရက်နေ့၊ နံနက်(၁၀:၀၀)နာရီအချိန်တွင် မြောက်ပိုင်းခရိုင်၊ မှော်ဘီမြို့နယ်၊ မြို့မဈေးအတွင်းရှိ ဉီးဘိုကြည်ဆေးဆိုင်နှင့် (၂၃-၇-၂၀၂၄)ရက်နေ့တွင် တိုက်ကြီးမြို့နယ်ရှိ စစ်သူကြီးဆေးဆိုင်သို့သွားရောက်ကာ ကွင်းဆင်းစစ်ဆေးခြင်းများဆောင်ရွက်ခဲ့ပါသည်။

         ထိုသို့ကွင်းဆင်းစစ်ဆေးရာတွင် ဆေးပစ္စည်းနှင့်ပတ်သက်၍ ဆေးဝါးများကိုကြည့်ရှုစစ်ဆေးခြင်း၊ ဆေးဝါးဈေးနှုန်းများကိုမေးမြန်းစစ်ဆေးခြင်းနှင့် ဈေးကွက်အတွင်းဈေးနှုန်း ဖြစ်ပေါ် မှုများကို ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ရန်ကုန်)

     မြိတ်ခရိုင် စားသုံးသူရေးရာဦးစီးဌာနအပါအဝင် ဗဟိုစာရင်းအင်းဦးစီးဌာန၊ အထူးစုံစမ်းစစ်ဆေးရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ ၂၀၂၄ခုနှစ်၊ ဇူလိုင်လ(၂၂)ရက်တွင် မြိတ်မြို့၊ ကမ်းနားလမ်း၊ သာကေတရပ်ရှိ Myeik Shopping Center နှင့် PELAGO Shopping Center တို့ရှိ ရောနှောစားသုံးဆီများကို သတ်မှတ်ကုန်အညွှန်းအမှတ်အသားဖြင့် ဖော်ပြ၍ ရောင်းချနေခြင်းရှိ/မရှိ ကွင်းဆင်းစစ်ဆေးခဲ့ပါသည်။

    ကွင်းဆင်းစစ်ဆေးရာတွင် ရောနှောစားအုန်းဆီများကို စားသုံးသူရေးရာဦးစီးဌာန၏ သတ်မှတ်ကုန်အညွှန်းအမှတ်အသားဖြင့် ဖော်ပြ၍ရောင်းချနေကြောင်း သိရှိရပြီး ကုန်စည်များတွင်ကုန်အညွှန်းအမှတ်အသားဖော်ပြပါရှိစေရေးနှင့် ဘေးအန္တရာယ်ကင်းသောကုန်စည်များ ရောင်းချမှုရှိစေရေး အသိပညာပေး ပြောကြားခဲ့ကြောင်း သတင်းရရှိပါသည်။

DOCA(တနင်္သာရီ)

    ၂၀၂၄ ခုနှစ်၊ ဇူလိုင်လ (၂၂) ရက်နေ့၊ နံနက်(၀၉း၀၀)အချိန်တွင် တနင်္သာရီတိုင်းဒေသကြီး၊ မြိတ်မြို့ရှိ မြိတ်ဆီကိုယ်စားလှယ်သို့ ရောင်းချပေးသော စားအုန်းဆီ ၄၄ ပေပါ (သို့) ပိဿာ ၄၈၄၀ သည် ရန်ကုန်မြို့မှ 1Q-4273 မော်တော်ယာဥ်ဖြင့် မြိတ်မြို့သို့ ရောက်ရှိလာခဲ့ကြောင်း သိရှိရပါသည်။

    အဆိုပါစားအုန်းဆီများကို မြိတ်ခရိုင်စားသုံးသူရေးရာဦးစီးဌာနမှ သွားရောက်စစ်ဆေးခဲ့ပြီး ရည်ညွှန်း‌စျေး၊ သယ်ယူပို့ဆောင်ကုန်ကျစရိတ်နှင့် ၂% အမြတ်တို့ဖြင့် လက်လီဆိုင်များသို့ ခွဲဝေ ရောင်းချပေးသွားမည်ဖြစ်ကြောင်း၊ လက်လီဆိုင်များမှ ပြည်သူများသို့ ၂% အမြတ်ဖြင့် ပြန်လည်ရောင်းချမည်ဖြစ်ကြောင်း ဆီကိုယ်စားလှယ်ထံမှ သိရှိရပါသည်။ 

DOCA(တနင်္သာရီ)

     စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုဖြင့် သရက်ခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးအုန်းမြင့်(ဦးစီးမှူး)နှင့်ဝန်ထမ်းများသည် (၂၂.၇.၂၀၂၄)ရက်နေ့၊ နံနက် (၀၉း၀၀) နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ ကျောင်းကျန်းမာရေးအဖွဲ့၊ မြို့နယ်ပညာရေးမှူးအဖွဲ့ဝင်များ၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့် ပူးပေါင်း၍ သရက်မြို့ပေါ်ရုံးရပ်ကွက်ရှိ အခြေခံပညာမူလတန်းကျောင်း၊ ရွှေဘုံသာရပ်ကွက်ရှိ အခြေခံပညာမူလတန်းကျောင်း၊ အနောက်ရပ်မြောက်ပိုင်းရပ်ကွက်ရှိ အခြေခံပညာမူလတန်းကျောင်းနှင့် အမှတ်(၁)အခြေခံပညာအထက်တန်းကျောင်းသို့ ကျောင်းကျန်းမာရေးဆိုင်ရာကျောင်းနှင့် ကျောင်းဝန်းကျင်သန့်ရှင်းရေးနှင့် သက်ဆိုင်သည့် အချက်(၈)ချက်အား စစ်ဆေးခြင်းများအား ပူးပေါင်းဆောင်ရွက်ခဲ့ပါသည်။

      ထိုသို့စစ်ဆေးဆောင်ရွက်ရာတွင် အဖွဲ့ဝင်များမှ အချက်(၈)ချက်တွင်ပါဝင်သော ကျောင်းအဆောက်အအုံတစ်ခုလုံးကို သန့်ရှင်းရေးပြုလုပ်ထားခြင်း၊ စာသင်ခန်းအတွင်းရှိ ကျောင်းသုံး ပရိဘောဂများ စနစ်တကျထားရှိခြင်း၊ သန့်ရှင်းရေးပြုလုပ်ခြင်း၊ အလင်းရောင်နှင့် လေလုံလောက်စွာရရှိခြင်း၊ သန့်ရှင်းလုံလောက်သော သောက်သုံးရေရရှိအောင် စီစဉ်ထားခြင်း၊ ကျောင်းစားသောက်ဆိုင်တွင်  ကျန်းမာရေးနှင့် ညီညွတ်သော အစားအသောက်များသာ ရောင်းချစေခြင်း၊ အမှိုက်သရိုက်များကို စုစည်း၍ အဖုံးပါသောအမှိုက်ပုံးတွင် စွန့်ပစ်ခြင်း၊ အမှိုက်သိမ်းဆည်းခြင်းများ၊ ခြုံ၊ ရေအိုင်၊ အမှိုက်၊ ပေါင်းမြက်များ ကင်းရှင်းစေခြင်း၊ ရေလောင်းအိမ်သာ (သို့မဟုတ်) ကျန်းမာရေးနှင့်ညီညွတ်သော ယင်လုံအိမ်သာကိုသုံးစွဲခြင်း၊ ခြင်၊ ယင်ပေါက်ဖွားနိုင်မှုမရှိစေရေးတို့ စစ်ဆေးခြင်းလုပ်ငန်းများ ပူးပေါင်းဆောင်ရွက်ပြီး၊ မိမိတို့ စားသုံးသူရေးရာဦးစီးဌာနနှင့် အစားအသောက်နှင့်ဆေးဝါးကွပ်ကဲရေးဦးစီးဌာနတို့သည် ၎င်းဌာနများမှ ထုတ်ပြန်ထားသည့် လက်ကမ်းစာစောင်များအား ကျောင်းအုပ်ဆရာမကြီးထံသို့ ပေးအပ်ခြင်း၊ ဦးစီးမှူး ဦးအုန်းမြင့်မှ ကျောင်းရှိမုန့်ဈေးဆိုင်ပိုင်ရှင်များအား ကုန်အညွှန်း အမှတ်အသားပြည့်စုံသည့် မုန့်များနှင့် ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများပါဝင်သော မုန့်များကိုသာ ကြည့်ရှုဝယ်ယူရောင်းချစေရေး အသိပညာပေးဆွေးနွေး ပြောကြားခဲ့ကြောင်း သိရှိရပါသည်။

DOCA(မကွေး)