ပြည်တွင်းကုန်သွယ်မှုသတင်း

     မီးဖိုချောင်သုံးပစ္စည်းများနှင့် အခြေခံစားသောက်ကုန်များဖြစ်သော ငါးခြောက်အမျိုးမျိုး၏ ဈေးနှုန်းများမှာ အာဗြဲခြောက်တစ်ပိဿာလျှင် ၂၅၀၀၀ကျပ်မှ ၃၀၀၀၀ကျပ်၊ ငါးရံခြောက်တစ်ပိဿာလျှင် ၆၂၀၀၀ကျပ်မှ ၇၅၀၀၀ ကျပ်၊ ငါးတံခွန်ခြောက်တစ်ပိဿာလျှင် ၂၄၀၀၀ကျပ်မှ ၂၉၀၀၀ကျပ်၊ ငါးနီတူခြောက်တစ်ပိဿာလျှင် ၂၃၀၀၀ကျပ်မှ ၂၅၀၀၀ကျပ်၊ ငါးရောင်ခြောက်တစ်ပိဿာလျှင် ၂၃၀၀၀ကျပ်မှ ၂၅၀၀၀ကျပ်၊ ပုစွန်ခြောက်တစ်ပိဿာလျှင် ၁၅၀၀၀ကျပ်မှ ၁၆၀၀၀ကျပ်တို့ဖြစ်ပြီး ကုလားပဲတစ်ပိဿာလျှင် ၇၀၀၀ကျပ်မှ ၈၀၀၀ကျပ်၊ အသီးအရွက်ဈေးနှုန်းများမှာ ကန်စွန်းရွက်တစ်စည်းလျှင် ၃၀၀ကျပ်မှ ၅၀၀ကျပ်၊ ချဉ်ပေါင်ရွက်တစ်စည်းလျှင် ၁၅၀ကျပ်မှ ၂၀၀ကျပ်၊ မုန့်ညှင်းရွက်တစ်စည်းလျှင် ၃၀၀ကျပ်မှ ၄၀၀ကျပ်၊ ဂေါ်ဖီထုတ်တစ်ထုပ်လျှင် ၂၀၀၀ကျပ်မှ ၂၂၀၀ကျပ်၊ ပန်းဂေါ်ဖီတစ်ပွင့်လျှင် ၆၀၀ကျပ်မှ ၇၅၀ကျပ်၊ ကိုင်းခရမ်းချဉ်သီးတစ်ဆယ်ကျပ်သားလျှင် ၃၀၀ကျပ်မှ ၃၅၀ကျပ်၊ အာလူးတစ်ပိဿာလျှင် ၃၀၀၀ကျပ်မှ ၃၅၀၀ကျပ်၊ ဆားတစ်ပိဿာလျှင် ၁၀၀၀ကျပ်မှ ၁၂၀၀ကျပ်ဈေးနှုန်းတို့ဖြင့် ရောင်းချလျက်ရှိကြောင်း စုံစမ်းသိရှိရပါသည်။

DOCA(ရန်ကုန်)

    စစ်ကိုင်းတိုင်းဒေသကြီး ကန့်ဘလူခရိုင်၌ ၂၀၂၄ ခုနှစ်၊ ဇန်နဝါရီလ ပထမပတ်အတွင်း ဖြစ်ပေါ်ခဲ့သော စပါး၊ ဆန်ဈေးနှုန်းများမှ ရွှေဘိုပေါ်ဆန်း စပါး(အသစ်)တင်း(၁၀၀)လျှင် ငွေကျပ် ၃၂၀၀၀၀၀၊ ဧရာမင်းစပါး (အသစ်) တင်း(၁၀၀)လျှင် ငွေကျပ်၂၂၅၀၀၀၀ နှင့် ရွှေဘိုပေါ်ဆန်းဆန် (အသစ်) ၂၄ ပြည်ပါတစ်အိတ်လျှင် ငွေကျပ် ၁၂၅၀၀၀၊ ရွှေဘိုပေါ်ဆန်းဆန်(အဟောင်း) ၂၄ ပြည်ပါတစ်အိတ်လျှင် ငွေကျပ် ၁၅၀၀၀၀၊ ဧရာမင်းဆန်(အသစ်) ၂၄ ပြည်ပါတစ်အိတ်လျှင် ၁၁၀၀၀၀၊ ဧရာမင်းဆန် (အဟောင်း)၂၄ ပြည်ပါတစ်အိတ်လျှင် ငွေကျပ် ၁၃၅၀၀၀ ဖြင့် အရောင်းအဝယ်ဖြစ်ခဲ့ပြီး  ယခုဇန်နဝါရီလ ဒုတိယပတ်အတွင်းတွင် ရွှေဘိုပေါ်ဆန်း စပါး(အသစ်) တင်း(၁၀၀)လျှင် ငွေကျပ် ၃၃၀၀၀၀၀၊ ဧရာမင်းစပါး(အသစ်)တင်း (၁၀၀)လျှင် ငွေကျပ် ၂၅၀၀၀၀၀ နှင့် ရွှေဘိုပေါ်ဆန်း ဆန်(အသစ်)၂၄ ပြည်ပါ တစ်အိတ်လျှင် ငွေကျပ် ၁၂၅၀၀၀၊ ရွှေဘိုပေါ်ဆန်း ဆန်(အဟောင်း) ၂၄ ပြည်ပါတစ်အိတ်လျှင် ငွေကျပ် ၁၅၀၀၀၀၊ ဧရာမင်းဆန်(အသစ်) ၂၄ ပြည်ပါ တစ်အိတ်လျှင် ငွေကျပ် ၁၁၅၀၀၀၊ ဧရာမင်းဆန်(အဟောင်း)၂၄ ပြည်ပါတစ်အိတ်လျှင် ငွေကျပ် ၁၄၀၀၀၀ ဖြင့်အရောင်းအဝယ်ဖြစ်ခဲ့ရာ  ရွှေဘိုပေါ်ဆန်းစပါး တင်း(၁၀၀)လျှင် ငွေကျပ် ၁၀၀၀၀၀ ၊ ဧရာမင်းစပါးတင်း (၁၀၀)လျှင် ငွေကျပ် ၂၅၀၀၀၀ ၊ ဆန် ၂၄ ပြည်ပါတစ်အိတ်လျှင် ငွေကျပ် ၅၀၀၀ နှင့် ဧရာမင်းဆန်(အဟောင်း)၂၄ ပြည်ပါတစ်အိတ်လျှင် ငွေကျပ် (၅၀၀၀)ထိ မြင့်တက်ခဲ့ကြောင်း ဒေသခံဆန်စက် လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

   စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင် ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကို အပတ်စဉ်၊ လစဉ်တင်ပြလျက်ရာ ဇန်နဝါရီလ၊ ဒုတိယပတ်အတွင်း အရောင်းအဝယ်ဖြစ်သည့် သီးနှံနှင့် ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့် ဆက်သွယ်မေးမြန်းခဲ့ရာ ဇန်နဝါရီလ၊ ဒုတိယပတ်တွင် ရွှေဘိုဈေးကွက်သို့ ပဲစဉ်းငုံ(နီ၊ ဖြူ)များ စတင်ဝင်ရောက်လာကြောင်း၊ ယခုဇန်နဝါရီလ ဒုတိယအပတ်တွင်အရောင်းအဝယ်ဖြစ်သည့် ဈေးနှုန်းများမှာ ပဲစဉ်းငုံ(နီ) တစ်တင်းလျှင် (၁၁၀၀၀ဝိ/-)ကျပ် ပေါက်ဈေးရှိပြီး တစ်ပတ်အတွင်းအရောင်း အဝယ်ဖြစ်မှုမှာ (၂၇၀၀)တင်း/(၈၈)တန်ဖြစ်ကြောင်း၊ ပဲစဉ်းငုံ(ဖြူ)တစ်တင်းလျှင်(၁၀၃၀၀ဝိ/-)ကျပ် ပေါက်ဈေးရှိပြီး တစ်ပတ်အတွင်း ရောင်းအဝယ်ဖြစ်မှုမှာ (၁၈၀၀)တင်း/(၅၉)တန်ဖြစ်ကြောင်း၊ ယခုနှစ်နှင့် ယခင်နှစ်တို့၏ အရောင်းအဝယ်ဖြစ်သည့် ဈေးနှုန်းတို့ကို နှိုင်းယှဉ်ပါက ယခင်နှစ်၌ ပဲစဉ်းငုံ(ဖြူ)တစ်မျိုးတည်းသာ အရောင်းအဝယ်ဖြစ်ခဲ့ပြီး တစ်တင်းလျှင် (၅၅၀၀ဝိ/-)ကျပ် ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ထက် ပဲစဉ်းငုံ(ဖြူ) တစ်တင်းလျှင်(၉၇၅၀ဝိ/-)ကျပ် ဈေးပိုခဲ့ကြောင်း သတင်းရရှိပါသည်။

DOCA(စစ်ကိုင်း)

   မြန်မာနိုင်ငံစက်သုံးဆီ တင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျက်ရှိပါသည်။

   မုံရွာမြိုတွင် စက်သုံးဆီဆိုင် (၂၇) ဆိုင် ပုံမှန်ဖွင့်လှစ်ရောင်းချလျက်ရှိပြီး ဇန်နဝါရီ ပထမပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၅၉၀) ကျပ်၊ ဓါတ်ဆီ (95) တစ်လီတာလျှင် (၂၆၉၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၃၈၅) ကျပ်၊ ဒီဇယ်(ပရီမီယမ်) တစ်လီတာလျှင် (၂၄၇၀) ကျပ်ဖြင့် ရောင်းချလျက်ရှိကြောင်း သိရသည်။

    ယခု ဇန်နဝါရီလ ဒုတိယပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၅၇၀) ကျပ်၊ ဓါတ်ဆီ (95) တစ်လီတာလျှင် (၂၆၈၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၄၂၅) ကျပ်၊ ဒီဇယ်(ပရီမီယမ်) တစ်လီတာလျှင် (၂၄၉၅) ကျပ်ဖြင့် ရောင်းချနေသောကြောင့် ယခင် ဇန်နဝါရီလ ပထမပတ်နှင့် နှိုင်းယှဉ်ပါက ဓါတ်ဆီ(92) တစ်လီတာလျှင် (၂၀)ကျပ်၊  ဓါတ်ဆီ(95) တစ်လီတာ လျှင်(၁၀)ကျပ် ဈေးနှုန်းအသီးသီးကျလျက်ရှိပြီး ဒီဇယ်(ရိုးရိုး)တစ်လီ တာလျှင် (၄၀) ကျပ် ဒီဇယ်(ပရီမီယမ်)တစ်လီတာလျှင်(၂၅)ကျပ်ဈေးနှုန်းအသီးသီး မြင့်တက်လျက်ရှိကြောင်း စက်သုံးဆီဆိုင်များမှ သတင်းရရှိသည်။

DOCA(စစ်ကိုင်း)

    အိန္ဒိယနိုင်ငံမှ ပြည်ပသို့ ဆန်ဖြူတင်ပို့မှုကို တားမြစ်ထား၍ ထိုင်းနိုင်ငံဆန်ဈေးနှုန်းများမှာ ယခုနှစ်၏ ပထမနှစ်ဝက်တွင် အမြင့်ပိုင်းတွင် ဆက်လက်ရှိနေမည်ဟု ဒေသခံကုန်စည်ပို့ဆောင်ရေးလုပ်ငန်းရှင်များက သုံးသပ်လျက်ရှိပါသည်။

    ထိုင်းနိုင်ငံဆန်တင်ပို့သူများအသင်း၏ ဂုဏ်ထူးဆောင်ဥက္ကဋ္ဌ၏ ပြောကြားချက်အရ ကမ္ဘာ့ဈေးကွက်တွင် ဆန်ဈေးနှုန်းများမှာ တစ်တန်လျှင် အမေရိကန်ဒေါ်လာ ၆၀၀ပတ်ချာလည်တွင်ရှိနေနိုင်ပြီး အဆိုပါပမာဏသည် နိုင်ငံအမြောက်အများ၏ ဆန်ဝယ်လိုအားများကြောင့် ဆယ်စုနှစ် ၁စုအတွင်း အမြင့်ဆုံးအခြေအနေဖြစ်ကြောင်းသိရပါသည်။

   ထိုင်းနိုင်ငံ၊ ဗီယက်နမ်နှင့် ပါကစ္စတန်နိုင်ငံတို့မှာ အာရှတိုက်၏ အဓိကဆန်တင်ပို့သည့် နိုင်ငံများဖြစ်ကြပါသည်။ အင်ဒိုနီးရှားနိုင်ငံသည် ယခုနှစ်တွင် ဆန်ဆက်လက်တင်သွင်းသွားမည်ဖြစ်ပြီး ယခင်နှစ်ထက် ပမာဏနည်းပါးစွာတင်သွင်းနိုင်သော်လည်း တန်ချိန်လေးသန်းခန့်ပမာဏကို ထိုင်း၊ ဗီယက်နမ်၊ မြန်မာ၊ ပါကစ္စတန်နှင့် နိုင်ငံအမြောက်အများက ဝယ်ယူသွားမည်ဟုသိရပါသည်။

    လွန်ခဲ့သည့်နှစ်၏ ထိုင်းနိုင်ငံဆန်တင်ပို့မှုပမာဏမှာ စုစုပေါင်းတန်ချိန် (၈.၈) သန်းမှ (၈.၉) သန်းရှိနိုင်ပြီး ယခင်ခန့်မှန်းတန်ချိန် (၈.၅) သန်းကိုကျော်လွန်ခဲ့ကြောင်းသိရပါသည်။

   အင်ဒိုနီးရှား၊ မလေးရှား၊ ဖိလစ်ပိုင်နှင့် ဂျပန်တို့ကဲ့သို့သော အာရှတိုက်၏ အဓိကဆန်တင်သွင်းသည့် နိုင်ငံများ၏ဝယ်လိုအားများကြောင့် ဆန်တင်ပို့သူလုပ်ငန်းရှင်များမှာ ပမာဏများပြားသည့်ဆန်များကို ထပ်မံတင်ပို့နိုင်လိမ့်မည်ဟုခန့်မှန်းရကြောင်း ထိုင်းနိုင်ငံဆန်တင်ပို့သူများအဖွဲ့အစည်းက ခန့်မှန်းထားပါသည်။

     အာဖရိကတိုက်၊ အရှေ့အလယ်ပိုင်းဒေသနှင့် အမေရိကတိုက်များမှ အဓိကဈေးကွက်ရှိရာနိုင်ငံများတွင်လည်း ၂၀၂၄ခုနှစ်၊ ပထမ ၃လပတ်ကာလအတွက် အရန်ဆန်သိုလှောင်ထားရှိရန် နှင့် ထိုနိုင်ငံများတွင် ဆန်ထုတ်လုပ်မှုလျော့ချခြင်းတို့ကို ပြန်လည်အစားထိုးရန်အတွက် ဆန်ဖြူ၊ ကောက်ညှင်းဆန်နှင့် ဆန်မွှေးဝယ်လိုအားမြင့်တက်လာမည်ဟု မျှော်လင့်ရကြောင်းသိရပါသည်။

DOCA(ရန်ကုန်)