ပြည်တွင်းကုန်သွယ်မှုသတင်း

   မြန်မာနိုင်ငံစက်သုံးဆီ တင်သွင်း/ သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

      မုံရွာမြိုတွင် စက်သုံးဆီဆိုင် (၂၇)ဆိုင် ပုံမှန်ဖွင့်လှစ်ရောင်းချလျက်ရှိပြီး ၂၀၂၃ခုနှစ် ဇူလိုင်လ တတိယပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၁၇၀)ကျပ်၊ ဓါတ်ဆီ (95) တစ်လီတာလျှင် (၂၂၈၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၁၃၀)ကျပ်၊ ဒီဇယ်(ပရီမီယမ်) တစ်လီတာလျှင် (၂၂၁၀)ကျပ်ဖြင့် ရောင်းချလျက်ရှိကြောင်း သိရသည်။

        ယခု ဇူလိုင်လ စတုတ္ထပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၂၆၀) ကျပ်၊ ဓါတ်ဆီ (95) တစ်လီတာလျှင် (၂၃၇၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၂၉၅) ကျပ်၊ ဒီဇယ်(ပရီမီယမ်) တစ်လီတာလျှင် (၂၃၇၀)ကျပ်ဖြင့် ရောင်းချနေသောကြောင့် ယခင်အပတ် နှင့် နှိုင်းယှဉ်ပါက ဓါတ်ဆီ(92) တစ်လီတာလျှင် (၉၀)ကျပ်၊ ဓါတ်ဆီ(95) တစ်လီတာလျှင် (၉၀)ကျပ် ၊ ဒီဇယ်(ရိုးရိုး) တစ်လီတာလျှင် (၁၆၅)ကျပ်၊ ဒီဇယ်(ပရီမီယမ်) တစ်လီတာလျှင် (၁၆၀)ကျပ်ဖြင့် ဈေးနှုန်းအသီးသီး မြင့်တက်လျက်ရှိကြောင်း စက်သုံးဆီဆိုင်များမှ သတင်းရရှိသည်။

DOCA(စစ်ကိုင်း)

   သပြေပန်းသည် မြန်မာလူမျိုးတို့ ဘုရားပန်း၊ နတ်ပန်းများနှင့် အလှူမင်္ဂလာဆောင်အခမ်းအနားများတွင် မပါမဖြစ်အသုံးပြုကြသောပန်းဖြစ်ပါသည်။ သပြေပန်းပင်များကို ကန့်ဘလူမြို့နယ်၊ ဒေသအနှံ့အပြားတွင် တစ်နိုင်တစ်ပိုင်စိုက်ပျိုးလျက်ရှိကြသည်။ ယခုအခါ “သပြေပန်းများ” ကို ကန့်ဘလူမြို့၊ ဒေါ်မမကြီးခြံတွင် တစ်နိုင်တစ်ပိုင်စိုက်ပျိုးထားကြောင်းသိရှိရသဖြင့် သွားရောက်လေ့လာခဲ့ပါသည်။ ခြံပိုင်ရှင်၏ပြောပြချက်အရ သပြေပန်းနှစ်ပျိုးစိုက်ပျိုးထားရှိပါကြောင်း၊ သပြေပင်စုစုပေါင်း (၁၄၇၀) ပင်စိုက်ပျိုးထားပါကြောင်း၊ ရွှေသပြေ (ခေါ်) အောင်သပြေမှာ အပင် (၆၇၀) စိုက်ပျိုးထားပါကြောင်း၊ ရွှေသပြေ (ခေါ်) အောင်သပြေပင်၏အညွန့်မှာ ထွက်ခါစတွင် အနီရောင်သန်းပြီး နောက်ပိုင်းတွင် တဖြည်းဖြည်း ရွေဝါရောင်ဖြစ်လာကြောင်းသိရသည်။ ရွှေသပြေ (ခေါ်) အောင်သပြေသည် လူကြိုက်အများဆုံးပန်းဖြစ်ပြီး မိမိတို့လုပ်ငန်းများအဆင်ပြေအောင်မြင်လာသောအခါ အောင်ပွဲအထိမ်းအမှတ်အခမ်းအနားများကျင်းပပြုလုပ်ရာတွင် အောင်ပန်းအဖြစ်အသုံးပြုရန် လာရောက်ဝယ်ယူကြကြောင်းသိရသည်။ အာဆီယံသပြေမှာ အပင် (၈၀၀) စိုက်ပျိုးထားရှိပါကြောင်း၊ အာဆီယံသပြေ၏အညွန့်လေးများသည် ရဲရဲတောက်အောင်လှပပါကြောင်း၊ ရွှေသပြေ (ခေါ်) အောင်သပြေကို စတင်စိုက်ပျိုးပြီး (၆) လအကြာတွင် စတင်ဆွတ်ခူးရကြောင်း၊ အာဆီယံသပြေကို (၁) နှစ်သားမှစတင်ဆွတ်ခူးကြောင်းနှင့် ယခုအခါ စိုက်ပျိုးထားသည်မှာ (၅) နှစ်သားခန့်ရှိပြီဖြစ်ပြီး သပြေပင်မှ သပြေပန်းခက်များကို နေ့စဉ်ဆွတ်ခူးရကြောင်း ခြံပိုင်ရှင်ထံမှသိရှိရပါသည်။

  ခြံမှထွက်ရှိသောသပြေပန်းများကို ဖောက်သည်များအားပေးသည့်အပြင် မြို့မစည်ပင်ဈေးတွင်လည်း ကိုယ်တိုင်ရောင်းချလျက်ရှိရာ ဖောက်သည်ဈေးနှုန်းမှာ (၁၀) စည်းလျှင် ၁၀၀၀ကျပ်၊ လက်လီဈေးနှုန်းမှာ (၃) ခက်ပါ (၁) စည်းလျှင် ၂၀၀ကျပ်ဖြင့်ရောင်းချရပြီး နေ့စဉ်ဝင်ငွေ ၁၅၀၀၀ကျပ်ခန့်ရရှိသဖြင့် မိသားစုဝင်ငွေရရှိကာ စီးပွားဖြစ်လည်းစိုက်ပျိုးရန်သင့်တော်သော ပန်းတစ်မျိုးဖြစ်ကြောင်းသိရှိရပါသည်။

DOCA(စစ်ကိုင်း)

 မြန်မာနိုင်ငံစက်သုံးဆီ တင်သွင်း/သိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

   ရွှေဘိုမြို့တွင် စက်သုံးဆီဆိုင် (၁၉)ဆိုင် ပုံမှန် ဖွင့်လှစ်ရောင်းချလျက်ရှိပြီး ၂၀၂၃ခုနှစ် ဇူလိုင်လ တတိယပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၁၃၅)ကျပ်၊ ဓါတ်ဆီ(95) တစ်လီတာလျှင် (၂၂၅၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၁၃၅)ကျပ်၊ ဒီဇယ်(ပရီမီယမ်) တစ်လီတာလျှင် (၂၂၁၅)ကျပ်ဖြင့် ရောင်းချလျက်ရှိကြောင်း သိရသည်။

   ယခု ဇူလိုင်လ နောက်ဆုံးပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၂၇၅)ကျပ်၊ ဓါတ်ဆီ(95) တစ်လီတာလျှင် (၂၃၈၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၂၇၅)ကျပ်၊ ဒီဇယ်(ပရီမီယမ်) တစ်လီတာလျှင် (၂၃၅၀)ကျပ်ဖြင့် ရောင်းချနေသောကြောင့် ယခင်အပတ်နှင့် နှိုင်းယှဉ်ပါက ဓါတ်ဆီ(92) တစ်လီတာလျှင် (၁၄၀)ကျပ်၊ ဓါတ်ဆီ(95) တစ်လီတာလျှင် (၁၃၀)ကျပ် ၊ ဒီဇယ်(ရိုးရိုး) တစ်လီတာလျှင် (၁၄၀)ကျပ်၊ ဒီဇယ်(ပရီမီယမ်) တစ်လီတာလျှင် (၁၃၅)ကျပ်ဖြင့် ဈေးနှုန်းအသီးသီး မြင့်တက်လျက်ရှိကြောင်း စက်သုံးဆီဆိုင်များမှ သတင်းရရှိသည်။

DOCA(စစ်ကိုင်း)

          ၂၀၂၃ခုနှစ်၊ ဇူလိုင်လ စတုတ္ထပတ်အတွင်း မိတ္ထီလာကုန်စည်ဒိုင်၌ ဖြစ်ပေါ်နေသော ဆီထွက်သီးနှံစျေးနှုန်းများမှာ နှမ်းညိုတစ်တင်းလျှင် (၈၅၀၀၀) ကျပ်၊ နှမ်းဖြူတစ်တင်း လျှင် (၁၀၀၀၀၀) ကျပ်၊ နေကြာစေ့တစ်ပိဿာလျှင် (၄၂၀၀) ကျပ်စျေးရှိပြီး၊ နှမ်းဆီတစ်ပိဿာလျှင် (၁၃၅၀၀) ကျပ်၊ မြေပဲဆီတစ်ပိဿာလျှင် (၁၄၀၀၀)ကျပ် နေကြာဆီတစ်ပိဿာလျှင် (၁၃၀၀၀) ကျပ်၊ နှမ်းဖတ် တစ်ပိဿာလျှင် (၂၇၀၀) ကျပ်၊ ပဲဖတ် တစ်ပိဿာလျှင် (၃၁၀၀) ကျပ်၊ နေကြာဖတ် တစ် ပိဿာလျှင် (၁၉၀၀-၁၉၅၀) ကျပ်၊ စျေးဖြင့် အရောင်းအဝယ်ဖြစ်လျက်ရှိပြီး ယခင်ဇွန်လ စတုတ္ထပတ် တွင် နှမ်းညိုတစ်တင်းလျှင် (၈၈၀၀၀) ကျပ်၊ နှမ်းဖြူတစ်တင်းလျှင် (၁၀၅၀၀၀) ကျပ်၊ နေကြာစေ့ တစ်ပိဿာလျှင် (၃၈၀၀) ကျပ်စျေးရှိပြီး၊ နှမ်းဆီတစ်ပိဿာလျှင် (၁၄၀၀၀) ကျပ်ဖြင့် အရောင်းအဝယ်ဖြစ်ခဲ့ရာ ယခုလနှင့် ယခင်လကာလတူနှိုင်းယှဉ်ပါက နှမ်းဆီစျေးနှုန်းနှင့် နှမ်းစျေးနှုန်းများ ကျဆင်းလာပြီး၊ နေကြာစေ့ စျေးနှုန်းမှာ အနည်းငယ်မြှင့်တက်လာကြောင်း၊ မြေပဲဆီ၊ နေကြာဆီ၊ နှမ်းဖက်၊ ပဲဖက်၊ နေကြာဖက်စျေးနှုန်းများ တည်ငြိမ်နေကြောင်း သိရှိရပါသည်။

DOCA(မန္တလေး)

                    မိတ္ထီလာမြို့နယ်ရှိ ဘဲကန်စျေး(သို့) နံနက် (၈) နာရီစျေးတွင် ထမုန်ကန်၊ ဆယ်ကုန်း၊ ညောင်မြင့်၊ မန္တလေးနှင့်ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံများ အများဆုံးဝင်ရောက် ရောင်းချလျက်ရှိကြောင်း၊ ဂေါ်ဖီထုပ် တစ်ထုပ်လျှင် (၄၀၀-၇၀၀) ကျပ်၊ ပန်းပွင် တစ်ပွင့်လျှင် (၃၀၀-၈၀၀) ကျပ်၊ မုန့်ညှင်းဖြူထုပ် တစ်ပိဿာလျှင်(၁၂၀၀-၁၅၀၀) ကျပ်၊ ရွှေပဲသီး တစ်ပိဿာလျှင် (၃၅၀၀-၄၀၀၀) ကျပ်၊ ဘိုစားပဲသီး တစ်ပိဿာလျှင် (၁၁၀၀-၁၂၀၀) ကျပ်၊ ခါကြက်ဥ တစ်ပိဿာလျှင် (၃၀၀၀-၃၅၀၀) ကျပ်၊ ငရုတ်သီးစိမ်း (မိုးထောင်) တစ်ပိဿာလျှင် (၂၂၀၀-၂၃၀၀) ကျပ်၊ ခရမ်းသီး တစ်ပိဿာလျှင် (၂၀၀၀-၂၅၀၀) ကျပ်၊ ခဝဲသီး တစ်ပိဿာလျှင် (၇၀၀-၈၀၀) ကျပ်အတွင်း၊ ကြက်ဟင်းခါးသီး တစ်ပိဿာလျှင် (၁၁၀၀-၁၂၀၀) ကျပ်အတွင်း၊ မုံလာဥဖြူ တစ်ပိဿာလျှင် (၁၆၀၀-၁၈၀၀) ကျပ်၊ ပဲတောင့်ရှည် တစ်ပိဿာလျှင် (၁၅၀၀-၁၇၀၀) ကျပ် ဖြစ်ကြောင်း သိရှိရပါသည်။ ဘဲကန်စျေးအတွင်းသို့ တစ်ရက်လျှင် ပန်းပွင့် ပေါင်း (၄၅၀) ကျော်၊ မုန့်ညှင်းဖြူ ပိဿာ (၅၀၀) ကျော်၊ ရွှေပဲသီး ပိဿာ (၅၀) ခန့်၊ ဘိုစားပဲသီး ပိဿာ (၄၀၀) ကျော်၊ ခါကြက်ဥပိဿာ (၆၀၀) ကျော်၊ ခရမ်းသီးပိဿာ(၆၀၀) ခန့်၊ ပဲတောင့်ရှည်ပိဿာ (၇၀) ကျော်၊ ခဝဲသီးပိဿာ (၄၀၀) ကျော်ခန့်၊ သံပရာသီး (၁၀) လုံးလျှင် (၃၀၀-၅၀၀) ကျပ်အထိ၊ သံပရာသီး ကုန်ချိန်အလုံး‌ပေါင်း လေးသောင်းကျော်ခန့် ဝင်ကြောင်းသိရပါသည်။

           မိတ္ထီလာမြို့မှ မလှိုင်စျေးပတ်ကား၊ တောင်သာ စျေးပတ်ကား၊ ပျော်ဘွယ်စျေးပတ်ကားနှင့် မိတ္ထီလာမြို့ပေါ်နှင့် မိတ္ထီလာအတွင်းရွာများမှလည်းစျေးကားများဖြင့် လာရောက်ဝယ်ယူ၍ ပြန်လည် ရောင်းချကြကြောင်း သိရှိရသည်။

DOCA(မန္တလေး)