သတင်းနှင့် လှုပ်ရှားမှုများ
ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ ဟင်္သာတခရိုင်၊ လေးမျက်နှာမြို့နယ်တာဝန်ခံဦးအောင်သန်းဌေးသည် အမှတ်(၃)ရပ်ကွက်၊ ဦးတင်လင်း၏ နေအိမ်တွင် (၆.၇.၂၀၂၂)ရက်နေ့ နံနက်(၀၈:၃၀) နာရီအချိန်၌ တိရိစ္ဆာန်အစာအရောင်းဆိုင်လုပ်ငန်းရှင် (၁၀) ဦးအား စားသုံးသူကာကွယ်ရေးအသိ ပညာပေးဟောပြောခြင်းကို ဆောင်ရွက်ခဲ့သည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဟင်္သာတခရိုင်၊ ဇလွန်မြို့နယ်တာဝန်ခံဦးသန့်ဇင်ဦးသည် ၂၀၂၂ ခုနှစ် ဇူလိုင်လ ၄ ရက်နေ့ နေ့လယ် (၁၄:၀၀) အချိန်တွင်ကျုံရှကျေးရွာ၊ အ-ထ-ကကျောင်း၌ ကျောင်းသား၊ ကျောင်းသူများနှင့် ဆရာ၊ ဆရာမ (၂၈၅)ဦးအား စားသုံးသူကာကွယ်ရေး အသိပညာပေး ဟောပြော ဆောင်ရွက်ခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ် အင်းမကျေးရွာ ဓမ္မာရုံတွင် ပြည်သူ (၃၂)ဦးအား (၅.၇.၂၀၂၂) ရက်နေ့နံနက် (၀၉:၃၀)အချိန်တွင် စားသုံးသူကာကွယ်ရေးအသိပညာပေး ဟောပြောပွဲ ကျင်းပပြုလုပ်ခဲ့ကြပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ညောင်တုန်းမြို့နယ်၊ အ.ထ.က-၂ စာသင်ကျောင်းတွင် (၅.၇.၂၀၂၂) ရက်နေ့ (၁၂:၀၀) နာရီအချိန်တွင် မိတ်ဖက်ဌာနများနှင့် ပူးပေါင်း၍ ကျောင်းမုန့်ဈေးတန်းရှိ မုန့်ဆိုင်(၃)ဆိုင်အား ကွင်းဆင်း စစ်ဆေးပြီး စားသုံးသူကာကွယ်ရေးအသိပညာပေးခဲ့ကြပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ညောင်တုန်းမြို့နယ်၊ ဦးစီးမှူး ဦးအောင်လွင်နှင့် ဝန်ထမ်းများသည် (၅.၇.၂၀၂၂) ရက်နေ့ (၁၀:၁၅) မှ (၁၁:၅၀)နာရီအချိန်ထိ မိတ်ဖက်ဌာနများနှင့် ပူးပေါင်း၍ ညောင်တုန်း အ.ထ.က-၂ စာသင်ကျောင်း တွင် ကျောင်းသား/ ကျောင်းသူ ဆရာ/ ဆရာမ (၂၀၈) ဦးအား စားသုံးသူကာကွယ်ရေး အသိပညာပေးဟောပြောပွဲ ပြုလုပ်ခဲ့ကြပါသည်။
