ပြည်တွင်းကုန်သွယ်မှုသတင်း

    မန္တလေးတိုင်းဒေသကြီး၊ မိတ္ထီလာခရိုင်အတွင်း အဓိကစိုက်ပျိုးသီးနှံအဖြစ် မိုးစပါး၊ နွေစပါး (၂) မျိုးလုံးကို မိတ္ထီလာ၊ သာစည်၊ မလှိုင်၊ ဝမ်းတွင်း (၄) မြို့နယ်၌ စိုက်ပျိုးကြပါသည်။ မိုးစပါးစိုက်ပျိုးရာသီချိန်သည် သြဂုတ်လမှ အောက်တိုဘာလအထိဖြစ်ပြီး ဒီဇင်ဘာလမှ ဇွန်လအထိရိတ်သိမ်းကြပါသည်။ နွေစပါးကို မတ်လနှင့်ဧပြီလများတွင် စိုက်ပျိုးကြပြီး ဇွန်လ၊ ဇူလိုင်လများ၌ ရိတ်သိမ်းကြရာ (၂၀၂၃-၂၀၂၄) ဘဏ္ဍာနှစ်တွင် နွေးစပါးစိုက်ဧက (၃၂၉၇) ဧက၊ ရိတ်ဧက (၂၅၇၂) ဧက၊ အထွက်နှုန်း (၇၅.၆၅) တင်းရှိပြီး အထွက်စုစုပေါင်း (၁၉၄၅၆၃) တင်းထွက်ရှိပါသည့် မိုးစပါးစိုက်ဧကအနေဖြင့် (၃၃၁၉) ဧကစိုက်ပျိုးထားရှိပါသည်။

     လက်ရှိစပါးစျေးကွက်အနေဖြင့် ဇူလိုင်လကုန်ပိုင်းမှစ၍ စျေးနှုန်းမြှင့်တက်လာသဖြင့် စပါးရောင်းချမှုများနေကြောင်းသိရပါသည်။ ယခင်ဇူလိုင်လ၊ စတုတ္ထအပတ်တွင် မနောသုခစပါးတင်း (၁၀၀) လျှင် (၂၆၀၀၀၀၀) ကျပ်၊ ဧရာပဒေသာစပါးတင်း (၁၀၀)လျှင် (၃၀၀၀၀၀၀) ကျပ်၊ မနောသုခ(ဟောင်း) ဆန်တစ်အိတ်လျှင် (၉၀၀၀၀) ကျပ်၊ ဧရာပဒေသာဆန်တစ်အိတ်လျှင် (၁၀၀၀၀၀) ကျပ်ရှိခဲ့ပြီး ယခုသြဂုတ်လ၊ စတုတ္ထအပတ်တွင် မနောသုခစပါးတင်း(၁၀၀)လျှင် (၂၈၀၀၀၀၀) ကျပ်၊ ဧရာပဒေသာစပါးတင်း (၁၀၀)လျှင် (၃၈၀၀၀၀၀) ကျပ်၊ မနောသုခဆန်တစ်အိတ်လျှင် (၉၈၀၀၀) ကျပ်၊ ဧရာပဒေသာဆန်တစ်အိတ်လျှင် (၁၃၀၀၀၀) ကျပ်ဖြင့် အရောင်းအဝယ်ဖြစ်လျက်ရှိရာ ယခင်လနှင့် ယခုလကာလတူဈေးနှုန်းတို့ကိုနှိုင်းယှဉ်လျှင် စပါးစျေးနှင့်ဆန်းစျေးများသိသိသာသာမြင့်တက်လာခဲ့ပါသည်။ စပါးစျေးမြင့်တက်လာသော်လည်း စပါးစိုက်တောင်သူများအနေဖြင့် လယ်ယာလုပ်သားငှားရမ်းခ၊ သွင်းအားစုစျေးများကြီးမြင့်နေသဖြင့် အမြတ်အစွန်းနည်းပါးကြောင်းသိရှိရပါသည်။

DOCA(မန္တလေး)       

(၃၀-၈-၂၀၂၃) ရက်နေ့အတွက် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုထားရှိမှုကို အောက်ပါ.pdf file တွင် လေ့လာကြည့်ရှုနိုင်ပါသည် -

    ကန်သာယာအခွန်လွတ်ဈေးတွင် ဘားအံမြို့နယ်အတွင်းရှိ ဒေသခံပြည်သူများကိုယ်တိုင် မွေးမြူ၊ စိုက်ပျိုး၊ ထုတ်လုပ်သည့် အသားငါး၊ ကြက်ဥ၊ ဘဲဥ၊ စားသုံးဆီ စသည့် အခြေခံစားသောက်ကုန်များကို ဒေသခံပြည်သူများထံသို့ ကိုယ်တိုင်ရောင်းစနစ်ဖြင့် အပတ်စဉ် စနေနေ့တိုင်း ဈေးနှုန်းချိုသာစွာရောင်းချပေးလျက်ရှိကြောင်းသိရသည်။

   အခြေခံစားသောက်ကုန်ပစ္စည်းများရောင်းချရာတွင် မွေးမြူရေးနှင့်ကုသရေးဦးစီးဌာန၊ ငါးလုပ်ငန်းဦးစီးဌာန၊ မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာန၊ ဆီလုပ်ငန်းရှင်များအသင်းတို့ပူးပေါင်း၍ ယခုအပတ်တွင် စားသောက်ကုန်ပစ္စည်း(၁၉)မျိုးဖြစ်သည့် ဝက်သား ၁ပိဿာလျှင် (၁၂၀၀၀) ကျပ်၊ အမဲသား ၁ပိဿာလျှင် (၁၄၀၀၀) ကျပ်၊ ဆိတ်သား ၁ပိဿာလျှင် (၁၇၀၀၀) ကျပ်၊ ကြက်သား(အိမ်ကြက်) ၁ပိဿာလျှင် ၁၆၀၀၀ကျပ်၊ ကြက်သား(CP) ၁ပိဿာလျှင် (၁၂၀၀၀) ကျပ်၊ ကြက်သား(ဥတုံး) ၁ပိဿာလျှင် (၁၀၀၀၀) ကျပ်၊ မွေးမြူရေးငါးကြင်း ၁ပိဿာလျှင် (၇၀၀၀) ကျပ်၊ တီလားဗီးယား ၁ပိဿာလျှင် (၆၀၀၀)ကျပ်၊ ငါးမဲလုံး ၁ပိဿာလျှင် (၆၀၀၀) ကျပ်၊ ယိုးဒယားငါးခုံးမ ၁ပိဿာလျှင် (၅၀၀၀)ကျပ်၊ ငါးခူ ၁ပိဿာလျှင် (၆၃၀၀) ကျပ်၊ ငါးမုတ် ၁ပိဿာလျှင် (၅၀၀၀) ကျပ်၊ ငါတန် ၁ပိဿာလျှင် (၄၆၀၀) ကျပ်၊ ပလာတူး ၁ပိဿာလျှင် (၆၀၀၀)ကျပ်၊ ဘဲဥ ၁လုံးလျှင် (၃၃၀)ကျပ်၊ ကြက်ဥ ၁လုံးလျှင် (၂၅၀) ကျပ်၊ ကန်စွန်းရွက် ၁စည်းလျှင် (၅၀၀)ကျပ်၊ ချဉ်ပေါင်ရွက် ၁စည်းလျှင် (၂၀၀) ကျပ်၊ ဂေါ်ဖီထုပ် ၁ထုပ်လျှင် (၈၀၀) ကျပ်၊ ပန်းဂေါ်ဖီ ၁ပွင့်လျှင် (၁၀၀၀) ကျပ်၊ သခွားသီး ၁ပိဿာလျှင် (၂၀၀၀) ကျပ်၊ ခရမ်းချဉ်သီး ၁ပိဿာလျှင် (၂၅၀၀) ကျပ်၊ ကြက်သွန်နီ ၁ပိဿာလျှင် (၃၀၀၀) ကျပ်၊ စားသုံးဆီ ၁ပိဿာလျှင် (၄၄၅၀) ကျပ် စသည်ဖြင့် ဈေးနှုန်းသက်သာစွာရောင်းချပေးလျက်ရှိကြောင်းသိရပါသည်။

     အခွန်လွတ်ဈေးများတွင် ရောင်းချနေသောဈေးနှုန်းများမှာ ဈေးနှုန်းချိုသာပြီး စားသုံးသူပြည်သူများအနေဖြင့်လည်း ဈေးနှုန်းသက်သာစွာတိုက်ရိုက်ဝယ်ယူနိုင်သောကြောင့် ရောင်းသူ/ဝယ်သူများဖြင့် စည်ကားလျက်ရှိကြောင်း သတင်းရရှိပါသည်။

DOCA(ကရင်)

  မုံရွာမြို့၊ ချင်းတွင်းရတနာစျေး၌  ရောင်းချနေသော ပုစွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်းသိရပါသည်။ ပုစွန်၊ ငါးခြောက်စျေးနှုန်းများမှာ ဝင်ရောက်သည့်ဒေသအ‌ပေါ်မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

    ၂၀၂၃ခုနှစ်၊ဩဂုတ်လ (စတုတ္ထပတ်) တွင် ရောင်းချနေသောဈေးနှုန်းများမှာ ပုစွန်ခြောက် (၁)ပိဿာလျှင် ကျပ်(၆၅၀၀၀)မှ ကျပ်(၈၅၀၀၀)၊ ငါးရံ့ခြောက် (၁)ပိဿာလျှင် ကျပ်(၅၅၀၀၀မှ ၈၀၀၀၀အထိ)၊ ငါးပုတ်လုံးခြောက်(၁)ပိဿာလျှင် ကျပ်(၁၆၀၀၀မှ ၁၈၅၀၀အထိ)၊  ငါးပုတ်သင်(၁)ပိဿာလျှင် ကျပ်(၁၅၀၀၀မှ ၁၈၀၀၀အထိ)၊ အာဗြဲခြောက်(၁)ပိဿာလျှင် ကျပ်(၁၅၀၀၀မှ ၂၂၀၀၀အထိ)၊ ငါးကျည်းခြောက်(၁)ပိဿာလျှင် ကျပ်(၃၅၀၀၀မှ ၄၅၀၀၀အထိ)၊ ငါးနီတူးခြောက် (၁) ပိဿာလျှင် ကျပ်(၁၂၀၀၀ မှ ၁၄၀၀၀အထိ)၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၅၀၀၀မှ ၁၇၅၀၀အထိ)ရှိကြောင်း ချင်းတွင်းရတနာဈေးတွင်ရောင်းချနေသော ငါးခြောက်ကုန်သည်များထံမှသိရပါသည်။

DOCA(စစ်ကိုင်း)

 စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှုတင်း/တန်စာရင်းတို့ကို အပတ်စဉ်၊ လစဉ်တင်ပြလျက်ရာ ဩဂုတ်လ (စတုတ္ထပတ်) အတွင်း အရောင်းအဝယ်ဖြစ်သည့် သီးနှံနှင့် ဈေးနှုန်းအခြေအနေများကို ရွှေဘိုမြို့၊ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့် ဆက်သွယ်မေးမြန်းခဲ့ပါသည်။ ပဲတီစိမ်းမှာ ဧပြီလ (တတိယပတ်) မှစတင်၍ ရွှေဘိုဈေးကွက်သို့ စတင်ဝင်ရောက်ခဲ့ပြီး ဩဂုတ်လ၊ စတုတ္ထအပတ်ထိ ဝင်ရောက်လျက်ရှိကြောင်း၊ ယခုအပတ်တွင် အရောင်းအဝယ်ဖြစ်သည့်ဈေးနှုန်းမှာ ပဲတီစိမ်းတစ်တင်းလျှင် ကျပ်(၅၃၃၀ဝိ/-)ပေါက်ဈေးရှိပြီး တစ်ပတ်အတွင်း အရောင်းအဝယ်ဖြစ်မှုမှာ (၄၅၀၀) တင်း/ (၁၄၇) တန်ဖြစ်ကြောင်း၊ ဩဂုတ်လ (တတိယပတ်) ၌ အရောင်းအဝယ်ဖြစ်သည့် ဈေးနှုန်းနှင့်နှိုင်းယှဉ်ပါက တတိယအပတ်၌ ပဲတီစိမ်းတစ်တင်းလျှင် ကျပ် (၅၄၃၀ဝိ/-) ပေါက်ဈေးရှိခဲ့သဖြင့် ယခုစတုတ္ထအပတ်တွင် ယခင်အပတ်အောက် ပဲတီစိမ်းတစ်တင်းလျှင် ကျပ် (၁၀၀ဝိ) ဈေးနှုန်းကျဆင်းခဲ့ကြောင်း၊ ယခင်အပတ်အောက် ဈေးအနည်းငယ်ကျဆင်းသော်လည်း ဝင်ရောက်သမျှ အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)