ပြည်တွင်းကုန်သွယ်မှုသတင်း

          အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ၂၀၂၂ခုနှစ်၊ ဇန်နဝါရီလ (၁၈)ရက်နေ့မှ ဇန်နဝါရီလ (၂၆)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စု ကျေးရွာ၊ နေပြည်တော်၊ တပ်ကုန်း၊ ရွှေဒါး၊ မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါသည်။ ထိုသို့ ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ်(ပိဿာ) ကျပ် (၁၄၀၀) မှ (၂၄၀၀) အတွင်း၊ ဂေါ်ဖီထုပ်(တစ်ထုပ်) ကျပ် (၁၂၀၀) မှ (၂၀၀၀)အတွင်း၊ ပန်းဂေါ်ဖီ(ထုပ်) ကျပ် (၈၀၀) မှ (၁၉၀၀)အတွင်း၊ အာလူး(ပိဿာ) ကျပ်(၁၈၀၀) မှ (၂၃၀၀)အတွင်း၊ မုန်လာဥနီ(ပိဿာ) ကျပ်(၁၇၀၀) မှ (၂၂၀၀)အတွင်း၊ ရွှေဖရုံသီး(လုံး) ကျပ်(၁၀၀၀) မှ (၁၅၀၀)အတွင်း၊ ဗူးသီး(လုံး) ကျပ် (၈၀၀) မှ (၁၅၀၀)အတွင်း၊ မုန်ညှင်း(ထုပ်) (ပိဿာ)ကျပ်(၁၀၀၀) မှ (၁၂၀၀)အတွင်း၊ ကြက်သွန်နီ(ဆိပ်ဖြူ) ကျပ်(၆၀၀) မှ (၁၂၀၀)အတွင်း၊ ကြက်သွန်ဖြူ(ရှမ်း)(ပိဿာ) (၂၅၀၀) မှ (၃၀၀၀)အတွင်း၊ ကြက်သွန်ဖြူ(ကြူကုတ်)(ပိဿာ) ကျပ်(၂၄၀၀) မှ (၃၀၀၀)အတွင်း၊ ချင်း(ပိဿာ) ကျပ်(၁၅၀၀) မှ (၁၈၀၀)အတွင်း၊ ဆလပ်ရွက်(စီး) ကျပ်(၂၀၀) မှ (၃၅၀)အတွင်း၊ ချဉ်ပေါင်ရွက်(စီး) ကျပ်(၆၀) မှ (၁၂၀)အတွင်း၊ ခရမ်းသီး(ရှည်)(လုံး) ကျပ်(၇၀) မှ (၁၅၀)အတွင်း၊ သံပရာသီး(လုံး) ကျပ်(၇၀) မှ (၁၅၀)အတွင်း၊ ငရုတ်သီးစိမ်း(ကျောက်စိမ်း)(ပိဿာ) (၉၀၀) မှ (၁၂၀၀)အတွင်း၊ ဖရဲသီး (အကြီး၊ အလတ်၊အသေး) ကျပ်(၁၅၀၀) မှ (၄၅၀၀)အတွင်း ဖြစ်ကြောင်းသိရှိရပါသည်။ တညင်းကုန်း လက်ကားဈေးကြီးအတွင်းသို့ ယခုရက်သတ္တပတ်အတွင်း သံပုရာသီးအလုံးပေါင်း (၂၁၃၀၀)ကျော်၊ ခရမ်းသီး(ရှည်)(လုံး) (၁၉၈၀၀)ကျော်၊ ဗူးသီးအလုံးပေါင်း (၈၁၅၀)ကျော်၊ ရွှေဖရုံသီးအလုံးပေါင်း (၇၄၀၀)ကျော်၊ ဂေါ်ဖီထုပ်ပေါင်း (၁၈၆၀၀)ကျော်၊ ပန်းဂေါ်ဖီထုပ်ပေါင်း (၁၆၉၀၀)ကျော်၊ မုန်ညှင်းထုပ်(ပိဿာ)ပေါင်း(၆၈၀၀)ကျော်၊ ဖရဲသီးလုံးပေါင်း(၂၃၅၀၀)ကျော် အသီးသီးကုန်အဝင်ရှိ ကြောင်းသိရှိရပါသည်။

စားသုံးသူရေးရာဦးစီးဌာန

ရန်ကုန်တိုင်းဒေသကြီး

         ရန်ကုန်တိုင်းဒေသကြီး၊ မြောက်ပိုင်းခရိုင်အတွင်းရှိ ဘိလပ်မြေဈေးနှုန်းနှင့် ဓါတ်မြေဩဇာ ဈေးနှုန်းများကို စားသုံးသူရေးရာဦးစီးဌာနအနေဖြင့် နေ့စဉ်ဈေးနှုန်းကောက်ယူလျက်ရှိပြီး ထိုသို့ ကောက်ယူရာတွင် ဘိလပ်မြေဈေးနှုန်းအား အင်းစိန်မြို့နယ်၊ လမ်းသစ်လမ်းရှိ Pro-1 အိမ်ဆောက်ပစ္စည်းအရောင်းဆိုင်တွင် စုံစမ်းကောက်ယူ၍ ဓါတ်မြေဩဇာဈေးနှုန်းကို တိုက်ကြီးမြို့နယ်၊ တစ်သုံးလုံးစိုက်ပျိုးရေးအရောင်းဆိုင်တွင် စုံစမ်းမေးမြန်းခဲ့ရပါတယ်။

          ဆင်၊ ကြံ့၊ Alpha၊ Crown၊ Apache ဘိလပ်မြေတံဆိပ်(၅)မျိုး ဈေးနှုန်းကောက်ယူလျက်ရှိရာ ယခုအခါ ဆင်၊ ကြံ့၊ Alpha တံဆိပ်များမှာ ပစ္စည်းပြတ်လပ်နေပြီး Blue Diamond အမှတ်တံဆိပ် ဘိလပ်မြေအမျိုးအစားသစ်တစ်မျိုး ထပ်မံဝင်ရောက်လာခဲ့ပြီး Blue Diamond အမှတ်တံဆိပ် ဈေးနှုန်းမှာ ယခင်အပတ် (၉၀၀၀) မှ ယခုအပတ် (၉၁၀၀)၊  Crown အမှတ်တံဆိပ်ဈေးနှုန်းမှာ ယခင်အပတ် (၈၈၀၀) မှ ယခုအပတ် (၉၁၀၀) နှင့် Apache အမှတ်တံဆိပ်ဈေးနှုန်းမှာ ယခင်အပတ် ၈၄၀၀ မှ ယခုအပတ် (၉၁၀၀) ဈေးအနည်းငယ်မြင့်တက်နေပါတယ်။

          ယူရီယား(ရွှေတောင်)၊ တီစူပါ(သံကွင်း)၊ ပိုတက်၊ အာမို၊ ဩဘာ(သီးစုံ)အမှတ်တံဆိပ်(၅)မျိုး ဈေးနှုန်းကောက်ယူခဲ့ရာ ဓါတ်မြေဩဇာဈေးနှုန်းများမှ အမှတ်တံဆိပ်(၄)မျိုး ဈေးနှုန်းတည်ငြိမ်နေပြီး ဩဘာ(သီးစုံ)အမှတ်တံဆိပ်တစ်မျိုးမှာ ယခင်အပတ် (၅၉၀၀၀) ယခုအပတ် (၆၀၀၀၀)ကျပ် ဈေးနှုန်း အနည်းငယ်တက်နေကြောင်း တိုက်ကြီးမြို့နယ် ဓါတ်မြေဩဇာဈေးကွက်မှ စုံစမ်းသိရှိရပါသည်။

စားသုံးသူရေးရာဦးစီးဌာန

ရန်ကုန်တိုင်း‌ဒေသကြီး

        စားသုံးသူရေးရာဦးစီးဌာန၊ အရှေ့ပိုင်းခရိုင်အတွင်းရှိ စက်သုံးဆီရောင်းချသည့်ဆိုင်များအား နေ့စဉ်မပြတ် ဈေးကွက်စောင့်ကြည့်စစ်ဆေးကြပ်မတ်ရာတွင် (၁၅.၁.၂၀၂၂ မှ ၁၇.၁.၂၀၂၂ ထိ) စက်သုံးဆီပုံမှန်ဈေးနှုန်းများမှာ ဓါတ်ဆီ (95) တစ်လီတာ (၁၅၅၅) ကျပ်၊ ဓါတ်ဆီ (92) တစ်လီတာ (၁၅၂၅) ကျပ်၊ ရိုးရိုးဒီဇယ်တစ်လီတာ (၁၅၄၀)ကျပ်၊ ပရီမီယမ်ဒီဇယ်တစ်လီတာ (၁၅၅၀) ကျပ်ဖြင့်လည်းကောင်း၊ အထူးဈေးနှုန်းအနေဖြင့် ဓါတ်ဆီ (92) တစ်လီတာ (၁၄၁၂) ကျပ်၊ ရိုးရိုးဒီဇယ် တစ်လီတာ (၁၃၉၅) ကျပ်နှင့် ဒီဇယ် (ပရီမီယမ်) တစ်လီတာ (၁၄၂၀) ကျပ်တို့ဖြင့် အသီးသီးရောင်းချ လျက်ရှိပြီး၊ (၁၈.၁.၂၀၂၂ မှ ၂၃.၁.၂၀၂၂ ထိ) ပုံမှန်ဈေးနှုန်းများမှာ ဓါတ်ဆီ (95) တစ်လီတာ (၁၆၁၀) ကျပ်၊ ဓါတ်ဆီ (92) တစ်လီတာ (၁၅၄၅) ကျပ်၊ရိုးရိုးဒီဇယ်တစ်လီတာ (၁၅၇၀)ကျပ်၊ ဒီဇယ် (ပရီမီယမ်) တစ်လီတာ (၁၅၈၀) ကျပ်ဖြင့် ဈေးငြိမ်လျက်ရှိပြီး အထူးဈေးနှုန်းများအနေဖြင့် ဓါတ်ဆီ (92) တစ်လီတာ (၁၃၆၉) ကျပ်၊ ရိုးရိုးဒီဇယ်တစ်လီတာ (၁၃၈၇)ကျပ်နှင့် ပရီမီယမ်ဒီဇယ်တစ်လီတာ (၁၄၀၈) ကျပ်တို့ဖြင့် ရောင်းချလျက်ရှိကြောင်း သိရှိရသည်။

          အထူးဈေးနှုန်းများဖြစ်သော ရိုးရိုးဒီဇယ်တစ်လီတာလျှင် (၁၃၉၅)ကျပ်နှင့် ဒီဇယ် (ပရီမီယမ်) တစ်လီတာလျှင် (၁၄၂၀) ကျပ်တို့မှာ ကုန်တင်ယာဉ်နှင့် အဝေးပြေးယာဉ်များအတွက် အထူးဈေးနှုန်းဖြင့် ရောင်းချပေးခဲ့သော်လည်း လက်ရှိအထူးဈေးဖြင့် ရောင်းချနေသော ရိုးရိုးဒီဇယ်တစ်လီတာ (၁၃၈၇)ကျပ်နှင့် ဒီဇယ် (ပရီမီယမ်) တစ်လီတာ (၁၄၀၈) ကျပ်တို့မှာ မည်သည့်မော်တော်ယာဉ်မဆို ရောင်းချပေးလျက်ရှိပါကြောင်း သိရှိရပါသည်။ အထူးဈေးနှုန်းများဖြင့် မကြာခဏရောင်းချပေးနိုင်ရေးအတွက် နိုင်ငံတော်မှ ပြည်တွင်းစက်သုံးဆီအသင်းသို့ နိုင်ငံခြားငွေဖြင့် လဲလှယ်ဆောင်ရွက်ပေး လျက်ရှိသဖြင့် စက်သုံးဆီများကို အမေရိကန်ဒေါ်လာနှင့် ကမ္ဘာ့ရေနံဈေး အနည်းငယ်မြင့်တက်လာမှုအပေါ် တစ်ဖက်တစ်လမ်းမှ စက်သုံးဆီဈေးအကန့်အသတ် ထိန်းကျောင်း၍ ဆောင်ရွက်လျက်ရှိနေကြောင်း သိရှိရပါသည်။

စားသုံးသူရေးရာဦးစီးဌာန

ရန်ကုန်တိုင်းဒေသကြီး

         ငရုတ်သီးကိုတိုင်းဒေသကြီး/ပြည်နယ် တော်တော်များများတွင် စိုက်ပျိုးကြသည်။ ငရုတ်သီးမှာ ပူစပ်ပြီး အစာအိမ်ရောဂါရှိသူများနှင့် ူးပြင်းသော ရာသီဥတုများတွင် မစားသင့်သော်လည်း  သွေးထဲရှိ သကြားဓာတ်ကို ထိန်းပေးခြင်း၊ သွေးအတွင်းကိုလက်စရောများပြားခြင်းကို ထိန်းပေးခြင်း စသည့် ကျန်းမာရေးကို အထောက်အကူပြုမှုများလည်းရှိ၍ ဟင်းလျာများတွင် အရောင်လှပစေရန်အတွက် အမှုန့်ကြိတ်ပြီး အရောင်တင်မှုန့်အဖြစ် အသုံးပြုရန်တို့အတွက် ငရုတ်ကိုစီးပွားဖြစ် စိုက်ပျိုးကြသည်။ ငရုတ်သီးကို အစိမ်းစားသုံးရန်အတွက် ငရုတ်စိုအနေဖြင့် ထုတ်လုပ်ရောင်းချကြသကဲ့သို့ ငရုတ်ခြောက်လှန်းကာ ငရုတ်ကြမ်းမှုန့်နှင့် အရောင်တင်မှုန့်များ ပြုလုပ်ရန်အတွက် ငရုတ်ခြောက်အဖြစ် ရင့်မှည့်သည်အထိထားပြီး ဆွတ်ခူးထုတ်လုပ်ရောင်းချကြပါသည်။

          ငရုတ်သီးသီးနှံဆိုင်ရာအချက်အလက်များအနေဖြင့်  မြန်မာအမည်(ငရုတ်)၊ အင်္ဂလိပ်အမည် (CHILLI)၊ ရုက္ခအမည်     (Capsicum spp)၊ မျိုးရင်းအမည်(SOLANACEAE)ဖြစ်ပြီး၊ ငရုတ်စိုက်ပျိုးနည်းစနစ်မှာ မြေချဉ်ငံဓာတ် (၅.၅) နှင့် (၆.၈) ကြားကောင်းစွာစိုက်ပျိုးနိုင်သည်။ ချဉ်လွန်းသောမြေတွင် စိုက်ပျိုးရန် မသင့်တော်ဘဲ သဲဆန်သောမြေနှင့် မြေဆွေးမြေများတွင် ကောင်းစွာဖြစ်ထွန်းသည်။ စီးပွားဖြစ်စိုက်ပျိုးမည်ဆိုပါက မြေချဉ်ငံဓာတ်ကို သတိပြုရန် လိုအပ်သည်။ မြေအမျိုးအစားအပေါ် လိုက်၍ လိုအပ်သည့် အဟာရဓာတ်များကို သေချာထည့်သွင်းရမည် ဖြစ်သည်။ စောစီးစွာစိုက်ပျိုးခြင်းသည် ငရုတ်သီးကိုကောင်းစွာရင့်မှည့်ချိန်ပေးပြီးသားဖြစ်၍ ရောင်းဝယ်ရာတွင် အရောင်လှ၍ အရောင်းသွက်သည်။ စိုက်ပျိုးရန် ထယ်ထိုး၊ ထွန်မွှေ သုံးကြိမ်မှ လေးကြိမ်အထိ ပြုပြင်သင့်ပါသည်။ မြေကို ညှိ၍ ရေစီးရေလာကောင်းသော မြောင်းများထား၍ စိုက်ဘောင်များကို ဂရုတစိုက် ဘောင်ဖော်ပေးရသည်။ နေရောင်ကိုကောင်းစွာကြိုက်၍ အပူကိုကြိုက်သောအသီးဖြစ်သဖြင့် နေရောင်ကောင်းစွာ ရရှိရန်လိုအပ်သည်။ နေရောင်ခြည်ကောင်းစွာရရှိခြင်းနှင့် နေ့အပူချိန် မြင့်မားစွာရရှိခြင်းသည် အထွက်နှုန်းကိုတိုးတက်စေသည်။ ရေသွင်းရေထုတ် ကောင်းမွန်အောင် ပြုလုပ်ပေးနိုင်လျှင် တစ်နှစ်ပတ်လုံး ဖြစ်ထွန်းသောသီးနှံဖြစ်သည်။

          မြေပြုပြင်ရာတွင် မြေကိုညက်အောင်ထယ်ထိုးထွန်မွှေပြုလုပ်ပြီး မြေကျစ်စာခဲများ ကျန်မနေ စေရန် ဂရုစိုက်ရမည် ဖြစ်သည်။ လေဝင်လေထွက်ကောင်းမွန်ပြီး ရေသွင်းရေထုတ်ကောင်းမွန်အောင် သဘာဝမြေဆွေးနှင့်ကောင်းစွာ ဆွေးမြေ့နေသည့် တိရစ္ဆာန်အညစ်အကြေးကို မစိုက်ပျိုးခင် နှစ်ပတ်ခန့်စော၍ ထည့်သွင်းရမည်။  

          ငရုတ်ပျိုးထောင်ရာတွင် မြေအမျိုးအစား၊ ငရုတ်မျိုးအပေါ်တွင်မူတည်၍ မြေဆွေး၊ နွားချေးနှင့် ဖွဲပြာအုပ်ပြီး ပျိုးထားကြပါသည်။ အပင်ရွှေ့စိုက်ရသော သီးနှံဖြစ်သည့်အလျောက် ရာသီဥတု အပေါ်မူတည်၍ ပျိုးသက်(၄၀)မှ (၄၅)ရက်အတွင်း စိုက်ခင်းထဲသို့ ပြောင်းစိုက်ရမည်ဖြစ်သည်။ စိုက်ခင်းထဲတွင် စိုက်ဘောင်များကို (၂)ပေအကျယ် ထားရှိရမည်ဖြစ်သည်။ အပူချိန် (၂၈)မှ (၃၀) ဒီဂရီ စင်တီဂရိတ်အတွင်း (၁၅) ရက်မှ ရက်(၂၀)ခန့်ကြာလျှင် အစေ့အပင်ပေါက်လာမည်ဖြစ်သည်။ မျိုးစေ့ စတင်သည်မှ ပျိုးပင်လေးများ ကောင်းကောင်းပေါက်သည်အထိ တစ်လခွဲကြာမြင့်တတ်သည်။

           ငရုတ်ပင်တွင် တွေ့ရတတ်သော ရောဂါပိုးများမှာ ပျပိုး၊ လှေးပိုး၊ သီးလုံးဖောက်ပိုး၊ မွှားပိုး၊ ရွက်လိပ်ပိုး၊ မြစ်ထုံးနီမတုတ်၊ ခါးရိပင်ညှိုးရောဂါ၊ အရွက်ပြောက်ရောဂါ၊ ရေစိုနာကွက်ရောဂါ၊ ပေါင်ဒါ မှုန့်ကဲ့သို့ ဖြူဖွေးသောရောဂါတို့ဖြစ်သည်။

        ငရုတ်သီး ခူးဆွတ်ရန်အတွက် ပန်းပွင့်ပြီး ခြောက်ဆယ်မှ ခြောက်ဆယ့်ငါးရက် အကြာတွင် ကောင်းစွာရင့်မှည့်ပြီဖြစ်သည်။ အချို့နိုင်ငံများတွင် စိမ်းနေဆဲအနေအထားတွင် ခူးဆွတ်ပြီးအနီရောင်ပြောင်းသည်အထိစောင့်ကြသည်။ ငရုတ်သီး အစပ်မှုန့် အမှုန့်ကြမ်းထုတ်လုပ်ရန်အတွက် အသီး ရင့်မှည့်သည်အထိထား၍ သိုလှောင်ကြသည်။  အစိုအထွက်နှုန်းတစ်ဧကလျှင် ပျမ်းမျှ ပိဿာ(၈၀၀) မှ (၉၀၀)၊ အခြောက်ပိဿာ(၃၀၀)မှ(၃၅၀) အထိထွက်ရှိသည်။ စစ်ကိုင်းတိုင်းဒေသကြီးအတွင်း စိုက်ပျိုးသည့် ငရုတ်သီးအမျိုးအစားများမှာ ၁၁၊ ၂၂၊ ၄၄၊ ၇၇၊ ၉၉၊ ဒီမွန်(မိုးမျှော်)စသည်တို့ စိုက်ပျိုးလေ့ရှိပါကြောင်း သိရသည်။

          ငရုတ်သီးကို အစိုအတိုင်း ရောင်းဝယ်ကြသကဲ့သို့ ငရုပ်ခြောက်ခံ၍ အမှုန့်ကြိတ်၍လည်း ရောင်းဝယ်ကြသည်။ စစ်ကိုင်းတိုင်းဒေသကြီး မုံရွာခရိုင်အတွင်းရှိ သီရီလင်း၊ ဦးထွန်း၊ ဦးသန်းအေး၊ ဆင်ဆွယ်နှင့် ရွှေထီးပွဲရုံများက ငရုတ်သီးခြောက်များကို အဓိကထား ရောင်းဝယ်လျက်ရှိကြောင်း သိရှိရသည်။

          စစ်ကိုင်းတိုင်းဒေသကြီးအတွင်းရှိ ငရုတ်သီးမှုန့်ကြိတ်စက်များအနက် စစ်ကိုင်းခရိုင်မှ ကြိတ်စက်များမှာ ငရုတ်သီးမှုန့် ကြိတ်စက် သီးသန့်မဟုတ်ဘဲ နနွင်းမှုန့်၊ ဆင်တုံးမနွယ် ၊ မဆလာ၊ ပဲမှုန့်စသည်ဖြင့် အမှုန့်ကြိတ်စက်များသာဖြစ်ပြီး အလှူအတန်းပွဲလမ်းများတွင် အငှားကြိတ်ခွဲမှုများ ပြုလုပ် ပါသည်။ မုံရွာခရိုင်အတွင်းမှ ကြိတ်စက်များအနက် ကျော်ကျော်၊ ဦးသိုင်း၊ ဦးအောင်ကြည်သိန်း၊ အောင်သပြေ၊ ရာတနာဦး၊ ငွေနားဖြူ၊ ဒေါ်သန်းဌေး၊ သီတာအောင်၊ နိုင်းနိုင်း၊ ကျော်ကျော်နိုင်၊ ဟိန်းစည်၊ အောင်ဇော်ဝင်း၊ ဦးမြင့်လွင်ထွန်း၊ ဦးဝင်းစိန်နှင့် ဒေါ်ဖြူဖြူသန့် စသည့်စက်များသည် ငရုတ်သီး သီးသန့် ကြိတ်ခွဲပါကြောင်း သိရှိရသည်။

          ငရုတ်သီးခြောက်ကုန်ကြမ်း(အတောင့်)များကို တစ်ပိဿာ(၄၈၀၀-၇၀၀၀) ကျပ်အတွင်း ဝယ်ယူရပါသည်။ ကုန်ချော(အကြမ်းမှုန်) တစ်ပိဿာလျှင်(၇၀၀၀-၈၀၀၀)ကျပ်နှုန်း၊ ကုန်ချော (အရောင် တင်မှုန့်) တစ်ပိဿာ(၇၀၀၀-၈၀၀၀)ကျပ်နှုန်း၊ အလေးချိန်ဖြင့် အရောင်းအဝယ်ပြုလုပ်ကြပြီး လှပသော packing ထုတ်ပိုးမှု ပုံစံများဖြင့် ရောင်းချကြခြင်းမရှိကြောင်း၊ ပိဿာချိန်ဖြင့်သာ အရောင်းအဝယ် ပြုလုပ်ကြကြောင်း သိရှိရသည်။

          စစ်ကိုင်းတိုင်းဒေသကြီးအတွင်းရှိ ခရိုင်များတွင် ငရုတ်သီး (ငရုပ်စို/ငရုပ်ခြောက်)များအား စီးပွားဖြစ်အသင့်အတင့် စိုက်ပျိုးကြပါသည်။ ငရုတ်ခြောက်များကို ရန်ကုန်၊ မန္တလေးမှဝယ်ယူပြီးတစ်ဆင့် ရောင်းချမှုများလည်းရှိကြောင်း သိရှိရသည်။ ဒေသတွင်း အသုံးပြုခြင်းသာဖြစ်ပြီး ပြည် တွင်း၊ ပြည်ပသို့ ထူးခြားတင်ပို့နိုင်ခြင်းမရှိကြောင်း လေ့လာသိရှိရသည်။

          စစ်ကိုင်းတိုင်းဒေသကြီးအနေဖြင့် လယ်ယာထွက်ကုန်သီးနှံမျိုးစုံ စိုက်ပျိုးထွက်ရှိရာ စားဖိုဆောင်သီးနှံဖြစ်သော ငရုတ်သီးကို ကသာ၊ စစ်ကိုင်း၊ မုံရွာနှင့် ရွှေဘိုခရိုင်များတွင် စိုက်ပျိုးထွက်ရှိပြီး စိုက်ပျိုးသူတောင်သူများ တွက်ချေကိုက်သောသီးနှံဖြစ်သည့်အပြင် ဒေသတွင်းသုံးဈေးကွက်ရှိသော သီးနှံဖြစ်ကြောင်း လေ့လာသိရှိရသည်။

စားသုံးသူရေးရာဦးစီးဌာန

စစ်ကိုင်းတိုင်း‌ဒေသကြီး

        စစ်ကိုင်းတိုင်းဒေသကြီး၊ မုံရွာမြို့နယ်ရှိ ကျေးရွာများတွင် ငရုတ်ကို စီးပွားဖြစ် စိုက်ပျိုးလျှက်ရှိသည်ကို တွေ့ရှိရပါသည်။        မြေတစ်ဧကလျှင် ငရုတ်မျိုးစေ့ ၉ ထုတ် စိုက်ပျိုးရပြီး ငရုတ်အမျိုးအစားများစွာရှိသော်လည်း တောင်သူအများစု စိုက်ပျိုးသောမျိုးစေ့များမှာ ဒီမွန်၊ သာမို၊ မောင်တိန်နှင့် အောက်ဆွဲမျိုးများကိုသာ အများဆုံး စိုက်ပျိုးလျက်ရှိကြောင်း မျိုးစေ့တစ်ထုပ်လျှင်  ကျပ်၉၈၀၀မှ ၁၀၀၀၀ နှုန်းပေးဝယ်ရကြောင်း၊ ကျန်မျိုးစေ့များသည် မျိုးသာကွာပြီး ဈေးနှုန်းက အတူတူပင်ဖြစ်ကြောင်း၊ ငရုတ်မျိုးစေ့ကို ပျိုးထုပ်ထဲထည့်ပြီး ၁လသားရလျှင် မြေကြီးထဲချစိုက်ပျိုးပြီး တစ်ဧကစိုက်ပျိုးရေးကုန်ကျစရိတ် အပြီးအစီး ၄ သိန်းဝန်းကျင်ကုန်ကျကြောင်း၊ ငရုတ်ကို များသောအားဖြင့် စက်တင်ဘာလနှင့် အောက်တိုဘာလများတွင် စတင်စိုက်ပျိုးပြီး ပိုးသတ်ဆေး၊ စုတ်စားပိုးနိုင်တဲ့ဆေး၊ မှိုသတ်ဆေး၊ သြဘာ၊ ဒီမွန်စတဲ့ ပိုးသတ်ဆေးများကို ရက်ခြား၍ ဖျန်းပေးရကြောင်း၊ စတင်စိုက်ပျိုးပြီးချိန်မှစ ၁၅ ရက်တစ်ခါဖျန်း ပေးရပါကြောင်း၊ စိုက်ပျိုးပြီး ၂ လ ကြာလျှင် အသီးခူးစွတ်ရကြောင်း၊ ငရုတ်သီးကို ၂ ပတ်လျှင် တစ်ကြိမမ် စွတ်ခူးပေးရကြောင်း၊  ရေမဝင်သောနေရာများတွင် ရာသီမရွေးစိုက်ပျိုးနိုင်ပြီး ဆောင်းရာသီမှ စတင်စိုက်ပျိုးပါက တစ်နှစ်ပတ်လုံးခူးစွတ်ရကြောင်း၊ စိုက်ပျိုးလျှင် အကောင်းဆုံးမျိုးမှာ ဒီမွန်နှင့်သာမို မျိုးပင်ဖြစ်ကြောင်း၊ ငရုတ် တစ်ဧကလျှင် အစို ပိဿာ ၈၀ဝ၀ ကျော်ထွက်ရှိကြောင်း၊ မောင်တိန်နှင့် ဒီမွန်မှာ ၁ပိဿာလျှင် ၈၀ဝကျပ်မှ ၉၀ဝကျပ် ရောင်းရပြီး၊ သာမိုငရုတ်မှာ ကျပ် ၁၆၀၀ မှ ၁၈၀၀ထိ ရောင်းချရပြီး၊ အခြောက် တစ်ပိသာလျှင် ကျပ် ၃၀ဝ၀ မှ ၃၅၀၀ ထိရောင်းချရကြောင်း၊ အစို ၄ပိဿာ လှန်းရင် ၁ပိဿာတင်ကြောင်း၊ ငရုတ်စိုက်ခင်းတစ်ဧက လူးငှား ၁၀ ဦး မိန်းကလေး တမနက်၁၅၀ဝ ကျပ်နှုန်း ဖြင့်ငှား၍ စွတ်ခူးရကြောင်း၊ ပိုးဖျက်ပါက အရှုံးပေါ်ပြီး အောင်မြင်ဖြစ်ထွန်းလျှင် တစ်ဧကကို သိန်း ၂၀ မှ ၂၅ ဝန်းကျင်ခန့် အမြတ်ရရှိခဲ့ကြောင်း၊ ငရုတ်ကို ခူးစွတ်ချိန်တွင် ငရုတ်ပွဲစားများမှ စိုက်ခင်းအထိ လာရောက်သယ်ယူကြောင်း၊ ၎င်းမှာတဆင့် မုံရွာ၊ မန္တလေးမြို့များသို့ တိုက်ရိုက်ရောင်းချကြောင်း ငရုတ်စိုက်ပျိုးသူထံမှ  သိရှိရပါသည်။

DOCA(စစ်ကိုင်း)