ပြည်တွင်းကုန်သွယ်မှုသတင်း

   အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)(၄၅)ပိဿာ(၁)အိတ်လျှင် ယခင်အပတ် (၁၀-၁-၂၀၂၄)ရက်နေ့တွင် ကျပ်(၃၁၅၀၀၀-၃၅၀၀၀၀)ဖြစ်ပြီး ယခုအပတ်(၁၆-၁-၂၀၂၄) ရက်နေ့တွင် ကျပ်(၃၂၅၀၀၀-၃၆၀၀၀၀)ဖြစ်၍ ကျပ်(၁၀၀၀၀)ဈေးမြင့်ခဲ့ကြောင်း၊ နှမ်းပြာ ယခင်အပတ်တွင်  ကျပ်(၃၁၀၀၀၀)ဖြစ်ပြီး ယခုအပတ်တွင် ကျပ်(၃၂၀၀၀၀)ဖြစ်၍ ကျပ်(၁၀၀၀၀) စသည်ဖြင့် အသီးသီး ဈေးမြင့်ခဲ့ပါသည်။ နှမ်းနီမှာ ယခင်အပတ်တွင် ကျပ်(၃၀၀၀၀၀)ဖြစ်ပြီး ယခုအပတ်တွင်လည်း ကျပ် (၃၀၀၀၀၀)၊ နှမ်းဖြူ ယခင်အပတ်တွင် ကျပ်(၃၀၀၀၀၀)ဖြစ်ပြီး ယခုအပတ်တွင်လည်း ကျပ် (၃၀၀၀၀၀)ဖြစ်၍  ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၄၅)ပိဿာဝင်အိတ် များဖြင့် နှမ်းနက်(စမုံ)(၁၈၅၀)အိတ်၊ နှမ်းပြာ(၁၇၀)အိတ်၊ နှမ်းနီ(၉၅)အိတ်နှင့် နှမ်းဖြူ(၈၀)အိတ်တို့ အရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှ သိရှိရပါသည်။

    ပဲမျိုးစုံဈေးကွက်အနေဖြင့် ကုလားပဲ(H-L)(၂၀)ပိဿာ(၁)တင်းလျှင် ယခင်အပတ်တွင် ကျပ် (၉၉၅၀၀)ဖြစ်ပြီး ယခုအပတ်တွင် ကျပ်(၁၀၀၀၀၀)ဖြစ်၍ ကျပ်(၅၀၀)ဈေးမြင့်ခဲ့ကြောင်း၊  ကုလားပဲ (မြကြေး) ယခင်အပတ်တွင် ကျပ်(၉၈၀၀၀) ဖြစ်ပြီး ယခုအပတ်တွင် ကျပ်(၉၉၀၀၀)ဖြစ်၍ ကျပ်(၁၀၀၀) စသည်ဖြင့် အသီးသီးဈေးမြင့်ခဲ့ပါသည်။ မတ်ပဲ ယခင်အပတ်တွင် ကျပ်(၉၅၅၀၀)ဖြစ်ပြီး ယခုအပတ်တွင် ကျပ်(၉၄၅၀၀)ဖြစ်၍ ကျပ်(၁၀၀၀)ဈေးလျော့ခဲ့ကြောင်း၊ ပဲစဉ်းငုံ(နီ) ယခင်အပတ်တွင် ကျပ်(၁၁၃၅၀၀) ဖြစ်ပြီး ယခုအပတ်တွင် ကျပ်(၁၀၉၈၀၀)ဖြစ်၍ ကျပ်(၃၇၀၀)ဈေးလျော့ခဲ့ပြီး ဘိုကိတ်ပြာမှာ ယခင် အပတ်တွင် ကျပ်(၇၂၀၀၀)ဖြစ်ပြီး ယခုအပတ်တွင်လည်း ကျပ်(၇၂၀၀၀)၊ ပဲတီစိမ်း(ဆောင်း) ယခင် အပတ်တွင် ကျပ်(၇၀၀၀၀)ဖြစ်ပြီး ယခုအပတ်တွင်လည်း ကျပ်(၇၀၀၀၀)၊ ပဲတီစိမ်း(မိုး) ယခင်အပတ် တွင် ကျပ်(၅၅၀၀၀-၆၀၀၀၀)ဖြစ်ပြီး ယခုအပတ်တွင်လည်း ကျပ်(၅၅၀၀၀-၆၀၀၀၀)၊ ပဲကြီး ယခင်အပတ် တွင် ကျပ်(၁၂၅၀၀၀-၁၃၀၀၀၀)ဖြစ်ပြီး ယခုအပတ်တွင်လည်း ကျပ်(၁၂၅၀၀၀-၁၃၀၀၀၀)ဖြစ်၍ ဈေးနှုန်း ပြောင်းလဲမှုမရှိဘဲ အရောင်းအဝယ်ပမာဏအနေဖြင့်  (၃၀)ပိဿာ ဝင်အိတ်များဖြင့် မတ်ပဲ(၁၅၀)အိတ်၊ ဘိုကိတ်ပြာ (၈၀)အိတ်၊ ကုလားပဲ(H-L)(၇၀၀)အိတ်၊ ကုလားပဲ(မြကြေး)(၄၅၀)အိတ်၊ ပဲကြီး(၁၇၀) အိတ်၊ ပဲတီစိမ်း(၉၀၀)အိတ်၊ ပဲစဉ်းငုံနီ(၂၇၀၀)အိတ်တို့ အရောင်း အဝယ်ဖြစ်ခဲ့ပါကြောင်း သိရှိရပါသည်။

  မြေပဲလုံးဆံဖြူ(၁)ပိဿာလျှင် ယခင်အပတ်တွင် ကျပ်(၆၉၀၀)ဖြစ်ပြီး ယခုအပတ်တွင် ကျပ် (၆၇၀၀)ဖြစ်၍ ကျပ်(၂၀၀)ဈေးလျော့ခဲ့ကြောင်း၊ မြေပဲလုံးဆံနီ ယခင်အပတ်တွင် ကျပ် (၇၈၀၀)ဖြစ်ပြီး ယခုအပတ်တွင် ကျပ်(၇၅၀၀)ဖြစ်၍ ကျပ်(၃၀၀)ဈေးလျော့ခဲ့ကြောင်း၊ မြေပဲတောင့်အစို (၁) တင်းလျှင် ယခင်အပတ်တွင်  ကျပ်(၂၉၀၀၀-၃၀၀၀၀)ဖြစ်ပြီး ယခုအပတ်တွင် ကျပ်(၂၈၀၀၀-၂၉၀၀၀) ဖြစ်၍ ကျပ် (၁၀၀၀) စသည်ဖြင့် အသီးသီးဈေးလျော့ခဲ့ပါသည်။ အရောင်းအဝယ်ပမာဏ အနေဖြင့် (၃၀)ပိဿာဝင် အိတ်များဖြင့် မြေပဲလုံးဆံဖြူ(၈၀)အိတ်၊ မြေပဲလုံးဆံနီ(၃၀၀)အိတ်၊ မြေပဲတောင့် အစိုတင်း(၄၃၀၀)ခန့် အရောင်းအဝယ်ရှိခဲ့ပါကြောင်း၊ ပဲမျိုးစုံသီးနှံမှာ ယခင်အပတ်နှင့်နှိုင်းယှဉ်ပါက ယခုအပတ်တွင် ဈေးနှုန်းများ အနည်းငယ်ကျဆင်းလျက်ရှိပြီး အရောင်းအဝယ်မှာလည်း ပုံမှန်အနေအထားတွင်ရှိပါ ကြောင်း၊ ဝါသီးနှံမှာ ယခင်အပတ်တွင် (၁)ပိဿာလျှင် ကျပ် (၃၃၅၀-၃၄၅၀)ဖြစ်ပြီး ယခုအပတ်တွင် ကျပ်(၃၄၀၀-၃၅၀၀)ဖြစ်၍ ကျပ်(၅၀)ဈေးမြင့်ခဲ့ပြီး ဝါပိဿာချိန်(၁၇၀၀၀)ပိဿာ အရောင်းအဝယ်ရှိခဲ့ပါကြောင်းနှင့် ယခုရာသီအချိန်အခါမှာ ကုန်သည်များမှာလည်း သိုလှောင်ထားရှိသည့်အတွက် အရောင်းအဝယ်မှာ အနည်းငယ်အေးလျက်ရှိကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)         

    ၂၀၂၄ခုနှစ်၊ ဇန်နဝါရီလလယ်ပိုင်းတွင် ပြည်မြို့ပေါ်ရှိဈေးအသီးသီး၌ ကင်းပွန်းချဉ်ရွက်များရှားပါးနေချိန်ဖြစ်၍ ဈေးနှုန်းများမြင့်တက်လျက်ရှိကြောင်းသိရပါသည်။ ပြည်မြို့အနီးတဝိုက်ရှိ ကျေးရွာ၊ ရပ်ကွက်များနှင့် ရွှေတောင်မြို့နယ်ဘက်မှ ယခုကာလတွင်ဝင်ရောက်မှုရှိပြီး အဝင်အားဖြင့် အစည်း ၁၅၀ခန့်သာ မြို့ပေါ်ဈေးကွက်များသို့ ဝင်ရောက်မှုရှိကြောင်းသိရပါသည်။ ရွက်နုထွက်ချိန် နွေအကုန် မိုးဦးကာလတွင် ကင်ပွန်းချဉ်ရွက်များ လှိုင်လှိုင်ထွက်ပေါ်လေ့ရှိကာ အဝင်များလျက်ရှိကြောင်းသိရပါသည်။

   ကင်ပွန်းချဉ်ရွက်ကို ကြော်စားခြင်း၊ ငါးပိချက်အဖြစ်စားသုံးခြင်း၊ ချဉ်ရည်ဟင်းချက်စားခြင်း စသည့်အလေ့အထရှိပြီး အရသာမှာ ပူ၍အချဉ်ဓာတ်ရှိသည့်အတွက် အပူငြိမ်းစေပြီး ခံတွင်းပျက်ခြင်း၊ အဆီကျစေခြင်း၊ သလိပ်ကိုနိုင်ခြင်း၊ သည်းခြေကိုငြိမ်းအေးစေခြင်း စသည်တို့ကြောင့် ရာသီဓာတ်စာအဖြစ် ချက်ပြုတ်စားသောက်ကြောင်းလည်းသိရပါသည်။ ဈေးနှုန်းမှာ ပြည်မြို့ပေါ် ဈေးများနှင့် ခရိုင်အတွင်းရှိ ဈေးကွက်များတွင် ကင်ပွန်းချဉ်ရွက်တစ်စည်းလျှင် ကျပ် (၄၀၀-၅၀၀) ခန့်ရှိပြီး ဈေးကောင်းရလျက်ရှိကာ အထွက်လှိုင်ချိန်တွင် (၁၅၀-၂၀၀) ကျပ်ခန့်ဖြင့်သာအရောင်းအဝယ်ဖြစ်ကြောင်းသိရပါသည်။

DOCA(ပဲခူး)

    ပဲခူးတိုင်းဒေသကြီး၊ ပြည်ခရိုင်တွင် နှမ်းနက်ကို အဓိကထား၍ စိုက်ပျိုးကြပြီး နှမ်းနီကို အနည်းငယ်သာစိုက်ပျိုးကြောင်းသိရပါသည်။ ယခုအချိန်တွင် ပြည်ဈေးကွက်၌ ဆောင်းနှမ်းများ ပေါ်ထွက်လာပြီဖြစ်သော်လည်း အနည်းငယ်သာဝင်ရောက်မှုရှိနေသေးသဖြင့် ဈေးကွက်တွင် အရောင်းအဝယ်အနည်းငယ်ဖြစ်ကြောင်းသိရပြီး တစ်နေ့လျှင် (၁၅)ပိဿာဝင် အိတ် (၅၀/၇၀) ခန့် သာ ရန်ကုန်၊ မန္တလေးဝယ်လက်များက အဝယ်ရှိကြောင်းသိရပါသည်။ နှမ်းဈေးနှုန်းများအနေဖြင့် ၂၀၂၄ခုနှစ်၊ ဇန်နဝါရီလ ဒုတိယပတ်တွင် နှမ်းနီ(၃)တင်းဝင်တစ်အိတ်လျှင် ၂၈၀၀၀၀ကျပ်၊ နှမ်းနက် (၃)တင်းဝင်တစ်အိတ်လျှင် ၃၀၀၀၀၀ကျပ်နှင့် စမုံနက်နှမ်း (၃)တင်းဝင်တစ်အိတ်လျှင် ၃၄၀၀၀၀ကျပ်ဖြင့် အရောင်းအဝယ်အနည်းငယ်သာဖြစ်လျက်ရှိပါသည်။

    နှမ်းဈေးနှုန်းများကို ယခင်နှစ်နှင့် ယခုနှစ် ကာလတူအချိန်ကိုနှိုင်းယှဉ်ကြည့်လျှင် ယခင်၂၀၂၃ခုနှစ်၊  ဇန်နဝါရီလ ဒုတိယပတ်တွင် နှမ်းနီ(၃)တင်းဝင်တစ်အိတ်လျှင် ၁၇၀၀၀၀ကျပ်၊ နှမ်းနက်(၃)တင်းဝင်တစ်အိတ်လျှင် ၁၈၅၀၀၀ကျပ်နှင့် စမုံနက်နှမ်း (၃)တင်းဝင်တစ်အိတ်လျှင် ၂၀၀၀၀၀ကျပ်ဖြင့် အရောင်းအဝယ်ဖြစ်ခဲ့ပါသည်။ ထို့ကြောင့် ယခင်နှစ်နှင့် ယခုနှစ်ဈေးနှုန်းကွာခြား မှုကိုနှိုင်းယှဉ်ကြည့်လျှင် နှမ်းနီ(၃)တင်းဝင်တစ်အိတ်လျှင် ၁၁၀၀၀၀ကျပ်၊ နှမ်းနက် (၃)တင်းဝင်တစ်အိတ်လျှင် ၁၁၅၀၀၀ကျပ်နှင့် စမုံနက်နှမ်း (၃)တင်းဝင်တစ်အိတ်လျှင် ၁၄၀၀၀၀ကျပ်ဖြင့် ဈေးနှုန်းအသီးသီးမြင့်တက်လာခဲ့ပါသည်။ ထိုသို့ ဈေးနှုန်းများမြင့်တက်လာရခြင်းမှာ နှမ်းဝယ်လက်များပြီး သွင်းအားစုများ ဈေးနှုန်းမြင့်တက်လာခြင်းတို့ကြောင့်ဖြစ်သည်ဟုသိရပါသည်။

DOCA(ပဲခူး)

    ပြည်ပဲဈေးကွက်သို့ ဆောင်းပဲသစ်များ နေ့စဉ်ဝင်ရောက်လျက်ရှိနေပြီး ပဲလွမ်းဖြူသီးနှံသည်သစ်များလည်း နေစဉ်ဝင်ရောက်မှုများလာပြီဖြစ်ပြီး အိတ်(၁၀၀)ကျော် ပြည်မြို့နယ်နှင့် ပြည်အနီးတဝိုက်ဒေသများမှ ဝင်ရောက်လာခဲ့ပါသည်။ ထို့ကြောင့် လက်လီ/လက်ကားဝယ်ယူမှုများဖြင့် အရောင်းအဝယ်ဖြစ်ခဲ့ကာ ဝင်ရောက်လာသမျှ ရောင်းချရကြောင်းသိရပါသည်။ ဒေသတွင်းလက်လီဝယ်လက်သမားများအနေဖြင့် နေ့စဉ် အိတ်(၂၀/၃၀) ကျော်အဝယ်ရှိသည့်အပြင် လက်ကားဝယ်လက်များကလည်း အိတ်၁၀၀ကျော်အထိ ဝင်လာသမျှ အဝယ်ရှိကြသည်ဟုသိရပါသည်။ ပဲသစ်ဈေးနှုန်းအနေဖြင့် ၂၀၂၄ခုနှစ်၊ ဇန်နဝါရီလ တတိယပတ်တွင် ပိဿာ၂၀ဝင်တစ်တင်းလျှင် ၆၁၀၀၀ကျပ်ဖြင့် ပဲသစ်အဖွင့်ဈေးထက် ဈေးနှုန်းအနည်းငယ်မြင့်တက်လာခဲ့ပါသည်။ ပဲဈေးကွက်၌ာ ယခုနှစ်အတွင်း အခြားပဲများမှာ ဈေးကောင်းရခဲ့သော်လည်း ပဲလွမ်းဖြူသီးနှံမှာမူ ဈေးကွက်၌ အခြားပဲများအားလုံးထက် ဈေးနှုန်းလျော့နည်းကာ အရောင်းအဝယ်ဖြစ်ခဲ့ကြောင်းသိရှိရပါသည်။

DOCA(ပဲခူး)

    ပြည်ပဲဈေးကွက်၌ ပဲသီးနှံအားလုံးနီးပါးမှာ ဈေးအမြင့်ဖြင့် ရောင်းဝယ်လျက်ရှိကြရာ နှစ်ဆန်းပိုင်းကာလတွင်မူ ပြည်ပဝယ်လိုအားရှိသော မတ်ပဲ၊ ပဲစင်းငုံ၊ ပဲတီစိမ်းသီးနှံများလည်း ဈေးနှုန်း များဆက်တိုက်မြင့်လာပြီး ပြည်တွင်းဝယ်လက်များနှင့် ပြည်တွင်းစားသုံးမှုများသော ပဲနီပြားသီးနှံအနေဖြင့် ဈေးကွက်၌ ဈေးနှုန်းတရိပ်ရိပ်ထပ်တက်လာခဲ့ပါသည်။ ၂၀၂၄ခုနှစ်၊ ဇန်နဝါရီလလယ်တွင် ပိဿာ(၂၀)ဝင်တစ်တင်းလျှင် ၁၄၀၀၀၀ကျပ်မှ ၁၄၅၀၀၀ကျပ်အထိဈေးနှုန်းမြင့်တက်လာခဲ့သည့်အတွက် ပဲဈေးကွက်မှာ ပဲအားလုံး၏ ဈေးနှုန်းများထက် အမြင့်ဆုံးဖြစ်ခဲ့သည်ဟုသိရပါသည်။ ယခုကာလ၌ ပဲနီပြားသီးနှံသစ်များဝင်ရောက်ခြင်းမရှိသေးဘဲ ပဲဟောင်းလက်ကျန်များဖြင့်သာ အရောင်းအဝယ်ဖြစ်နေခဲ့ပါသည်။ ယခင်နှစ်တွင် ပဲနီပြားသီးနှံဈေးနှုန်းမှာ နှစ်ဆန်းပိုင်းကာလတွင် ပိဿာ(၂၀)ဝင်တစ်တင်းလျှင် ကျပ်၅သောင်းကျော်သာရရှိခဲ့သည့်အတွက် ယခုနှစ်တွင် ဈေးနှုန်းများသိသိသာသာမြင့်တက်လာခဲ့ကာ လှောင်ပဲသမားတချို့မှာ အကျိုးအမြတ်ပိုခဲ့သည်ဟုသိရပါသည်။

DOCA(ပဲခူး)