ဘုရင့်နောင်ကုန်စည်ဒိုင်သို့ ၈.၇.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၃၁၂၀ အိတ်နှင့် ဈေးနှုန်းမှာ ၆၁၀၀၀ မှ ၆၂၀၀၀ ကျပ်၊ ဆန်ကြမ်းထိပ်စအိတ်ရေ ၃၅၈၀ နှင့် ဈေးနှုန်းမှာ ၆၀၅၀၀ မှ ၆၁၅၀၀ ကျပ်၊ လက်စအိတ်ရေ ၂၂၀၀ နှင့် ဈေးနှုန်းမှာ ၅၉၅၀၀ မှ ၆၀၅၀၀ ကျပ်၊ ၂၅ မတ်ဆန်အိတ် ၉၇၅ နှင့် ဈေးနှုန်းများမှာ ၅၇၅၀၀ မှ ၅၈၅၀၀ ကျပ်၊ ဆန်ကွဲအိတ်ရေ ၅၂၃၀ နှင့် ဈေးနှုန်းများမှာ ၄၆၀၀၀ မှ ၄၈၅၀၀ ကျပ်၊ ပဲခူး(အနောက်) မှ ရှယ်စ ၃၂၈၀ အိတ်၊ ဈေးနှုန်းမှာ ၆၁၀၀၀ မှ ၆၂၀၀၀ ကျပ်၊ ဆန်ကြမ်းထိပ်စအိတ်ရေ ၃၁၄၅၊ ဈေးနှုန်းမှာ ၆၀၅၀၀ မှ ၆၁၅၀၀ ကျပ်၊ လက်စအိတ်ရေ ၂၀၅၃၊  ဈေးနှုန်းမှာ ၅၉၅၀၀ မှ ၆၀၅၀၀ ကျပ်၊ ၂၅ မတ်ဆန်အိတ် ၁၂၅၀၊ ဈေးနှုန်းများမှာ ၅၇၅၀၀ မှ ၅၈၅၀၀ ကျပ်၊ ဆန်ကွဲအိတ်ရေ ၄၆၃၂ နှင့် ဈေးနှုန်းများမှာ ၄၆၀၀၀ မှ ၄၈၅၀၀ ကျပ်၊ ဧရာဝတီတိုင်းမှ ရှယ်စ ၃၄၅၁၊ ဈေးနှုန်းမှာ ၆၁၀၀၀ မှ ၆၂၀၀၀ ကျပ်၊ ဆန်ကြမ်းထိပ်စအိတ်ရေ ၃၀၄၀၊ ဈေးနှုန်းမှာ ၆၀၅၀၀ မှ ၆၁၅၀၀ ကျပ်၊ လက်စအိတ်ရေ ၂၆၈၀၊ ဈေးနှုန်းမှာ ၅၉၅၀၀ မှ ၆၀၅၀၀ ကျပ်၊ ၂၅ မတ်ဆန်အိတ် ၈၅၄၊ ဈေးနှုန်းများမှာ ၅၇၅၀၀ မှ ၅၈၅၀၀ ကျပ်၊  ဆန်ကွဲအိတ်ရေ ၄၈၇၀ နှင့် ဈေးနှုန်းမှာ ၄၆၀၀၀ မှ ၄၈၅၀၀ ကျပ် တို့ဝင်ရောက်ကြောင်း သိရှိ ရပါသည်။

          ၈.၇.၂၀၂၅ ရက်နေ့တွင် ဆန်အိတ်ရေပေါင်း (၄၄၄၆၀) အိတ်ဝင်ရောက်ခဲ့ရာတွင် ဆန်သစ်များ ဝင်ရောက်လာပါသဖြင့်  ဆန်ဈေးနှုန်းများမှာ ပြောင်းလဲမှုမရှိကြောင်း  သိရှိရပါသည်။      

DOCA(ရန်ကုန်)

မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပဲဈေးကွက်တွင် ပြည်တွင်းစားသုံးမှု မြင့်မားလျက်ရှိသော စားတော်ပဲများ တက်ဈေးဖြင့် အရောင်းအဝယ်ဖြစ်လျက်ရှိကြောင်း သိရှိရ သည်။ ယခုနှစ်သီးနှံပေါ်ချိန် ဖေဖော်ဝါရီလ(စတုတ္ထပတ်)အစောပိုင်းမှစ၍ ယောနယ်ဒေသထွက် ကျွန်းစားတော်ပဲ(အသစ်)များ ပွဲရုံဈေးကွက်တွင် စတင်ဝင်ရောက် အရောင်းအဝယ်ဖြစ်လျက်ရှိ ကြောင်း၊ ဈေးကွက်သို့ ကျွန်းစားတော်ပဲ စိုက်ပျိုးမှု များသော ပခုက္ကူ၊ မြစ်ခြေ၊ ကမ္မ၊ ဂန့်ဂေါ၊ ထီးလင်း၊ ဆော၊ ကျောက်ထု၊ လောင်းရှည်ဒေသများနှင့် ပေါက်၊ ဆိပ်ဖြူမြို့မှ ထွက်ရှိသော စားတော်ပဲများ ပွဲရုံများသို့ နေ့စဉ် ဝင်ရောက်ကြောင်း၊ သီးနှံ (အသစ်)ပေါ်ချိန်တွင် ဈေးအေး၍ အရောင်းအဝယ်ဖြစ်ခဲ့ပြီး ပြည်တွင်းစားသုံးမှုများ၍ စားတော်ပဲဈေးတရိပ်ရိပ်မြင့်တက်ပြီး အရောင်း  အဝယ်ဖြစ်ကြောင်း သိရှိရသည်။
   ဈေးနှုန်းအနေဖြင့် ၂၀၂၅ခုနှစ်၊ ဇူလိုင်လ(ဒုတိယပတ်)တွင် စားတော်ပဲတစ်တင်းလျှင် ကျပ် (၁၈၀၀၀၀- ၁၇၅၀၀၀)၊ ယောစားတော်ပဲတစ်တင်းလျှင် ကျပ်(၁၄၀၀၀၀-၁၃၀၀၀၀)ဖြင့် အရောင်း အဝယ်ဖြစ်ပြီး  ယခင်ဇွန်လ(စတုတ္ထပတ်)တွင် ကျွန်းစားတော်ပဲတစ်တင်းလျှင် ကျပ်(၁၇၀၀၀၀-၁၆၅၀၀၀)၊ ယောစားတော်ပဲ တစ်တင်းလျှင် ကျပ်(၁၃၀၀၀၀-၁၂၀၀၀၀)ဖြင့် အရောင်း အဝယ်ဖြစ်၍ ဈေးနှုန်းနှိုင်းယှဉ်ပါက (၂)ပတ်အတွင်း စားတော်ပဲတစ်တင်းလျှင် ကျပ်(၁၀၀၀၀)ခန့် ဈေးတက်လာ ကြောင်း သိရှိရသည်။ အရောင်းအဝယ်ဖြစ်မှုအနေဖြင့် ပွဲရုံဈေးကွက်တွင် တစ်ရက်လျှင် ကျွန်းစား တော်ပဲ ပိဿာ(၃၀)ဝင်အိတ် (၂၀)မှ(၃၀)ထိ အရောင်းအဝယ်ဖြစ်ကြောင်း၊ တောင်သူများတွင် ပဲလက်ကျန်နည်းခြင်းဖြစ်၍ ကုန်သည်များမှ ဝယ်ယူသိုလှောင်ထားရှိသော ပဲများအရောင်းအဝယ် ဖြစ်လျက်ရှိကြောင်း သိရသည်။ ပြည်တွင်းစားသုံးမှုအနေဖြင့် မြန်မာလူမျိုးများသည် စားတော်ပဲသီး နှံကို မြန်မာ့ရိုးရာအစားအစာအဖြစ် နေ့စဉ်စားသုံးခြင်းအပြင် လုပ်ငန်းရှင်များမှလည်း စားတော်ပဲ လုံးကြော်ပြုလုပ်ပြီး တန်ဖိုးမြှင့်ထုတ်ကုန်အဖြစ် ထုတ်လုပ်ရောင်းချလျက်ရှိ၍ တစ်နှစ်ပတ်လုံး စားသုံးသည့် သီးနှံတစ်မျိုးဖြစ်ပြီး ယခုအချိန်တွင် ဒေသတွင်းပဲလက်ကျန်နည်းပြီး ဝယ်လိုအား ကောင်း၍ ပြည်တွင်းစားတော်ပဲဈေး ဆက်လက်မြင့်တက်လျက်ရှိကြာင်း သိရှိရသည်။

DOCA(မကွေး)

   မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ ဆီထွက်သီးနှံ မျိုးစုံရောင်းဝယ်ရေး ဈေးကွက် တွင် ဇူလိုင်လဆန်းမှစ၍ နှမ်းဈေးများ မြင့်တက်လာကြောင်း ပခုက္ကူဈေးကွက်မှ သိရှိရသည်။ နှမ်း သီးနှံများ နေ့စဉ်အရောင်းအဝယ်ဖြစ်လျက်ရှိရာ ဇူလိုင်လ(ဒုတိယပတ်)တွင် ဆီထွက်သီးနှံ နှမ်းမျိုးစုံ အရောင်းအဝယ်ဖြစ်ပြီး ယခုအချိန်တွင် နွေ(နှမ်း)သီးနှံပေါ်ချိန်ဖြစ်သော်လည်း နွေ(နှမ်း)စိုက်ပျိုးချိန် တွင် တောင်သူများမှ စိုက်ပျိုးမှုလျော့နည်းခြင်းကြောင့် နှမ်းအထွက်နှုန်းနည်းပြီး နှမ်းရိတ်သိမ်းချိန် တွင် မိုးရွာသွန်းမှုများခြင်းကြောင့် အရည်အသွေးပြည့်ဝသော နှမ်းသီးနှံများရှားပါး၍ နှမ်းဈေးမြင့် တက်ကြောင်း၊ ပြည်ပနိုင်ငံများမှ နှမ်းနက်(စမုန်)များ အဓိကဝယ်ယူခြင်းဖြစ်၍ ဈေးတက် အရောင်း အဝယ်ဖြစ်ကြောင်း သိရှိရသည်။ ဈေးကွက်သို့ ဝင်ရောက်မှုနည်းသော်လည်း မြို့ပေါ်ရှိ လှောင်လက် ကုန်သည်များမှ သိုလှောင်ထားသောနှမ်းများ အရောင်းအဝယ်ဖြစ်လျက်ရှိကြောင်း၊ နှမ်းမျိုးစုံအနက် မှ နှမ်းနက်(စမုန်)ဈေးတက်ပြီး အရောင်းအဝယ်ဖြစ်ကြောင်း၊ တစ်ရက်လျှင် ပိဿာ(၃၀)ဝင်အိတ် (၁၀၀-၂၀၀)ခန့် အရောင်းအဝယ်ဖြစ်ကြောင်း၊ ပြည်တွင်းသုံးစွဲမှုအပြင် ပြည်ပအဝယ်လိုက်၍ ကုန်ဝင် သလောက် အရောင်းအဝယ်ဖြစ်ကြောင်း သိရှိရသည်။

  ဈေးနှုန်းအနေဖြင့် ၂၀၂၅ခုနှစ်၊ ဇူလိုင်လ(ဒုတိယပတ်)တွင် နှမ်းအမျိုးအစားနှင့် အရည်အသွေး လိုက်၍ အရောင်းအဝယ်ဖြစ်ကြောင်း၊ နှမ်းနက်(စမုန်)တစ်တင်းလျှင် ကျပ်(၂၈၀၀၀၀-၂၇၀၀၀၀-၂၅၀၀၀၀)၊ နှမ်းနီတစ်တင်းလျှင် ကျပ်(၁၁၅၅၀၀-၉၅၀၀၀)၊ နှမ်းဖြူတစ်တင်းလျှင် ကျပ်(၁၂၀၀၀၀-၉၇၀၀၀)၊ နှမ်းညို တစ်တင်းလျှင် ကျပ်(၁၀၆၀၀၀-၉၅၀၀၀)၊ နှမ်းဝါတစ်တင်းလျှင် ကျပ်(၁၀၅၀၀၀-၉၇၀၀၀)ဖြင့် အရောင်းအဝယ်ဖြစ်ပြီး ယခင်ဇွန်လ(စတုတ္ထပတ်)နှင့်ဈေးနှုန်းနှိုင်းယှဉ်ပါက နှမ်းနက် (စမုန်)တစ်တင်းလျှင် ကျပ်(၁၀၀၀၀)ခန့်ဈေးတက်ပြီး ကျန်နှမ်းအမျိုးအစားများမှာ ဈေးငြိမ်ပြီး အရောင်းအဝယ်ဖြစ်ကြောင်း သိရှိရသည်။ ဈေးကွက်ဝယ်လိုအားကောင်း၍ ဈေးတက်ပြီး အရောင်း အဝယ်ဖြစ်ကြောင်း၊ ပခုက္ကူပွဲရုံဈေးကွက်သို့ရောက်ရှိသည့် နှမ်းများကို မြို့ပေါ်ရှိ ဆီစက်လုပ်ငန်း ရှင်များ၊ နှမ်းလှော်လုပ်ငန်းရှင်များနှင့် အခြားစားသောက်ကုန် လုပ်ငန်းရှင်များမှ ဝယ်ယူမှုများ ကြောင်း၊ ရန်ကုန်၊ မန္တလေး ဈေးကွက်သို့လည်း တင်ပို့လျက်ရှိကြောင်း၊ ထိုမှတစ်ဆင့် ပြည်ပတရုတ် နိုင်ငံသို့ တင်ပို့ကြောင်း သိရှိရသည်။ 

DOCA(မကွေး)

  မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်တွင် နှမ်း၊ ပဲတီစိမ်း၊ ပဲစင်းငုံ၊ ကုလားပဲ၊ ကြက်သွန်နီနှင့် ဝါသီးနှံများကို စိုက်ပျိုးလျက်ရှိရာ မယ်ဇလီတော၊ ပန်းတော်ပြင်၊ ဥယျာဉ်၊ ရွာတော်၊ မန်းသံပုရာကန်၊ ကုန်းကြီး၊ ဂျင်ရဲမြောင်၊ တောင်ဦး စသည့်ကျေးရွာများ၌ ဝါသီးနှံများကို အဓိက စိုက်ပျိုးလျက်ရှိကြောင်း၊  အထက်မင်းလှမြို့၊ မယ်ဇလီတောကျေးရွာတွင် တောင်သူ(၂၀) ဦးမှ ဝါသီးနှံစိုက်ဧက(၅၀)ဧကခန့် စိုက်ပျိုးထားရှိကြောင်း သိရသည်။ ဝါသီးနှံများ စိုက်ပျိုးရာတွင် သီးညှပ်စိုက်ပျိုးခြင်းနှင့် သီးသန့်စိုက်ပျိုးခြင်းဟူ၍ စိုက်ပျိုးကြပြီး  သီးသန့်စိုက်ပျိုးခြင်းကို အများဆုံးစိုက်ပျိုးကြကြောင်း၊ စိုက်ပျိုးမှုအနေဖြင့် ၂၀၂၅ခုနှစ်၊ ဇူလိုင်လ (ပထမပတ်)တွင် စတင်စိုက်ပျိုးကြပြီး မျိုးများအနေဖြင့် ရွှေတောင်-၈၊ ရွှေတောင်-၁၀၊ ချည်မျှင်ရှည်ဝါ စသည့်မျိုးများကို စိုက်ပျိုးကြကြောင်း၊ မျိုးများကို မင်းလှမြို့၊ စိုက်ပျိုးရေးဦးစီးဌာနမှ (၁)ပိဿာလျှင် ကျပ်(၅၀၀၀)ဖြင့် ဝယ်ယူရပြီး ဝါသီးနှံတစ်ဧကလျှင် မျိုးစေ့(၆)ပိဿာခန့် စိုက်ပျိုးရကြောင်း၊ စိုက်ပျိုးမှုကုန်ကျစရိတ် အနေဖြင့် ထွန်ယက်ခ၊ မျိုးစေ့၊ သွင်းအားစု၊ လုပ်သားခအပါအဝင် ယခင်နှစ်နည်းတူ ယခုနှစ် တွင်လည်း တစ်ဧကလျှင် စုစုပေါင်းငွေကျပ်(၆)သိန်းခန့် ကုန်ကျကြောင်း၊ ယခင်နှစ် အထွက်နှုန်း အနေဖြင့် တစ်ဧကတွင် ပိဿာချိန်(၅၀၀)ခန့် ထွက်ရှိပြီး ဈေးနှုန်းအနေဖြင့် ဝါသီးနှံပေါ်စအချိန်တွင် တစ်ပိဿာလျှင် ငွေကျပ်(၃၈၀၀-၅၂၀၀)ခန့်ဖြင့် အရောင်းအဝယ်ဖြစ်ခဲ့ရာ အကျိုးအမြတ်အနေဖြင့် ငွေကျပ်(၁၃)သိန်းမှ (၂၀)သိန်းထိရရှိကြောင်း သိရသည်။   ဈေးကွက်အနေဖြင့် ဝါသီးနှံများကို အထက်မင်းလှမြို့ပေါ်ရှိ ဝါသီးနှံပွဲရုံများသို့ တင်ပို့ ရောင်းချကြောင်း၊  ၎င်းပွဲရုံများမှတဆင့် အောင်လံမြို့နှင့် မန္တလေးမြို့သို့ တင်ပို့ကြောင်း၊ ဝါသီးနှံသည် စိုက်ပျိုးရန်လွယ်ကူပြီး မိုးသီးနှံဖြစ်သည့်အတွက် မိုးတွင်းကာလမှာစိုက်ပျိုးကာ မိုးကောင်းသော နှစ်များတွင် အထွက်နှုန်းများ ပိုမိုထွက်ရှိကြောင်း၊ ယခင်နှစ်က မင်းလှမြို့နယ်အနေဖြင့် ဝါအထွက်နှုန်းကောင်းမွန်ပြီး ဈေးကောင်းလည်းရသောကြောင့် စိုက်တောင်သူများအနေဖြင့် အကျိုးအမြတ်များရရှိခဲ့ကြောင်း၊ ယခုနှစ်တွင်လည်း ဝါအထွက်နှုန်းကောင်းမွန်ပြီး ယခင်နှစ် နည်းတူ ဈေးကောင်းရရှိပါက ဝါစိုက်တောင်သူများအနေဖြင့် အကျိုးအမြတ်များရရှိနိုင်မည်ဖြစ် ပါကြောင်း တောင်သူတစ်ဦးထံမှ သိရသည်။  

DOCA(မကွေး)

            ၁၀.၇.၂၀၂၅ ရက်နေ့တွင် မြောင်းမြမြို့နယ်မှ ဝေဠုဝတီသင်္ဘောဖြင့် ကြားပျံ(၈၅၀) အိတ်၊  ပေါ်ဆန်း(၉၈၁) အိတ်၊ ဧည့်မထ(၂၁၄၁)အိတ်၊ ဆန်ကွဲ(၁၁၂၈) အိတ်နှင့် ကြယ်ဆန်းလင်း သင်္ဘော ဖြင့်ကြားပျံ(၁၈၇) အိတ်၊ ပေါ်ဆန်း(၆၅၉)၊ ပေါ်ကျွဲ(၇၉)၊ ဧည့်မထ(၂၂၈၃) အိတ်တို့ဝင်ရောက်ပြီး ဘိုကလေးမြို့နယ်မှ သုခဝတီရေယာဉ်ဖြင့်  ကြားပျံ(၃၀၀) အိတ်၊ ပေါ်ဆန်း(၆၃၉) အိတ်၊ ပေါ်ကျွဲ(၇၉) အိတ်၊ ဧည့်မထ (၂၂၈၃) အိတ်၊ ထိန်လင်းရတနာသင်္ဘောဖြင့် ကြားပျံ(၂၅၃) အိတ်၊ ပေါ်ဆန်း(၆၀၀) အိတ်၊  ဧည့်မထ (၂၀၈၇) အိတ်၊ သန်းမြတ်ကျော်သင်္ဘောဖြင့် ဧည့်မထ (၁၁၀၉)အိတ်၊ ဆန်ကွဲ(၅၅၀) အိတ်၊ မော်ကျွန်းမှ သိရိဧရာ သင်္ဘောဖြင့်  ပေါ်ဆန်း (၁၁၇၉) အိတ်၊ ပေါ်ကျွဲ (၃၀၀) အိတ်၊ ဧည့်မထ(၂၉၂၀) အိတ်၊ ဆန်ကွဲ (၁၀၄၉) အိတ်၊ လပ္ပတ္တာမှ ရွှေနဒီသင်္ဘောဖြင့် ကြားပျံ(၁၆၂) အိတ်၊  ပေါ်ဆန်း(၂၅၀) အိတ်၊ ပေါ်ကျွဲ(၁၀၀) အိတ်၊ ဆန်ကွဲ (၉၇၉) အိတ်၊ ကျိုက်လတ်မှ ရွှေမြိုင်အောင် ရေယာဉ်ဖြင့် ဧည့်မထ(၄၅၀) အိတ်တို့ဝင်ရောက်ခဲ့ကြောင်း သိရှိရပါသည်။

DOCA(ရန်ကုန်)