ပြည်တွင်းကုန်သွယ်မှုသတင်း

     ပဲခူးတိုင်းဒေသကြီး၊သာယာဝတီခရိုင်၊အုတ်ဖိုမြို့နယ် ယခုနှစ်မတ်လပထမပတ်မှစ၍အလှူအတန်း များပေါများသဖြင့် ငါးခြောက်ဈေးကွက်များ အရောင်းအဝယ်သွက်လျက်ရှိကြောင်း မြို့မဈေးကြီး အတွင်းငါးခြောက်ကုန်သည်ကြီးများထံမှ သိရှိရပါသည်။ အများအားဖြင့်ငါးအသားခြောက်၊ငါးတံခွန် ခြောက်များ ပိုမိုရောင်းရပြီး ငါးခြောက်ထောင်းပြုလုပ်ရန် ဝယ်ယူလျက်ရှိကြကြောင်း ရန်ကုန်မှမှာယူ ရောင်းချကြောင်းသိရှိရပါသည်။

      ငါးခြောက်ဈေးများအနေဖြင့် ငါးအသားမြှောင်းခြောက် ၄၆၀၀၀၊ငါးတံခွန်ခြောက် ၂၈၀၀၀ ကျပ် မှ၃၀၀၀၀ ကျပ်၊ငါးပုလွေခြောက် ၂၇၀၀၀၊ငါးပုတ်သင်အလုံး ၂၆၀၀၀ ကျပ်၊ငါးပုတ်သင်အခြမ်း ၃၀၀၀၀ ငါးဝက်မခြောက် ၂၄၀၀၀ ကျပ်၊ပုဇွန်ခြောက် ၆၀၀၀၀ကျပ်မှ၇၅၀၀၀ကျပ်၊အာဗြဲခြောက် ၂၀၀၀၀ကျပ် ငါးနီတူခြောက် ၁၈၀၀၀ ကျပ်ဖြင့် တစ်ပိဿာဈေးနှုန်းရောင်းချကြပြီး  ဖောက်သည်ဈေးအနေဖြင့် ပိဿာ(၁၀)အထက်ဝယ်ပါက ၁၀%လျော့ပေးပြီး ရောင်းဝယ်ကြကြောင်း သိရှိရပါသည်။

DOCA(ပဲခူး)

ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့မဈေးအတွင်း ရောင်းချလျက်ရှိသော ကြက်သွန်နီဈေးနှုန်းများမှာ ဖေဖော်ဝါရီလနောက်ဆုံးပတ်တွင် ကြက်သွန်နီ တစ်ပိဿာလျှင် (၅၀၀၀/ ၄၀၀၀/ ၃၀၀၀) ကျပ်၊ဈေးနှုန်းတို့ဖြင့် အရောင်းအဝယ် ရှိနေခဲ့ပြီးမတ်လဒုတိယပတ်တွင် ကြက်သွန်နီ တစ်ပိဿာလျှင် (၃၀၀၀/၂၅၀၀/၂၀၀၀/)ဈေးနှုန်းတို့အသီးသီးရှိနေကြပါသည်။

အာလူးဈေးကွက်ရောင်းချမှုအနေဖြင့် အာလူးတစ်ပိဿာလျှင် ဖေဖော်ဝါရီလနောက်ဆုံး ပတ် တွင်  အာလူးဈေးနှုန်းမှာ(၆၀၀၀/၇၀၀၀) ကျပ် ဈေးရှိနေခဲ့ရာယခုမတ်လ ဒုတိယပတ် တွင်လည်း အာလူးဈေးနှုန်းမှာ ၄၅၀၀/၅၀၀၀  ကျပ် ဖြင့်အရောင်း ဝယ်ဖြစ်နေပြီး ယခုမတ်လဒုတိယပတ်တွင် ဈေးကွက်အတွင်း၌ ကြက်သွန်နီအသစ်များ လှိုင်လှိုင်ဝင်ရောက်လျက်ရှိပြီး ကြက်သွန်နီဈေးနှုန်း များလည်း ကျဆင်းလာကြောင်း၊ကြက်သွန်နီများကို ပြည်ဘက်မှကားများဖြင့် ဝယ်ယူရောင်းချ လျက်ရှိကြောင်းသိရပြီး၊အာလူးဈေးနှုန်းမှာလည်း ကျဆင်းသွားကြောင်း သိရှိရ သည်။

DOCA(ပဲခူး)

          ပဲခူးတိုင်းဒေသကြီး၊သာယာဝတီခရိုင်၊ လက်ပံတန်းမြို့မဈေးအတွင်း ရောင်းချလျက်ရှိသော ငပိ၊ ငခြောက်၊ ပုဇွန်ခြောက်ဈေးနှုန်းများမှာ ပုဇွန်ငပိ တစ်ဆယ်ကျပ်သားလျှင် ၁၆၀၀/၁၇၀၀ ကျပ်ဈေးနှုန်း များဖြင့် ရောင်းချလျက်ရှိပါသည်။ မြိတ်ဒေသထွက်ကုန် မျှင်ငပိဗူး ၂၅ ကျပ်သား တစ်ဗူးလျှင် ၄၀၀၀/ကျပ်၊ဈေးနှုန်းတို့ဖြင့် ဈေးကွက်အတွင်း ရောင်းချလျှက်ရှိပါသည်။ ငပုတ်သင်ခြောက် တစ်ဆယ် ကျပ်သားလျှင် ၃၅၀၀/၄၀၀၀ ကျပ်၊အာဗြဲခြောက် အချိုခြောက်တစ်ဆယ် ကျပ်သားလျှင် ၃၅၀၀/၄၅၀၀ /၆၀၀၀ ကျပ်ထိ အသေးအကြီးပေါ်မူတည်၍ ဈေးနှုန်းမြင့်တက် ရောင်းချလျက် ရှိပါသည်။ အသားမြှောင်း ခြောက်တစ်ဆယ်ကျပ်သားလျှင် ၂၈၀၀/၃၀၀၀ ကျပ်၊SP ခြောက် (ငဖီးမ) ခြောက် တစ်ဆယ်ကျပ်သား လျှင် ၁၆၀၀ ကျပ်၊ ငတံခွန်ခြောက် တစ်ဆယ် ကျပ်သားလျှင် ၂၀၀၀/ ၂၅၀၀/၂၈၀၀ ကျပ်၊ ငနီတူခြောက် တစ်ဆယ်ကျပ်သားလျှင် ၃၂၀၀ ကျပ်၊ငရံ့လုံးခြောက်တစ်ဆယ် ကျပ်သားလျှင် ၄၀၀၀/၅၀၀၀/၆၀၀၀ကျပ်၊ ငဇင်းပြားခြောက် တစ်ဆယ် ကျပ်သားလျှင် ၁၅၀၀/၂၀၀၀ ကျပ်ဈေးတို့ဖြင့် ပုံမှန်ရောင်းချလျက် ရှိပါသည်။

          ပုဇွန်ခြောက်ဈေးနှုန်းများအနေဖြင့် ပုဇွန်ခြောက်တစ်ဆယ်ကျပ်သားလျှင် အနည်းဆုံး ၅၀၀၀ ကျပ်မှစတင်၍  ၁၅၀၀၀ ကျပ်ထိ ဈေးနှုန်းများရှိနေပါသည်။အများဆုံးဝယ်ယူလျက် ရှိသော ပုဇွန် ခြောက်မှာ ၈၀၀၀ /၉၀၀၀/၁၀၀၀၀ /ကျပ်ဈေးနှုန်းဖြင့် ရောင်းချလျက်ရှိသော ပုဇွန်ခြောက်များ ဖြစ်ပါ သည်။ ပုဇွန်ခြောက်ဈေးနှုန်းများမှာ ယခင်လနှင့်ယခုလနှိုင်းယှဉ်ပါက ဈေးနှုန်းကျဆင်း သွားခြင်းမရှိပဲ ပုံမှန်ဈေးတို့ဖြင့်ရောင်းချလျှက်ရှိကြောင်း ဈေး အတွင်းငပိ၊ငခြောက်၊ပုဇွန်ခြောက် ရောင်းချသူ တစ်ဦးထံမှ သိရှိရပါ သည်။

DOCA(ပဲခူး)

ပြည်ကုန်စည်ဒိုင်သည်လမ်းပန်းဆက်သွယ်ရေး အချက်အချာကျသော မြို့ဖြစ်၍ ပဲမျိုးစုံ အရောင်း အဝယ်သွက်လျက်ရှိပါသည်။ မတ်ပဲ၊ ပဲစင်းငုံ၊ ကုလားပဲ၊ ပဲကြီး၊ ဘိုကိတ်ပဲများ အရောင်းအဝယ် ဖြစ်လျှက်ရှိပါသည်။

          မတ်လဒုတိယပတ်တွင် မတ်ပဲအသစ်များအဝင်ရှိပြီး ကုန်းပဲနှင့် လယ်ပဲများပါ အဝင်ရှိနေ ပါသည်။ မတ်ပဲ(ကုန်းပဲ) တစ်တင်းလျှင် ၉၂၅၀၀-၉၃၀၀၀ကျပ်၊ မတ်ပဲ (လယ်ပဲ)တစ်တင်းလျှင် ၉၅၀၀၀ကျပ်ဖြင့် တစ်ရက်ကိုအိတ် ၂၀၀/၃၀၀ခန့် ရန်ကုန်အဝယ်ရှိပါသည်။ ပဲစင်းငုံ(သစ်) တစ်တင်းကို ၉၂၅၀၀-၉၃၀၀၀ကျပ်ဖြင့် ရန်ကုန်သို့တင်ပို့မှု (၂၅၀)ခန့်ရှိပါသည်။

          ကုလားပဲ(HL) တစ်တင်းကို ၈၀၀၀၀ကျပ်၊ မြကြေးမှုံတစ်တင်းကို ၉၀၀၀၀ကျပ်ဖြင့် မြို့တွင်းခွဲ စက်သမားနှင့် နယ်စုံအဝယ်တစ်ရက်ကို အိတ် ၃၀၀ခန့်ရှိပါသည်။ ပဲကြီး (ရွှေကျွန်း) တစ်တင်းကို ၈၁၀၀၀ကျပ်၊ ပဲကြီး(ကုန်းပဲ)တစ်တင်းကို ၇၆၀၀၀ကျပ်ဖြင့် မြို့တွင်းပဲကြော်သမားများ တစ်ရက်ကိုအိတ် ၂၀၀ခန့် အဝယ်ရှိပါသည်။ ဘိုကိတ်ပဲတစ်တင်းကို ၇၃၀၀၀ကျပ်ဖြင့် မြို့တွင်းနှင့် ရန်ကုန်အဝယ် တစ်ရက်ကိုအိတ် ၁၀၀-၁၅၀ခန့် အဝယ်ရှိပါသည်။

          ပြည်ကုန်စည်ဒိုင်တွင် ပဲသစ်နှင့်ပဲဟောင်း (၂)မျိုးစလုံးအရောင်းအဝယ်ဖြစ်လျက်ရှိပါသည်။

DOCA(ပဲခူး)

          တောင်ငူမြို့ ညောင်ပင်ဈေးတွင် ခရမ်းချဉ်သီး (ဒေသသီး)မှာ ယခင်လက ၁၀၀၀ ကျပ် ရှိရာမှ ယခုအပတ်တွင် ၈၀၀ ကျပ်အထိ စျေးနှုန်းကျဆင်းသွားပါသည်။    

သခွားသီးမှာ ယခင်လက ၂၀၀၀ ကျပ် ရှိရာမှ ယခုအပတ်တွင် ၁၈၀၀ ကျပ်ဖြင့် ရောင်းချလျက် ရှိသည်။ ဂေါ်ဖီမှာ တစ်ပိဿာလျှင် ၁၀၀၀ ကျပ်ဖြင့် ဈေးနှုန်း တည်ငြိမ်နေပါသည်။ ပန်းဂေါ်ဖီပွင့် စျေးနှုန်းအနေဖြင့် အပွင့်ကြီး တစ်ပွင့်လျှင် ၁၀၀၀ ကျပ် ဖြစ်ပြီး၊ အပွင့်အသေး တစ်ပွင့်လျှင် ၈၀၀ ကျပ်ဖြင့် ရောင်းချလျက်ရှိပါသည်။

ခရမ်းသီးအညိုမှာ ယခင်လက တစ်ပိဿာလျှင် ၂၅၀၀ ကျပ် ရှိရာမှ ယခုအပတ်တွင် ၂၀၀၀ ကျပ်၊ ခရမ်းသီးအဖြူမှာ ယခင်လက ၁၅၀၀ ကျပ် ရှိရာမှ ယခုအပတ်တွင် ၁၂၀၀ ကျပ်၊ ခရမ်းသီးအဝိုင်းမှာ ယခင်လက တစ်ပိဿာလျှင် ၃၅၀၀ ကျပ် ရှိရာမှ ယခုအပတ်တွင် ၃၀၀၀ ကျပ် အထိ ဈေးနှုန်း ကျဆင်း သွားပါသည်။

          ဒေသတွင်းစိုက်ပျိုးသည့် ဒေသထွက်အသီးအနှံများဖြစ်ပြီး လတ်ဆတ်သည့်အပြင် စျေးနှုန်း လည်းချိုသာသဖြင့် အ‌ရောင်းအဝယ်ကောင်းကြောင်း ညောင်ပင်စျေးရှိ ဟင်းသီးဟင်းရွက် အ‌ရောင်းဆိုင် များမှ သိရပါသည်။

DOCA(ပဲခူး)