သတင်းနှင့် လှုပ်ရှားမှုများ

     စစ်ကိုင်းတိုင်းဒေသကြီး၊ စားသုံးသူရေးရာ ကော်မတီအစည်းအဝေး (၆/၂၀၀၂) ကြိမ်မြောက် အစည်းအဝေးကို ၂၈.၁၀.၂၀၂၂ ရက်နေ့ နံနက်၁၀နာရီတွင် တိုင်းဒေသကြီး အစိုးရရုံး အစည်းအဝေးခန်းမ၌ကျင်းပရာစားသုံးသူရေးရာကော်မတီဥက္ကဌ၊စီးပွားရေးရာဝန်ကြီးဒေါ်ရီရီသန်း အဖွင့်အမှာစကားပြောကြားပြီး ကော်မတီအဖွဲ့ဝင်များ၊ ဌာနဆိုင်ရာဝန်ထမ်းများ စုစုပေါင်း (၁၇) ဦးတက်ရောက်ခဲ့ကြောင်း သတင်းရရှိပါသည်။ စားသုံးသူရေးရာကော်မတီဥက္ကဌ စီပွားရေးရာဝန်ကြီး ဒေါ်ရီရီသန်းက အဖွင့်အမှာစကားပြောကြားရာတွင် စားသုံးသူရေးရာကော်မတီအစည်းအဝေးတွင် ယခင်အစည်းအဝေဆုံးဖြတ်ချက်များကို ရွက်နိုင်မှုအခြေအနေများ၊စားသုံးသူရေးရာဦးစီးဌာနအနေဖြင့် လစဉ်လျာထားချက်များအလိုက် စားသုံးသူကာကွယ်ရေးပညာပေးဆောင်ရွက်နိုင်မှု၊ လုပ်ငန်းရှင်တွေ့ဆုံပညာပေးဆောင်ရွက်နိုင်မှု၊ ထုတ်ကုန်လုံခြုံစိတ်ချရမှုရှိစေရန် သက်ဆိုင်ရာမိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့် ကွင်းဆင်းဆောင်ရွက်မှုများ လျာထားချက် ပြည့်မီကျော်လွန်အောင် ဆောင်ရွက်နိုင်ခြင်းများကို တွေရှိရပါကြောင်း၊ စားသုံးသူပြည်သူများအတွက် ကျန်းမာရေးရှုထောင့်၊ စားသုံးသူရှုထောင့်၊ ဘေးအန္တရာယ်ကင်းရှင်းရေးဆိုင်ရာ ထုတ်ကုန်များလုံခြုံမှုရှိစေရန် ဘက်ပေါင်းစုံမှဥပဒေနှင့်အညီ ဆောင်ရွက်ကြရမှာ ဖြစ်ပြီးကော်မတီအဖွဲ့ဝင်များမှလည်း အကြံပြုဆွေးနွေးပေးစေလို ကြောင်းပြောကြားခဲ့ပါသည်။ ဆက်လက်၍စားသုံးသူရေးရာကော်မတီ အတွင်းရေးမှူး စားသုံးသူ ရေးရာဦးစီးဌာန၊ တိုင်းဒေသကြီးဦးစီးမှူး ဦးကျော်ကျော်လွင်က ဌာန၏လုပ်ငန်း ဆောင်ရွက်နိုင်မှု၊ ယခင်အစည်းအဝေးဆုံးဖြတ်ချက်အပေါ် ဆောင်ရွက်ပြီးစီးမှုများ၊ ရှေ့ဆက်ဆောင်ရွက်မည့် လုပ်ငန်းစဉ်များအား အမှာစာ(၅)စောင်ဖြင့် အသေးစိတ်ရှင်းလင်းတင်ပြဆွေးနွေးခြင်း၊ တိုင်းဒေသကြီးအတွင်းခရိုင်များ၌ စားသုံးသူအသိပညာပေး ဗွီနိုင်းချိတ်ဆွဲခြင်းများ ဆောင်ရွက်မည့် အခြေအနေများ၊ ကုန်စည်များကုန်အညွှန်းအမှတ် အသားပြည့်စုံစွာဖော်ပြကြစေရေး စိစစ်ဆောင်ရွက်သွားမည့်အစီအမံများကို ရှင်းလင်းတင်ပြခဲ့ရာ ကော်မတီအဖွဲ့ဝင်များမှ လည်းဖြည့်စွက်အကြံပြုဆွေးနွေးကြပြီး စစ်ကိုင်းတိုင်းဒေသကြီး စားသုံးသူရေးရာကော်မတီအစည်းအဝေးကို အောင်မြင်စွာကျင်းပ ဆောင်ရွက်ခဲ့ကြောင်း သတင်းရရှိပါသည်။

DOCA(စစ်ကိုင်း)

     ဧရာဝတီတိုင်း‌ဒေသကြီး၊စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ်ဦးစီးမှူး ဦးအောင်လွင်နှင့် ဝန်ထမ်းများ၊ မိတ်ဖက်ဌာနများနှင့်အတူ (၂၇.၁၀.၂၀၂၂)နေ့ နေ့လယ်(၁၃:၀၀)နာရီ အချိန်တွင် ညောင်တုန်းမြို့ ရပ်ကွက်နေပြည်သူ (၇၃)ဦး အား စားသုံးသူကာကွယ်ရေး အသိပညာပေးဟော ပြောခဲ့ကြပါသည်။

    အဆိုပါဟောပြောပွဲတွင် စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူးမှ ရပ်ကွက်နေပြည်သူများအား စားသုံးသူ၏အခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ၊ စားသုံးသူပြည်သူများအနေဖြင့် သတိပြုလိုက်နာရမည့် အချက်များ၊ ကုန်စည်နှင့် ဝန်ဆောင်မှုကို ဝယ်ယူသုံးစွဲရာတွင် နစ်နာဆုံးရှုံးမှုများရှိပါက ဆက်သွယ်တိုင်ကြားနိုင်သည့် လိပ်စာနှင့် ဖုန်းနံပါတ်များ၊ စားသုံးသူကာကွယ်ရေးလုပ်ငန်းစဉ်အရ နစ်နာဆုံးရှုံးမှုများကို စားသုံးသူဘက်မှ အပြည့်အဝမှန်ကန်သော လမ်းစဉ်ဖြင့် ကာကွယ်ပေး၍ အန္တရာယ်ဖြစ်စေ‌သော ကုန်စည်/ ဝန်ဆောင်မှုတွေနှင့် စပ်လျဉ်းပြီးတော့မှ အရေးယူဆောင်ရွက်ပေးနိုင်ရန် စားသုံးသူရေးရာဦးစီးဌာနသို့လည်း  လူကိုယ်တိုင်သော်လည်း ကောင်း၊ လူထုဆက်သွယ်ရေး နည်းလမ်း တစ်ခုခုဖြင့်သော်လည်းကောင်း၊ သက်သေခံအထောက်အထားနှင့်အတူ တိုင်ကြားနိုင်ကြောင်း အသိပညာပေး ဟောပြောဆွေးနွေးခဲ့ပြီး ပြည်သူများက သိရှိလိုသည့်အချက်များကို ပြန်လည်ရှင်းလင်းဖြေကြားခဲ့ကြောင်း သိရှိရပါသည်။

DOCA(မကွေး)

    စားသုံးသူရေးရာဦးစီးဌာန၊မကွေးတိုင်းဒေသကြီး၊ မကွေး/ချောက်ခရိုင်ရှိ ချောက်မြို့နယ်တာဝန်ခံ ဒေါ်မြတ်မြတ်မိုးနှင့် ဒေါ်ချိုဝေလွင် (ဒု-ဦးစီးမှူး)တို့သည် (၂၅.၁၀.၂၀၂၂) ရက်နေ့၊နံနက် (၁၁:၀၀)နာရီ အချိန်တွင် ချောက်မြို့၊အမှတ်(၁၃) အာရှရပ်ကွက်၌ ကျော်ကြားမုန့်မျိုးစုံလုပ်ငန်းရှင် ဦးတိုးသူရနှင့် သွားရောက်တွေ့ဆုံပြီး ထုတ်လုပ်မှု အခြေအနေ၊ စျေးနှုန်းစျေးကွက်များအား လေ့လာမေးမြန်းခဲ့ပြီး ကုန်အမှတ်တံဆိပ်တွင် ဌာနမှ သတ်မှတ်ထားသော ကုန်အညွှန်းအမှတ်အသားများ ပြည့်စုံမှန်ကန်စွာ ထည့်သွင်းဖော်ပြပေး‌ရေး အသိပညာ ပေးဆွေးနွေးခဲ့ပါသည်။

      “ကျော်ကြား” မုန့်မျိုးစုံလုပ်ငန်းအတွက် လိုအပ်သော ကုန်ကြမ်း ဂျုံ၊ သကြားတို့ကို မန္တလေးမြို့မှ ဝယ်ယူပြီး ထုတ်လုပ်သော ပေါင်မုန့်၊ ကိတ်မုန့်များကို ‌ချောက်မြို့အနီးဝန်းကျင်ရှိ ဆိပ်ဖြူ၊ တညောင်၊ ဆင်ဖြူကျွန်း၊စလင်းနှင့် ပုဂံ၊ ညောင်ဦးမြို့များသို့ တင်ပို့‌‌ရောင်းချကြောင်းနှင့် လုပ်သားဦးရေ အမျိုးသား (၃)ဦး၊ အမျိုးသမီး(၁၃)ဦးရှိပြီး အမျိုးသားတစ်ဦးလျှင် တစ်ရက်ကျပ်(၇၀၀၀)နှင့် အမျိုးသမီးတစ်ဦးလျှင် တစ်ရက် ကျပ်(၅၀၀၀) နှုန်း ပေးရကြောင်း သိရပါသည်။

       ချောက်မြို့နယ်တာဝန်ခံ ‌ဒေါ်မြတ်မြတ်မိုးမှ လုပ်ငန်းရှင်အား စားသုံးသူကာကွယ်ရေးဥပဒေ-၂၀၁၉ အခန်း(၁၈)ပါ ကုန်အညွှန်းအမှတ်အသားများ ပြည့်စုံမှန်ကန်စွာ ထည့်သွင်းပေးရေးနှင့် စီးပွားရေး လုပ်ငန်းရှင်၏ တာဝန်/တားမြစ်ချက်များနှင့် ပြစ်မှုပြစ်ဒဏ်များကို ရှင်းလင်းဆွေးနွေးခဲ့ပြီး မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ် (၂/၂၀၁၉)လက်ကမ်းစာစောင်များ ဖြန့်ဝေပေးခဲ့ပါသည်။

DOCA(မကွေး)

     မကွေးတိုင်းဒေသကြီး၊ စားသုံးသူရေးရာဦးစီးဌာန၊ မကွေးခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးမျိုးဝင်း (မကွေးမြို့နယ်တာဝန်ခံ)နှင့် ခရိုင်ရုံးဝန်ထမ်းများသည် (၁၉.၁၀.၂၀၂၂)ရက်နေ့ နံနက်(၁၇း၀၀) နာရီတွင် မကွေးမြို့၊ ကန်သာစျေး၌ မကွေးမြို့နယ်  COVID-19 အရေးပေါ်ပြန်လည်တုံ့ပြန်ရေးကော်မတီများနှင့် ပူးပေါင်းပြီး ပြည်သူများအား COVID-19 ရောဂါ ကြိုတင်ကာကွယ်နိုင်ရေးအတွက် Mask Compaign တွင် ပူးပေါင်းဆောင်ရွက်ပြီး နံနက်(၀၈း၀၀)နာရီတွင် ကန်သာစျေး၌ပင် အလယ်ပိုင်းတိုင်း စစ်ဌာနချုပ်၊ မကွေးတပ်နယ်မှ စားသုံးသူပြည်သူများအား သက်သာသောစျေးနှုန်းဖြင့် အခြေခံစားကုန် ဆန်၊ ဆား၊ ငပိ၊ ကြက်ဥ၊ အမဲသား၊ ကြက်သား၊ အမဲဘူး ၊ ကြက်သားအာလူးဘူး၊ မျှစ်စားတော်ပဲဘူး၊ ဂေါ်ဖီထုပ်၊ ချဉ်ပေါင်ရွက်၊ ကန်စွန်းရွက်များ ရောင်းချခြင်းနှင့် မကွေးတိုင်းဆီကုန်သည်များအသင်းမှ စားသုံးသူ ပြည်သူများအား စားအုန်းဆီ(၁)ပိဿာလျှင် ကျပ်(၄၃၀၀)နှုန်းဖြင့် ရောင်းချပေးခြင်းတွင် အဆင်ပြေ ချော့မွေ့စွာဝယ်ယူနိုင်ရေး၊ စားအုန်းဆီစျေးနှုန်းများမှန်ကန်ရေး၊ အလေးချိန်ပြည့်ဝမှန်ကန်မှု ရှိစေရေး စားအုန်းဆီဝယ်ယူရာတွင် တန်းစီစနစ်ဖြင့် စနစ်တကျရှိစေရေးတို့ကို ကြီးကြပ်ဆောင်ရွက်ခဲ့ပါသည်။

    ဆက်လက်၍ မကွေးမြို့၊ ကန်သာစျေးအတွင်း ‌ရောင်းချနေသော ကုန်စုံဆိုင်များတွင် အစားအသောက်နှင့် ဆေးဝါးကွပ်ကဲရေးဦးစီးဌာန(FDA) မှ စားသုံးရန်မသင့်တားမြစ်ထားသော (ဇီးယို) နှင့်အချိုရည်(၅)မျိုးအား စျေးကွက်အတွင်း ‌‌ရောင်းချမှု ရှိ/မရှိနှင့် ‌စျေးကွက်အတွင်းရှိ ကုန်စည်များ၌ ကုန်အညွှန်းအမှတ်အသားများ ပြည့်စုံမှန်ကန်စွာပါဝင်မှု ရှိ/မရှိ စျေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

DOCA(မကွေး)

     တနင်္သာရီတိုင်းဒေသကြီး၊မြိတ်ခရိုင်စားသုံးသူရေးရာဦးစီးဌာန၊မြိတ်ခရိုင်ဦးစီးမှူးသည် မြိတ်ခရိုင် အသေးစားစက်မှု လက်မှုလုပ်ငန်းဦးစီးဌာနနှင့် ပူးပေါင်း၍ (၂၇.၁၀.၂၀၂၂)နေ့၊ နံနက်(၉း၃၀)နာရီ အချိန်တွင် မြိတ်မြို့၊တလိုင်းစုရပ်၊ အခြေခံပညာအလယ်တန်းကျောင်းသို့ သွားရောက်၍ ကျောင်းသူ၊‌ကျောင်းသားများအား ဘေးအန္တရာယ် ကင်းရှင်းစွာ ရွေးချယ်ဝယ်ယူစားသောက်နိုင်ရေးအတွက် စားသုံးသူကာကွယ်ရေး အသိပညာပေး ဟောပြောခြင်းနှင့်ကွင်းဆင်းစစ်ဆေးခြင်းဆောင်ရွက်ခဲ့ကြပါသည်။

     အဆိုပါ ဟောပြောပွဲတွင် ခရိုင်အသေးစားစက်မှုလက်မှုလုပ်ငန်းဦးစီးမှူးမှ စားသုံးသူရေးရာဦးစီးဌာနမှ ထုတ်ပြန်ထားသော စားသုံးသူဥပဒေပါကုန်အညွှန်းအမှတ်အသားများ၊ အစားအသောက် ခွင့်ပြုချက်အား အသေးစားစက်မှုလက်မှုလုပ်ငန်းဦးစီးဌာနတွင် ပြုလုပ်နိုင်ပြီး၊ မြိတ်ခရိုင် စားသုံးသူရေးရာဦးစီးဌာန၊ ခရိုင်ဦးစီးမှူးမှ စားသောက်ကုန်များ ရွေးချယ်ဝယ်ယူရာတွင် ထောက်ခံချက်ရရှိထား ခွင့်ပြုချက်အား အသေးစားစက်မှုလက်မှုလုပ်ငန်းဦးစီးဌာနတွင် ပြုလုပ်နိုင်ပြီး၊ မြိတ်ခရိုင် စားသုံးသူရေးရာဦးစီးဌာန၊ခရိုင်ဦးစီးမှူးမှ စားသောက်ကုန်များရွေးချယ်ဝယ်ယူရာတွင် ထောက်ခံချက်ရရှိထားသော စားသောက်ကုန်နှင့် မြန်မာဘာသာဖြင့်ဖော်ပြထားသော စားသောက်ကုန်များသာရွေးချယ်ဝယ်ယူရန်၊ စားသောက်ကုန်များအား သက်တမ်းကုန်ဆုံးရက်ကြည့်ရန်၊ဟင်းသီးဟင်းရွက် အသီးအနှံမျာကိုရေဖြင့် သေချာစွာဆေးကြောပြီးမှစားရန်ဟောပြောပို့ချခဲ့ပြီး ကျောင်းပတ်ဝန်းကျင််ရှိ မုန့်ဈေးတန်းအား ကွင်းဆင်းစစ်ဆေးခြင်းဆောင်ရွက်ခဲ့ကြောင်း သိရှိရပါသည်။

    ကွင်းဆင်းစစ်ဆေးရာတွင် သက်တမ်းလွန်စားသောက်ကုန်များနှင့် စားသောက်ရန်မသင့်သော  စားသောက်ကုန်များ စစ်ဆေးခဲ့ပြီး ကုန်အညွှန်းအမှတ်အသားဖော်ပြပါရှိသော စားသောက်ကုန်များသာ ရောင်းချရန်နှင့် ဘေးအန္တရာယ်ကင်းသော စားသောက်ကုန်များသာ ရောင်းချရန်ပြောကြား၍ အသိပညာပေးလက်ကမ်းစာစောင် ဖြန့်ဝေပေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)