ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦးခရိုင်များမှ ‌ကလေး၊ ကန့်ဘလူနှင့် မုံရွာခရိုင်တို့တွင် ဈေးအနည်းငယ်တက်နေပြီး ကျန်ခရိုင်များတွင် ဈေးအေးနေပါကြောင်းသိရှိရပါသည်။

  စစ်ကိုင်းတိုင်းဒေသကြီးအတွင်း ၂၀၂၃ခုနှစ်၊ ဇူလိုင်လ (တတိယပတ်) တွင် ဖြစ်ပေါ်နေသော စပါး/ဆန်ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)  တင်း၁၀၀လျှင် ကျပ် ၂၉၀၀၀၀၀၊ ပေါ်ဆန်း (ဆန်) ၂၄ပြည်ပါတစ်အိတ်လျှင် ၁၀၀၀၀၀ကျပ်၊ ဧရာမင်း (စပါး) တင်း၁၀၀လျှင် ကျပ်၂၅၀၀၀၀၀၊  ဧရာမင်း (ဆန်) ၂၄ပြည်ပါတစ်အိတ်လျှင် ၁၀၀၀၀၀ကျပ်၊ နွေစပါး (ရွှေဝါထွန်း) စပါးတင်း (၁၀၀) လျှင် ကျပ်၁၅၅၀၀၀၀၊  ရွှေဝါထွန်း (နွေစပါး) ၂၄ပြည်ပါတစ်အိတ်လျှင် ကျပ်၆၄၀၀၀ဖြင့် အရောင်းအဝယ်ဖြစ်နေကြောင်းသိရပါသည်။ ရေဦးခရိုင်၊ ရေဦးမြို့နယ်မှ ပေါ်ဆန်း (စပါး) တင်း၁၀၀လျှင် ကျပ်၂၉၀၀၀၀၀၊ ပေါ်ဆန်း (ဆန်) တစ်အိတ်လျှင် ကျပ်၁၀၀၀၀၀၊  ဧရာမင်း (စပါး) တင်း၁၀၀လျှင် ၂၅၀၀၀၀၀၊ ဧရာမင်း (ဆန်) ၂၄ပြည်ပါ တစ်အိတ်လျှင် ၁၀၀၀၀၀ကျပ်၊ နွေစပါး (ရွှေဝါထွန်း) စပါးတင်း (၁၀၀) လျှင် ကျပ်၁၅၅၀၀၀၀၊  နွေစပါး (ရွှေဝါထွန်း) (ဆန်) ၂၄ပြည်ပါတစ်အိတ်လျှင် ကျပ်၆၄၀၀၀တို့ဖြင့် အရောင်းအဝယ်ဖြစ်နေကြောင်း သိရပါသည်။

   ကလေးခရိုင်၊ ကလေးမြို့နယ်မှ ဧည့်မထ (စပါး) တင်း၁၀၀လျှင် ကျပ်၁၉၀၀၀၀၀၊ ဧည့်မထ (ဆန်) ‌၂၄ပြည်ပါတစ်အိတ်လျှင် ကျပ်၇၂၀၀၀၊ ငစိန် (စပါး) တင်း၁၀၀လျှင် ကျပ်၁၈၀၀၀၀၀၊ ငစိန် (ဆန်)၂၄ပြည်ပါတစ်အိတ်လျှင် ကျပ်၇၀၀၀၀၊ ဧရာမင်း (စပါး) တင်း၁၀၀လျှင် ကျပ်၂၀၀၀၀၀၀၊ ဧရာမင်း (ဆန်) ၂၄ပြည်ပါတစ်အိတ်လျှင် ကျပ်၈၀၀၀၀၊ နွေစပါး (ဒေသမျိုး) (စပါး) တင်း၁၀၀လျှင် ကျပ်၉၀၀၀၀၀၊ နွေစပါး (ဒေသမျိုး) (ဆန်) ၂၄ပြည်ပါတစ်အိတ်လျှင် ကျပ်၈၂၀၀၀တို့ဖြင့် အရောင်းအဝယ်ဖြစ်နေကြောင်း သိရပါသည်။

 ကသာခရိုင်၊ အင်းတော်မြို့နယ်မှ မှော်ဘီ (၂) (စပါး) တင်း၁၀၀လျှင် ကျပ်၁၉၀၀၀၀၀၊ မှော်ဘီ (၂) ဆန်၂၄ပြည်ပါတစ်အိတ်လျှင် ကျပ်၈၀၀၀၀၊ ဆင်းဧကရီ (၃) (စပါး)  တင်း၁၀ လျှင် ကျပ်၁၆၅၀၀၀၀၊ ဆင်းဧကရီ-၃ဆန်၂၄ပြည်ပါတစ်အိတ်လျှင် ကျပ်၇၂၀၀၀၊ ဧရာမင်း (စပါး) တင်း၁၀၀လျှင် ကျပ်၂၀၀၀၀၀၀၊ ဧရာမင်း(ဆန်)၂၄ပြည်ပါဆန်တစ်အိတ်လျှင် ကျပ်၉၃၀၀၀၊ နွေစပါး (ဆင်း-၃) (စပါး) တင်း၁၀၀လျှင် ကျပ်၁၃၀၀၀၀၀၊ နွေစပါး (ဆင်း-၃) (ဆန်) ၂၄ပြည်ပါတစ်အိတ်လျှင် ကျပ်၆၅၀၀၀တို့ဖြင့် အရောင်းအဝယ်ဖြစ်နေကြောင်းသိရပါသည်။

   မုံရွာခရိုင်၊ မုံရွာမြို့တွင် ဧရာမင်း (စပါး) တင်း၁၀၀လျှင် ကျပ်၂၅၀၀၀၀၀၊  ဧရာမင်း (ဆန်) ၂၄ပြည်ပါတစ်အိတ်လျှင် ကျပ်၉၇၀၀၀၊ ပေါ်ဆန်း (စပါး) တင်း၁၀၀လျှင် ကျပ်၂၉၀၀၀၀၀၊  ပေါ်ဆန်း (ဆန်) ၂၄ပြည်ပါတစ်အိတ်လျှင် ကျပ်၁၀၀၀၀၀၊ မနောသုခ (စပါး) တင်း၁၀၀လျှင် ကျပ်၁၉၀၀၀၀၀၊ မနောသုခ (ဆန်) ၂၄ပြည်ပါတစ်အိတ်လျှင် ကျပ်၈၀၀၀၀တို့ဖြင့် အရောင်းအဝယ်ဖြစ်နေကြောင်းသိရပါသည်။

   ကန့်ဘလူခရိုင်၊ ကန့်ဘလူမြို့တွင်  ဧရာမင်း (စပါး) တင်း၁၀၀လျှင် ကျပ်၂၄၀၀၀၀၀၊  ဧရာမင်း (ဆန်) ၂၄ပြည်ပါတစ်အိတ်လျှင် ကျပ်၉၇၅၀၀၊ ပေါ်ဆန်း (စပါး) တင်း၁၀၀လျှင် ကျပ်၂၉၀၀၀၀၀၊ ပေါ်ဆန်း (ဆန်) ၂၄ပြည်ပါတစ်အိတ်လျှင် ကျပ်၉၈၀၀၀၊ ရွှေဝါထွန်း (နွေစပါး) တင်း၁၀၀လျှင် ကျပ်၁၅၀၀၀၀၀၊  ရွှေဝါထွန်း (ဆန်) ၂၄ပြည်ပါတစ်အိတ်လျှင် ကျပ်၆၀၀၀၀တို့ဖြင့် အရောင်းအဝယ်ဖြစ်နေကြောင်းသိရပါသည်။

    စစ်ကိုင်းတိုင်းဒေသကြီးမှ ဇူလိုင်လ (ဒုတိယပတ်) တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၁၆၅၀၀အိတ်၊ မန္တလေးသို့ အိတ်ရေ ၂၉၉၀၀အိတ်၊ မကွေးသို့ အိတ်ရေ ၆၀၀အိတ်၊ နေပြည်တော်သို့ အိတ်ရေ ၇၀၀၀အိတ်၊ ရှမ်း (တောင်) သို့ အိတ်ရေ ၄၅၀၀အိတ်၊ ရှမ်း (မြောက်) သို့ အိတ်ရေ ၄၅၀၀အိတ်၊ ကချင်သို့ အိတ်ရေ ၁၀၀၀အိတ်၊ စုစုပေါင်း အိတ်ရေ (၆၄၀၀၀) အိတ်၊ တန်အားဖြင့် (၃၂၀၀) တန်စီးထွက်ခဲ့ပြီး ယခုဇူလိုင်လ (တတိယပတ်) တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၁၄၅၀၀အိတ်၊ မန္တလေးသို့ အိတ်ရေ ၂၉၄၀၀အိတ်၊ မကွေးသို့ အိတ်ရေ ၆၀၀အိတ်၊ နေပြည်တော်သို့ အိတ်ရေ ၆၅၀၀အိတ်၊ ရှမ်း (တောင်) သို့ အိတ်ရေ ၅၀၀၀အိတ်၊ ရှမ်း(မြောက်) သို့ အိတ်ရေ ၅၀၀၀အိတ်၊ ကချင်သို့ အိတ်ရေ ၃၀၀အိတ်၊ စုစုပေါင်းအိတ်ရေ (၆၁၃၀၀) အိတ်၊ တန်အားဖြင့် (၃၀၆၅) တန်စီးထွက်ခဲ့သည့်အတွက် ယခင်အပတ်နှင့်နှိုင်းယှဉ်လျှင် ယခုအပတ်တွင် အိတ်ရေ (၂၇၀၀) အိတ်၊ တန်အားဖြင့် (၁၃၅) တန်လျော့နည်းစီးထွက်ခဲ့ပါကြောင်း သိရှိရပါသည်။ 

DOCA(စစ်ကိုင်း)                                                                                                                                 

    ပြည်ပဲဈေးကွက်မှာ လက်လီ/လက်ကား ပဲမျိုးစုံရောင်းဝယ်လျက်ရှိရာ ပြည်ပဝယ်လိုအား ပဲအားလုံး ဈေးကောင်းရနေပြီး ပြည်တွင်းဝယ်လက်ပဲများထဲမှာ ပဲနီပြား၊ ထောပတ်ပဲ၊ ဘိုကိတ်ပဲ စသည့် ပဲများဈေးကောင်းနေသော်လည်း ပဲလွမ်းဖြူသီးနှံမှာ ဈေးအေးဖြင့် ရောင်းဝယ်နေခဲ့ကြပါသည်။ လက်လီ/လက်ကားရောင်းဝယ်နေကြ၍ လက်ကားသမားများ အဝယ်လိုက်သည့်ရက်တွင် အိတ် (၁၀၀)ကျော်ရောင်းချမှုရှိပြီး လက်လီသမားမှာ နေ့စဉ်အဝယ်ရှိ၍ အိတ် (၂၀/၃၀) ပုံမှန် ရောင်းဝယ်မှုဖြစ်ခဲ့ကြပါသည်။ ပဲဈေးအနေဖြင့် ပိဿာ(၂၀)တစ်တင်း (၅၀၀၀၀)ကျပ်ဖြင့်သာ အခြားပဲများ အားလုံးထက် ဈေးအေးရောင်းဝယ်ခဲ့ပါသည်။ ယခင်နှစ်က ဇူလိုင်လအတွင်း ပဲလွမ်းဖြူတစ်တင်း (၃၈၀၀၀)ကျပ်ဖြင့် ရောင်းဝယ်ခဲ့သည့်အတွက် ယခုနှစ်ဈေးအေးနေသည်ဆိုသော်လည်း ယခင်နှစ်ထက် ကျပ်(၁)သောင်းကျော် ပိုရလျက်ရှိကြောင်း သိရပါသည်။

DOCA(ပဲခူး)

    ပြည်သစ်သီးဝလံဈေးကွက်အတွင်း အသီးမျိုးစုံရောင်းဝယ်ကြလျက်ရှိရာ သရက်သီးမှည့် ရာသီကုန်ခါနီးပြီဖြစ်သည့်အတွက် ဈေးကွက်မှာ သရက်သီးအမျိုးအစားမစုံတော့ဘဲ ဒေသထွက် မန္တလေး ရင်ကွဲသီးများသာ ရောင်းချမှုများကြသည်ကိုတွေ့ရပါသည်။ မေလနှင့် ဇွန်လအတွင်း သရက်သီးမှည့်လှိုင်ချိန်ကဆိုလျှင် မြကျောက်နှင့် စိန်တလုံးသရက်သီးများမှာ ဒေသထွက်အပြင် မန္တလေးဘက်မှလည်း ဝင်ရောက်လာ၍ အဆိုပါကာလများတွင် သရက်သီးမှည့်များ ပေါများစွာ ရောင်းချမှုရှိခဲ့ကြပြီး စိန်တလုံး သရက်သီးမှာ ပေါ်စရာသီတွင် တစ်လုံး(၅၀၀)ကျပ်မှ (၇၀၀/၈၀၀) ကျပ်အထိ အရွယ်အစားလိုက်၍ ဈေးပေးဝယ်ယူစားသုံးကြသလို မြကျောက်သရက်သီးများကလည်း တစ်လုံး ၄၀၀/၅၀၀ကျပ်မှ ၇၀၀ကျပ်ထိဈေးပေးဝယ်ယူကြရပါသည်။ ယခုအခါမှာတော့ မြကျောက်သရက်သီးများ ဈေးကွက်အတွင်း ပစ္စည်းမရှိတော့ဘဲ စိန်တလုံးသရက်သီးနှင့် ပတ္တမြား င‌မောက်သရက်သီး အချို့သာအနည်းငယ်ရောင်းချမှုရှိပြီး ဒေသထွက်မန္တလေးရင်ကွဲ သရက်သီးများလည်း ရောင်းချနေကြကြောင်း တွေ့ရှိရပါသည်။ စိန်တလုံး သရက်သီးတစ်လုံး ၄၀၀ ကျပ် မှ ၅၀၀ကျပ်၊ ပတ္တမြားငမောက်သရက်သီးမှာ တစ်လုံး ၃၅၀ကျပ်မှ ၄၀၀ကျပ်၊ မန္တလေး ရင်ကွဲသရက်သီးမှာ တစ်လုံး (၁၀၀/၁၅၀)ကျပ်ဖြင့် ရောင်းချမှုရှိကြောင်း လေ့လာသိရှိရပါသည်။

DOCA(ပဲခူး)

     ပြည်ကုန်စည်ဒိုင်တွင် ပဲမျိုးစုံရောင်းဝယ်လျက်ရှိရာ မတ်ပဲ၊ ပဲစင်းငုံ၊ ကုလားပဲဈေးမှာ အပြောင်းအလဲရှိပြီး ဘိုကိတ်ပဲ၊ စားတော်ပဲ၊ ပဲကြီး ဈေးမှာ အပြောင်းအလဲနည်းသည်ကို တွေ့ရပါသည်။

မတ်ပဲ

      ဇူလိုင်လပထမပတ်တွင် မတ်ပဲတစ်တင်းကို (၇၄၅၀၀-၇၅၀၀၀)ကျပ်ဖြင့် ရန်ကုန်အဝယ် တစ်ရက်ကို အိတ် (၂၅၀)ခန့်ရှိပါသည်။ ဇူလိုင်လဒုတိယပတ်တွင် မတ်ပဲဈေးကျပြီး ပဲတစ်တင်းကို (၇၂၅၀၀-၇၃၀၀၀)ကျပ်ဖြင့် ဈေးကျခဲ့ပြီး ရန်ကုန်တင်ပို့မှုရှိခဲ့ပါသည်။

ပဲစင်းငုံ

   ပြည်ကုန်စည်ဒိုင်တွင် ဇူလိုင်လပထမပတ်တွင် ပဲစင်ငုံတစ်တင်းကို (၈၉၀၀၀-၉၀၀၀၀) ကျပ်ဖြင့် ရန်ကုန်အဝယ်တစ်ရက်ကို အိတ်(၂၀၀)ခန့်ရှိခဲ့ပါသည်။ ဇူလိုင်လဒုတိယပတ်တွင် ပဲစင်းငုံ ဈေးပြန်တက်လာပြီး တစ်တင်းကို (၁၀၀၀၀၀)ကျပ်ဖြင့် ရန်ကုန်အဝယ်ရှိခဲ့ပါသည်။

ကုလားပဲ

   ပြည်ကုန်စည်ဒိုင်တွင် ဇူလိုင်လပထမပတ်၌ ကုလားပဲ(HL) တစ်တင်းကို (၈၈၀၀၀-၈၉၀၀၀-၉၀၀၀၀)ကျပ်၊ (မြကြေးမှုံ)တစ်တင်းကို (၈၉၀၀၀-၉၀၀၀၀)ကျပ်ဖြင့် ခွဲစက်သမားများနှင့် ရန်ကုန် အဝယ်တစ်ရက်ကို အိတ် (၄၀၀)ခန့် အဝယ်ရှိပါသည်။ ဇူလိုင်လဒုတိယပတ်တွင် ကုလားပဲဈေးကျပြီး ကုလားပဲ(HL) တစ်တင်းကို(၈၇၀၀၀-၈၈၀၀၀)ကျပ်၊ မြကြေးမှုံ တစ်တင်းကို (၈၈၀၀၀-၈၈၅၀၀)ကျပ်ဖြင့် ခွဲစက်သမားနှင့် နယ်စုံအဝယ်တစ်ရက်ကို အိတ် (၃၀၀/၄၀၀)ခန့်ရှိခဲ့ပါသည်။

ပဲကြီး

     ဇူလိုင်လပထမပတ်တွင် ပြည်ကုန်စည်ဒိုင်၏ ပဲကြီးဈေးမှာ ပဲကြီး(ရွှေကျွန်း)တစ်တင်းကို (၉၅၀၀၀)ကျပ်ဖြင့် ပဲကြော်သမားများ တစ်ရက်ကိုအိတ်(၃၀၀/၃၅၀)ခန့် အဝယ်ရှိပါသည်။ ဇူလိုင်လ ဒုတိယပတ်တွင် ပဲကြီးဈေးကျပြီး(ရွှေကျွန်း)တစ်တင်းကို (၉၅၀၀၀-၉၆၀၀၀)ကျပ်ဖြင့် ပဲကြော်သမားများ မြို့တွင်းအဝယ်နှင့် တခါတရံ ရန်ကုန်အဝယ်ရှိပြီး တစ်ရက်ကိုအိတ် (၄၀၀)ခန့် အဝယ်ဖြစ်ခဲ့ပါသည်။

စားတော်ပဲ

     ဇူလိုင်ပထမပတ်တွင် စားတော်ပဲ(ကျွန်း) တစ်တင်းကို (၁၄၀၀၀၀)ကျပ်ဖြင့် မြို့တွင်း အဝယ်တစ်ရက်ကိုအိတ် (၄၀/၅၀)ခန့် အဝယ်ရှိခဲ့ပါသည်။ ဇူလိုင်ဒုတိယပတ်တွင် စားတော်ပဲ (ကျွန်း) ဈေးအေးနေပြီး တစ်တင်းကို (၁၄၀၀၀၀)ကျပ်ဖြင့် မြို့တွင်းအဝယ်တစ်ရက်ကိုအိတ် (၄၀/၅၀)ခန့် အဝယ်ရှိခဲ့ပါသည်။

ဘိုကိတ်

    ဇူလိုင်လပထမပတ်တွင် ဘိုကိတ်တစ်တင်းကို (၅၈၀၀၀-၆၀၀၀၀)ကျပ်ဖြင့် မြို့တွင်းအဝယ် တစ်ရက်ကိုအိတ် (၄၀/၅၀/၁၀၀)ခန့် အဝယ်ရှိခဲ့ပါသည်။ ဇူလိုင်လဒုတိယပတ်တွင် ဘိုကိတ်ဈေး အေးနေပြီး တစ်တင်းကို (၅၈၀၀၀-၆၀၀၀၀)ကျပ်ဖြင့် မြို့တွင်းနှင့် တခါတရံ ရန်ကုန် အဝယ် ရှိပါသည်။

  ပြည်ကုန်စည်ဒိုင်တွင် အရောင်းအဝယ်ဖြစ်လျှက်ရှိသော ပဲများတွင် မတ်ပဲ၊ ပဲစင်းငုံ၊ ဘိုကိတ်၊ စားတော်ပဲဈေးမှာ ပုံမှန်အရောင်းအဝယ်ရှိခဲ့ပါသည်။ ကုလားပဲ၊ ပဲကြီး သီးနှံများမှာ အရောင်းအဝယ် ကောင်းမွန်လျက်ရှိကြောင်း သိရှိရပါသည်။

DOCA(ပဲခူး)

    နဂါးမောက်သီးမှာ အဓိကမျိုးစိတ် (၃)မျိုးရှိပါသည်။ အနီရောင်အခွံနှင့် အဖြူရောင်အသား၊ အနီရောင်အခွံနှင့် အနီရောင်အသား၊ အဝါရောင်အခွံနှင့် အဖြူရောင်အသားတို့ဖြစ်ပါသည်။ ယခု ဈေးကွက်အတွင်းတွင် အများဆုံးရောင်းဝယ်စားသုံးနေကြသည့် အသီးမျိုးများမှာ အဖြူရောင်အသားမျိုးနှင့် အနီရောင်အသားမျိုး(၂)မျိုးသာ တွင်တွင်ကျယ်ကျယ် ရောင်းဝယ်စားသုံးကြပါသည်။ နဂါး မောက်သီးသည် ရေဓါတ်၊ အမျှင်ဓါတ် များစွာပါဝင်သော အသီးအမျိုးအစားဖြစ်ပြီး ဆေးဖက်ဝင် ဓာတ်ပစ္စည်းများလည်း ကြွယ်ဝစွာပါဝင်ပါသည်။ ပြည်တွင်းဈေးကွက်တွင် ဇူလိုင်လလောက်မှစပြီး ဈေးကွက်အတွင်းတွင် နဂါးမောက်သီးလှိုင်လှိုင်ပေါ်နေပြီး အရောင်းအဝယ်ဖြစ်နေကြောင်း သိရပါသည်။ ပြည်မြို့အနီးပတ်ဝန်းကျင်မှ နဂါးမောက်သီးများ တစ်နိုင်တစ်ပိုင် စိုက်ပျိုးခြင်းကြောင့် ဈေးကွက်အတွင်းတွင် လုံလုံလောက်လောက် အရောင်းအဝယ် ဖြစ်နေကြပါသည်။ နဂါးမောက်သီးအလုံး အကြီး၊ အသေးပေါ်မူတည်ပြီး ဈေးနှုန်းကွာခြားပြီး တစ်လုံးလျှင် (၇၀၀/၅၀၀/၄၀၀)ကျပ်ဖြင့် အရောင်းအဝယ် ဖြစ်နေကြောင်း သိရှိရပါသည်။

DOCA(ပဲခူး)