သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မကွေးတိုင်းဒေသကြီး၊ ချောက်ခရိုင်၊ ချောက်မြို့မစျေးနှင့် မကွေးခရိုင်၊ မကွေးမြို့နယ်တွင် သဘာဝပတ်ဝန်းကျင်ထိန်းသိမ်းရေးနှင့် ပြည်သူများ ပလတ်စတစ်အိတ် လျော့နည်းသုံးစွဲစေရန် ရည်ရွယ်၍ အပတ်စဉ် တနင်္လာနေ့တိုင်း ပလတ်တစ်အိတ်၊ ကြွပ်ကြွပ်အိတ်များ မသုံးစွဲရေးနှင့် သတ်မှတ်ပြီး အကောင်အထည်ဖော်ဆောင်ရွက်လျက်ရှိရာ (၁၀.၆.၂၀၂၄) ရက်နေ့တွင် ချောက်မြို့မစျေးနှင့် မကွေးကန်သာဈေးတို့တွင် ပလတ်စတစ်အိတ်ဖြင့် ထုပ်ပိုးရောင်းချခြင်း မရှိစေရန်အတွက် စစ်ဆေးခြင်းနှင့် ပလတ်စတစ်အိတ်အစား အင်ဖက်၊ ငှက်ပျောဖက်၊ သတင်းစာစက္ကူတို့ဖြင့် အစားထိုးထုပ်ပိုးသုံးစွဲစေရေး အသိပညာပေးခြင်း၊ အသိပညာပေး လက်ကမ်းစာစောင်များဖြန့်ဝေခြင်း၊ ဆေးဆိုင်များတွင် ဆေးအာနိသင်ပျက်စီးသော Mixtard Insulin  ဆေးများရောင်းချခြင်းရှိ/မရှိ စစ်ဆေးခဲ့ကြောင်း သိရသည်။စျေးကွက်အတွင်းရှိ အသင့်စားခေါက်ဆွဲထုပ်များ၌ စားသုံးသူကာကွယ်ရေး ဥပဒေ ၂၀၁၉ အခန်း(၁၈)ပါ ကုန်အညွှန်းအမှတ်အသားဆိုင်ရာ သတ်မှတ်ချက်များနှင့် မြန်မာနိုင်ငံ စားသုံးသူ ကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါ သတ်မှတ်ချက်များနှင့် ပြည့်စုံမှန်ကန်စွာ ပါဝင်မှုရှိ/မရှိ စျေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

       ထိုသို့စစ်ဆေးရာတွင် မြို့နယ်အထွေထွေအုပ်ချုပ်ရေးဦးစီးဌာန၏ ကြီးကြပ်မှုဖြင့် မြို့နယ် စည်ပင်သာယာရေးအဖွဲ့၊ မြို့နယ်စားသုံးသူရေးရာဦးစီးဌာန၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ပတ်ဝန်းကျင်ထိန်းသိမ်းရေးဦးစီးဌာနတို့ပူးပေါင်း၍ လိုက်လံကွင်းဆင်း စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(မကွေး)

        စားသုံးသူရေးရာဦးစီးဌာနသည် ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းစေရေးအတွက် စျေးကွက်စောင့်ကြည့်စစ်ဆေးခြင်းများကို လစဉ်လျာထားချက်များသတ်မှတ်ပြီး ဆောင်ရွက်လျက်ရှိရာ အစားအသောက်၊ ဆေးဝါး၊ ရေသန့်အမျိုးမျိုးတို့သာမက အလှကုန်ပစ္စည်းများအားလည်း စစ်ဆေးလျက်ရှိပါသည်။

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ မကွေးမြို့နယ်တာဝန်ခံသည် ဆက်စပ်ဌာနများဖြစ်သည့် အစားအ‌‌သောက်နှင့်ဆေးဝါးကွပ်ကဲရေးဦးစီးဌာန၊ စည်ပင်သာယာရေးအဖွဲ့၊ ကျန်းမာရေးဦးစီးဌာန၊ မြန်မာနိုင်ငံရဲတပ်ဖွဲ့တို့နှင့်ပူးပေါင်းပြီး (၁၃.၆.၂၀၂၄)ရက်နေ့၊ နံနက် (၁၀:၀၀)နာရီအချိန်တွင် မကွေးမြို့ရှိ အလှကုန်ပစ္စည်းအရောင်းဆိုင်များအား ကွင်းဆင်းစစ်ဆေးခဲ့ပါသည်။

          ထိုသို့ကွင်းဆင်းစစ်ဆေးရာတွင် တရားဝင်တင်သွင်းလာသော အလှကုန်ပစ္စည်းများ၊ ကုန် အညွှန်းအမှတ်အသားဆိုင်ရာ သတ်မှတ်ချက်များနှင့်ပြည့်စုံသည့် အလှကုန်ပစ္စည်းများသာ ဆိုင်တင်ရောင်းချရန် အသိပညာပေးဆွေးနွေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသော ကုန်စည်အုပ်စု(၈)ခုတွင် ဖော်ပြပါဝင်ရမည့် အချက်အလက်များပါဝင်သည့် လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။

DOCA(မကွေး

        စားသုံးသူရေးရာဦးစီးဌာနသည် ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းစေရန် ရည်ရွယ်၍ စျေးကွက်စောင့်ကြည့်စစ်ဆေးခြင်းများကို စဉ်ဆက်မပြတ်ဆောင်ရွက်လျက်ရှိရာ စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ မကွေးမြို့ နယ်တာဝန်ခံနှင့် ဝန်ထမ်းများသည် ဆက်စပ်ဌာနများဖြစ်သည့် အစားအ‌သောက်နှင့်ဆေးဝါးကွပ်ကဲရေးဦးစီးဌာန၊ စည်ပင်သာယာရေးအဖွဲ့၊ ကျန်းမာရေးဦးစီးဌာန၊ မြန်မာနိုင်ငံရဲတပ်ဖွဲ့တို့နှင့်ပူးပေါင်းပြီး (၁၂.၆.၂၀၂၄) ရက်နေ့၊ နံနက်(၀၉:၃၀)အချိန်တွင် မကွေးမြို့ပေါ်ရှိ ဆေးနှင့်ဆေးပစ္စည်းအရောင်းဆိုင်(၉)ဆိုင်အား ကွင်းဆင်းစစ်ဆေးခဲ့ပါသည်။

          ထိုသို့ကွင်းဆင်းစစ်ဆေးရာတွင် တရားဝင်တင်သွင်းလာသော ဆေးများ၊ အရည်အသွေးပြည့်ဝပြီး အာမခံချက်ရှိသော ဆေးဝါးများနှင့် ဆေးပစ္စည်းများကိုသာ ဆိုင်တင်‌ရောင်းချရန်၊ ဆေးနှင့်ဆေးပစ္စည်းများအား ဆေးအာနိသင်မပျက်ဆီးစေရန်၊ စနစ်တကျသိုလှောင်ထားရှိရန်နှင့် ဆိုင်ရှိ အရောင်းဝန်ထမ်းများအနေဖြင့် သက်တမ်းလွန်ဆေးဝါးများမရှိစေရေး အစဉ်အမြဲအလေးထား စစ်ဆေးရန်၊ စားသုံးသူကာကွယ်ရေးဥပဒေ ၂၀၁၉ အခန်း (၁၈)ပါ ကုန်အညွှန်းအမှတ်အသားဆိုင်ရာ သတ်မှတ်ချက်များနှင့် မြန်မာနိုင်ငံစားသုံးသူကာကွယ် ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါ သတ်မှတ်ချက်များ ပြည့်စုံမှန်ကန်စွာ ပါဝင်ဖော်ပြထားသော ဆေးနှင့်ဆေးပစ္စည်းများသာ ဆိုင်တင်ရောင်းချရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

       ၂၀၂၄-၂၀၂၅ဘဏ္ဍာနှစ်အတွင်း စျေးကွက်စောင့်ကြည့်စစ်ဆေးရန် ရွေးချယ်သတ်မှတ်ထားသော ဦးစားပေးကုန်စည်(၁၀)မျိုးအနက် နေ့စဉ်စားသောက်မှုတွင် မပါမဖြစ် ထည့်သွင်းအသုံးပြု ရမည့် စားသုံးဆီအမျိုးမျိုးအား သတ်မှတ်စံချိန်စံညွှန်းများနှင့် ကိုက်ညီမှုရှိစေရန်နှင့် အရည်အသွေး မပြည့်မီသည့် စာသုံးဆီများသည် စားသုံးသူများကို ဘေးအန္တရာယ်ဖြစ်စေနိုင်သောကြောင့် ရောနှောဆီအပါအဝင် စားသုံးဆီအမျိုးမျိုးကို အထူးဦးစားပေး စျေးကွက်စောင့်ကြည့်စစ်ဆေးရကြောင်း သိရှိရပါသည်။

         အဆိုပါ စျေးကွက်စောင့်ကြည့်စစ်ဆေးခြင်းကို (၁၁.၆.၂၀၂၄)ရက်နေ့၊ နံနက် (၀၉:၀၀)နာရီ အချိန်တွင် မကွေးမြို့၊ ကန်သာစျေးရှိ စားသုံးဆီရောင်းချသည့်ဆိုင်များအား အထွေထွေအုပ်ချုပ်ရေး ဦးစီးဌာန၊ စည်ပင်သာယာရေးအဖွဲ့၊ ရပ်ကွက်အုပ်ချုပ်ရေးမှူးနှင့် စျေးကော်မတီဝင်များ ပူးပေါင်း စစ်ဆေးခဲ့ပြီး စားသုံးဆီအရောင်းဆိုင်ရှင်များအား စားသုံးသူကာကွယ်ရေးဥပဒေ ၂၀၁၉၊ အခန်း (၁၈)ပါ ကုန်အညွှန်းအမှတ်အသားဆိုင်ရာ သတ်မှတ်ချက်များ၊ မြန်မာနိုင်ငံစားသုံးသူကာကွယ် ရေးကော်မရှင်၏ ညွှန်ကြားချက်အမှတ်(၂/၂၀၁၉)နှင့်အတူ ဟင်းသီးဟင်းရွက်ဆီများကို ရောနှောဆီ (Blended Oil)အဖြစ် ရောစပ်ရာတွင် အရည်အသွေးအာမခံချက်နှင့် အမှတ်တံဆိပ်ကပ်ခြင်းဆိုင်ရာ သတ်မှတ်သည့်အမိန့်အား မြန်မာနိုင်ငံအစားအသောက်နှင့်ဆေးဝါးအာဏာပိုင်အဖွဲ့မှ အမိန့်အမှတ် (၂/၂၀၂၄)ပါ သတ်မှတ်ချက်များပြည့်စုံစွာပါဝင်မှသာရောင်းချရမည်ဖြစ်ကြောင်း အသိပညာပေး ဆွေးနွေးခဲ့ကြောင်း သိရှိရပါသည်။

DOCA(မကွေး)

    မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်အတွင်း မြို့နယ်အစားအသောက်နှင့် ဆေးဝါးကြီးကြပ်ရေးကော်မတီမှ စားသုံးဆီအရောင်းဆိုင်များတွင် ရောင်းချလျက်ရှိသည့် စားသုံးဆီများ၏ အရည်အသွေးများ၊ ရောနှောဆီများ ဘေးအန္တရာယ်ကင်းရှင်းစေရေးအတွက် ရှောင်တခင် စစ်ဆေးခြင်းကို (၁၀.၆.၂၀၂၄)ရက်နေ့၊ နံနက်(၁၀:၀၀)နာရီအချိန်တွင် ဆောင်ရွက်ခဲ့ပါသည်။

      အဆိုပါကွင်းဆင်းစစ်ဆေးရာတွင် မြို့နယ်စီမံအုပ်ချုပ်ရေးအဖွဲ့ဥက္ကဌ၏ ကြီးကြပ်မှုဖြင့် မြို့နယ်အစားအသောက်နှင့်ဆေးဝါးကြီးကြပ်မှုကော်မတီပါ ဌာနဆိုင်ရာများဖြစ်သည့် မြို့နယ် အထွေထွေအုပ်ချုပ်‌ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်ရဲတပ်ဖွဲ့၊ မြို့နယ်စည်ပင် သာယာ ရေးအဖွဲ့၊ မြို့နယ်စားသုံးသူရေးရာဦးစီးဌာန၊ မြို့နယ်မွေးမြူရေးနှင့်ကုသရေးဦးစီးဌာနနှင့် တာဝန်ရှိသူများပါဝင်သည့် ကွင်းဆင်းစစ်ဆေးရေးအဖွဲ့က စားသုံးဆီအ‌ရောင်းဆိုင်များရှိ ဟင်းသီး ဟင်းရွက်ဆီ (Blended Oil) အဖြစ်ရောစပ်ရာတွင် ဟင်းသီးဟင်းရွက်ဆီ တစ်မျိုးသည် အနည်းဆုံး (၄၀)ရာခိုင်နှုန်းသာဖြစ်ရန်၊ မည်သည့်အနံ့ကိုမျှထည့်သွင်းခြင်းမပြုရန်၊ တိရစ္ဆာန်အဆီနှင့် ဝါစေ့အဆီ များရောနှောအသုံးမပြုကြရန်၊ ရာခိုင်နှုန်းများသည့် ဆီအမျိုးအစားကို ဦးစားပေးဖော်ပြရန်၊ ကုန်အညွှန်းအမှတ်အသားများကို စနစ်တကျထားရှိရန်နှင့် စားသုံးဆီများ၏ အရည်အသွေးများ၊ မှတ်ပုံတင်အမှတ်အသားအတုများအား ရှောင်တခင်ကွင်းဆင်းကြည့်ရှုစစ်ဆေးခဲ့ကြောင်းသိရှိရပါ သည်။

DOCA(မကွေး)