ပြည်တွင်းကုန်သွယ်မှုသတင်း

    ပြည်ပဲဈေးကွက်သို့ ဆောင်းပဲသီးနှံမျိုးစုံဝင်ရောက်လျက်ရှိရာ ပဲတီစိမ်း၊ မတ်ပဲအပြင် ပဲစင်းငုံအသစ်များလည်း ဝင်ရောက်လာပြီဖြစ်ပါသည်။ ပဲစင်းငုံသစ်များမှာ ပြည်အနီးတဝိုက်နှင့် မင်းတုန်း၊ ကံမ၊ ပန်းတောင်းမြို့နယ်များမှ ဝင်ရောက်လာခဲ့ကာ တစ်ရက်လျှင် အိတ်၄၀၀ကျော်မှ အိတ်၅၀၀အထိအဝင်များလာပြီး ရန်ကုန်ဝယ်လက်များကလည်း ဝင်ရောက်လာသမျှ ဝယ်ယူမှုရှိကြပါသည်။ ပဲစင်းငုံအသစ်ဈေးနှုန်းမှာ တစ်တင်းလျှင် ၁၀၉၀၀၀ကျပ်/ ၁၁၀၀၀၀ကျပ်ဖြင့် ပဲသစ်ဈေးကို ဈေးအမြင့်ဖြင့် ဝယ်ယူနေကြပြီး ယခင်နှစ် နှစ်ကုန်ပိုင်းတွင် ပဲဟောင်းဈေးမှာ တစ်တင်းလျှင် ကျပ်(၁)သိန်းအကြားဖြင့် အရောင်းအဝယ်ဖြစ်ခဲ့ပါသည်။ နှစ်ဆန်းပိုင်းမှစ၍ ပဲသစ်များမှာ တစ်နေ့ထက်တစ်နေ့ အဝင်ပိုများလာပြီး ဈေးနှုန်းလည်း ပဲဟောင်းသီးနှံဈေးထက် မြင့်တက်လာခဲ့ကြပါသည်။ ပဲစင်းငုံသီးနှံသည် ပဲအစိုတောင့်ကတည်းက ဈေးကွက်၌ တစ်ပိဿာလျှင် ၆၀၀၀ကျပ်ဖြင့် ခူးဆွတ်ရောင်းချမှုများရှိခဲ့သည့်အပြင် ပဲစင်းငုံအစည်းလေးများပြုလုပ်ကာ ပြုတ်၍ ရောင်းချမှုများလည်းရှိခဲ့ကြကြောင်းသိရှိရပါသည်။

DOCA(ပဲခူး)

   စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦးခရိုင်များအနေဖြင့် ကသာခရိုင်(အင်းတော်မြို့နယ်)နှင့် မုံရွာခရိုင်များတွင် စပါး၊ ဆန် အသစ်များ ပေါ်လာပြီး ကျန်ခရိုင်များတွင် ဈေးအေးနေပါကြောင်း သိရှိရပါသည်။

   စစ်ကိုင်းတိုင်းဒေသကြီးအတွင်း ဇန်နဝါရီလ (တတိယ) ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)(သစ်)  တင်း ၁၀၀လျှင် ကျပ် ၃၅၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၃၀၀၀၀ ကျပ်၊ ပေါ်ဆန်း (ဆန်) (ဟောင်း)၂၄ ပြည်ပါ တစ်အိတ်လျှင် ၁၆၀၀၀၀ ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၂၆၅၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၂၅၀၀၀ ကျပ်၊ ဧရာမင်း (ဆန်)(ဟောင်း) ၂၄ ပြည်ပါ တစ်အိတ်လျှင် ၁၆၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရပါသည်။

  ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်)  တင်း ၁၀၀လျှင် ကျပ် ၃၅၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၃၀၀၀၀ကျပ်၊ ပေါ်ဆန်း (ဆန်) (ဟောင်း) ၂၄ ပြည်ပါ တစ်အိတ်လျှင် ၁၆၀၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၂၆၅၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၂၅၀၀၀ ကျပ်၊ ဧရာမင်း (ဆန်)(ဟောင်း) ၂၄ ပြည်ပါ တစ်အိတ်လျှင် ၁၆၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရပါသည်။

    ကလေးခရိုင်၊ ကလေးမြို့နယ်မှ ဧည့်မထ(စပါး) (သစ်)တင်း၁၀၀ လျှင် ၂,၁၅၀,၀၀၀၊ ဧည့်မထ (ဆန်) (သစ်)‌၂၄ပြည်ပါ တစ်အိတ်မှာ ကျပ် ၇၅,၀၀၀၊ ဧည့်မထ(စပါး)(‌ဟောင်း) တင်း၁၀၀ လျှင် ၂,၉၀၀,၀၀၀၊ ဧည့်မထ (ဆန်) ‌၂၄ပြည်ပါ တစ်အိတ်မှာ ကျပ် ၁၀၅,၀၀၀၊ ငစိန် (စပါး) (ဟောင်း) တင်း၁၀၀လျှင် ၂၈၀၀,၀၀၀၊ ငစိန် (ဆန်)(ဟောင်း)၂၄ပြည်ပါ တစ်အိတ်မှာ ၉၅,၀၀၀၊ ငစိန်(စပါး) (သစ်)တင်း ၁၀၀ လျှင် ၂၀၀၀,၀၀၀၊ ငစိန် (ဆန်)(သစ်) ၂၄  ပြည်ပါ တစ်အိတ်မှာ ၆၅,၀၀၀၊ ဧရာမင်း(စပါး)(သစ်) တင်း ၁၀၀ လျှင် ကျပ် ၂,၁၅၀,၀၀၀၊ ဧရာမင်း(ဆန်)(သစ်)၂၄ ပြည်ပါ တစ်အိတ်မှာ ကျပ် ၈၇,၀၀၀၊ ဧရာမင်း(စပါး) (ဟောင်း)တင်း ၁၀၀ လျှင် ကျပ် ၃,၀၀၀,၀၀၀၊ ဧရာမင်း (ဆန်) (‌ဟောင်း)၂၄ ပြည်ပါ တစ်အိတ်မှာ ကျပ် ၁၂၀,၀၀၀ ဖြင့် အရောင်းအဝယ်ဖြစ်နေကြောင်း သိရှိရပါသည်။

    ကသာခရိုင်၊ အင်းတော်မြို့နယ်မှ ဆင်းဧကရီ(၃)(စပါး) (သစ်) တင်း၁၀၀ လျှင် ကျပ် ၁,၅၀၀,၀၀၀၊ ဆင်းဧကရီ-၃ ဆန် (သစ်) ၂၄ပြည်တစ်အိတ်မှာကျပ် ၇၀,၀၀၀၊ ဆင်းဧကရီ(၃)(စပါး) (ဟောင်း) တင်း၁၀၀ လျှင် ကျပ် ၂,၀၀၀,၀၀၀၊ ဆင်းဧကရီ-၃ ဆန် (ဟောင်း) ၂၄ ပြည် တစ်အိတ်မှာကျပ် ၉၅,၀၀၀ ဧရာမင်း (စပါး) သစ် တင်း ၁၀၀လျှင် ကျပ် ၂,၀၀၀,၀၀၀၊ ဧရာမင်း(ဆန်) ၂၄ပြည် ဆန်တစ်အိတ်လျှင် ကျပ် ၉၀၀၀၀၊ ဧရာမင်း (စပါး) (ဟောင်း) တင်း ၁၀၀လျှင် ကျပ် ၂,၅၀၀,၀၀၀၊ ဧရာမင်း(ဆန်) (ဟောင်း)  ၂၄ပြည် ဆန်တစ်အိတ်လျှင် ကျပ် ၁၂၀၀၀၀ ဖြင့်အရောင်းအဝယ်ဖြစ် နေကြောင်း သိရပါသည်။

   မုံရွာခရိုင်၊ မုံရွာမြို့တွင် ဧရာမင်း(စပါး)(သစ်)တင်း ၁၀၀ လျှင် ကျပ် ၃,၀၅၀,၀၀၀၊  ဧရာမင်း (ဆန်)(သစ်) ၂၄ပြည် တစ်အိတ်မှာ ကျပ် ၁၃၀၀၀၀၊ ဧရာမင်း(စပါး)(ဟောင်း)တင်း ၁၀၀ လျှင် ကျပ် ၃,၅၀၀,၀၀၀၊  ဧရာမင်း (ဆန်)(ဟောင်း) ၂၄ ပြည် တစ်အိတ်မှာ ကျပ် ၁၄၅၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

  ကန့်ဘလူခရိုင်၊ ကန့်ဘလူမြို့တွင်  ဧရာမင်း(စပါး)(သစ်)တင်း ၁၀၀ လျှင် ကျပ် ၁,၇၀၀,၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၈၅၀၀၀၊ ပေါ်ဆန်း(စပါး)(သစ်) တင်း ၁၀၀လျှင် ကျပ် ၂၇၀၀၀၀၀ ပေါ်ဆန်း (ဆန်)၂၄ပြည်တစ်အိတ်လျှင် ကျပ် ၁၀၀၀၀၀ ဖြင့် အရောင်း အဝယ်ဖြစ် နေ ကြောင်း သိရပါသည်။

   စစ်ကိုင်းတိုင်းဒေသကြီးမှ ဇန်နဝါရီလ (ဒုတိယ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၂၂၀၀၀၊ မန္တလေး သို့ အိတ်ရေ ၂၄၈၀၀၊ နေပြည်တော်သို့ အိတ်ရေ ၃၅၀၀၊ ရှမ်း (တောင်)သို့ အိတ်ရေ ၂၅၀၀၊ မွန်သို့ အိတ်ရေ ၄၉၀၀၊ ကချင်သို့ အိတ်‌ရေ ၂၀၀၀၊ စုစုပေါင်း အိတ်ရေ (၅၉၇၀၀) အိတ်၊ တန်အား ဖြင့် (၂၉၈၅)  စီးထွက်ခဲ့ပြီး ယခု  ဇန်နဝါရီလ (တတိယ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီး ထွက်မှုမှာ ရန်ကုန်သို့ အိတ်ရေ ၂၁၅၀၀၊ မန္တလေး သို့ အိတ်ရေ ၂၇၀၀၀၊ နေပြည်တော်သို့ အိတ်ရေ ၄၅၀၀၊ ရှမ်း (တောင်)သို့ အိတ်ရေ ၃၅၀၀၊ မွန်သို့ အိတ်ရေ ၇၃၄၀၊ ကချင်သို့ အိတ်‌ရေ ၂၃၄၀၊ စုစုပေါင်း အိတ်ရေ (၆၆၁၈၀) အိတ်၊ တန်အား ဖြင့် (၃၃၀၉) စီးထွက်ခဲ့သည့်အတွက်  ယခင်ပတ်နှင့် နှိုင်းယှဉ်လျှင် ယခု ပတ်တွင် အိတ်ရေ (၆၄၈၀) အိတ်၊ တန်အားဖြင့် ( ၃၂၄ )ပိုမို စီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)       

   စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံးမှ ဝန်ထမ်းများသည် (၁၅-၁-၂၀၂၄) ရက်နေ့၊ နေ့လယ် (၁၃း၀၀) နာရီအချိန်တွင် ပျော်ဘွယ်မြို့နယ်၊ မန်ကျည်းခွ ကျေးရွာရှိ ကြက်သွန်နီစိုက်တောင်သူများနှင့် ကြက်သွန်နီစိုက်ပျိုးထားရှိမှုအခြေအနေများအား ကြည့်ရှုစစ်ဆေးဆွေးနွေးခဲ့ပါသည်။

     ထိုသို့တွေ့ဆုံဆွေးနွေးရာ၌ တောင်သူများအနေဖြင့် မန်ကျည်းခွကျေးရွာတွင် ကြက်သွန်နီဧက (၃၀) ကျော်စိုက်ပျိုးထားပြီး ဧက (၂၀) ခန့်စိုက်ပျိုးရန်ရှိနေသေးကြောင်း သိရှိရပါသည်။ တောင်သူများမှာ ကြက်သွန်နီကို နှစ်စဉ် ရာသီချိန်ရောက်တိုင်း ပုံမှန်စိုက်ပျိုးကြပြီး အများဆုံးစိုက်ပျိုးသောမျိုးများမှာ အောင်စည်၊ ရွှေဖလားမျိုးများကို အဓိကစိုက်ကြပြီး ဇော်မွှား (ဥသေး) များကိုလည်းအနည်းငယ်စိုက်ကြောင်း၊ နိုဝင်ဘာလတွင် စတင်စိုက်ပျိုး၍ မတ်လဆန်းတွင် စတင်တူးဖော်ရကြောင်း၊ စတင်စိုက်ပျိုးချိန်မှ တူဖော်ပြီးချိန်အထိ တစ်ဧကပျှမ်းမျှကုန်ကျစရိတ်မှာ (၂၅) သိန်းခန့်ကုန်ကျကြောင်း၊ ယခင်နှစ်အထွက်နှုန်းမှာ တစ်ဧကလျှင် (၂၀၀၀/၂၅၀၀) ပိဿာခန့်ထွက်ရှိပြီး တစ်ပိဿာလျှင် (၁၅၀၀) ကျပ်မှ (၂၅၀၀) ကျပ်ထိဈေးနှုန်းရရှိ၍ အကျိုးအမြတ်အားဖြင့် တစ်ဧကလျှင် (၁၅) သိန်းမှ သိန်း (၂၀) ခန့်အထိရရှိခဲ့ကြောင်း၊ ယခုနှစ်တွင် စိုက်ခင်းများအောင်မြင်နေသည့်အတွက် အထွက်နှုန်းကောင်းရန်မှာ သေချာနေပြီး ဈေးနှုန်းကောင်းရန်သာ မျှော်လင့်မိကြောင်း တောင်သူများထံမှသိရှိရပါသည်။

       ဈေးကွက်အနေဖြင့် စိုက်ခင်းအရောက် လာရောက်ဝယ်ယူသော ပွဲစားများကိုလည်းကောင်း၊ ပျော်ဘွယ်၊ မိတ္ထီလာမြို့များရှိ ပွဲရုံများသို့ တင်ပို့ရောင်းချကြောင်းသိရှိရပါသည်။

DOCA(မန္တလေး)

   ၂၁.၁.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

     စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံးမှ ဝန်ထမ်များသည် (၁၆-၁-၂၀၂၄) ရက်နေ့၊ နေ့လယ် (၁၀း၀၀) နာရီချိန်တွင် ပျော်ဘွယ်မြို့နယ်ရှိ ကြို့ကုန်း၊ သပြေရိုး၊ သီးကုန်းနှင့် မင်းရွာရှိ ခရမ်းချဉ် (ဆောင်းသီး) စိုက် ဒေသခံတောင်သူများနှင့်သွားရောက်တွေ့ဆုံခဲ့ပါသည်။

     အဆိုပါကျေးရွာများတွင် ခရမ်းချဉ် (ဆောင်းသီး) စိုက်ပျိုးတောင်သူ (၁၀) ဦးခန့်ရှိပြီး  ဧက (၂၀) ခန့်အောင်မြင်စွာစိုက်ပျိုးထားသည်ကိုတွေ့ရှိရပါသည်။ နိုဝင်ဘာလတွင် စတင်စိုက်ပျိုးပြီး မတ် လဆန်းတွင် ခူးဆွတ်ရကြောင်း၊ ရွှေဖရုံမျိုးများကို အများဆုံးစိုက်ပျိုးထားကြောင်း၊ အရင်းအနှီးနည်းပြီး အချိန်တိုအတွင်း ငွေရလွယ်သော သီးနှံဖြစ်သည့်အတွက် အများအားဖြင့် နှစ်စဉ်ပုံမှန်စိုက်ပျိုးကြကြောင်းသိရပါသည်။ ထွန်ယက်ခ၊ စိုက်ပျိုးခ၊ သွင်းအားစုစရိတ်၊ လုပ်သားခစရိတ်လုံးပေါင်းအပါအဝင် တစ်ဧကကုန်ကျစရိတ်မှာ (၂၅၀၀၀၀) ခန့်သာကုန်ကျကြောင်း၊ တစ်ဧကလျှင် ပျှမ်းမျှအထွက်နှုန်း (၅၀၀) ပိဿာခန့်ထွက်ရှိကြောင်း၊ ယခင်နှစ်ဈေးနှုန်းမှာ (၇၀၀မှ ၁၅၀၀) ကျပ်ဖြင့်ရောင်းချခဲ့ရပြီး ပျှမ်းမျှအားဖြင့် (၁၀၀၀) ကျပ်ဈေးနှုန်းဖြင့်ရောင်းချခဲ့ရကြောင်း၊ အထိုက်အလျောက် အကျိုးအမြတ်များရရှိခဲ့ကြောင်း၊ ယခုလက်ရှိ ခရမ်းချဉ်လက်လီဈေးနှုန်းမှာ တစ်ပိဿာလျှင် (၁၅၀၀မှ ၂၀၀၀) ကျပ်နှုန်းဖြင့် ဝယ်ယူစားသုံးနေရကြောင်း၊ စိုက်ပျိုးထားသော ခရမ်းချဉ်သီးများပေါ်လာချိန်တွင် ဈေးကောင်းရရန်မျှော်လင့်မိကြောင်း၊ တစ်ပိဿာလျှင် (၁၀၀၀) ကျပ်နှင့်အထက်ရရှိလျှင် တွက်ချေကိုက်ကြောင်း၊ ထွက်ရှိသောခရမ်းချဉ်သီးများကို ရွာအရောက် လာရောက်ဝယ်ယူသောပွဲစားများ၊ မြို့ပေါ်ရှိ ဒိုင်များသို့လည်း တင်ပို့ရောင်းချကြပါသည်။

    ခရမ်းချည် (ဆောင်းသီး) မှာ စိုက်ပျိုးအောင်မြင်ရန်လွယ်ကူခြင်း၊ ကုန်ကျစရိတ်နည်း၍ အကျိုးအမြတ်များများရရှိခြင်း၊ အချိန်တိုအတွင်း ငွေရလွယ်ခြင်း၊ ပြည်တွင်းစားသုံးမှုများသည့် အတွက် ဈေးကွက်မခက်ခဲခြင်း စသည့်အချက်များကြောင့် အခြားတောင်သူများအနေဖြင့်လည်း စိုက်ပျိုးသင့်ကြောင်း သုံးသပ်တင်ပြလိုက်ရပါသည်။

DOCA(မန္တလေး)