ပြည်တွင်းကုန်သွယ်မှုသတင်း

     အောက်တိုဘာလ ၄ ရက်နေ့ မွန်းလွဲပိုင်းတွင် အနောက်တောင်တိုင်းစစ်ဌာနချုပ် ပုသိမ်လေတပ်စခန်းတို့မှ ဆန်၊ ဆီ၊ ကြက်သား၊ ဟင်းသီးဟင်းရွက်နှင့် အသင့်စား စားသောက်ကုန်များအား ပြင်ပပေါက်ဈေးနှုန်းထက် သက်သာစွာ ရောင်းချပေးခဲ့ရာ စားသုံးသူရေးရာဦးစီးဌာန၊ ခရိုင်ဦးစီးမှူးရုံးမှ တိုင်းဆီကုန်သည်များအသင်းနှင့် ပူးပေါင်း၍ စားအုန်းဆီတစ်ပိဿာ ၄၈၀၀ ကျပ်ဈေးဖြင့်  ၄၄၀ ပိဿာ ၊ ဆန်တစ်ပြည် ၂၅၀၀ ကျပ်ဈေးဖြင့် ဆန် ၁၃ အိတ်၊ ကြက်ဥ (၄)လုံးလျှင် ၁၀၀၀ ကျပ်ဈေးဖြင့် အလုံးရေ ၁၀၀၀ နှင့် ဆားငါးဆယ်သားတစ်ထုပ်လျှင် ၃၀၀ ကျပ်ဖြင့် ဆား ၇၅ ပိဿာ တို့ကို ဧရာဝတီတိုင်းဒေသကြီး၊ ပုသိမ်မြို့ ပြည်သူ့ဆေးရုံဝန်းအတွင်းရှိ ဝန်ထမ်းများနှင့် သူနာပြုသင်တန်းကျောင်း သင်တန်းသူများအား ရောင်းချပေးခဲ့ပါသည်၊၊

   ထိုသို့ရောင်းချခဲ့ရာတွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်နှင့်အဖွဲ့ဝင်များ ၊ အနောက်တောင် တိုင်းစစ်ဌာနချုပ်မှ တိုင်းမှူးနှင့် ပုသိမ်လေတပ်စခန်းဌာနချုပ်မှ တာဝန်ရှိသူတို့မှ ကွင်းဆင်းကြည့်ရှုကြောင်း သတင်းရရှိပါသည်၊၊

DOCA(ဧရာဝတီ)

   မကွေးတိုင်းဒေသကြီး၊ မကွေးခရိုင်၊ မကွေးမြို့တွင် မြို့မစျေး၊ ရန်ပယ်စျေး၊ ကန်သာစျေး၊ မင်္ဂလာစျေး၊ ဆည်မြောင်းစျေး၊ အခွန်လွတ်စျေးတို့ရှိကြပြီး မြို့မစျေးသို့ မြို့ပေါ်ရှိဈေးသည်များနှင့် ပတ်ဝန်းကျင်ကျေးရွာများဖြစ်သော မြင်းကင်းကျေးရွာ၊ ချောင်းဖြူကျေးရွာ၊ မကြီးကန်ကျေးရွာ၊ နွားကူးကျေးရွာ၊ သန်းတောကုန်းကျေးရွာ၊ ဆားတိုင်ကန်ကျေးရွာ၊ ပုထိုးစမ်းကျေးရွာတို့မှ အဓိကလာရောက် ရောင်းဝယ်ဖောက်ကားလျက်ရှိပါသည်။

    ထို့အပြင် မကွေးမြို့၊ မြို့မစျေးသို့ ရေထွက်ပစ္စည်းများကို ရန်ကုန် ဘုရင့်နောင်၊ မကွေးတိုင်း ဒေသကြီး၊ စေတုတ္တရာမြို့နယ်ရှိ ဆည်များတွင်မွေးမြူထားသော တီလာဖီးယား၊ ငါးဖန်းမငါးများကို အခြောက်လှန်း ၍လည်းကောင်း၊ ငါးများအား ငါးဆားနယ်အဖြစ်လည်းကောင်း ပြုလုပ်၍လာရောက် ရောင်းချကြကြောင်း သိရှိရပါသည်။

     မကွေးမြို့၊ မြို့မစျေးတွင် ၂၀၂၃-ခုနှစ်၊ အောက်တိုဘာလ(ပထမပတ်)အတွင်း ရောင်းချလျှက်ရှိ သော ကုန်စျေးနှုန်းများမှာ ပုဇွန်ခြောက်ကြီး(၁)ပိဿာလျှင် ကျပ်(၈၀၀၀၀)၊ ပုဇွန်ခြောက်လတ်(၁) ပိဿာလျှင် ကျပ်(၆၃၀၀၀)၊ ပုဇွန်ခြောက်အသေး(၁)ပိဿာလျှင် ကျပ်(၆၀၀၀၀)၊ ငါးဖန့်ဝိုင်း (၁)ပိဿာလျှင် ကျပ်(၁၆၀၀၀မှ ၂၀၀၀၀)၊ ငါးဖောင်ရိုး(၁)ပိဿာလျှင် ကျပ်(၃၂၀၀၀)၊ ငါးရံ့ခြောက် (၁)ပိဿာလျှင် ကျပ်(၇၀၀၀၀)၊ ငါးကြီးခြောက် (၁)ပိဿာလျှင် (၈၅၀၀၀-၉၀၀၀၀)ကျပ်၊ ငါးရံ့လုံး (၁)ပိဿာလျှင် (၄၁၀၀၀)ကျပ်၊ ငါးမင်းသားခြောက်(၁)ပိဿာလျှင် ကျပ်(၂၅၀၀၀)၊ ငါးဘတ်ခြောက် (၁)ပိဿာလျှင် ကျပ်(၂၆၀၀၀- ၃၂၀၀၀)၊ ငါးတံခွန်ခြောက်(၁)ပိဿာလျှင် ကျပ်(၂၀၀၀၀)တို့ဖြင့် အသီးသီးအရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)

     ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ ညွှန်ကြားချက်အရ စားသုံးဆီများဈေးကွက်အတွင်းသို့ ဖြန့်ဖြူးရောင်းချသည့်ကုမ္မဏီများမှ လက်လီ/လက်ကားဖြန့်ဖြူးရောင်းချသူများသို့ ဖြစ်သင့်ဖြစ်ထိုက်သည့်ဈေးနှုန်းများဖြင့်ရောင်းချစေရေး စားသုံးသူပြည်သူများ ဈေးနှုန်းသက်သာစွာဝယ်ယူသုံးစွဲနိုင်ရေး၊ ရည်ညွှန်းဈေးနှုန်းထက် ၂%အမြတ်တင်ရောင်းချပေးခြင်းရှိ/မရှိနှင့်  ဈေးနှုန်းအဆမတန်မြှင့်တင်ရောင်းချနေခြင်းများမပြုလုပ်စေရေးတို့အတွက် စဉ်ဆက်မပြတ်ဆောင်ရွက်လျက်ရှိရာ စားသုံးသူ‌ရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် (၄-၁၀-၂၀၂၃) ရက်နေ့တွင် သင်္ဃန်းကျွန်းမြို့နယ်၊ လေးထောင့်ကန်လမ်းမကြီးရှိ လုပ်ငန်းရှင် ဦးစိုင်းဇော်ဇော်လင်းဆိုင်သို့သွားရောက်ကွင်းဆင်းစိစစ်ရာ စားသုံးဆီများကို SIX WINNER BROTHER CO., Ltd မှဝယ်ယူ၍ စားသုံးသူပြည်သူများသို့ ဆီ ၁ပိဿာလျှင် ၄၆၀၀ ကျပ်နှုန်းဖြင့် ရောင်းချပေးနေကြောင်းသိရှိရပါသည်။

DOCA(ရန်ကုန်)

    အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ၂၀၂၃ခုနှစ်၊ စက်တင်ဘာလ(၂၇) ရက်နေ့မှ အောက်တိုဘာလ(၃)ရက်နေ့အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက်ရောင်းချနေကြောင်းသိရှိရပါသည်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ်တစ်ပိဿာလျှင် ကျပ် (၁၀၀၀) မှ ကျပ် (၁၈၀၀) အတွင်း၊ ဂေါ်ဖီထုပ်တစ်ထုပ်လျှင် ကျပ် (၄၀၀) မှ ကျပ် (၁၀၀၀) အတွင်း၊ ပန်းဂေါ်ဖီတစ်ထုပ်လျှင် ကျပ် (၆၀၀) မှ ကျပ် (၁၅၀၀) အတွင်း၊ အာလူးတစ်ပိဿာလျှင် ကျပ် (၂၀၀၀) မှ ကျပ် (၂၄၀၀) အတွင်း၊ မုန့်လာဥနီတစ်ပိဿာလျှင် ကျပ် (၃၅၀၀) မှ ကျပ် (၃၆၀၀) အတွင်း၊ ရွှေဖရုံသီးတစ်လုံးလျှင် ကျပ် (၁၈၀၀) မှ ကျပ် (၅၅၀၀) အတွင်း၊ ဘူးသီးတစ်လုံးလျှင် ကျပ် (၈၀၀) မှ ကျပ် (၁၈၀၀) အတွင်း၊ မုန်ညှင်း(ထုပ်)တစ်ပိဿာလျှင် ကျပ် (၃၅၀၀) မှ ကျပ် (၄၀၀၀) အတွင်း၊ ကြက်သွန်နီ(ဆိပ်ဖြူ)တစ်ပိဿာလျှင် ကျပ် (၂၄၀၀) မှ ကျပ် (၂၈၀၀) အတွင်း၊ ကြက်သွန်ဖြူ (ရှမ်း)တစ်ပိဿာလျှင် ကျပ် (၇၂၀၀) မှ ကျပ် (၈၀၀၀) အတွင်း၊ ကြက်သွန်ဖြူ (ကြူကုတ်) တစ်ပိဿာလျှင် ကျပ် (၇၀၀၀) မှ ကျပ် (၇၄၀၀) အတွင်း၊ ချင်းတစ်ပိဿာလျှင် ကျပ် (၄၀၀၀) မှ ကျပ် (၇၀၀၀) အတွင်း၊ ဆလပ်ရွက်တစ်စည်းလျှင် ကျပ် (၂၀၀) မှ ကျပ် (၃၀၀) အတွင်း၊ ချဉ်ပေါင်ရွက်တစ်စည်းလျှင် ကျပ် (၇၀) မှ ကျပ် (၁၀၀) အတွင်း၊ ခရမ်းသီး  (ရှည်) တစ်ပိဿာလျှင် ကျပ် (၁၂၀၀) မှ ကျပ် (၂၂၀၀) အတွင်း၊ သံပရာသီးတစ်လုံးလျှင် ကျပ် (၅၀) မှ ကျပ် (၁၀၀) အတွင်း၊ ငရုတ်သီးစိမ်း (ကျောက်စိမ်း) တစ်ပိဿာလျှင် ကျပ် (၁၂၀၀) မှ ကျပ် (၁၈၀၀) အတွင်း၊ ဖရဲသီး (အကြီး၊ အလတ်၊ အသေး) တစ်ပိဿာလျှင် ကျပ် (၁၅၀၀) မှ ကျပ် (၅၀၀၀) အတွင်းဖြစ်ကြောင်းသိရှိရပါသည်။ တညင်းကုန်းလက်ကားဈေးကြီးအတွင်းသို့ ယခုရက်သတ္တပတ်အတွင်း သံပရာသီးအလုံးပေါင်း (၃၂၁၃၀၀)ကျော်၊ ခရမ်းသီး(ရှည်) (ပိဿာ) (၁၈၇၁၀)ကျော်၊ ဘူးသီးအလုံးပေါင်း (၂၉၇၀)ကျော်၊ ရွှေဖရုံသီးအလုံးပေါင်း (၁၁၈၉၀)ကျော်၊ ဂေါ်ဖီထုပ်ပေါင်း (၅၅၂၀၀)ကျော်၊ ပန်းဂေါ်ဖီထုပ်ပေါင်း (၃၈၆၅၀၀)ကျော်၊ မုန်ညှင်းထုပ် (ပိဿာ)ပေါင်း (၈၂၇၀)ကျော်၊ ဖရဲသီးလုံးပေါင်း (၂၀၄၀၀)ကျော်  စသည်ဖြင့် အသီးသီးကုန်အဝင်ရှိကြောင်းသိရပါသည်။

DOCA(ရန်ကုန်)

    ကရင်ပြည်နယ်အတွင်းသို့ ဆန်စီးဝင်မှုမှာ ယခင်အပတ်ထက် ပိုမို၍  စီးဝင်ခဲ့ကြောင်း သံလွင်တံတားမှ နေ့စဉ်ပေးပို့လာသော စာရင်းဇယားများမှ သိရသည်။

    အခြားတိုင်းဒေသကြီးများမှ ကရင်ပြည်နယ်သို့ ဆန်စီးဝင်မှုများမှာ စက်တင်ဘာလ နောက်ဆုံးအပတ်တွင် ရန်ကုန်မှ အိတ်ရေ ၄၉၈၀ ၊ သထုံမှ အိတ်ရေ ၂၇၇၀၊ ဝေါမှ အိတ်ရေ ၈၂၀၊ ပဲခူးမှ အိတ်ရေ ၆၉၀၊  စုစုပေါင်း ၉၂၆၀ အိတ် တန်အားဖြင့် ဖော်ပြလျှင် ၄၆၃ တန်ဝင်ခဲ့‌ပြီး၊ ယခုအောက်တိုဘာလ ပထမအပတ်တွင် ရန်ကုန်မှ အိတ်ရေ ၇၉၃၀ ၊ သထုံမှ အိတ်ရေ ၂၇၃၀၊ ဝေါမှ အိတ်ရေ ၁၅၀ ၊ ပဲခူးမှ အိတ်ရေ ၁၂၈၅၊  စုစုပေါင်း ၁၂၀၉၅ အိတ် တန်အားဖြင့် ဖော်ပြလျှင် ၆၀၅ တန် ယခင်အပတ်နှင့် နှိုင်းယှဉ်လျှင် ယခုတစ်ပတ်အတွင်း ပိုမို၍ စီးဝင်ခဲ့သည်။

    ကရင်ပြည်နယ်အတွင်း စပါးလက်ကျန်နည်းပါးလာသောကြောင့် ဆန်စက်လုပ်ငန်းများအနေ ဖြင့် ရန်ကုန်၊ သထုံ၊ ပဲခူး၊ ဝေါ စသည့် ဒေသများမှ ဆန်များ ဝယ်ယူ၍ ရောင်းချရသောကြောင့် ဝယ်ဈေးအပေါ် သယ်ယူပို့ဆောင်ခ ထပ်ဆောင်းသောကြောင့် ဈေးနှုန်း အနည်းငယ်တက်လာ ကြောင်း သိရသည်။

    ကရင်ပြည်နယ်၏ အောက်တိုဘာလ ပထမအပတ်တွင် ဖြစ်ပေါ်နေသော ဆန်စပါး တင်း ၁၀၀ လျှင် ကျပ် ၂၃၀၀၀၀၀ ဖြစ်ပြီး ကရင်ပြည်နယ်ဘားအံမြို့တွင် ရောင်းချနေသော ဆန်ဈေးနှုန်းများမှာ ဧည့်မထ(ဆန်) တစ်ပြည်(၂၉၀၀)ကျပ်၊ (၂၄) ပြည်ပါ တစ်အိတ်လျှင် (၆၈၀၀၀)ကျပ်၊ ပေါ်ဆန်း (ဆန်)တစ်ပြည်(၅၀၀၀)ကျပ်၊ (၂၄)ပြည်ပါ တစ်အိတ်လျှင် (၁၁၄၀၀၀) ကျပ်၊ ဆန်ကွဲ တစ်ပြည် (၂၁၀၀) ကျပ်၊ (၂၄)ပြည်ပါ တစ်အိတ်လျှင် (၅၀၀၀၀) ကျပ်ဖြစ်ပြီး ဈေးနှုန်းအနည်းငယ်မြင့်တက်လျက် အရောင်းအဝယ်ဖြစ်နေကြောင်း သိရှိရသည်။ 

DOCA(ကရင်)