ပြည်တွင်းကုန်သွယ်မှုသတင်း

               ဧရာဝတီတိုင်း‌ဒေသကြီး၊ ဟင်္သာတခရိုင်၊ ဇလွန်မြို့နယ်၊ အဒါးလမ်း၊ ညောင်ပင်ဈေးရပ်ကွက်တွင် ဒေသထုတ်ကုန်ဖြစ်သော “မဗေဒါ” ပဲကြီးလှော်လုပ်ငန်းအား မိသားစုတစ်နိုင်တစ်ပိုင်လုပ်ငန်းအဖြစ် ထုတ်လုပ်ရောင်းချလျက်ရှိရာ မိမိတို့ဒေသဈေးကွက်အပြင် ခရိုင်အတွင်း၊ တိုင်းအတွင်း မြို့နယ်များသို့ ဖြန့်ဖြူးရောင်းချလျက်ရှိပြီး၊ ဒေသလက်ဆောင်အဖြစ်လည်းရောင်းချရကြောင်း ဇလွန်မြို့နယ်ဦးစီးမှူးရုံးမှ စစ်ဆေးရေးအရာရှိ ဒေါ်စိမ်းမြသီတာမှ (၁၇.၁၁.၂၀၂၄)ရက်နေ့ နံနက် (၀၉:၀၀)နာရီအချိန်တွင် ကွင်းဆင်းလေ့လာခဲ့ပါသည်။

               ပဲကြီးလှော်ပြုလုပ်ရာတွင် အဓိကကုန်ကြမ်းအဖြစ် ပဲကြီးကိုအသုံးပြုပြီး ဟင်္သာတခရိုင်အတွင်းမှ ဝယ်ယူရရှိပါသည်။ ပဲကြီးလှော်ကို တစ်နေ့လျှင် တစ်တင်းခွဲတစ်အိတ်ကြော်ရပြီး ၂၅၀၀/-ကျပ်တန် အထုပ်ကြီး ၁၀၀ ခန့် ရရှိပါသည်။ ပဲကြီးတစ်တင်းခွဲတစ်အိတ်လျှင် (၁၅၀၀၀၀/-) ကျပ်၊ ပဲကြီးတစ်ဒယ် လျှင်  ဆား၊ ထင်းနှင့် လုပ်သားခ၊ ပလတ်စတစ်ထုတ်ပိုးမှုအပါအဝင် ကျပ် (၂၀၀၀၀၀/-) ဝန်းကျင်ခန့်ကုန်ကျကြောင်း၊ အထုပ်ကြီး ၁ထုပ် လျှင် ၂၅၀၀ ကျပ်နှင့် အသေးတစ်ထုပ်လျှင် ၁၀၀၀ ကျပ် ရောင်းချရပါသည်။ ပဲလှော်တစ်ဖိုလျှင် ၂၅၀၀၀၀/- ဝန်းကျင်ရရှိပြီး၊ အကျိုးအမြတ်အနေဖြင့် (၅၀၀၀၀/-ကျပ်) ရရှိပါသည်။   ပဲလှော်ပြုလုပ်ရာတွင် ပဲကြီးကို ပထမအကြိမ်ရေဆေးကာ တစ်ရက်စိမ်ရပြီး၊ နောက်တစ်ရက်တွင် ဆားနှင့်လှော်ကာ အအေးခံ၍ထုတ်လုပ်ပါသည်။ မိုးတွင်းကာလများတွင် ရောင်းအားအနည်းငယ်သာရောင်းချရပြီး၊ နွေဦးကာလများတွင် ဘုရားဖူးလာသူများမှ အိမ်ပြန်လက်ဆောင်၊ ဒေသလက်ဆောင်အဖြစ်ဝယ်ယူခြင်းကြောင့် ရောင်းအားပိုမိုကောင်းမွန်ကြောင်းသိရှိရပါသည်။  မိသားစုလုပ်ငန်းဖြစ်သည့်အတွက် သင့်တင့်မျှတသော အကျိုးအမြတ်ရရှိပါသည်။ စားသုံးသူများကြိုက်နှစ်သက်သော ဒေသအစားအစာတစ်မျိုးဖြစ်ပြီး မြို့နယ်အတွင်း၊ ခရိုင်အတွင်းနှင့် အခြားတိုင်းဒေသကြီးများသို့ ဒေသလက်ဆောင်အဖြစ်  ဝယ်ယူစားသုံးမှုမြင့်တက်လျက်ရှိကြောင်းသိရှိရပါသည်။

DOCA(ဧရာဝတီ)

               ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တွင် စိုက်ပျိုးရေးကိုအဓိကထားစိုက်ပျိုးသလို မွေးမြုရေးလုပ်ငန်းများလည်း လုပ်ကိုင်လျက်ရှိကြောင်းသိရသည်။ မအူပင်မြို့နယ်တွင် ဥစားကြက်ခြံ (၁၇၁)ခြံရှိပြီး အကောင်ရေ (၈၆၅၀၀၀) ဥစားကြက်ခြံပိုင်ရှင် ၂၂ဦးနှင့် အသားစားကြက်ခြံ (၁၂၅)ခြံရှိပြီး မွေးမြူအကောင်ရေ (၅၅၀၀၀၀)ကောင် မွေးမြူသူလုပ်ငန်းရှင် (၃၇)ဦးရှိကြပြီး ၎င်းခြံများမှ  ကြက်ဥ၊ ဘဲဥ မြို့နယ်တွင်းနှင့် နီးစပ်ရာမြို့များနှင့် ရန်ကုန်ဈေးကွက်သို့ တင်ပို့နေကြောင်းသိရသည်။

                မအူပင်မြို့နယ်အတွင်း ကြက်ခြံမွေးမြူရေးလုပ်ငန်းကို လုပ်ကိုင်ဆောင်ရွက်သည်မှာ  ၂၀၁၅ခုနှစ်က စတင်လုပ်ကိုင်ဆောင်ရွက်လာကြောင်းသိရသည်။ ယနေ့ မအူပင်မြို့နယ်၌ နိုဝင်ဘာလက ကြက်ဥအလုံး ၃၀ တစ်ကဒ် လျှင် ငွေကျပ် ၁၃၀၀၀ကျပ် လက်ကားဈေးရောင်းချပြီး၊ အလုံး ၃၀ပါ ကဒ် ၁၀၀ဈေးကို ငွေကျပ် ၁၃၀၀၀၀၀ကျပ် အထိ ဈေးကောင်းရရှိနေခြင်းဖြစ်သည်။  ဘဲဥဈေးအနေဖြင့် အလုံး၃၀ပါ တစ်ကဒ် ၁၅၀၀၀ကျပ်၊ အလုံး၃၀ပါ ကဒ်၁၀၀ဈေးနှုန်း ၁၅၀၀၀၀၀ ကျပ်ဈေးပေါက်နေကြောင်း၊ ငုံဥတစ်လုံးလျှင် ၁၀၀ကျပ်၊ အလုံး၁၀၀ကို ၁၀၀၀၀/-ကျပ်ဈေးဖြင့် ရောင်းချကြောင်း အောက်တိုဘာလက  ကြက်ဥ၊ ဘဲဥ ရန်ကုန်သို့ မှာယူသူများထံ လစဉ်တင်ပို့လျက်ရှိကြောင်း ကြက်ဥ၊ဘဲဥဈေး ကောင်းလာသည့်အတွက် မွေးမြူရေးလုပ်ငန်းရှင်များ၊ ကြက်ခြံလုပ်သာများ၊ ကုန်သည်များအဆင်ပြေလာဟု သိရှိရပါသည်။

DOCA(ဧရာဝတီ)

               ဧရာဝတိုင်းဒေသကြီး၊ မအူပင်မြို့နယ်၊ မလတ်တိုကျေးရွာအုပ်စု၊ ကွန်နိုင်းလေးကျေးရွာများတွင် ငှက်ပျောပင်ကိုစိုက်ပျိုးလျက်ရှိပြီး ၂၀၂၄-၂၀၂၅ နှစ်တွင် စိုက်ဧက ၃၇၅၀ စိုက်ပျိုးထားရှိကြောင်း သိရသည်။

              မျိုးအနေဖြင့် ဖီးကြမ်း ၁ပင်ကို ၂၀၀ ကျပ်နှုန်းဖြင့်ဝယ်ယူ၍ တစ်ဧကလျှင် အပင်ရေ ၇၀၀ ခန့် စိုက်ပျိုးရကြောင်း၊ စိုက်ပျိုးမှုအနေဖြင့် ငှက်ပျောပင်ပေါက်ကိုတန်း၍ ၆ပေခြားကာ မြေချ၍စိုက်ပျိုးကြောင်း၊ ငှက်ပျောကိုရာသီးမရွေးစိုက်ပျိုးနိုင်ပြီး ငှက်ပျောပင်စတင်စိုက်ပျိုးချိန်မှ ၈ လကြာသည့်အခါ ငှက်ပျောခိုင်စတင်ထွက်ရှိပြီး ၁၁လအကြာတွင် ငှက်ပျောခိုင်ခုတ်၍ ရရှိပြီဖြစ်ကြောင်း သိရသည်။ စိုက်ပျိုးထုတ်လုပ်မှုကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင်  တစ်ဧကလျှင် ငွေကျပ် ၁၅၀၀၀၀၀ ခန့် ကုန်ကျပြီး အထွက်နှုန်းအနေဖြင့် တစ်ဧကလျှင် ငှက်ပျောခိုင် ၄၈၀ ခန့် ထွက်ရှိကြောင်း သိရသည်။

           ဈေးနှုန်းအနေဖြင့် ယခုနိုဝင်ဘာလ (၁၅)ရက်တွင် ဖီးကြမ်းငှက်ပျောလက်ကားဈေးတစ်ခိုင်လျှင် ငွေကျပ် ၁၅၀၀၀ ဖြင့် လက်ကားရောင်းချရပြီး တစ်ဧကအကျိုးအမြတ်အနေဖြင့် ငွေကျပ် ၅၇၀၀၀၀၀ ခန့် ရရှိကြောင်း၊ ဈေးကွက်အနေဖြင့် ကျိုတ်လတ်၊ ဖျာပုံ၊ မော်ကျွန်းနှင့် ရန်ကုန်မြို့သို့တင်ပို့ရောင်းချကြပြီး ယခုဖီကြမ်းပင်စိုက်ပျိုးပြီးလျှင် ၆နှစ်၊ ၇နှစ်ထိ သက်တမ်းခံကြောင်း၊ ၁၅ရက်ခြားတစ်ခါ ငှက်ပျောခိုင် ၄၀ ခန့်ထွက်ရှိကြောင်း ဖီကြမ်းငှက်ပျောစိုက်၍ အကျိုးအမြတ်ရရှိသလို အချို့တောင်သူများ ရွှေငှက်ပျောစိုက်ပျိုးကြပြီး ပိုမို၍အကျိုးအမြတ်ရရှိကြကြောင်း ကွန်နိုင်းလေးကျေးရွာ ဖီးကြမ်းငှက်ပျောစိုက်ပျိုးသူ ဦးတင်ငွေပြောပြချက်အရ သိရှိရပါသည်။

DOCA(ဧရာဝတီ)

                ဧရာဝတိုင်းဒေသကြီး၊ မအူပင်မြို့နယ်၊ ရေလဲကလေးကျေးရွာများတွင် ဟင်းသီးဟင်းရွက်နှင့် သီးနှံမျိုးစုံကိုစိုက်ပျိုးနေကြပြီး ကျောက်ဖရုံသီးနှံကိုလည်း စိုက်ပျိုးနေကြောင်းသိရသည်။  ၂၀၂၄-၂၀၂၅ နှစ်တွင် ဟင်းသီးဟင်းရွက်စိုက်ဧက ၁၂၇၉၀ စိုက်ပျိုးထားရှိကြောင်းသိရသည်။

                  ကျောက်ဖရုံမျိုးအနေဖြင့် ကျောက်ဖရုံအစေ့ထုတ်ကို ၁ထုတ် ၈၀၀၀ကျပ်ဖြင့်ဝယ်ယူ၍ တစ်ဧကလျှင် အပင်ရေနှစ်ပင်ပူး ၈၀၀ ခန့် စိုက်ပျိုးရကြောင်း၊ စိုက်ပျိုးမှုအနေဖြင့် ကျောက်ဖရုံစေ့ကို တန်ဆောင်မုန်းလပြည့်ရက်ပိုင်းတွင်စတင်၍ မြေပြင်တွင်အစေ့ချစိုက်ပျိုးကြောင်း၊ စိုက်ပျိုးပြီး ၃လအကြာတွင် အသီးစတင်ထွက်ရှိကြောင်း၊ ၄လအကြာတွင် ကျောက်ဖရုံသီးနှံ အလုံးအရွယ်ကိုကြည့်၍ စတင်ခူး၍ရကြောင်း ၁နေ့လျှင် အလုံးရေ ၂၀ ထွက်ရှိ၍ တစ်ပတ်ကို ၃ရက် ၄ရက်သာခူးရကြောင်း သိရသည်။ စိုက်ပျိုးထုတ်လုပ်မှု ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ၊ ဝါးဖိုး အပါအဝင်  တစ်ဧကလျှင် ငွေကျပ် ၁၀၀၀၀၀၀ ခန့် ကုန်ကျပြီး အထွက်နှုန်းအနေဖြင့် တစ်ဧကလျှင် ကျောက်ဖရုံသီး အလုံးရေ ၁၀၀၀၀ ခန့် ထွက်ရှိကြောင်းသိရသည်။

                 ဈေးနှုန်းအနေဖြင့် ယခုနိုဝင်ဘာလ (၁၄)ရက်တွင် ကျောက်ဖရုံသီးလက်ကားဈေးတစ်လုံးလျှင် ငွေကျပ် ၃၀၀၀ ဖြင့် လက်ကားရောင်းချရပြီး တစ်ဧကအကျိုးအမြတ်အနေဖြင့် ငွေကျပ် ၂၀၀၀၀၀၀ ခန့် ရရှိကြောင်း၊ ဈေးကွက်အနေဖြင့် ကျိုတ်လတ်၊ ဖျာပုံ၊ မော်ကျွန်းနှင့် ရန်ကုန်မြို့သို့ တင်ပို့ရောင်းချသည်။ ကျောက်ဖရုံသီးနှံကို ဝါးဖြင့်စင်ထိုးစိုက်ကြသလို၊ မြေပြင်တွင်ချစိုက်ပျိုးခြင်းကပိုမို၍ အကျိုးအမြတ်ရရှိကြောင်းသိရသည်။  ရာသီပေါ်ဒေသစိုက်ပျိုးသီးနှံဖြစ်၍ ယခုနှစ်အကျိုးအမြတ်ပိုမိုရရှိကြောင်း၊ ယခင်နှစ် ကျောက်ဖရုံသီးဈေးအနေဖြင့် ၁လုံးလျှင် ၁၅၀၀/- ၂၀၀၀/-ကျပ်သာရရှိ၍ ယခုနှစ်အနေဖြင့် ကျောက်ဖရုံသီးတစ်လုံးကို ပြင်ပပေါက်ဈေး ၄၀၀၀ကျပ်ခန့် ရောင်းရကြောင်း အကျိုးအမြတ်ရရှိ၍ နှစ်စဉ်စိုက်ပျိုးလျက်ရှိကြောင်း သိရှိရပါသည်။

DOCA(ဧရာဝတီ)

    မြန်မာပြည်တွင် အထင်ရှားဆုံး ဟင်းခတ်အမွှေးအကြိုင်မှာ နံနံပင်ဖြစ်ပြီး အစေ့ကိုလည်း ဟင်းခတ်မဆာလာတွင် သုံးနိုင်သည်။ မြန်မာဟင်းများတွင်သာမက မုန့်ဟင်းခါး၊ အသုပ်စုံတို့ တွင်လည်း တွဲဖက်အသုံးပြုကြသည်။ ဆောင်းရာသီတွင် အထူးဖြစ်ထွန်းပြီး ကျန်ရာသီများတွင် ရှားပါးကာ စျေးကြီးပေသည်။ နံနံပင်အစေ့ကိုမစိုက်ခင် ရေတွင် (၂၄)နာရီကြာအောင် စိမ်ပြီးလျှင် ဆယ်၍ စစ်ထားရမည်။ ရေမစိမ်မီ ဂုံနီအိတ်ပေါ်တွင် တင်၍ပုလင်းဖြင့် နှစ်ခြမ်းကွဲသွားစေရန်အတွက် အသာအယာ လှိမ့်ပေးရန်လိုအပ်ပါသည်။ စစိုက်ပြီး တစ်ပတ်မှ(၁၀)ရက်အတွင်း အပင်ပေါက်လာပြီး (၄၅)ရက်သားမှစ၍ နှုတ်ယူစားသုံးခြင်း ရောင်းချခြင်းများ ပြုလုပ်နိုင်သည်။

          နံနံပင်တွင် အမျှင်ဓာတ်ကြွယ်ဝစွာ ပါဝင်သည့်အပြင် သံဓာတ်၊ မဂ္ဂနီဆီယမ်၊ မဂ္ဂနိနှင့် ဗီတာမင်အေဘီစီ တို့ပါဝင်ပါသည်။ နံနံပင်သည် နို့ထွက်စေနိုင်သော်လည်း ကိုယ်ဝန်ဆောင်နှင့် နို့တိုက်မိခင်များ စားသုံးရန် သင့်တော်သည်ဟု အထောက်အထားမရှိသည့်အတွက် ထိုသူများအနေဖြင့် ဆရာဝန်နှင့်တိုင်ပင်ပြီးမှသာ စားသင့်ပါသည်။ ယခုအခါ ထားဝယ်စျေးကွက်၌ နိုဝင်ဘာလ ဒုတိယပတ်အတွင်း နံနံပင်စျေးကောင်းလျက်ရှိပြီး တစ်ပိဿာလျှင် (၆၀၀၀)ကျပ် ခန့်ရှိကြောင်း သိရပါသည်။

DOCA(တနင်္သာရီ)