၃.၂.၂၀၂၂ရက်နေ့ တိုင်းဒေသကြီး/ပြည်နယ်များအလိုက် စားအုန်းဆီတစ်ပိဿာကုန်ကျစရိတ်တွက်ချက်မှုစာရင်းနှင့် စားအုန်းဆီ နေ့စဉ်ဈေးနှုန်းသတင်းအား အောက်ပါ PDF ဖိုင်တွင် ကြည့်ရှုလေ့လာနိုင်ပါသည်-
၂.၂.၂၀၂၂ရက်နေ့ တိုင်းဒေသကြီး/ပြည်နယ်များအလိုက် စားအုန်းဆီတစ်ပိဿာကုန်ကျစရိတ်တွက်ချက်မှုစာရင်းနှင့် စားအုန်းဆီ နေ့စဉ်ဈေးနှုန်းသတင်းအား အောက်ပါ PDF ဖိုင်တွင် ကြည့်ရှုလေ့လာနိုင်ပါသည်-
စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့၊ မြို့မစည်ပင်သာယာဈေး၊ ကုန်းဘောင်ဈေးနှင့် အောင်ဇေယျဈေးများတွင် ဇန်နဝါရီလ ၃၁ ရက် နံနက်ပိုင်း မှစတင်၍ စားဆီ တစ်ပိဿာ ငွေကျပ် ၄၆၀၀ ကျပ်ဈေးဖြင့် ရောင်းချပေးလျက်ရှိပါသည်။
ရွှေဘိုမြို့နယ်တွင် အခြေခံလူတန်းစားများ စားဝတ်နေရေး အဆင်ပြေစေရေးအတွက် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များ အသင်းမှ စားသုံးဆီရောင်းဝယ်ရေး မော်တော်ယာဉ် ဖြင့် သတ်မှတ်အရေအတွက်ကုန်ဆုံးသည်အထိ ရောင်းချပေးသွားမည် ဖြစ်သည်။
အဆိုပါ စားဆီများ ဈေးနှုန်းသက်သာစွာ ရောင်းချမှုကို မြန်မာနိုင်ငံ ဆီကုန်သည်နှင့် ဆီ လုပ်ငန်းရှင်များအသင်း၊ ရွှေဘိုခရိုင် စားသုံးသူရေးရာဦးစီးဌာနတို့ ပူးပေါင်းဆောင်ရွက်လျက်ရှိကြောင်းသိရှိရပါသည်။
DOCA(စစ်ကိုင်း)
မန္တလေးတိုင်းဒေသကြီး၊ ကျောက်ဆည်ခရိုင်တွင် ကျေးလက်ဒေသများ၌ ပဲမြစ်များကို တစ်ပိုင်တစ်နိုင်စိုက်ပျိုးလျှက် ရှိရာ တံတားဦးမြို့နယ်၊မကျည်းတောကျေးရွာတွင် အများဆုံးစိုက်ပျိုးလျှက်ရှိပါသည်။ မကျည်းတော ကျေးရွာမှ တောင်သူများသည် ပဲမြစ်အား ဘိုးစဉ်ဘောင်ဆက် အဆက်ဆက်ကနေ ယနေ့အချိန်ထိ စိုက်ပျိုးလာခဲ့ကြောင်း ၊ ၄င်းရွာမှထွက်ရှိသော ပဲမြစ်များသည် အခြားဒေသများမှ ထွက်ရှိသော ပဲမြစ်များထက် အရွယ်အစားသေးငယ်ပြီး အရသာမှာဆိမ့်ပြီးစေးပိုင်နေသောကြောင့် ဆောင်းရာသီ ပဲမြစ်ပေါ်ချိန်တွင်တံတားဦးဒေသထွက်မကျည်းတောပဲမြစ်မှာလူသိများထင်ရှားပါသည်။ထွက်ရှိလာသော ပဲမြစ်များအား အင်းဝဒေသရှိ ဘုရားစေတီပုထိုးများ နှင့် ရှေးဟောင်းအမွေအနှစ်များသို့လာ ရောက်လေ့လာဖူးမြှော်ကြသော ခရီးသွားပြည်သူများ ၊ ရန်ကုန် ၊ မန္တလေး ၊ နေပြည်တော်နှင့် အနယ်နယ်အရပ်ရပ်ရှိမြို့ကြီးများသို့တင်ပို့ရောင်းချလျှက်ရှိပါသည်။ပဲမြစ်ကိုစိုက်ပျိုးရာ၌ စနယ်မြေ အမျိုးအစား မြေပေါ်တွင် အဓိကစိုက်ပျိုးလျက်ရှိပြီး တောင်သူအများစုမှာ နှစ်စဉ် သြဂုတ်လတွင် စိုက်ပျိုး၍ ဒီဇင်ဘာလနှင့်ဖေဖော်ဝါရီလများတွင် တူးဖော်ရောင်းချကြကြောင်း သိရှိရပါသည်။ စိုက်ပျိုးရာတွင် ဘောင်များ ဖြင့်ပြုလုပ်၍ အစေ့ချစိုက်ပျိုးပြီး မျိုးအနေဖြင့် တစ်ဧက(၂)တင်းနှုန်းခန့်ကုန်ကျကြောင်း၊ ပဲမြစ်မျိုး အနေဖြင့် ဝက်ဝံမျိုး၊ မလှိုင်မျိုးများကိုသာ အများဆုံးစိုက်ပျိုးပြီး တစ်တင်းလျှင် (၁၅၀,၀၀၀-၂၀၀,၀၀၀)ကျပ်ရရှိကြောင်း၊ တစ်ဧကကုန်ကျစရိတ်အနေဖြင့် (၆၀၀,၀၀၀/-)ဝန်းကျင်ခန့် ကုန်ကျပြီး အထွက်နှုန်းအနေဖြင့် တစ်ဧကလျှင် ပျမ်းမျှပိဿာ(၁၄၀၀၊၁၅၀၀)ခန့်ထွက်ရှိကြောင်း ၊ စျေးနှုန်းအနေဖြင့် ယခင်နှစ်တွင် ပဲမြစ်စိုက်တောင်သူ အနည်းငယ်သာရှိသောကြောင့် ပဲမြစ်တစ်ပိဿာ စျေးနှုန်းမှာ (၁၀၀၀-၁၂၀၀)ကျပ် ရရှိရာမှ ယခုနှစ်တွင် ပဲမြစ်စိုက်တောင်သူများလာ၍ ပဲမြစ်တစ်ပိဿာ စျေးနှုန်းမှာ (၇၀၀-၉၀၀)ကျပ် ရှိခဲ့ရာ တောင်သူများအနေဖြင့် တစ်ဧကလျှင် အကျိုးအမြတ် (၅၀၀,၀၀၀)ကျပ် ဝန်းကျင် ခန့်ရရှိကြောင်း ပဲမြစ်စိုက်တောင်သူတစ်ဦး၏ ပြောပြချက်အရသိရှိရပါသည်။
DOCA(မန္တလေး)
စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံးမှ ဝန်ထမ်းများသည် (၂၇.၁.၂၀၂၂)ရက်နေ့ (၁၁:၀၀)နာရီအချိန်တွင် မိတ္ထီလာမြို့နယ် အင်းပက်လက်ကျေးရွာနှင့် ရေချို ကျေးရွာ တို့ရှိ ဆိတ်မွေးမြူရေးလုပ်ငန်းရှင် တောင်သူများနှင့် သွားရောက်တွေ့ဆုံမေးမြန်းခဲ့ပါသည်။
မိတ္ထီလာမြို့နယ်၊ အင်းပက်လက်ကျေးရွာနှင့် ရေချိုကျေးရွာရှိတောင်သူများသည် လယ်ယာစိုက်ပျိုးရေး လုပ်ငန်းကို အဓိက လုပ်ကိုင်ကြပြီး အများအားဖြင့် စပါး၊နှမ်း၊မြေပဲ၊ကုလားပဲ၊ ပဲစဉ်းငုံ၊ ဝါသီးနှံများကို အများဆုံး စိုက်ပျိုးကြသည်။ ယခုအခါတွင် စိုက်ပျိုးရေးလုပ်ငန်းအပြင် ဆိတ်မွေးမြူရေးလုပ်ငန်းကို အဓိကထား၍ တွဲဖက် လုပ်ကိုင်လာကြသည်ကို တွေ့ရကြောင်း သိရှိရပါသည်။ အင်းပက်လက်ကျေးရွာတွင် အိမ်ခြေ(၃၅၀)ရှိပြီး ဆိတ် မွေးမြူကြသည့် တောင်သူ (၅၃)ဦးနှင့် ရေချိုကျေးရွာတွင် အိမ်ခြေ(၅၀၁) ရှိပြီး ဆိတ်မွေးမြူသည့် တောင်သူ (၄၀)ဦးခန့်ရှိကြောင်း၊ ထိုကျေးရွာများတွင် ဆိတ်မွေးမြူရေးလုပ်ငန်းကို အများအားဖြင့် တစ်ပိုင်တစ်နိုင်မွေးမြူ ကြပြီး အစာဝယ်မကျွေးရပဲ တောထဲလွှတ်ကျောင်းသည့်စနစ်ဖြင့် မွေးမြူကြပြီး၊ မွေးမြူသူ (၁)ဦးတွင်အနည်းဆုံး ဆိတ်အကောင် ရေ(၂၀မှ ၅၀ထိ) မွေးမြူကြကြောင်း သိရှိရသည်။ ဆိတ်မွေးမြူရေးလုပ်ငန်းကို အစာဝယ်ကျွေး သည့် စနစ်ဖြင့် စီးပွားဖြစ်လုပ်ကိုင်သည့် မွေးမြူရေးလုပ်ငန်းရှင် တောင်သူ(၃)ဦးရှိကြောင်း၊ ၁ ဦးလျှင် ဆိတ် အကောင်ရေ (၂၀၀မှ ၃၀၀ထိ) မွေးမြူကြကြောင်း သိရှိရပါသည်။
ဆိတ်မွေးမြူရာတွင် အသားတိုးဆိတ်နှင့် မျိုးပွားဆိတ်ဟူ၍ ခွဲခြားမွေးမြူထားကြကြောင်း၊ အသားတိုး ဆိတ်များကို မွေးမြူရာတွင် ဆိတ်ထီးနှင့် ဆိတ်မများကို သီးသန့်ခွဲခြားထားမွေးမြူကြကြောင်း တွေ့ရှိရပြီး၊ တစ် နှစ်မွေးမြူပါက ၃၅ ပိဿာအထိကြီးထွားမှုရှိကြောင်း၊ မျိုးပွားဆိတ်အဖြစ်မွေးမြူထားသော ဆိတ်များမှာ ၁ နှစ်လျှင် ၂ သား ပုံမှန် မွေးဖွားကြောင်းသိရပြီး တစ်ခါမွေးလျှင် (၁ ကောင်မှ ၂ ကောင် ၃ ကောင်အထိ) သားပေါက်များ မွေး ဖွားနိုင်ကြောင်း သိရှိရပါသည်။ အသားတိုးဆိတ်ကြီး (ကစီး)မျိုး ၁ နှစ်ခွဲ အရွယ်ကို (၁၀၀၀၀၀) ကျပ် စျေးပေး၍ ပခုက္ကူ၊ ညောင်ဦးမြို့နယ်များဘက်မှ မျိုးအဖြစ်ဝယ်ယူမွေးမြူကြပြီး မျိုးပွားဆိတ်သေး ၁ နှစ်သား အရွယ်ကို (၇၅၀၀၀) ကျပ်စျေးဖြင့် မြို့နယ်တွင်းမှ ဝယ်ယူမွေးမြူကြရကြောင်း သိရှိရပါသည်။ ဆိတ်အကောင်ရေ (၅၀)ခန့် မွေးမြူနိုင်သော ဆိတ်ခြံ (၁) ခြံ တည်ဆောက်ရန် (၁၅)သိန်းကျပ်ခန့် ကုန်ကျမှာဖြစ်ကြောင်း၊ အသားတိုးဆိတ် ကြီးမျိုးများ စတင်မွေးမြူလျှင် ဆိတ်တန်ဖိုးနှင့်ခြံတန်ဖိုးပေါင်း (၆၅) သိန်းကျပ်ခန့် ကုန်ကျနိုင်ပြီး ဆိတ်သေးမျိုး (မျိုးပွား) စတင် မွေးမြူလျှင် ဆိတ်တန်ဖိုးနှင့် ခြံတန်ဖိုးပေါင်း (၅၂) သိန်းကျော်ကုန်ကျနိုင်ကြောင်း ဆိတ်မွေးမြူ ရေးလုပ်ငန်းရှင်များထံမှ သိရှိရပါသည်။
အစာဝယ်ယူကျွေးမွေးရသော မွေးမြူရေးဆိတ်များအတွက် အစာအဖြစ် ဇီးသီးကြိတ်ဖက်၊ ဝါစေ့ကြိတ် ဖက်၊ ပဲအနှစ်နှင့် ကုလားပဲအခွံများကို ရောနယ်၍ကျွေးရပါသည်။ ဇီးကြိတ်ဖက်နှင့် ဝါစေ့ကြိတ်ဖက်များကို ပခုက္ကူမြို့နယ်ဘက်မှ ဝယ်ယူရပြီး ပဲအနှစ်နှင့် ကုလားပဲအခွံများကို မိတ္ထီလာမြို့နယ်နှင့် မလှိုင်မြို့နယ်ရှိ ပဲခွဲ စက်များမှ ဝယ်ယူကြရကြောင်း သိရှိရပါသည်။ ဇီးကြိတ်ဖက် ၁ အိတ်လျှင် ၂၀၀၀ ကျပ်၊ ဝါစေ့ကြိတ် ဖက် ၁ အိတ်လျှင် ၁၅၀၀၀ ကျပ်၊ ပဲအနှစ် ၁ ပိဿာလျှင် ၁၀၀၀ ကျပ်၊ ကုလားပဲအခွံ ၁ ပိဿာလျှင် ၇၅၀ ကျပ် စျေးနှုန်း ဖြင့် ဝယ်ယူကြရကောင်း သိရှိရပါသည်။
ဆိတ်များသည် မိုးတွင်းကာလတွင် ရာသီဥတုဒဏ်မခံနိုင်၍ ပိုမို ဂရုစိုက်ရကြောင်း၊ ဆိတ်များရောင်းချ ရာတွင်အကောင်ပြတ်စနစ်ဖြင့် ၁ ပိဿာလျှင် ၆၀၀၀ ကျပ်စျေးဖြင့်ရောင်းချကြကြောင်းသိရှိရပါသည်။ မိတ္ထီလာ မြို့ (နွားပွဲ/ဆိတ်ပွဲ)စျေးသို့လည်းကောင်း ရန်ကုန်၊ မော်လမြိုင်၊ မန္တလေးမြို့များသို့လည်းကောင်း တင်ပို့ရောင်းချ ကြောင်း သိရှိရပါသည်။ ဆိတ်တစ်ကောင်သည် ၁ နှစ်လျှင် (၄ ကောင်မှ ၆ ကောင်အထိ) မျိုးပွားနိုင်၍ တွက်ခြေ ကိုက်သဖြင့် အချို့မိသားစုများသည် ဆိတ်မွေးမြူရေးလုပ်ငန်းဖြင့် အသက်မွေးဝမ်းကျောင်းပြုကြကြောင်း သိရှိရ ပါသည်။
မိတ္ထီလာမြို့နယ်၊ အင်းပက်လက်ကျေးရွာနှင့် ရေချိုကျေးရွာရှိ ဆိတ်မွေးမြူရေးလုပ်ငန်းသည် ယခုလို Covid-19 ကာလအတွင်းနှင့် Covid-19 အလွန်ကာလများတွင် အခြားစီးပွားရေးလုပ်ငန်းများနှင့် နှိုင်းယှဉ်ပါက ရင်းနှီးမြှပ်နှံချိန်ကာလ တိုတောင်းပြီး အချိန်တိုအတွင်း တွက်ခြေကိုက်၍ ဝင်ငွေရရှိနိုင်သော လုပ်ငန်းတစ်ခုဖြစ် သည့်အတွက်ကျေးရွာနေပြည်သူများသည် တိုးချဲ့မွေးမြူလုပ်ကိုင်လာကြသည်ကိုတွေ့ရှိရပြီး နိုင်ငံတော်အတွက် စီးပွားရေးအလားအလာကောင်းသော လုပ်ငန်းတစ်ခုဖြစ်ကြောင်း တင်ပြလိုက်ရပါသည်။
DOCA(မန္တလေး)
မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ စားသုံးသူရေးရာဦးစီးဌာနမှ ဦးဖြိုးဓနလင်း၊ဒု-ဦးစီးမှူး သည် ဝမ်းတွင်းမြို့ စိုက်ကွင်း (၁) ကျေးရွာသို့ ကွင်းဆင်း၍ အိန္ဒိယဒန့်သလွန် စိုက်ပျိုးသော တောင်သူဦးမြအေးနှင့် စိုက်ပျိုးထုတ်လုပ်မူ အခြေအနေများကိုတွေ့ဆုံမေးမြန်းခဲ့ပါသည်။
ဒန့်သလွန်ပင်သည် အပူပိုင်းသီနှံဖြစ်သော်လည်း တောင်ပေါ်မြေပြန့်မရွေးဖြစ်ထွန်းသဖြင့် ရာသီဥတု မရွေးစိုက်ပျိုးနိုင်သောအပင်ဟုဆိုနိုင်ကြောင်း၊ ဒန့်သလွန်ပင်ဟာ သဲဆန်လွန်းသောမြေနှင့် ကျောက်စရစ်မြေများမှလွဲ၍ မြေ မရွေးဖြစ်ထွန်းသော အပင်ဖြစ်ကြောင်း၊ ဒန့်သလွန်စိုက်ပျိုးရန် ရေမဝပ်သော နုန်းမြေ၊ သဲနုန်းမြေ၊ နုန်းမြေ စေးများတွင် အကောင်းဆုံးဖြစ်ကြောင်း၊ ဒန့်သလွန်ပင်ကို ကိုင်ဖြတ်၍သော်လည်းကောင်း၊ အစေ့တိုက်ရိုက်မြေချ၍သော်လည်းကောင်း၊ ပျိုးထောင်၍သော်လည်းကောင်း စိုက်ပျိုးနိုင်ကြောင်း သိရှိရပါသည်။
ဒန့်သလွန်မျိုးမှာ အိန္ဒိယမျိုးဖြစ်၍ အစေ့တစ်စေ့လျှင် ၁၀၀ ကျပ်နှုန်းဖြင့် ဝယ်ယူပျိုးထောင်စိုက်ပျိုးခဲ့ ကြောင်း၊ ဒန့်သလွန် တစ်ဧကလျှင် (၄၃၅) ပင် (၁၀'x ၁၀') ခြား စိုက်ပျိုးဝင်ဆန့်ပါကြောင်း၊၂၀၁၉ ခုနှစ်တွင် ပျိုးထောင်စိုက်ပျိုးခဲ့ပြီး ယခု ၃ ဧက စိုက်ပျိုးပြီးစီးပြီဖြစ်ကြောင်း သိရှိရပါသည်။ တစ်ဧကကုန်ကျစရိတ် ၂ သိန်း ခန့် ကုန်ကျပြီး နှစ်အနည်းငယ်အတွင်း အကျိုးဖြစ်ထွန်းသော ဒန့်သလွန်ပင်ဖြစ်ကြောင်း သိရှိရပါသည်။
မိတ္ထီလာခရိုင်အတွင်း ဝမ်းတွင်းမြို့နယ် စိုက်ကွင်း (၁) ကျေးရွာနှင့် သာစည်မြို့နယ် မြိုင်သာကျေးရွာတွင် ဒန့်သလွန်စိုက်ဧက ၃ ဧကစီ၊ စုစုပေါင်း ၆ ဧက စိုက်ပျိုးထားကြောင်းနှင့် အမျိုးအစားအနေဖြင့် အိန္ဒိယမျိုး (P.K.M.I) ကို စိုက်ပျိုးကြောင်းသိရှိရပါသည်။ စိုက်ပျိုးပြီးအပင်သက်တမ်း ၇ လ ၈ လကြာလျှင် အသီးခူးဆွတ် နိုင်ကြောင်း၊ အပင်သက်တစ်နှစ်ဝန်းကျင်ကျော်ရှိသော ဒန့်သလွန်ပင်တစ်ပင်လျှင် တစ်နှစ်လျှင် အတောင့် (၁၂၀/ ၁၅၀)ဝန်းကျင်ထိ ထွက်ရှိကြောင်း၊ အပင်သက်တမ်းအနေဖြင့် (၅/၆)နှစ်ခန့် ခူးဆွတ်နိုင်ကြောင်းသိရှိရပါသည်။ ဒန့်သလွန်ပင်သည် ၁ နှစ်တွင် ၂ ကြိမ်ခူးဆွတ်ရပြီး၊ ဒန့်သလွန် ၁ ဧက လျှင် (၄၃၅) ပင်အား တစ်နှစ် ခြံအပြတ်စနစ် (၆၅) သိန်းဖြင့် ရောင်းချကြောင်း သိရှိရပါသည်။ ထွက်ရှိသော ဒန့်ဒလွန်သီးများအား မန္တလေး၊ တောင်ကြီး၊ နေပြည်တော်၊ ရန်ကုန်၊ မြဝတီ စျေးကွက်များသို့ တင်ပို့ရောင်းချကြောင်း လေ့လာသိရှိရပါသည်။
ဒန့်သလွန်သီးပင်သည်ယခုအချိန်တွင် စျေးကွက်ရောင်းဝယ်အားကောင်းပြီး စိုက်ပျိုးသူ တောင်သူများ အနေဖြင့် အကျိုးစီးပွားဖြစ်ထွန်းသော သီးနှံတမျိုးဖြစ်၍ ပိုမို စိုက်ပျိုးသင့်သော သီးနှံဖြစ်ကြောင်း စိုက်ပျိုးသူ တောင်သူနှင့် တွေ့ဆုံမေးမြန်းမူ့အား တင်ပြလိုက်ရပါသည်။
DOCA(မန္တလေး)
၁.၂.၂၀၂၂ရက်နေ့ တိုင်းဒေသကြီး/ပြည်နယ်များအလိုက် စားအုန်းဆီတစ်ပိဿာကုန်ကျစရိတ်တွက်ချက်မှုစာရင်းနှင့် စားအုန်းဆီ နေ့စဉ်ဈေးနှုန်းသတင်းအား အောက်ပါ PDF ဖိုင်တွင် ကြည့်ရှုလေ့လာနိုင်ပါသည်-
၃၁.၁.၂၀၂၂ရက်နေ့ တိုင်းဒေသကြီး/ပြည်နယ်များအလိုက် စားအုန်းဆီတစ်ပိဿာကုန်ကျစရိတ်တွက်ချက်မှုစာရင်းနှင့် စားအုန်းဆီ နေ့စဉ်ဈေးနှုန်းသတင်းအား အောက်ပါ PDF ဖိုင်တွင် ကြည့်ရှုလေ့လာနိုင်ပါသည်-
မန္တလေးတိုင်းဒေသကြီး၊ညောင်ဦးခရိုင်၊ကျောက်ပန်းတောင်းမြို့နယ်အနေဖြင့် မန်ကျည်းအများဆုံးစိုက်ပျိုးထွက်ရှိရာ မြို့နယ်ဖြစ်သည့်အလျောက် စိုက်ပျိုးဧက(၁၅၆၀) ဧက၊အိမ်ခြံမြေ ဥယျာဉ် စိုက်ဧကမှာ(၇၈၉)ဧက၊ အလေ့ကျပေါက်ပင်ဧကမှာ(၇၇၁)ဧကဖြစ်၍ စုစုပေါင်း(၃၁၂၀)ဧက ရှိကြောင်း သိရှိရပါသည်။ကမ္ဘာပေါ်တွင် မန်ကျည်းကို အိန္ဒိယနိုင်ငံမှ အများဆုံးစိုက်ပျိုးထွက်ရှိပြီး မြန်မာနိုင်ငံသည် ဒုတိယ အများဆုံးထွက်ရှိသော နိုင်ငံဖြစ်ပါသည်။မကျီးပင်သည် ပူပြင်းခြောက်သွေ့သော ရာသီဥတုကို ကြိုက်နှစ်သက်ပြီး ရာသီဥတုအရမ်းပူပြင်းခြင်း၊ မိုးဦးနောက်ကျခြင်းတို့ကြောင့်လည်း အသီးအထွက်နှုန်း လျော့ကျတတ်ကြောင်း သိရပါသည်။မန္တလေးတိုင်းဒေသကြီးအတွင်း မကျီးအများဆုံးထွက်ရှိသောမြို့များမှာ ကျောက်ပန်းတောင်း၊ မိတ္ထီလာ၊ ရမည်းသင်း၊ ပျော်ဘွယ် စသည့်မြို့များဖြစ်ကြပြီး ကျောက်ပန်းတောင်းမြို့နယ်အတွင်း အဓိက ထွက်ရှိသော ကျေးရွာများမှာ ပုပ္ပား၊သံဘို၊ဆည်ပေါက်၊ညောင်ကန်၊မြောက်တော၊ချိုင်း၊ပုပ္ပားလွင်၊ဆုံကုန်း စသည့် ကျေးရွာတို့မှာ အများဆုံးထွက်ရှိကာ ပုပ္ပားကျေးရွာမှထွက်ရှိသော မန်ကျည်းမှာ အရည်အသွေး အကောင်းမွန်ဆုံး ဖြစ်ကြောင်းသိရပါသည်။ကျောက်ပန်းတောင်းမြို့နယ်အနေဖြင့် ဇန်နဝါရီလ နောက်ဆုံးပါတ်မှစတင်၍ မန်ကျည်းကို အသား၊အလုံး၊ဓားဆင်း အဖြစ်စတင်ကာ ဈေးကွက်အတွင်း အရောင်းအဝယ် ပြုလုပ်ကြပါသည်။
၂၀၂၀ ခုနှစ်တွင် ကျောက်ပန်းတောင်းမြို့နယ်အနေဖြင့် မန်ကျည်းအထွက်ပိဿာပေါင်း (၂၅၀၀၀၀၀)ကျော်သာ ထွက်ရှိခဲ့ကြောင်း သိရပါသည်။မကျီးများစတင်ပေါ်ထွက်ချိန်ဖြစ်သည့် ဇန်နဝါရီလတွင် မန်ကျည်းအသား အစေ့လွတ်(ထိပ်စ) တစ်ပိဿာလျှင်(၃၅၀၀)ကျပ် ၊အလတ်စ တစ် ပိဿာလျှင်(၃၂၀၀)ကျပ်၊အောက်စ တစ်ပိဿာလျှင် (၃၀၀၀)ကျပ်၊ မကျီးအလုံး(အကြောပါ) တစ်ပိဿာလျှင် (၁၆၀၀)ကျပ်၊အလုံး(အကြောမပါ)တစ်ပိဿာလျှင် (၁၂၅၀)ကျပ်ဖြင့် စတင်အရောင်းအဝယ်ဖြစ်ခဲ့ပြီး နှစ်ကုန်ဒီဇင်ဘာလ၌ မန်ကျည်းအသား အစေ့လွတ် (ထိပ်စ)တစ်ပိဿာလျှင် (၃၅၀၀) ကျပ်၊အလတ်စ တစ်ပိသာလျှင် (၃၂၀၀)ကျပ်၊အောက်စ တစ်ပိဿာလျှင် (၃၀၀၀)ကျပ်နှင့် အကြော မပါအလုံးတစ်ပိဿာလျှင် (၁၉၅၀)ကျပ်တို့ဖြင့် ဈေးပိတ်ခဲ့ပါသည်။
၂၀၂၁ ခုနှစ်တွင် ကျောက်ပန်းတောင်းမြို့နယ်အနေဖြင့် မန်ကျည်းအထွက်ပိဿာ (၃၅၀၀၀၀၀) ခန့်ထွက်ရှိခဲ့ကြောင်း သိရှိရပြီး စတင်ပေါ်ချိန်တွင် မန်ကျည်းအသား အစေ့လွတ် (ထိပ်စ) တစ်ပိဿာ (၂၃၀၀)ကျပ်၊အလတ်စ တစ်ပိဿာ (၂၂၅၀)ကျပ်နှင့် အောက်စတစ်ပိဿာ (၂၂၀၀) ကျပ်တို့ဖြင့် စတင်၍အရောင်းအဝယ်ဖြစ်ခဲ့ပါသည်။ဒီဇင်ဘာလတွင် အသားအစေ့လွတ်ထိပ်စ တစ်ပိဿာ(၂၇၅၀) ကျပ် ၊ အလတ်စ (၂၆၀၀) ကျပ်၊ အောက်စ (၂၂၀၀) ကျပ် တို့ဖြင့် ရောင်းချခဲ့ပြီး ၂၀၂၁ ခုနှစ်၏ မန်ကျည်းအသားအစေ့လွတ်လက်ကျန်ပိဿာမှာ(၆၀၀၀၀၀)နှင့် မန်ကျည်းအလုံး (အကြောမပါ) မှာ (၄၀၀၀၀၀) ပိဿာခန့် ကျန်ရှိကြောင်းသိရှိရပြီး ယနေ့ဈေးကွက်အတွင်း မန်ကျည်းအဟောင်း အသား (ထိပ်စ) တစ် ပိဿာလျှင် (၂၈၀၀)ကျပ်၊ အလတ်စ(၂၅၀၀)ကျပ် ၊အောက်စ (၂၄၀၀) ကျပ်တို့ဖြင့် အရောင်းအဝယ် ဖြစ်နေကြောင်း သိရပါသည်။၂၀၂၂ ခုနှစ် ဈေးကွက်အတွင်း မန်ကျည်းများ ဝင်ရောက်နေပြီဖြစ်ရာ ပုပ္ပား မန်ကျည်းအသစ်မှာ ထိပ်စတစ်ပိဿာ(၄၀၀၀)ကျပ်၊ အလတ်စတစ်ပိဿာ(၃၅၀၀) ကျပ်တို့ဖြင့် အရောင်းအဝယ်စတင်ပြုလုပ်လျက်ရှိပြီး တစ်ရက်လျှင် အဝင်ပိဿာ (၂၀၀-၃၀၀)ခန့် ဝင်ရောက်နေပြီဖြစ် ကြောင်း သိရှိရပါသည်။ မကျီးအရောင်း အဝယ်မှာလည်း ယနေ့ချိန်တွင် ပြည်ပသို့တင်ပို့ ရောင်းချနိုင်ခြင်း မရှိသေးကြောင်း၊ပြည်တွင်း ဈေးကွက်များဖြစ်သည့် ရန်ကုန်၊ မန္တလေး၊ နေပြည်တော် မြို့များသို့ အဓိကတင်ပို့ကြပြီး တစ်ပါတ်လျှင် ကုန်ချိန်ပိဿာ(၇၀၀၀) မှ (၁၀၀၀၀) ပိဿာထိသာ တင်ပို့ရောင်းချနေကြောင်း သိရှိရပြီး အရောင်းအဝယ်အေးလျက်ရှိကြောင်း ဒေသခံ မန်ကျည်းကုန်သည် တစ်ဦးထံမှ သိရှိရပါသည်။ မန်ကျည်းအား တန်ဖိုးမြှင့် ထုတ်ကုန် (value added) အနေဖြင့် ထုတ်လုပ် တင်ပို့ရောင်းချမည်ဆိုပါက ဒေသတွင်း အလုပ်အကိုင်များ ဖန်တီးပေးနိုင်သလို ဝင်ငွေမှာလည်း တိုးတက်ရရှိနိုင်ပြီး ပြည်ပများမှဝင်ရောက်နေသော မန်ကျည်းအနှစ်၊မန်ကျည်းဖျော်ရည်၊ မန်ကျည်းတော်ဖီ၊ မန်ကျည်းပလိပ်ပြား စသည့်မန်ကျည်းထုတ် ကုန် ပစ္စည်းများအား အစားထိုးသုံးစွဲလာခြင်းဖြင့် နိုင်ငံခြားငွေ သုံးစွဲရာတွင် ချွေတာရာရောက်မည် ဖြစ်၍ ကုန်သည်များမှ စိတ်ဝင်စားလျက်ရှိကြောင်း သိရှိရပါသည်။
စားသုံးသူရေးရာဦးစီးဌာန
မန္တလေးတိုင်းဒေသကြီး
မော်လမြိုင်မြို့၌ ယခုလဇန်နဝါရီစတုတ္ထအပတ်တွင် ဘိလပ်မြေဈေးကွက်မှာ အရောင်းအဝယ်ပုံမှန်ရှိပြီး သယ်ယူခနှုန်းထားမြင့်တက်လာမှုကြောင့် ဈေးနှုန်းမြင့်တက်လာကြောင်းသိရှိရသည်။ ဈေးကွက်အတွင်း အရောင်းအဝယ်ပုံမှန်ဖြစ်နေသည့် ဈေးနှုန်းများမှာ ယခင်အပတ်တွင် ကြံ့နှစ်ကောင်(အနီ) ၁ အိတ်လျှင် ကျပ် ၈၇၅၀၊ ဆင်(ထိုင်း) ၁ အိတ်လျှင် ကျပ် ၉၃၀၀၊ ကြံ့တံဆိပ် (အဝါ) ၁ အိတ်လျှင် ကျပ် ၈၂၀၀ ရှိခဲ့ပြီး ယခုအပတ်တွင် ကြံ့နှစ်ကောင်(အနီ) ၁ အိတ်လျှင် ကျပ် ၉၄၀၀၊ ဆင်(ထိုင်း) ၁ အိတ်လျှင် ကျပ် ၉၅၀၀၊ ကြံ့တံဆိပ်(အဝါ) ၁ အိတ်လျှင် ကျပ် ၈၅၀၀ ဖြင့်အရောင်းအဝယ်ဖြစ်နေကြောင်း သိရှိရပါသည်။
မော်လမြိုင်မြို့၌ ဓါတ်မြေဩဇာမှာ ဈေးနှုန်းမြင့်တက်၍ အရောင်းအေးလျက် ရှိပါသည်။ အရောင်းအဝယ်ဖြစ်နေသောဈေးမှာ ယခင်တစ်ပတ်တွင် ကွန်ပေါင်း(မြန်မာ့ဩဘာရွှေကောမက်) ၁၅:၁၅:၁၅ မှာ 50kg ပါ ၁ အိတ်လျှင် ကျပ် ၇၈၅၀၀၊ ကွန်ပေါင်း ၂၀:၁၂:၁၂ မှာ 50kg ပါ ၁ အိတ်လျှင် ကျပ် ၇၅၀၀၀၊ ကွန်ပေါင်း(Thai Grow How) 15:15:15 မှာ 50kg ပါ ၁ အိတ်လျှင် ကျပ် ၈၂၀၀၀၊ ပုလဲ(အသေး) ၄၆% မြန်မာ(MPE) မှာ 50kg ပါ ၁ အိတ်လျှင် ကျပ် ၄၆၅၀၀၊ ပုလဲ (အသေး) ၄၆% တရုတ် (တောင်) မှာ 50kg ပါ ၁ အိတ်လျှင် ကျပ် ၅၈၀၀၀၊ ပုလဲ(အကြီး) ၄၆% ထိုင်း(မြင်းပျံ) မှာ 50kg ပါ ၁ အိတ်လျှင် ကျပ် ၈၃၀၀၀၊ တီစူပါ တရုတ် (သံကွင်း)မှာ 50kg ပါ ၁ အိတ်လျှင် ကျပ် ၄၉၀၀၀ ရှိခဲ့သည်။ ယခုအပတ်တွင် ကွန်ပေါင်း(မြန်မာ့ဩဘာရွှေကောမက်) ၁၅:၁၅:၁၅ မှာ ကျပ် ၈၂၀၀၀၊ ကွန်ပေါင်း ၂၀:၁၂:၁၂ မှာ 50kg ပါ ၁ အိတ်လျှင် ကျပ် ၈၃၃၀၀၊ ကွန်ပေါင်း(Thai Grow How) 15:15:15 မှာ 50kg ပါ ၁ အိတ်လျှင် ကျပ် ၈၅၀၀၀၊ ပုလဲ(အသေး) ၄၆% မြန်မာ(MPE) မှာ 50kg ပါ ၁ အိတ်လျှင် ကျပ် ၄၈၅၀၀၊ ပုလဲ (အသေး) ၄၆% တရုတ် (တောင်) မှာ 50kg ပါ ၁ အိတ်လျှင် ကျပ် ၅၉၀၀၀၊ ပုလဲ(အကြီး) ၄၆% ထိုင်း(မြင်းပျံ) မှာ 50kg ပါ ၁ အိတ်လျှင် ကျပ် ၈၃၀၀၀၊ တီစူပါ တရုတ် (သံကွင်း) မှာ 50kg ပါ ၁ အိတ်လျှင် ကျပ် ၄၉၀၀၀ ဖြင့် အရောင်းအဝယ်ဖြစ်နေကြောင်း သိရှိပါသည်။
DOCA(မွန်)
