သတင်းနှင့် လှုပ်ရှားမှုများ
ပဲခူးတိုင်းဒေသကြီး၊ တောင်ငူမြို့နယ် အားကစားနှင့်ကာယပညာဦးစီးဌာနက ကြီးမှူးကျင်းပသည့် လူငယ်ရေး အသိပညာပေးဟောပြောပွဲကို စက်တင်ဘာ ၇ ရက်နေ့ နံနက်ပိုင်းက တောင်ငူမြို့ အမှတ်(၂)အခြေခံ ပညာအထက်တန်းကျောင်း ဖိုးကွန်းခန်းမ၌ ကျင်းပြုလုပ်ရာ စားသုံးသူရေးရာဦးစီးဌာန၊ တောင်ငူ ခရိုင်ဦးစီးမှူးရုံးမှ ဦးစီးမှူး ဦးစောသန်းထိုက်ကျော်တက်ရောက်၍ စားသုံးသူကာကွယ်ရေးဆိုင်ရာ များကို အသိပညာပေး ဟောပြောခဲ့ပါသည်။
ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူခရိုင်၊ ရေတာရှည်မြို့နယ်တာဝန်ခံ ဦးဇော်ဇော်ထွေးနှင့် ခရိုင်ဦးစီးမှူးရုံးမှ ဒုတိယဦးစီးမှူး ဒေါ်သဲစုလွင်တို့သည် စက်တင်ဘာလ ၅ ရက်နေ့ နံနက်ပိုင်းက ရေတာရှည်မြို့နယ်၊ တောင်နန်ချွန်ကျေးရွာရှိ အခြေခံပညာမူလတန်းလွန်ကျောင်းတွင် စားသုံးသူကာကွယ်ရေးဆိုင်ရာများကို အသိပညာပေး ဟောပြောခဲ့ပါသည်။
ပဲခူးတိုင်းဒေသကြီးအစိုးရအဖွဲ့၏ လမ်းညွှန်ချက်အရ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးသည် အခြေခံလူတန်းစားများ ဆန်နှင့်စားသုံးဆီများ ဈေးနှုန်းသက်သာစွာ ဝယ်ယူ စားသုံးနိုင်ရန်အတွက် တောင်ငူခရိုင်အတွင်းရှိ ဆန်ကုန်သည်များ၊ ဆန်စက်လုပ်ငန်းရှင်များနှင့် ညှိနှိုင်း၍ ဆန်များကိုလည်းကောင်း၊ ဆီကုန်သည်များနှင့် ညှိနှိုင်း၍ စားသုံးဆီများကို လည်းကောင်း သက်သာသောနှုန်းထားဖြင့် ဆောင်ရွက်လျှက်ရှိပါသည်။
ပဲခူးတိုင်းဒေသကြီး သာယာဝတီခရိုင်တွင် ပဲခူးတိုင်းဒေသကြီး အစိုးရအဖွဲ့၏ ကြီးကြပ်မှုဖြင့် စားသုံးသူရေးရာဦးစီးဌာနနှင့် ပဲခူးတိုင်းဒေသကြီး အနောက် ဆန်စက်လုပ်ငန်းရှင်များ အသင်းတို့ ပူးပေါင်း၍ စားသုံးသူပြည်သူများအား ဩဂုတ်လအတွင်းတွင် ဆန်များကို သက်သာသော ဈေးနှုန်း ဖြင့် ဆန်တစ်ပြည်လျှင် ၁၆၀၀ ကျပ်ဖြင့် ဆန်အိတ်များ ရောင်းချပေးခဲ့ပြီး ဖြစ်ကြောင်းသိရှိရပါသည်။
ပဲခူးတိုင်းဒေသကြီး အနောက်နတ်တလင်းခရိုင် ဇီးကုန်းမြို့နယ်တွင် မိုးစပါး ကောက်စောစပါးများ စတင်ရိတ်သိမ်းနေမှုအား ၂၆.၈.၂၀၂၂ ရက်နေ့၌ မော်ရအုပ်စု ထန်းတပင်ကျေးရွာမှ တောင်သူဦးဟန်ကြီး စိုက်ဧက ၇ ဧက စိုက်ပျိုးထားသည့်အနက်မှ ကောက်စောစပါး GW-11 စပါးတစ်ဧက စတင်ရိတ်သိမ်းနေမှုအား စားသုံးသူရေးရာဦးစီးဌာန မြို့နယ်တာဝန်ခံမှ သွားရောက် တွေ့ဆုံမေးမြန်းခဲ့ပါသည်။
