ပြည်တွင်းကုန်သွယ်မှုသတင်း

ရက်စွဲ၊ ၂၀.၇.၂၀၂၃

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင် ဦးစီးမှူးရုံးအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေး လုပ်ငန်းများ ဆောင်ရွက်လျက်ရှိပြီး ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေး လုပ်ငန်းများဖြင့် နိုင်ငံစီးပွားဖွံ့ဖြိုးတိုးတက်စေရန် ဟူသော မျော်မှန်းချက်နှင့်အညီ အသင်းအဖွဲ့များ အစုအဖွဲ့များ ဖွဲ့စည်းပေးပြီး ပိုမိုအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ပွဲရုံများ၏ သီးနှံဈေးနှုန်းများနှင့် အရောင်းအဝယ်ဖြစ်မှုများကိုလည်း  တင်း၊ တန် စာရင်းတို့ကိုလည်း အပတ်စဉ်၊ လစဉ် တင်ပြလျက်ရှိပါသည်။

       ကန့်ဘလူပွဲရုံများအနေဖြင့် ၂၀၂၃ခုနှစ် ဇွန်လနှင့်ဇူလိုင်လ လဆန်းပိုင်းတို့တွင် အရောင်းအဝယ်ဖြစ်နေသော သီးနှံအမျိုးအစားနှင့် ဈေးနှုန်းများ အရောင်းအဝယ်ဖြစ်မှု အခြေအနေများမှာ ပဲတီစိမ်း မှာ (၄၆၇)တင်း/(၄၂.၉၂)တန် ဖြစ်ပြီး ဈေးနှုန်းမှာ တစ်တင်းလျှင် (၅၅၀၀၀)ဈေးရှိပါသည်။ မတ်ပဲ မှာ (၁၀၀)တင်း/(၉.၁၉)တန် ဖြစ်ပြီး ဈေးနှုန်းမှာ မတ်ပဲ တစ်တင်းလျှင် (၇၃၀၀၀)ဈေးရှိကာ အရောင်းအဝယ်ဖြစ်လျက်ရှိသည်။     ပဲစဉ်းငုံ မှာ (၃၃)တင်း/(၃.၃၀)တန် အရောင်းအဝယ်ရှိခဲ့ပြီး ဈေးနှုန်းမှာ တစ်တင်းလျှင်(၉၅၀၀၀)ဈေးရှိခဲ့ပါသည်။ ပဲစဉ်းငုံအနေဖြင့် တောင်သူမျိုးကျန်များ ရောင်းချချိန်ဖြစ်သည့်အတွက် အဝင်နည်းသော အချိန်ဖြစ်ကာ အရောင်းအဝယ်ဖြစ်ကြောင်း၊ သီးနှံများကို မန်းလေးမြို့ ဇောတိကပွဲရုံသို့ တင်ပို့ရောင်းချလျက်ရှိကြောင်း ကန့်ဘလူမြို့ပေါ်ရှိ  ပွဲရုံပိုင်ရှင်တစ်ဦးထံမှ သတင်းရရှိပါသည်။

DOCA(စစ်ကိုင်း)

   ၂၅.၇.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပွင့်ဖြူမြို့နယ်တာဝန်ခံ ဒု-ဦးစီးမှူး ဒေါ်ဌေးဌေးဝင်းသည် (၁၃-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ပြည်တွင်းကုန်သွယ်ရေးလုပ်ငန်းဖြစ်သော အသေးစား၊ အငယ်စားနှင့် အလတ်စားစီးပွားရေးလုပ်ငန်း (MSMEs)  လုပ်ငန်းများဖွံ့ဖြိုးတိုးတက်စေရန်အတွက် ပွင့်ဖြူမြို့နယ်၊ တောင်အင်းကျေးရွာ၌ တစ်နိုင်တစ်ပိုင်လုပ်ကိုင်နေသော “ဒို့ကျေးရွာ” ပဲကြော်လုပ်ငန်းရှင်  ဦးချစ်မင်းဖြူနှင့်တွေ့ဆုံ၍ ကုန်အညွှန်းအမှတ်အသားဖော်ပြမှုအပေါ်  လိုအပ်သည့်ပံ့ပိုးကူညီမှုများဆောင်ရွက်ပေးနိုင်ရန် ကွင်းဆင်းလေ့လာဆွေးနွေးခဲ့ပါသည်။

   ထိုသို့လုပ်ငန်းရှင်နှင့်တွေ့ဆုံဆွေးနွေးရာတွင် ပွင့်ဖြူမြို့နယ်တာဝန်ခံက လုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ ကုန်စည်များနှင့်စပ်လျဉ်း၍ အာမခံချက်ပေးခြင်း၊ ကုန်စည် (သို့မဟုတ်) ဝန်ဆောင်မှုအပေါ် တာဝန်ရှိမှုများ၊ ကုန်အညွှန်းအမှတ်အသားဖော်ပြခြင်းနှင့်ပတ်သက်သည့် ဥပဒေပြဋ္ဌာန်းချက်များ၊ စီမံခန့်ခွဲရေးနည်းလမ်းအရ အရေးယူခြင်း၊ တားမြစ်ချက်များ၊ ပြစ်မှုပြစ်ဒဏ်များအကြောင်းတို့ကိုသိရှိစေရန်ဆွေးနွေးခဲ့ပြီး လုပ်ငန်းရှင်များကလည်း မိမိတို့ထုတ်လုပ်သောကုန်စည်အမျိုးအစားအလိုက် စားသုံးသူကာကွယ်ရေးဥပဒေ (၂၀၁၉) အခန်း (၁၈) ပါ ကုန်အညွှန်းအမှတ်အသားဖော်ပြချက်များနှင့်ကိုက်ညီမှုရှိ/မရှိစိစစ်ပေးနိုင်ရန် နမူနာပုံစံများနှင့်တကွ တင်ပြလျှောက်ထားနိုင်ပါကြောင်း၊ စားသုံးသူရေးရာဦးစီးဌာနက စိစစ်ပြန်ကြားပေးလျက်ရှိကြောင်း ဆွေးနွေးခဲ့ပါသည်။

    လုပ်ငန်းရှင်က ကုန်ကြမ်းအဖြစ် ပဲကြီးအခြောက်များကို ဆင်ဖြူကျွန်းမြို့မှ ဝယ်ယူရပါကြောင်း၊ ပဲကြီးအခြောက်တစ်တင်းလျှင် ကျပ် (၁၂၀၀၀၀) ဖြင့်ဝယ်ယူရပါကြောင်း၊ ပဲကြီးအခြောက်များအား တစ်ရက်ရေစိမ်ရပါကြောင်း၊ ရေစိမ်ပြီးပဲကြီးများအား အခွံချွတ်ရန်အတွက် ပဲကြီးတစ်တင်းလျှင် ချွတ်ခမှာ ကျပ် (၈၀၀၀) ပေးရပါကြောင်း၊ အခွံချွတ်ပြီးသောပဲကြီးများအား ရေဆေးပြီး ကော်မှုန့်နှင့်ရောနယ်၍ကြော်ရပါကြောင်း၊ ပဲကြီးတစ်တင်းလျှင် ဆီ (၃) ပိဿာခွဲခန့်ကုန်ကျပါကြောင်း၊ ဆီတစ်ပိဿာလျှင် ကျပ် (၈၅၀၀) ဖြင့်ဝယ်ရပါကြောင်း၊ ယခင်တွင် တစ်နေ့လျှင် (၃) တင်းခန့်ကြော်ရပါသော်လည်း ကုန်ဈေးနှုန်းအခြေအနေအရ (၂) တင်းသာကြော်ရပါကြောင်း၊ ပဲကြော်တစ်ပိဿာလျှင် ဖောက်သည်ဈေးမှာ ကျပ် (၉၀၀၀) ရရှိပါကြောင်း၊ ပဲကြီးတစ်တင်းလျှင် ပဲကြော် (၂၀) ပိဿာမှ (၂၁) ပိဿာအထိပျှမ်းမျှရရှိပါကြောင်း၊ ပဲကြီးတစ်တင်းလျှင် ကြော်ခမှာ ကျပ် (၂၀၀၀) ပေးရပါကြောင်း၊ ပဲကြော်များထည့်ရန်အတွက် အလုပ်သမားခမှာ ကျပ် (၁၂၀၀၀) မှ (၁၅၀၀၀) အထိပေးရပါကြောင်း၊ ပဲကြော်ကြော်ရန်အတွက် စပါးခွံဖိုးမှာ ကျပ် (၃၀၀၀) ခန့် ရှိပါကြောင်း၊ ပါကင်အိတ်ဖိုးနှင့် တံဆိပ်ဖိုး စသည့်အထွေထွေကုန်ကျစရိတ်မှာ ပဲကြီးတစ်တင်းလျှင် ကျပ် (၅၀၀၀) မှ (၈၀၀၀) အထိခန့်မှန်းခြေရှိနိုင်မည်ဟုသုံးသပ်မိပါကြောင်း၊ သို့ပါသောကြောင့် ပဲကြီးတစ်တင်းလျှင် ကုန်ကျစရိတ်နှုတ်ပြီး မိမိ၏အမြတ်မှာ ကျပ် (၂၀၀၀၀) ရရှိပါကြောင်း၊ ဈေးကွက်အနေဖြင့် ပဲကြော်များအား ပွင့်ဖြူ၊ ရှောက်တောနှင့် လယ်ကိုင်းမှတစ်ဆင့် မင်းဘူးမြို့သို့လည်း တစ်နိုင်တစ်ပိုင်တင်ပို့ပါကြောင်း ပဲကြော်လုပ်ငန်းရှင် ဦးချစ်မင်းဖြူထံမှသိရှိခဲ့ရပါသည်။

DOCA(မကွေး)

     ယခုအခါတွင် မိုးရာသီကာလရောက်ရှိလာပြီဖြစ်သဖြင့် ရာသီတုတ်ကွေးရောဂါများ အများအပြားဖြစ်ပွားလျက်ရှိပါသည်။ မကွေးမြို့ပေါ်ရှိ ဆေးဆိုင်များတွင် အိမ်သုံးဆေးဝါးများကို ဖျားနာမှုအတွက် အဓိကဝယ်ယူလျက်ရှိကြပါသည်။ အိမ်သုံးဆေးဝါးများ၏စျေးနှုန်းများမှာ ၂၀၂၃ခုနှစ်၊ ဇူလိုင်လ၊ ပထမအပတ်နှင့် ဒုတိယအပတ်တို့ကိုနှိုင်းယှဉ်ပါက ဆေးဝါးစျေးနှုန်းများမှာ အတက်အကျရှိကြောင်းသိရှိရပါသည်။

     မကွေးမြို့နယ်အတွင်းရှိ စျေးကွက်အတွင်းဖြစ်ပေါ်လျက်ရှိသော အိမ်သုံးဆေးဝါးနှင့်အားဆေးများ၏ စျေးနှုန်းများမှာ Decolgen (၁၀) လုံးပါတစ်ကတ်လျှင် ကျပ် (၁၄၀၀)၊ Civit အလုံး (၁၀၀) ပါတစ်ဘူးလျှင် ကျပ် (၁၅၀၀)၊ Paracetamol (၁၀) လုံးပါ တစ်ကတ်လျှင် ကျပ် (၃၀၀)၊ Biogesic (၁၀) လုံးပါတစ်ကတ်လျှင် ကျပ် (၉၀၀)၊ Amoxicillin အလုံး (၁၀၀) ပါတစ်ဘူးလျှင် ကျပ် (၄၇၅၀)၊ Burmeton   အလုံး (၁၀၀) ပါတစ်ဘူးလျှင် ကျပ် (၁၆၀၀)၊ Cetrine (၁၀) လုံးပါတစ်ကတ်လျှင် ကျပ် (၂၀၀)၊ Enervon-C (၄) လုံးပါတစ်ကတ်လျှင် ကျပ် (၁၄၅၀)၊ Oramin-G (၅) လုံးပါတစ်ကတ်လျှင် ကျပ် (၃၀၅၀)၊ Becozinc (၁၀)လုံးပါတစ်ကတ်လျှင် ကျပ် (၃၇၀၀)၊ Vitahome (၁၀) လုံးပါတစ်ကတ်လျှင် ကျပ် (၁၇၀၀)၊ Supradyn (၁၀) လုံးပါတစ်ကတ်လျှင် ကျပ် (၁၈၃၀၀)၊ Sara (၁၀) လုံးပါ တစ်ကတ်လျှင် ကျပ်(၉၀၀)၊ Vitacee (၁၅) လုံးပါတစ်ကတ်လျှင် ကျပ် (၃၈၅၀)၊ Flemex (၁၀) လုံးပါတစ်ကတ်လျှင် ကျပ် (၃၂၀၀)၊ Solmux (၄) လုံးပါ တစ်ကတ်လျှင် ကျပ် (၁၁၀၀)၊ Woods (၁၅) လုံးပါတစ်ကတ်လျှင် ကျပ် (၇၆၅၀)၊ Alexal (၁၀) လုံးပါတစ်ကတ်လျှင်ကျပ် (၂၁၀၀)၊ Mixagrip (၄) လုံးပါတစ်ကတ်လျှင် ကျပ် (၇၀၀)နှင့် ဓာတ်ဆား MPF (၁) ထုပ်လျှင် ကျပ် (၃၀၀) တို့ဖြစ်ကြောင်း ဆေးဆိုင်များမှလေ့လာသိရှိရပါသည်။

DOCA(မကွေး)

     မကွေးတိုင်းဒေသကြီးတွင် ကုန်စည်ဒိုင်များနှင့် ပွဲရုံများတွင်ပဲမျိုးစုံတို့ အရောင်းအဝယ်ဖြစ်လျက်ရှိပါသည်။ ၂၀၂၃ခုနှစ်၊ ဇူလိုင်လ (၁၄) ရက်နေ့တွင် မကွေးကုန်စည်ဒိုင်၌ ပဲတီစိမ်း (၁၉) ပိဿာဝင် (၁)တင်းလျှင် ကျပ် (၅၇၀၀၀-၅၈၅၀၀)၊ ပဲလွန်းဝါ (ကျွန်း) (၁၉) ပိဿာဝင် (၁) တင်းလျှင် ကျပ် (၆၀၀၀၀)၊ ကုလားပဲ (၉၂၉) (၁၉) ပိဿာဝင် (၁) တင်းလျှင် ကျပ် (၈၃၅၀၀)၊ ကုလားပဲ (HL) (၁၉) ပိဿာဝင် (၁) တင်းလျှင် ကျပ် (၈၂၅၀၀)၊ ပဲကြီးဖြူ (လတ်) (၁၉) ပိဿာဝင် (၁) တင်းလျှင် ကျပ် (၈၅၀၀၀)၊ ပဲကြီးဖြူ (သေး) (၁၉) ပိဿာဝင် (၁) တင်းလျှင် ကျပ် (၈၇၀၀၀)၊ ပဲကြီးဖြူ (ပြားကြီး) (၁၉) ပိဿာဝင် (၁) တင်းလျှင် ကျပ် (၉၀၀၀၀)၊ ပဲကြီးမဲ (အာမဲ) (၁၉) ပိဿာဝင် (၁) တင်းလျှင် ကျပ် (၉၀၀၀၀-၉၅၀၀၀)၊ ပဲကြီးမဲ (ချင်း) (၁၉) ပိဿာဝင် (၁) တင်းလျှင် ကျပ် (၇၅၀၀၀)၊ ပဲထောပတ် (၁၉) ပိဿာဝင် (၁) တင်းလျှင် ကျပ် (၇၅၀၀၀)၊ ပဲစဉ်းငုံနီ (၂၀) ပိဿာဝင် (၁) တင်းလျှင် ကျပ် (၁၀၂၀၀၀)၊ မတ်ပဲ (၂၀) ပိဿာဝင် (၁) တင်းလျှင် ကျပ် (၇၃၅၀၀)၊ စားတော်ပဲ (၂၀) ပိဿာဝင် (၁)တင်းလျှင် ကျပ် (၁၄၁၀၀၀) တို့ဖြင့် အသီးသီးအရောင်းအဝယ်ဖြစ်လျက်ရှိကြောင်း သိရှိရပါသည်။

     ဇူလိုင်လ (၁၄) ရက်နေ့တွင် ပဲတီစိမ်းတန်ချိန် (၃၀၀)၊ ပဲလွန်းဝါ (ကျွန်း) တန်ချိန် (၃)၊ ကုလားပဲတန်ချိန် (၈၀)၊ ပဲကြီးဖြူတန်ချိန် (၅၀)၊ ပဲကြီးမဲတန်ချိန် (၁၀)၊ စားတော်ပဲတန်ချိန် (၁၀)၊ မတ်ပဲတန်ချိန် (၂၅)၊ ပဲစဉ်းငုံနီတန်ချိန် (၁၀) တို့ဖြင့် အသီးသီးအ‌ရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)